پشاور (نیا اخبار رپورٹ) قبائلی رسم غگ نے کئی لڑکیوں کو زندہ درگور کر دیا۔ قبائلی علاقوں کی خواتین اکثر اس فرسودہ رسم کا شکار نظر آتی ہیں اور ان کیلئے کوئی بھی کچھ نہیں کر پاتا۔ ناز خیبر پختونخوا کے ضلع چارسدہ کی سب سے خوبصورت خاتون ہے۔ 32ناز اب اپنے ماضی کو زیادہ یاد نہیں کرتی۔ 10سال قبل ایک مقامی لڑکے کو ناز سے محبت ہوئی اور اس نے اسے شادی کا پیغام بھیجا جسے ناز نے مسترد کر دیا۔ ناز اب غگ کے تحت زندگی گزارنے پر مجبور ہے۔ یہ ایک ایسی قدیم قبائلی رسم ہے جس میں کوئی بھی شخص کھلے عام یہ دعویٰ کرتا ہے کہ وہ فلاں لڑکی کو پسند کرتا ہے اور اس سے شادی کرنا چاہتا ہے اس لئے کوئی اور اس لڑکی کیلئے پیغام نہیں بھجوائے گا‘ جبکہ بنوں‘ کوہاٹ اور دیگر اضلاع میں ان رسموں سے تنگ لڑکیاں شادی نہ ہونے کے باعث خودکشی کر لیتی ہیں۔ اکثر شادی کے انتظار میں ماں باپ کی دہلیز پر بیٹھی بوڑھی ہو جاتی ہیں لیکن کوئی ان کا رستہ مانگنے نہیں آتا۔
غگ

اسلام آباد، راولپنڈی، لاہور، کوئٹہ، پشاور (نمائندگان خبریں) آزاد کشمیر ¾ گلگت بلتستان اور بلوچستان کے پہاڑی علاقوںمیں برف باری اور ملک مختلف شہروں میں بارش کا سلسلہ پیر کو بھی وقفہ وقفہ سے جاری رہا جس کے باعث ملک بھر میں سردی کی شدت میں اضافہ ہوگیا ¾ پنجاب میں بارش کے باعث ان کی مرجھاتی ہوئی فصلیں ایک بار پھر لہلہانے لگیں جبکہ برفباری کے بعد سیاحوں نے پہاڑوں پر کا رخ کرلیا ہے تاہم ملکہ کوہسار مری میں دوران برف باری ٹریفک ایڈوائزری جاری کردی گئی ہے جس میں کہاگیا ہے کہ سیاح غلط اور ڈبل پارکنگ نہ کریں اور سڑک پر گاڑی کھڑی کر کے سیلفیاں نہ بنائیں۔تفصیلات کے مطابق وفاقی دارالحکومت اسلام آباد ¾لاہور ¾گوجرانوالہ ¾میانوالی ¾بہاول پور سمیت پنجاب کے مختلف شہروں میں کہیں ہلکی اور کہیں تیز بارش ہوئی۔ خیبرپختونخوا کے شہر ایبٹ آباد، مانسہرہ ، چارسدہ، بنوں، سوات اور دیربالا میں بھی کہیں ہلکی اور کہیں تیز بارش ہوئی جس کے بعد سردی کی شدت میں مزید اضافہ ہوگیا۔میڈیا رپورٹ کے مطابق پشاورمیں بھی 2 ماہ بعد رات سے بارش کا سلسلہ وقفے وقفے سے جاری رہا ¾ بارش سے شہر میں جل تھل ہوگیا اور سردی بھی بڑھ گئی، بارش کے باعث پشاور کی سڑکیں کیچڑ سے بھر گئیں تاہم فضاو¿ں میں معلق گرد صاف ہوگئی اور طویل خشکی کا خاتمہ ہوگیا۔ شمالی وزیرستان میں بھی بارش اور برفباری سے سردی کی شدت میں اضافہ ہوگیا، ایجنسی کے پہاڑی علاقے شوال، بیرمل، لواڑ منڈی اور رزمک میں پہاڑوں نے برف کی سفید چادر اوڑھ لی، سوات کے علاقے مینگورہ، کالام ، ماہو ڈھنڈ، مالم جبہ، دیر لوئر میں بھی بارش اور پہاڑوں پر برفباری کا سلسلہ دن بھر جاری رہا ادھر حافظ آباد اور گردونواح میں گرج چمک کے ساتھ موسلادھار بارش کی وجہ سے سردی کی شدت میں اضافہ ہو گیا، ننکانہ صاحب ،نارنگ منڈی اور گردونواح میں گرج چمک، تیز ہواو¿ں کے ساتھ بارش کا سلسلہ دن بھر جاری رہا سیالکوٹ شہر اور گردونواح میں بھی موسلادھار بارش سے سردی کی شدت میں اضافہ ہوگیا۔میانوالی کے اکثرمقامات پربوندابادی سے موسم انتہائی سرد ہوگیا ¾ کامونکے اور گردونواح میں رات بھر سے وقفہ وقفہ سے جاری گرج چمک کے ساتھ ہونے والی بارش سے موسم مزید سرد ہوگیا۔ کندیاں چشمہ پپلاں اور گردونواح میں مسلسل 8 گھنٹوں سے جاری بارش کے باعث گندم اور چنے کی مرجھاتی فصلوں کو بہت زیادہ فائدہ پہنچا ¾ کسانوں نے بارش کو ابر رحمت قرار دیتے ہوئے کہا ہے کہ اس بارش کے باعث ان کی مرجھاتی ہوئی فصلیں ایک بار پھر لہلہانے لگیں۔ بارش کے باعث دو ماہ سے زائد عرصہ تک رہنے والی خشک سالی سے مرجھائے چہرے کھل اٹھے، کسانوں کا کہناہے کہ گندم کی فصل کیلئے بارشوں کی سخت ضرورت تھی، بارشیں نہ ہونے کی وجہ سے بارانی علاقوں میں گندم کی فصل بری طرح متاثرہورہی تھی، بار ان رحمت برسنے پر لوگوں نے اللہ تعالی کا شکر اداکیا۔ شہر میں ہونے والی بارش کی وجہ سے لیسکو کے تین سو فیڈر ٹرپ کر گئے، مختلف علاقوں میں گھنٹوں بجلی کی فراہمی معطل رہی۔تفصیلات کے مطابق شہر میں وقفے وقفے سے بارش کا سلسلہ جاری ہے جس کی وجہ سے لاہور الیکٹرک سپلائی کمپنی کا بجلی کی ترسیل کا نظام بھی متاثر ہوا، لیسکو ریجن میں مجموعی طور پر تین سو فیڈرز ڈیڈ شارٹ ہوئے جس میں سے دو سو فیڈرز سے بجلی بحال کی گئی تاہم سو فیڈرز سے گھنٹوں بجلی بند رہی، بجلی بندش کی وجہ سے صارفین کو شدید مشکلات کا سامنا کرنا پڑا، فیڈر ٹرپ ہونے کی وجہ سے باٹا پور، ایمپریس روڈ، ایبٹ روڈ، جوہر ٹاون، ٹاون شپ، گرین ٹاون، گڑھی شاہو، بادامی باغ، شادمان،اچھرہ، سبزہ زار، ہنجروال، ملتان روڈ، ٹھوکر نیاز بیگ اور گلبرگ کے مختلف علاقوں میں بجلی بند رہی۔ علاوہ ازیں لاہور شہر اور گرد ونواح پر بادل چھا ئے، وقفے وقفے سے بارش ٹھنڈی ہواو¿ں سے موسم سرد ہوگیا۔ ذرائع کے مطابق اتوار اور پیر کی درمیانی شب محکمہ موسمیات کی پیشگوئی کے مطابق بادلوں نے شہرکواپنی لپیٹ میں لے لیا، ٹھنڈی ہوائیں چلنے لگیں جس سے سرد ی کی شدت بڑھ گئی، وقفے وقفے سے کہیں تیزتوکہیں ہلکی بارش کاسلسلہ صبح تک جاری رہا۔آج بھی مطلع جزوی طورپرابرآلود رہے گا،محکمہ موسمیات نے مزیدبارشوں کی پیشگوئی کی ہے،کم سے کم درجہ حرارت نواورزیادہ سے زیادہ اٹھارہ ڈگری سینٹی گریڈرہنے کاامکان ہے۔صبح کے وقت ہوا کی رفتار اکیس کلومیٹرفی گھنٹہ ریکارڈکی گئی۔

