اسلام آباد (ویب ڈیسک) اقوام متحدہ کے ادارے یو این ایچ سی ا?ر نے اپنی رپورٹ میں کہا ہے کہ پاکستان دنیا بھرمیں پناہ گزینوں کی میزبانی کے حوالے سے سب سے بڑا ملک ہے اور زیادہ تر پناہ گزینوں کا تعلق افغانستان سے ہے۔رپورٹ کے مطابق پاکستان اس وقت 14 لاکھ 50 ہزار سے زائد افغان پناہ گزینوں کی میزبانی کر رہا ہے۔ رپورٹ میں کہا گیا ہے کہ پاکستان نے بلا مشروط لاکھوں پناہ گزینوں کی اس وقت امداد کی تھی، اور اب بھی کر رہا ہے جب افغانستان میں جنگ عروج پر تھی۔پاکستان نے پناہ گزینوں اور متاثرہ افراد کو بہترین ممکنہ سہولیات فراہم کیں۔ دیگر ممالک کے برعکس پاکستان سے افغان پناہ گزینوں کی رضاکارانہ وطن واپسی کی شرح بھی سب سے زیادہ ہے۔ رپورٹ میں کہا گیا ہے کہ یو این ایچ سی ا?ر نے 41 لاکھ افغان پناہ گزینوں کی وطن واپسی میں سہولت کاری فراہم کی۔

کراچی (ویب ڈیسک) پولیس نے سرکاری وکلا کی سندھ اسمبلی کے باہر احتجاج کی آج پھر کوشش ناکام بنا دی اور پکڑ دھکڑ کر کے سب کو بھگا دیا۔سندھ اسمبلی اجلاس سے قبل آج پھر سرکاری وکلا احتجاج کیلئے پہنچے، جوڈیشل الاونس اور دیگر مطالبات لے کر آنے والوں نے نعرے بازی کی تو پولیس کی نفری پہنچ گئی اور احتجاج کرنے والے 21 وکلا کو گرفتار کر لیا۔ پولیس نے وکلا کیخلاف آرٹلری میدان تھانے مقدمہ درج کر لیا، مقدمہ جلاو¿ گھیراو¿، ہنگامہ آرائی اور ریڈ زون میں داخل ہونے پر درج کیا گیا۔ مقدمہ نمبر 64/2018 زیر دفعہ 147،148،188 کے تحت درج کیا گیا۔ آرٹلری میدان تھانے اور سندھ اسمبلی کے باہر پولیس کی نفری تعینات ہے۔واضح رہے گزشتہ روز 47 وکلا کو گرفتار کیا گیا تھا، جنہیں رات گئے 10، 10 ہزار کی ضمانت پر رہا کر دیا۔

