Yearly Archives: 2018

شوبز

بالی وڈ اداکار قادر خان شدید بیمار وینٹی لیٹر پر منتقل کردیا گیا

ممبئی(شوبزڈیسک) بالی ووڈ کے سینئر اداکار قادر خان ان دنوں شدید بیمار ہیں اور سانس لینے میں دشواری کے باعث انہیں وینٹی لیٹر پر منتقل کردیا گیا ۔ بھارتی میڈیا کے مطابق بالی ووڈ کے ورسٹائل اداکار قادر خان گزشتہ کئی برس سے بیمارہیں تاہم ان دنوں ان کی حالت بہت زیادہ بگڑ گئی ہے اور انہیں تشویشناک حالت میں اسپتال منتقل کیا گیا ۔ قادر خان کو سانس لینے میں دشواری کاسامنا ہے جس کی وجہ سے انہیں وینٹی لیٹر پر منتقل کردیا گیا ہے۔ رپورٹس کے مطابق قادرخان نے بیماری کے باعث بات چیت کرنا بند کردی ہے ۔ب کہ ان میں نمونیا کی علامات بھی ظاہر ہورہی ہیں۔ قادرخان کے بیٹے سرفرازنے امید ظاہر کی ہے کہ ان کے والد جلد صحت یاب ہوجائیں گے۔

شوبز

زندگی کا بہترین دور لالی وڈ فلم انڈسٹری میں گزاراہے :ریما

لاہور (شوبز ڈیسک ) فلمسٹاررےما نے کہا ہے کہ مےں نے اپنی زندگی کا بہترےن دو ر فلم انڈسٹری مےں گزارا ہے ،اپنے وقت کے تمام ہےروز کے ساتھ کام کےا ہے ،رےمبو اوربابر علی کے ساتھ کام کرنے کا لطف آتا تھا ،اداکار شان کے ساتھ بھی کام کرنا اچھا تھا ۔انہوں نے اےک انٹروےو کے دوران کہا کہ مےں نے شان کو کبھی فلموں سے نہےں ہٹاےا وہ اےک وقت مےں خود ہی برےک لےکر امرےکہ چلے گئے تھے ان کے جانے کے بعد مےں نے سعود اوربابر علی کے ساتھ اپنی جوڑی بنا لی تھی اور مجھے انکے ساتھ کام کرنے کا سب سے زےادہ لطف آےا ۔انہوں نے کہا کہ باحےثےت پروڈےوسر و ڈائرےکٹر اپنی فلم بنائی تو اس وقت احساس ہوا کہ اےک شوٹنگ کےنسل ہوجانے سے فلمساز کو اےک دن کا کتنا نقصان برداشت کرنا پڑتا ہے ۔ رےمانے کہاکہ نفسانفسی کے اس دو رمےں ہم نے اپنے مضبوط رشتوں کو غےر جانب طور پر کمزور کردےا ہے ۔ انہوںنے کہاکہ مےں اپنے بےٹے عدنان شہاب کی اےک اچھی ماں کی طرح بھرپور انداز مےں پرورش کررہی ہوں اور مےری خواہش ہے کہ وہ بڑا ہوکر اےک اچھا انسان بنے ۔
جو لوگ اپنے بچوں کو آےا کے حوالے کردےتے ہےں تو پھر وہی بچے اپنے والدےن کو اےک وقت مےں نرسوں کے حوالے کردےتے ہےں ۔

شوبز

نسیم وکی اور وردہ کے کامیڈی طوفان” پیار کی ہڑتال “کی دھوم

لاہور(شوبزڈیسک)ڈائریکٹر ‘ اداکار اور رائٹر نسیم وکی کے محفل تھیٹر میں نئے ڈرامہ ” پیار کی ہڑتال“ نے دھوم مچا دی ۔ میڈیا سے گفتگو کرتے ہوئے نسیم وکی نے بتایا کہ اس ڈرامہ میں انہوں نے کامیڈی کامعیار نئے زاویہ سے رکھا ہے اور کامیڈی کا ایسا طوفان بھرپا کیا ہے کہ شائقین ایک پل کیلئے بھی قہقہہ لگائے بنا نہیں بیٹھ سکتے۔اس ڈرامہ میں فلمسٹار وردہ خان کی پرفارمنس بھی شاندار ہے۔ انہوں نے آئیٹم سانگز پر انتہائی محنت کر کے ڈرامہ کو مزید رنگین اور دلکش بنا دیا ہے۔دیگر کاسٹ میں اکرم اداس ‘ رائمہ خان¿ انمول شہزادی‘ شاہد خان‘ حامد رنگیلا‘ ‘ ہیر جٹ‘ سلمیٰ چودھری‘ببو رانا‘ فیا خان‘شامل ہیں جیکہ پروڈیوسر کاشف وکی ہیں۔