لاہور (خصوصی رپورٹ) الیکشن کمیشن نے اینٹ الیکشن کے حوالے سے وزارت داخلہ پر واضح کیا ہے کہ اگر حالیہ سینٹ الیکشن میں دوہری شہریت کے حامل امیدوار بطور سینیٹر منتخب ہوگئے تو اس کی تمام تر ذمہ داری وزارت داخلہ پر عائد ہوگی۔ الیکشن کمیشن کے ڈائریکٹر آئی ٹی محمد خضر عزیز کی جانب سے وزارت داخلہ کے نام لکھے جانے والے خط میں کہا گیا ہے کہ سینٹ کے حالیہ الیکشن کے دوران الیکشن کمیشن نے سینٹ کے امیدواروں کی دوہری شہریت کے حوالے سے کئی بار خطوظ لکھے ہیں مگر وزارت داخلہ کی جانب سے اس کا جواب نہیں دیا گیا خط میں لکھا گیا کہ اگر سینٹ کے حالیہ الیکشن میں دوہری شہریت کے حامل امیدوار منتخب ہوگئے تو اس کی تمام تر ذمہ داری وزارت داخلہ پر عائد ہو گی۔

قصور(بیورو رپورٹ) جعلی پولیس مقابلے میں ہلاک کیے جانیوالے مدثر علی کے مقدمہ کی سماعت کا سلسلہ شروع ہوگیا ہے جے آئی ٹی کے تفتیشی شعبہ نے گزشتہ رو زمقتولہ کی والدہ جمیلہ بی بی زوجہ منیر احمد جسے اب پولیس کی طرف سے درج کیے گئے مقدمہ نمبر 189/17 میں مدعیہ بنا دیا گیا ہے کا بیان ریکارڈ کیا گیا تفتیشی ٹیم نے امجد علی سمیت دیگر دو گواہوںکے بیانات بھی دفعہ 161کے تحت ریکارڈ کیے جس میں جمیلہ بی بی نے وقوعہ کی تمام تفصیلات بتاتے ہوئے کہا کہ کس طرح پولیس اس کے بیگناہ بیٹے مدثر علی کو زبردستی گھر سے اٹھا کر لے گئی اور پھر ایک گھنٹے کے دوران ہی اسے قتل کر دیا گیا جمیلہ بی بی نے اپنے بیان میں بتایا کہ جعلی مقابلے میں مارنے سے پہلے ایس ایچ او طارق بشیر چیمہ ،ریاض عباس ،ڈی ایس پی مرزاعارف رشید سمیت دیگر افسران نے اس پر بدترین تشدد کیا اور عالم نزاع کی حالت میں مدثر علی جس کی چند ماہ قبل شادی ہوئی تھی کو ہلاک کر دیا ذرائع کے مطابق تاہم جمیلہ بی بی نے اپنے بیان میں سابق ڈی پی او قصور علی ناصررضوی کا ملزم کے طور پر ذکر نہیں کیا واضح رہے کہ علی ناصرر ضوی گزشتہ روز اپنے والد اور بیٹے کے ہمراہ مدثر علی کے گھر آئے تھے اور انہوںنے اپنے بیٹے کے سرپر ہاتھ رکھ کر قسم کھائی تھی کہ اس واقعہ میں انکا کوئی کردار نہیں ہے لہذا انہیں معاف کر دیا جائے ذرائع کے مطابق علی ناصر رضوی سابق ڈی پی او کی شاید اسی منت سماجت کا نتیجہ ہے کہ مقتول کی والدہ نے اپنے بیان میں ملزم کے طور پر اسکا ذکر نہیں کیا دوسری طرف انویسٹی گیشن ٹیم نے آئی جی پنجاب پولیس کے حکم پر سابق ڈی پی او علی ناصرر ضوی کو دبئی جانے سے روک دیا ہے اور یہ ہدایت کی ہے کہ جب تک تحقیقات کا عمل مکمل نہیں ہوتا وہ بیرون