اسلام آباد (آن لائن) چیئرمین نیب جسٹس جاوید اقبال نے کرپشن میں ملوث ڈپٹی ڈائریکٹر کاشف ممتاز گوندل کو ملازمت سے برطرف کر دیا ہے اور اعلیٰ پیمانے پر تادیی کارروائی کرنے کی ہدایت بھی کر دی ہے۔ چیئر مین یب نے عہدہ سنبھالنے کے بعد نیب کے اندر تطہیر کا عمل شروع کیا تھا اور درجنوں افسران کیخلاف کرپشن الزامات کے تحت کارروائی جاری ہے۔ ڈپٹی ڈائریکٹر کاشف ممتاز گوندل پر الزام تھا کہ وہ اربوں سے سکینڈل میں ملوث قومی مجرموں کے ساتھ ساز باز کر کے دولت کمانے میں مصروف ہے۔ الزامات سامنے آنے کے بعد چیئر ین نیب نے مجرم کاشف ممتاز گوندل کو صفائیکا موقع بھی دیا اور ایک کمیٹی تشکیل دی جس نے کاشف ممتاز کیخلاف تحقیقات شروع کیں۔ کاشف ممتاز گوندل نیب میں کرپٹ ترین افسر کے طور پر مشہور تھا اور قومی دولت لونٹے والے کے ساتھ قریبی تعلقات قائم کر رکھے تھے اور نیب کے ادارہ کو نقصان بھی پہنچا رہا تھا۔ کاشف ممتاز گوندل پر الزام تھا کہ وہ ہاسنگ سوسائٹی مالکان سے بھی مک مکا کر کے کروڑوں روپے کما چکا ہے جبکہ اپنے غیر قانونی اثاثے بھی بنا چکا ہے ۔ چیئر مین نیب نے دستاویزاتی شواہد کے نتیجہ میں کاشف ممتاز گوندل کو عہدہ سے برطرف کر نے کے احکامات جاری کئے ہیں اور نیب کے اندر موجودہ کرپٹ مافیا کو واضح پیغام بھی دے دیا ہے۔ نیب ذرائع نے بتایا ہے کہ آئندہ دنوں میں نیب کے مزید اعلیٰ افسران کو بھی فارغ کر دیا جائے گا۔ ان افسران پر بھی الزام ہے کہ انہوں نے سرکاری عہدوں کا ناجائز فائدہ اٹھا کر ہاسنگ سوسائٹی سے پلاٹ حاصل کئے ہیں ۔ آئندہ چند ہفتوں میں ایک درجن سے زائد نیب کے کرپٹ افسران کو نکالا جائے گا جن کے خلاف انکوائریاں پہلے بھی مکمل ہو چکی ہیں۔

اسلام آباد: (ویب ڈیسک) سابق وزیراعظم نوازشریف کا کہنا ہے قانونی حدود میں رہتے ہوئے احتجاج سب کا حق ہے ، جو بھی انسانی حقوق اور ظلم کے خلاف بات کر رہا ہے ہم اس کے ساتھ متفق ہیں۔نواز شریف نے کمرہ عدالت میں میڈیا سے غیر رسمی گفتگو کرتے ہوئے کہا ہم نے ملک کے لئے درگزر کیا، چاہتے ہیں سب ملکر چلیں اور ابھی بھی سبق سیکھیں ، کسی سے ڈکٹیشن نہیں لیں گے۔ سابق وزیراعظم نے کہا ایٹمی دھماکوں کا فیصلہ سویلین حکومت کا تھا ، چائنیز پاکستان کی محبت میں آئے ہیں لیکن انہیں یہاں کے حالات پر تحفظات ہیں۔

لاہور (کورٹ رپورٹر) پنجاب حکومت نے ملازمتوں پر پابندی عائد کیے جانے سے متعلق الیکشن کمیشن کے نوٹی فکیشن کے خلاف عدالت سے رجوع کرلیا۔چیف سیکرٹری پنجاب نے ایڈیشنل ایڈووکیٹ جنرل پنجاب شان گل کی وساطت سے مقامی عدالت میں پٹیشن دائر کی جس میں استدعا کی گئی کہ ملازمتوں پر پابندی سے متعلق الیکشن کمیشن کے نوٹی فکیشن کو کالعدم قرار دیا جائے۔درخواست میں مو¿قف اختیار کیا گیا ہے کہ آئین کے تحت عوامی خدمت اور انتظامی امور کی انجام دہی سے حکومت کو نہیں روکا جاسکتا، ملازمتوں پر پابندی سے حکومتی اداروں میں انتظامی امور متاثر ہو رہے ہیں۔درخواست میں کہا گیا ہے کہ بہتر انتظامی امور کی انجام دہی کے لئے عملے کا ہونا لازم ہے۔ چیف سیکرٹری نے درخواست میں استدعا کی کہ عدالت ملازمتوں پر پابندی سے متعلق الیکشن کمیشن کے نوٹی فکیشن کو کالعدم قرار دے۔یاد رہے کہ 11 اپریل کو الیکشن کمیشن نے عام انتخابات کے پیش نظر سرکاری اداروں میں بھرتیوں پر پابندی عائد کرتے ہوئے یکم اپریل کے بعد منظور ہونے والی ترقیاتی اسکیموں پر عملدرا?مد بھی روکنے کے احکامات جاری کیے تھے۔