لاہور (ویب ڈیسک) مذہبی جماعت نے مطالبات منظور ہونے پر لاہور سمیت دیگر شہروں میں دھرنے ختم کرنے کا اعلان کردیا۔ساتھ ہی یہ بھی واضح کیا گیا کہ اگر حکومت مطالبات تسلیم نہ کرتی تو نماز جمعہ کے بعد ملک بھر میں احتجاج شروع کردیا جاتا۔یاد رہے کہ لاہور میں پنجاب حکومت اور مذہبی جماعت کے رہنماو¿ں کے درمیان مذاکرات ناکام ہونے کے بعد تنظیم کے کارکنوں نے لاہور، فیصل آباد، سیالکوٹ، ساہیوال، کراچی اور پشاور سمیت دیگر شہروں میں مختلف مقامات پر دھرنا دے رکھا تھا۔مذہبی جماعت کے کارکنوں کا ملک کے مختلف شہروں میں احتجاج، ٹریفک بلاک تاہم رات گئے ہونے والی ایک پریس کانفرنس میں لاہور میں مذہبی جماعت کی مجلس شوریٰ نے دھرنے ختم کرنے کا اعلان کیا۔خادم حسین رضوی اور دیگر قائدین نے پریس کانفرنس کے دوران بتایا کہ حکومت طویل مذاکرات کے بعد فیض آباد معاہدے پر عمل درآمد کرنے کو تیار ہو گئی ہے اور تمام مطالبات منظور کر لیے گئے ہیں۔ان کا کہنا تھا کہ فیض آباد شہداءکا مقدمہ راولپنڈی میں درج کر لیا گیا ہے جبکہ مذہبی لیڈروں اور کارکنوں کے خلاف تمام مقدمات خارج کردیےجائیں گے۔مذہبی جماعت کے رہنماو¿ں نے بتایا کہ راجا ظفر الحق کی رپورٹ شائع کرنے پر بھی اتفاق کرلیا گیا ہے اور تحقیقاتی کمیٹی کی بنائی گئی رپورٹ قائدین کو مل گئی ہے، جس کے بعد دھرنا ختم کیا جا رہا ہے۔مذہبی جماعت کی جانب سے دھرنا ختم کرنے کے اعلان کے بعد لاہور سمیت دیگر شہروں میں بھی دھرنے ختم کردیئے گئے اور ٹریفک کی روانی بحال ہوگئی۔احسن اقبال کی گفتگو وزیر داخلہ احسن اقبال کا کہنا تھا کہ تحریک لبیک کے ساتھ معاہدے کی سب شقوں پر عمل ہو چکا ہے اور راجہ ظفر الحق رپورٹ ہائی کورٹ میں پیش کی جا چکی ہے جبکہ حکومت نے فساد سے بچنے کے لیے وزیر قانون کی قربانی بھی دی۔احسن اقبال کا کہنا تھا کہ پاکستان کے امیج کو بہتر کرنے کی کوششوں پر ایسے دھرنے پانی پھیر دیتے ہیں۔واضح رہے کہ ختم نبوت کے حلف نامے میں ترمیم کے معاملے پر مذکورہ مذہبی جماعت کی جانب سے گزشتہ برس نومبر میں 22 روز تک دھرنا جاری رہا تھا، جس کا اختتام وزیر قانون زاہد حامد کے استعفے اور ایک معاہدے کے بعد ہوا تھا۔مذکورہ معاہدے کی تمام شقوں پر عملدرآمد کے لیے حکومت سے ہونے والے مذاکرات میں ناکامی کے بعد مذہبی جماعت نے لاہور سمیت ملک کے مختلف شہروں میں دھرنا دیا تھا۔

اسلام آباد(آئی این پی) شریف فیملی نیب ریفرنسز میں احتساب عدالت میں پیشیاں بھگت رہی ہے اور ایسے میں کچھ سیاستدان و پارٹی رہنماءقیادت سے اظہار یکجہتی بھی کررہے ہیں،پہلی مرتبہ تمینہ دولتانہ بھی احتساب عدالت پہنچ گئیں۔

اسلام آباد (ویب ڈیسک )سپریم کورٹ نے اہم ترین کیس 62ون ایف کامتفقہ فیصلہ سنا دیا ہے جس کے مطابق اس آرٹیکل کے تحت تاحیات نا اہلی ہو گی۔سپریم کورٹ کے فیصلے کے بعد سابق وزیر اعظم نواز شریف اور تحریک انصاف کے رہنما جہانگیر ترین کی نا اہلی تا حیات ہو گی۔سپریم کورٹ کے پانچ رکنی بینچ نے یہ فیصلہ متفقہ طور پر سنا یا۔جسٹس عمر عطا بندیال نے فیصلہ لکھا اور جسٹس شیخ عظمت سعید نے اضافی نوٹ لکھا۔واضح رہے کہ سپریم کورٹ نے پاناما کیس سے متعلق 28 جولائی 2017 کے فیصلے میں سابق وزیراعظم نواز شریف کو نااہل قرار دیا تھا، جس کے بعد وہ وزارت عظمیٰ کے عہدے سے سبکدوش ہوگئے تھے۔دوسری جانب گذشتہ برس 15 دسمبر کو عدالت عظمیٰ نے تحریک انصاف کے رہنما جہانگیر ترین کو بھی نااہل قرار دیا تھا۔سابق وزیراعظم نواز شریف اور تحریک انصاف کے سیکریٹری جنرل جہانگیر ترین کو آئین کی اسی شق یعنی آرٹیکل 62 ون ایف کے تحت نااہل کیا گیا تھا۔جس کے بعد اس بحث کا آغاز ہوا کہ آیا سپریم کورٹ کی جانب سے ان افراد کو تاحیات نااہل قرار دیا گیا یا یہ نااہلی کسی مخصوص مدت کے لیے ہے۔اس شق کی تشریح کے حوالے سے سپریم کورٹ میں 15 مختلف درخواستوں پر سماعت کی گئی۔ان درخواستوں میں مطالبہ کیا گیا کہ آئین کے آرٹیکل 62 ون ایف کے تحت تاحیات نااہلی کا قانون ختم کرکے اس کی مدت کا تعین کیا جائے۔سپریم کورٹ کے لارجر بینچ کی سربراہی چیف جسٹس پاکستان جسٹس ثاقب نثار نے کی جس میں جسٹس عظمت سعید شیخ ، جسٹس عمر عطا بندیال ، جسٹس اعجاز الاحسن اور جسٹس سجاد علی شاہ بھی شامل تھے۔لارجر بینچ میں 2جج صاحبان جسٹس عظمت سعید شیخ اور جسٹس اعجاز الاحسن اس پانامہ بینچ کا حصہ تھے جس نے سابق وزیر اعظم نواز شریف کو نا اہل قرار دیا۔چیف جسٹس پاکستان جسٹس ثاقب نثار اور جسٹس عمر عطا بندیال اس بینچ کا حصہ تھے جس نے تحریک انصاف کے جہانگیر ترین کو نا اہل قرار دیا تھا۔جسٹس سجاد علی شاہ وہ واحد جج ہیں جو ان دونوں بنچز کا حصہ نہیں تھے۔