ملک نہیںجاسکتے بتایا گیا ہے کہ جب علی ناصر رضوی اپنے ایک دوست وکیل کے ساتھ جمیلہ بی بی کے گھر پہنچے تو وہ پھوٹ پھوٹ کر رونے لگیںانہوںنے کہاکہ جب میرے بے گناہ بیٹے کو مارا گیا اس کی لاش کی بے حرمتی کی گئی تاکہ اسکا جنازہ تک نہیں پڑھنے دیا گیا تو اس وقت آپ لوگ گلے میں ہار ڈالے ڈھول کی تھاپ پر جلوس نکال رہے تھے پورے شہر میں آپ کے دوستوںنے خراج تحسین پیش کرنےوالے بینرز اور پوسٹر آویزاں کر دیے تھے میرے بھائیوںاور بھتیجوںکو بلا جواز کئی روز تک حراست میں رکھا گیا بتایا گیا ہے کہ قصور میں تین سال تک تعینات رہنے والے سابق ڈی ایس پی مرزاعارف رشید نے اپنی تعیناتی کے دوران غیر قانونی طور پر کروڑوںروپے کی جائیدادیں بنائیں لاہور کی پوش آبادی میں محل نما گھر بنایا اور اس ضمن میں انکے مقامی دوست انہیں ہر طرح کا تعاون فراہم کرتے رہے قصور میں اپنی تعیناتی کے دوران ڈی ایس پی مرزا عارف رشید ایس ایچ او طارق بشیر چیمہ،ریاض عباس، اور یونس ڈوگر وغیرہ نے درجنوںلوگوںکو بلاجواز جعلی مقابلوںمیں ہلاک کیا تاہم شرمناک اور قابل ذکر امر یہ ہے کہ ناصرف مذکورہ افسران نے اپنے اپنے آئی ڈیز سے اپنی ایسی تصاویر ہٹا دی ہیں جن میں انہیں ہار پہنا کر انکے اعزا ز میں تقریبات کا انعقاد کیاجاتارہا اسی طرح شہر کے بہت سے معززین نے بھی اپنے آئی ڈیز یا دفاتر میں آویزاںان افسران کے ساتھ اپنی تصاویر کو اتار دیا ہے دوسری طر ف مدثر علی کے بھائی عدنان منیر نے کہا ہے کہ بااثر شخصیات جن میں سیاسی لوگ بھی شامل ہیں انکے اہلخانہ پر مسلسل دباﺅ ڈال رہے ہیں کہ وہ اس معاملے میں اپنا غصہ رفع دفع کر دیں انہوںنے کہاکہ ہمیں کئی طرف سے دھمکیاں بھی دی گئیں مگر ہمارے خاندان نے عہد کیا ہے کہ جسے جے آئی ٹی بے گناہ کر دے اسے ہم بھی بے گناہ تسلیم کر دیںگے مگر کسی سفارش یا دباﺅ میںنہیں آئیںگے مدثر علی کیس کے وکیل علی احمد ڈوگر ایڈووکیٹ نے روزنامہ خبریں کو بتایا کہ ممتاز قانوندان عاصمہ جہانگیر کی وفات کے باعث جاری سوگ کی وجہ سے عبوری ضمانت پر رہا ایس ایچ او طارق بشیر چیمہ عدالت میں پیش نہیں ہوسکے تاہم آنیوالے دو روز میں امید ہے کہ انہیں بھی پولیس حراست میں لے لے گی کیونکہ یہ بات ریکارڈ پر ہے کہ طارق بشیر چیمہ نے بھی مدثر علی کو موت کے گھاٹ اتارنے میں اہم رول ادا کیا تھا۔