کھیل

ماسٹرزٹینس کے ڈبلز ٹائٹل پر اعصام،عقیل کاقبضہ

لاہور(سپورٹس رپورٹر) اعصام الحق اور عقیل خان نے حسن طارق رحیم ماسٹرزٹینس کپ کے ڈبلزٹائٹل کے فائنل میں ہیرا عاشق اور عبدل حیدر کی جوڑی کو 2-6 اور 0-6سے ہرایا۔جمعہ کولاہور جم خانہ ٹینس کورٹس پر کھیلے جارہے اس ٹورنامنٹ کے ڈبلز ایونٹ کے فائنل میں 19سال کا تجربہ رکھنے والے عقیل خان اور 15 سال سے انٹرنیشنل سرکٹ میں نام کمانے والے اعصام الحق نے نوجوان پیئر ہیرا عاشق اور عبدل حیدر کو فٹنس ، مہارت اور تجربے میں آوٹ کلاس کیا اور باآسانی کامیابی اپنے نام کی۔ یہ میچ چالیس منٹ تک جاری رہا۔اس موقع پر اعصام الحق کا کہنا تھا کہ عقیل خان کے ساتھ ہمیشہ کھیل کر انجواے کرتا ہوں اور بہت خوش ہوں کہ سال کا اختتام ٹائٹل کی جیت سے کیا ہے۔ 2018مجموعی طور پر اچھا سال ثابت نہیں ہوا، رزلٹ زیادہ اچھے نہیں آئے، اب 219کو کامیاب سال بنانے کے لیے پرعزم ہوں، ٹریینگ کا آغاز کررکھا ہے اور فٹنس کو بھی بہتر بنانے پر فوکس ہے۔

کھیل

حفیظ بی پی ایل کے ابتدائی 5 میچزمیں حصہ لیں گے

میر پور (یواین پی) آل راو¿نڈر محمد حفیظ کی بنگلہ دیش پریمیئر لیگ میں راج شاہی کنگز کی نمائندگی کرنے کی باضابطہ تصدیق کردی گئی ۔ وہ ٹورنامنٹ کے ابتدائی پانچ میچوں میں حصہ لیں گے جس کے بعد محدود اوورز کی سیریز کیلئے پاکستانی ٹیم کو جنوبی افریقہ میں جوائن کریں گے۔

کھیل

نائب کپتان اسد شفیق کی فارم کو گرہن لگ گیا

سنچورین(آئی این پی)قومی ٹیم کے نائب کپتان اور سینئر بلے باز اسد شفیق کی فارم کو گرہن لگ گیا ۔ 2017میں یونس خان او ر مصباح الحق کی ریٹائر منٹ کے بعد قومی ٹیسٹ ٹیم کی بیٹنگ کا بوجھ اظہر علی اور اسد شفیق کے کندھوں پر آن پڑا تھا ،اظہر علی تو وقفے وقفے سے بعض اچھی اننگز کھیل کر ٹیم کی مشکلات کو کم کرتے رہے ہیں تاہم اسد شفیق کی فارم کو گرہن لگ گیا ہے ، 32سالہ بلے باز گزشتہ 15ٹیسٹ میچز کی27اننگز میں 30.37کی اوسط سے محض820رنز سکور کرسکے ہیں جن میں تین نصف سنچریاں اور دو سنچریاں شامل ہیں ۔اسد شفیق جنوبی افریقہ کے خلاف سنچورین ٹیسٹ میں مکمل طور پر ناکام رہے اور دونوں اننگز میں محض6اور 7رنز بنا سکے ۔ یاد رہے کہ سنچورین ٹیسٹ میں جنوبی افریقا نے پاکستان کو 6 وکٹوں سے شکست دے کر تین میچوں کی سیریز میں ایک ، صفر کی برتری حاصل کرلی۔