قصور(بیورورپورٹ)روزنامہ خبریںنے زینب قتل کیس کی فرانزک اور کرائم سین رپورٹس حاصل کرلی ہیں ابتدائی تحقیقات کے مطابق وقوعہ سے 162 تصاویر لی گئی ہےںجبکہ ڈی این اے کے لیے زینب کے دونوںہاتھوںکے ناخن اور کپڑوںسے نمونے حاصل کیے گئے مقتولہ کی جرابیں سویٹر اور ہوڈ بھی لیے گئے تمام ثبوت سب انسپکٹر افتخار احمد نے دس جنوری کو فرانزک لیب میںجمع کرائے تھے اور ملزم عمران علی کے ڈین این اے کے لیے نمونہ 20 جنوری کو حاصل کیا گیا تھا ڈی این اے کا نمونہ نمبر دو اور تین عمران کے ڈی این سے سے میچ کر گیا تاہم زینب کو زہر یا کسی نشہ آور چیز کھلائے جانے کے شواہد نہیں ملے ۔

اسلام آباد (این این آئی)قومی احتساب بیورو کے ایگزیکٹو بورڈ کا اجلاس قومی احتساب بیورو کے چیئرمین جسٹس جاوید اقبال کی زیرصدارت نیب ہیڈکوارٹر زمیں منعقد ہوا جس میں پاکستان سائنس فاﺅنڈیشن کے سابق چیئر مین منظور حسین سومرو  پاکستان ایگری کلچر ریسرچ کونسل اسلام آباد اور سی ڈی اے کے افسران سمیت مختلف اداروں میں متعدد عہدوں پر رہنے والے افسران کےخلاف انکوائری کی منظور ی دیدی ہے جبکہ چیئرمین نیب جسٹس جاوید اقبال نے اجلاس کے اختتام پر نیب کے تمام افسران کو ہدایت کی ہے کہ ملک سے بدعنوانی کا خاتمہ ہماری اولین زمہ داری ہے ، نیب افسران تمام انکوائریوں اور انسوسٹی گیشن کوقانون کے مطابق منطقی انجام تک پہنچائیں ۔ انکو غیر معینہ مدت تک التواءمیں رکھنے پر اب نہ صرف سخت نوٹس لیا جائے گا اور غفلت برتنے والے نیب افسران کے خلاف قانون کے مطابق کارروائی عمل میں لائی جائے گی۔ پیر کو نیب کے ایگزیکٹو بورڈ نے ڈاکٹر منظور حسین سومرو سابق چیئرمین پاکستان سائنس فاﺅنڈیشن سابق صدرای سی او اور دیگر کے خلاف انکوائری کی منظوری دی۔ ڈاکٹر منظور حسین سومرو سابق چیئرمین پاکستان سائنس فاﺅنڈیشن اسلام آباد پر الزام ہے کہ انہوں نے اپنے اختےارات کا ناجائز استعمال کرتے ہوئے پاکستان سائنس فاﺅنڈیشن اسلام آباد میں غیر قانونی بھرتےاںکیں انہوں نے سرکاری خرچ پر بیس سے زےادہ بین الااقوامی اور نوے اندرونی دورے کئے جس سے قومی خزانے کو کروڑوں روپے کا نقصان پہنچا۔اجلاس کے دور ان ایگزیکٹو بورڈ نے پاکستان ایگری کلچرل ریسرچ کونسل اسلام آباد کے افسران / اہلکاران کے خلاف انکوائری کی منظوری دی۔ان پر الزام ہے کہ انہوں نے اپنے اختےارات کا ناجائز استعمال کرتے ہوئے پی اے آر سی میں 200سے زائد مبےنہ طور پر قواعد کے خلاف تقررےاں کیں۔جس سے قومی خزانے کو بھاری نقصان پہنچا۔ اجلاس کے دور ان نیب کے ایگزیکٹو بورڈ نے سی ڈی اے کے افسران/ اہلکاران اور دیگرکے خلاف انکوائری کی منظوری دی۔ملزمان پرسرکاری پلاٹ نمبر 11 سیکٹر G-6سوک سنٹر اسلام آباد پنے اختےارات کا ناجائز استعمال کرتے ہوئے کوڑیوں کے دام فروخت کرنے کا الزام ہے- اجلاس میں پرائیویٹایزیشن کمشن آف پاکستان کے افسران/ اہلکاران اور دیگرکے خلاف پاک امریکن فرٹیلائزرز لمیٹڈڈ داﺅدخیل میانوالی کی نجکاری میں مبےنہ طور پر پیپرا رولز کی خلاف ورزی کا الزام ہے۔