کھیل

پلئیرز سے جھڑپ کا معاملہ ،بورڈ ہیڈ کوچ کے دفاع میں سامنے آگیا

سنچورین (آئی این پی) قومی ٹیم کے ہیڈ کوچ مکی ارتھر کی جنوبی افریقہ کے خلاف پہلے ٹیسٹ میں ناقص کارکردگی پر کپتان سرفراز احمد اور ٹیم کے سینئر بلے بازوں کیساتھ تلخ کلامی ہوئی جس کے بعد معاملہ گالی گلوچ تک پہنچ گیا،ی آرتھر نے سرفراز احمد، اسد شفیق اور اظہر علی کو ناکامی کا ذمے دار قرار دے کر کھری کھری سنا دیں ۔دوسری جانب پاکستان کرکٹ بورڈ(پی سی بی)نے ہیڈ کوچ مکی آرتھر کی جانب سے کپتان سرفراز احمد، اسد شفیق اور اظہر علی کے ساتھ مبینہ طور پر غیر اخلاقی رویہ اختیار کیے جانے کی رپورٹس کی تردید کردی۔پی سی بی کی جانب سے جاری کی گئی پریس ریلیز کے مطابق مینیجر طلعت علی کی سربراہی میں کام کرنے والی ٹیم مینجمنٹ، سنچورین میں جنوبی افریقا کے خلاف جاری ٹیسٹ میچ کے دوسرے روز ہیڈ کوچ مکی آرتھر کی جانب سے کھلاڑیوں کے ساتھ خراب رویے کے الزامات کی سختی سے تردید کرتی ہے۔پی سی بی کے مطابق مکی آرتھر کے کھلاڑیوں کے ساتھ رویے کو بڑھا چڑھا کر پیش کیا گیا۔پی سی بی کے مطابق ہیڈ کوچ مکی آرتھر، ٹیم انتظامیہ، کپتان اور تمام کھلاڑی بہترین نتائج دینے کے لیے ایک پلیٹ فارم پر مکمل طور پر متحد ہیں۔مزید کہا گیا کہ ٹیم مینیجر اور پوری انتظامیہ کو امید ہے کہ میڈیا اس معاملے پر افواہوں سے گریز کرے گا۔واضح رہے کہ گذشتہ روز یہ رپورٹس سامنے آئی تھیں کہ جنوبی افریقا کے خلاف پہلے ٹیسٹ کے دوران بیٹنگ کی خراب کارکردگی کے بعد مکی آرتھر نے کپتان سرفراز احمد، اسد شفیق اور اظہر علی کے ساتھ غیر اخلاقی رویہ اختیار کیا۔ یہ واقعہ ایسے وقت پیش آیا جب پی سی بی چیئرمین احسان مانی بھی جنوبی افریقا میں ہیں، لڑائی میں معاملہ سنگین صورتحال اختیار کر گیا۔سنچورین ٹیسٹ میں پاکستانی کرکٹ ٹیم کے سینئر بیٹسمینوں کی بدترین کارکردگی کے بعد پاکستانی ٹیم کے ہیڈ کوچ مکی آرتھرجذبات پر قابو نہ پاسکے اور ان کی کپتان سرفراز احمد سمیت سینئر بیٹسمینوں سے شدید جھڑپ ہوئی جس کے بعد معاملہ گالی گلوچ تک پہنچ گیا۔مکی آرتھر اس قدر غصے میں تھے کہ انہوں نے تمام اخلاقی حدود پار کر دیں اور ڈریسنگ روم میں چیزیں اٹھا کر پھینک دیں۔عینی شاہدین کا کہنا ہے کہ سرفراز احمد کے کپتان بننے کے بعد ان کی سرفراز احمد کے ساتھ پہلی براہ راست جھڑپ ہے۔ذمے دار ذرائع کے مطابق دوسرے دن کے کھیل کے اختتام پر جب ٹیم ڈریسنگ روم میں آئی تو مکی آرتھر نے سرفراز احمد، اسد شفیق اور اظہر علی کو ناکامی کا ذمے دار قرار دے کر کھری کھری سنا دیں، اس دوران کھلاڑیوں کی جانب سے بھی جوابی ردعمل دیکھنے میں آیا۔ذرائع کا کہنا کہ مکی آرتھر نے کھلاڑیوں سے کہا کہ وہ جان بوجھ کر غلط شاٹس کھیل کر آوٹ ہوئے ہیں، کھلاڑیوں نے اپنی غلطی مان لی لیکن مکی آرتھر اخلاقی حدود عبور کر کے گالی گلوچ پر اتر آئے اور انہوں نے کھلاڑیوں کے ساتھ سخت رویہ اختیار کیا۔ذرائع کا بتانا ہے کہ پاکستانی ٹیم کا ہیڈ کوچ بننے کے بعد مکی آرتھر کی انضمام الحق کے بعد کپتان سرفراز احمد اور سینئر بیٹسمینوں کے ساتھ پہلی براہ راست جھڑپ ہے۔میچ کے دوسرے دن سرفراز احمد اور اظہر علی صفر اور اسد شفیق چھ رنز بناکر آٹ ہوئے۔مکی آرتھر کی کھلاڑیوں کے ساتھ لڑائی کی کہانیاں پرانی ہیں، اس سے قبل وہ آسٹریلیا اور جنوبی افریقا کے کھلاڑیوں کے ساتھ بھی جھگڑا کر کے کوچنگ سے محروم ہو چکے ہیں۔