جس سے قومی خزانہ کو 3.889ارب روپے کا نقصان پہنچا۔اجلاس میں نیپرا کی انتظامےہ ، وزارت پانی و بجلی، آئی پی پی ایس ، میسرز بلیو سٹار ہائیڈل پرائیویٹ لمیٹڈ ، میسرز بخش سولرز پرائیویٹ لمیٹڈ، میسرز سیف سولرز پرائیویٹ لمیٹڈ، میسرزلکی الیکٹرک پاور کمپنی لمیٹڈ ، میسرزصدکہ سنز انرجی لمیٹڈ ودیگر کےخلاف انکوائری کی منظوری دی گئی۔ملزمان پر مبےنہ طور پر نرخوں میں سولر پاﺅر پلانٹس کے ٹیرف میں مبےنہ طور پر قواعد کے خلاف ورزی کرتے ہوئے کا الزام ہے جس سے قومی خزانہ کو 200 ارب روپے سالانہ سے زائد کا نقصان پہنچا۔اجلاس میں اجلاس میں ڈاکٹر اکرم چوہدری وائس چانسلر ےونیورسٹی آف سرگودہا اور دیگر کےخلاف انکوائری کی منظوری دی گئی، ملزمان پربدعنوانی اور اخےتارات کا ناجائز استعمال کرتے ہوئے غیر قانونی تقررےاں اور پیپر ا رولز کی خلاف ورزی کرتے ہوئے قومی خزانہ کو بھاری نقصان پہنچاےا۔اجلاس میں عبدالرزاق (سابق سینیٹر/ کمپنی ڈائریکٹر)، کامران خان چیف ایگزیکٹو آفیسرز میسرز ملک ایکسچینج پرائیویٹ لمیٹڈ اور عدنان لوہانی انسپکٹر ایف آئی اے کے خلاف انکوائری کی منظوری دی ۔ملزمان پر مبےنہ طورپراختےارات کا ناجائز استعمال کرتے ہوئے منی لانڈرنگ اور رشوت لینے کا الزام ہے۔ اجلاس میں ایگزیکٹو بورڈ نے طلعت محمود ، نعمان نواز، اعجاز احمد اور راجہ کامران اور دیگرکے خلاف انویسٹی گیشن کی منظوری دی ۔ ملزمان پر مبےنہ طورپراختےارات کا ناجائز استعمال کرتے ہوئے قواعد و ضوابط کی خلاف ورزی کا الزام ہے-جس سے قومی خزانہ کو 3.14ملین روپے نقصان پہنچاےا۔اجلاس کے دور ان ایگزیکٹو بورڈ نے الخیر ہاﺅسنگ سوسائٹی کے مالکان/ ڈویلپرز اور دیگر کے انکوائری کی منظوری دی ، ملزمان پرعوام کو لوٹنے اور ہاﺅسنگ سوسائٹی کے پلاٹ نہ دینے اور عوام کے 27.065ملین روپے لوٹنے کا الزام ہے-اجلاس میں لینڈ ےوٹیلائزیشن ڈیپارٹمنٹ گورنمنٹ آف سندھ اور دیگر کےخلاف انکوائری کی منظور ی دی گئی ، ملزمان پرمبےنہ طور پر سرکاری زمین کو غیر قانونی مستقلی کا الزام ہے جس سے قومی خزانہ کو بھاری نقصان پہنچا۔اجلاس میں منظور قادر سابق ڈائریکٹر جنرل سندھ بلڈنگ کنٹرول اتھارٹی ودیگر کےخلاف انکوائری کی منظوری دی گئی۔ ملزمان پر اختےارات کا ناجائز استعمال کرتے ہوئے غیر قانونی طورپر رفاعی پلاٹوں کو کمرشل پلاٹ کی شکل میں تبدیل کرنے کا الزام ہے- جس سے قومی خزانہ کو مبےنہ طور پر500 ملین روپے کا نقصان پہنچا۔ اجلاس میں محمد محسن ولد عقیل احمد عباسی اور راحیلہ مگسی ولد محمد فاروق لغاری کے کےخلاف انکوائری کی منظوری دی گئی۔یہ کیس سٹیٹ بینک آف پاکستان نے نیب کو 31-D کے تحت مشتبہ ٹرانزکشن کی تحقیقات کےلئے بھیجا ۔اجلاس میںعارف علی شاہ بخاری، KASBنور ڈویلپر پرائیویٹ لمیٹڈ ، سابق ڈائریکٹر / سابق انتظامےہ بی آئی پی ایل اور سٹرکچر ڈ وینچر پرائیویٹ لمیٹڈ کےخلاف انکوائری کی منظوری دی گئی۔ ملزمان پر اختےارات کا ناجائز استعمال کرتے ہوئے بدعنوانی، خوردبرد اوردھوکہ دہی کے الزامات ہےں-جس سے قومی خزانہ کو مبےنہ طور 375ملین روپے کا نقصان پہنچا۔ایگزیکٹو بورڈنے سےد ناصر عباس ، سابق ڈائیریکٹر جنرل کے ڈی اے اور دیگر کے خلاف بدعنوانی کا ریفرنس دائر کرنے کی منظوری دی۔ملزمان پر غیر قانونی طورپر رفاعی پلاٹوں کو کمرشل پلاٹ کی شکل میں تبدیل کرنے کا الزام ہے- جس سے قومی خزانہ کو مبےنہ طور پر354 ملین روپے کا نقصان پہنچاایگزیکٹو بورڈنے محمد حسن بھٹو ، سابق چیئرمین ایس پی ایس سی اور دیگر کے خلاف بدعنوانی کا ریفرنس دائر کرنے کی منظوری دی۔ ملزمان پر اختےارات کا ناجائز استعمال کرتے ہوئے غیر قانونی تقررےاں کرنے کے الزامات ہےں جس سے قومی خزانہ کوبھاری نقصان پہنچا۔ نیب کے ایگزیکٹو بورڈ کے اجلاس میں عبدلولی خان ےونیورسٹی مردان کے افسران ¾ اہلکاران اور دیگر کے خلاف انویسٹی گیشن کی منظوری دی۔ان پر مبینہ طور پر الزام ہے کہ ےونیورسٹی کے فنڈز جو کہ طلباءکے غیر ملکی وظائف کےلئے مختص تھے وہ مبےنہ طور پر غیر مستحق اور میرٹ پر نہ اترنے والے من پسند طلباءکو دیئے جس سے قو می خزانے کو تقریباََ 1176 ملین روپے نقصان پہنچانے کا الزام ہے۔ اجلا س میںجنا ح میڈیکل کالج پشاور کی انتظامےہ اور دیگر کے خلاف انکوائری کی منظوری دی گئی۔ ملزمان پر الزام ہے کہ انہوں نے بدعنوانی اور قواعد و ضوابط کی خلاف ورزی کرتے ہوئے اپنے اختےارات کا ناجائزاستعمال کےا۔ جس سے قومی خزانے کو بھاری نقصان پہنچا۔ نیب کے ایگزیکٹو بورڈ کے اجلاس میںڈاکٹر احسان علی ، سابق وائس چانسلر عبدلولی خان ےونیورسٹی مردان کے خلاف انویسٹی گیشن کی منظوری دی۔ ان پر مبےنہ طور پر آمدن سے زائد اثاثے بنانے کا الزام ہے۔نیب کے ایگزیکٹو بورڈ کے اجلاس میںکسٹم کلیکٹریٹ پشاور کے افسران/ اہلکاران ، بینک اہلکاران ، کلیئرنگ ایجنٹ فاٹا اور دیگرکے خلاف انکوائری کا فیصلہ کےاگےاہے۔ان پر مبےنہ طور پر الزام ہے کہ انہوں نے بدعنوانی اور قواعد و ضوابط کی خلاف ورزی کرتے ہوئے اپنے اختےارات کا ناجائزاستعمال کےاجس سے قومی خزانے کو24 ارب روپے کا نقصان پہنچا۔