کھیل

سرفراز اور ڈ پلیسی نے ملکر نیا عالمی ریکارڈ قائم کردیا

سینچورین (نیوز ایجنسیاں) پاکستان کو جنوبی افریقہ کےخلاف پہلے ٹیسٹ میچ میں شکست کا سامنا کرنا پڑا لیکن میچ میں پاکستان اور جنوبی افریقہ کے کپتانوں نے نیا عالمی ریکارڈ قائم کردیا۔ پہلے ٹیسٹ میچ میں بھی سرفراز احمد کی ناکامیوں کا سلسلہ برقرار رہا اور ٹیسٹ میچ کی دونوں اننگز میں صفر پر پویلین لوٹے۔اسی طرح جنوبی افریقی کپتان فاف ڈیو پلیسی کے لیے بھی یہ ٹیسٹ انفرادی کارکردگی کے لحاظ سے اچھا ثابت نہ ہوا اور وہ بھی دونوں اننگز میں کھاتا کھولے بغیر ہی پویلین سدھار گئے ۔ دونوں ٹیموں کے کپتانوں نے اس بدترین کارکردگی کےساتھ ہی مشترکہ طور پر ایک نیا عالمی ریکارڈ قائم کردیا اور یہ ٹیسٹ کرکٹ کی تاریخ میں پہلا موقع ہے کہ دونوں ٹیموں کے کپتانوں نے میچ میں پیئر حاصل کیا ہو یعنی دونوں اننگز میں صفر پر آٹ ہوئے ہوں۔سرفراز احمد نے میچ میں صفر کا پیئر حاصل کیا اور یہ بدترین ریکارڈ اپنے نام کرنے والے پاکستان کے چوتھے کپتان بن گئے۔سرفراز سے قبل پاکستان کے جو تین کپتان ٹیسٹ میچ میں پیئر کا شکار ہوئے ان میں امتیاز احمد، راشد لطیف اور وقار یونس شامل ہیں۔

دلچسپ و عجیب

چین کے ‘کوانٹم سیٹ لائٹ’ سے لی گئی 24.9 بلین پکسلز کی تصویر کی حقیقت

شنگھائی (ویب ڈیسک)ان دنوں سوشل میڈیا اور مختلف ویب سائٹس پر ایک حیرت انگیز تصویر کا چرچا ہے اور اس کے بارے میں کہا جا رہا ہے کہ یہ ایک چینی سیٹ لائٹ سے کوانٹم ٹیکنالوجی کے ذریعے 24.9 بلین پکسلز کی تصویر لی گئی ہے۔یہ وائرل تصویر 360 ڈگری کی برڈ آئی ویو کی تصویر ہے اور اسے اس قدر زوم ان کیا جا سکتا ہے کہ آپ سڑکوں پر چلنے والے لوگوں کی شکلیں اور گاڑیوں کی نمبر پلیٹوں پر درج باریک سے باریک تفصیلات بھی واضح پڑھ سکتے ہیں۔اس تصویر کی خاص اور حیران کن بات یہ ہے کہ آپ جتنا بھی زوم ان کریں آپ کو وہاں موجود چیزیں اور لوگ مزید واضح ہوتے چلے جائیں گے۔دی ٹائمز ناو¿ سمیت کئی بڑی ویب سائٹس نے لکھا کہ یہ تصویر ‘کوانٹم ٹیکنالوجی’ کا شاہکار ہے جو کہ ایک چینی سیٹ لائٹ میں نصب ہے۔حالانکہ درحقیقت سیٹ لائٹ اور کوانٹم ٹیکنالوجی جیسے الفاظ اس لیے استعمال کیے جا رہے ہیں تاکہ تصویر کو وائرل کیا جا سکے۔ایک ٹوئٹر صارف نے تصویر کو سمجھے بغیر ٹوئٹ کیا کہ یہ سیٹ لائٹ سے لی گئی ہے۔ تاہم، تھوڑی تحقیق کے بعد جلد ہی اسے اپنی غلطی کا احساس ہوا اور اس نے دوبارہ ٹوئٹ کیا کہ یہ تصویر ایک اسٹوڈیو ‘بگ پکسل ٹیکنالوجی کارپوریشن’ نے بنائی اور اسے شنگھائی کے اورینٹل پرل ٹاور کی چھت سے لیا گیا۔ بگ پسکل کا کہنا ہے کہ یہ تصویر 195 گیگا پکسل کی ہے۔یہ شنگھائی شہر کی تصویر ہے اور اسے جنگکن ٹیکنالوجی جو کہ کلاو¿ڈ ڈیٹا پروسیسنگ اور تخلیقی فوٹوگرافی میں پیش پیش ہے، نے بنایا ہے۔یہ تصویر مذکورہ کمپنی نے شنگھائی نیوز کی دعوت پر 2015 میں شنگھائی کے اورینٹل پرل ٹاور سے بنائی تھی۔کمپنی کی ویب سائٹ کے مطابق یہ تصویر 195 ارب پکسلز کی ہے، شنگھائی شہر کی خوبصورتی کو واضح کرتی یہ تصویر ایشیا کی سب سے بڑی اور دنیا کی تیسری بڑی تصویر ہے۔اس تصویر کو دنیا بھر میں خوب پذیرائی ملی اور صرف ایک سال میں 82 لاکھ مرتبہ اسے وزٹ کیا گیا۔یہ بڑی پینوراما تصویر چھوٹی چھوٹی متعدد تصاویر کو جوڑ کر بنائی گئی ہے۔ اس تصویر کو بنانے میں کوئی سیٹ لائٹ استعمال نہیں کیا گیا بلکہ یہ بہت ہی ہائی ریزولوشن کیمروں اور ‘امیج اسٹچنگ (تصویر کو جوڑنے والی) ٹیکنالوجی کا شاہکار ہے۔یہ تصویر بلاشبہ دلچسپ اور حیرت انگیز ہے لیکن اس کے ساتھ ساتھ پریشان کن ہے کیونکہ جتنی تفصیلات اس تصویر میں ظاہر ہوتی ہیں وہ نجی زندگی کی سیکیورٹی کے حوالے سے کئی سوالات کو جنم دیتی ہیں۔عین ممکن ہے کہ اگر یہ ٹیکنالوجی غلط ہاتھوں میں جائے گی تو لوگوں کی پرائیویسی کو اس سے شدید خطرات لاحق ہوں گے کیونکہ کوئی بھی شخص کئی سو کلومیٹرز سے آپ کو واضح دیکھ سکے گا۔

شوبز

اکشے کمارمتنا زعہ بیان کی وجہ سے سوشل میڈیا پر ٹرول

ممبئی (ویب ڈیسک) بالی وڈ اداکار اکشے کمار اپنے ایک بیان کی وجہ سے سوشل میڈیا پر ٹرول ہو گئے۔بھارتی ذرائع ابلاغ کے مطا بق اداکار اپنے ایک بیان میں کینڈا سے اپنی محبت کا اظہار کررہے ہیں۔ویڈیو میں اکشے کہہ رہے ہیں کہ میں آپ کو یہ ضرور بتانا چاہوں گا کہ یہ میرا گھر ہے۔ ٹورنٹو میرا گھر ہے۔ایک مرتبہ میں بالی وڈ انڈسٹری سے ریٹائر ہوجاوں۔میں یہاں واپس لوٹ آوں گا اور یہی رہوں گا۔اکشے کمار کا یہ بیان سوشل میڈیا پر خوب وائرل ہورہا ہے۔واضح رہے کہ کافی لوگ اس بات سے واقف ہیں کہ اکشے کماربھارت کے نہیں کینڈا کے شہری ہیں۔