اجلاس میں نیب کے ایگزیکٹو بورڈ کے اجلاس میںبینک آف خیبر پشاور کے افسران/ اہلکاران کے خلاف انکوائری کی منظوری دی گئی۔ ملزمان پر قواعد و ضوابط اور اپنے اختےارات کا ناجائزاستعمال کرتے ہوئے تقریباَ14 سو افراد کو بھرتی کےا جس سے قومی خزانے کو24ملین روپے کا نقصان پہنچا۔نیب کے ایگزیکٹو بورڈ کے اجلاس میںملک محمد عثمان چیئرمین ڈسٹرکٹ کونسل ضلع قلعہ عبداللہ بلوچستان و دیگر کے خلاف انکوئری کا فیصلہ کےا گےا ان پر مبےنہ طورپر بدعنوانی اور قواعد و ضوابط کی خلاف ورزی کرتے ہوئے اپنے اختےارات کے ناجائزاستعمال کا الزام ہے ۔ جس سے قومی خزانے کو 120ملین روپے کا نقصان پہنچا۔ نیب کے ایگزیکٹو بورڈ کے اجلاس میںمحمد اسمعیل گجر ، سابق چئیرمین کوئٹہ ڈویلپمنٹ اتھارٹی اور دیگر کے خلاف انویسٹی گیشن کا فیصلہ کےا گےا۔ ان پر الزام ہے کہ انہوں نے غیر قانونی طور پر سرکاری زمیں الاٹ کی اور اپنے اختیارات کا ناجائز استعمال کےا جس سے قومی خزانے کو 8.402 ملین روپے کا نقصان پہنچا۔اجلاس کے دور ان نیب کے ایگزیکٹو بورڈ کے اجلاس میںڈائریکٹر جنرل انٹی کرپشن پنجاب کے خلاف اختیارات کے ناجائز استعمال سرکاری کام میںمبینہ طور پر رکاوٹ ڈالنے اور نیب کو مبینہ طور پر قانون کے مطابق ریکارڈ کی فراہمی سے انکار پر انکوائری کی منظوری دی گئی۔نیب کے ایگزیکٹو بورڈ کے اجلاس میں ذاکر حسین سابق وائس چانسلر رجسٹرار ، ڈائریکٹر لےہ اور ساہیوال کیمپس گورنمنٹ کالج ےونیورسٹی فیصل آباد اور میسرز ایکسپورٹ پرائیویٹ لمیٹڈ کےخلاف عدم ثبوت کی بنا پر انکوائریاں بند کرنے کی منظور ی دی گئی۔ چیئرمین نیب جسٹس جاوید اقبال نے اجلاس کے اختتام پر نیب کے تمام افسران کو ہدایت کی کہ ملک سے بدعنوانی کا خاتمہ ہماری اولین زمہ داری ہے ، نیب افسران تمام انکوائریوں اور انسوسٹی گیشن کوقانون کے مطابق منطقی انجام تک پہنچائیں ۔ انکو غیر معینہ مدت تک التواءمیں رکھنے پر اب نہ صرف سخت نوٹس لیا جائے گا اور غفلت برتنے والے نیب افسران کے خلاف قانون کے مطابق کارروائی عمل میں لائی جائے گی۔

لاہور (این این آئی) قومی احتساب بیورو (نیب) لاہور نے کارروائی کرتے ہوئے کروڑوں روپے کے فراڈ کے مفرور ملزم کو گرفتار کر لیا۔ ترجمان نیب لاہور کے مطابق ملزم یاسر شریف پر کروڑوں روپے کے فراڈ میں ملوث ہونے کا الزام ہے اور ملزم 2015ءسے مطلوب تھا۔ملزم یاسر شریف کی شریک ملزمان سے ملی بھگت کر کے عوام سے دھوکہ دہی کے ذریعے6کروڑ 70لاکھ روپے لوٹے گئے،دیگر شریک ملزمان میں محمد شریف، رانا محسن اور یوسف منج شامل ہیں، تینوں ملزمان نیب لاہور کے ہاتھوں گرفتار ہوئے جبکہ ملزم یاسر کو عدالت کی جانب سے مفرور قرار دیا گیا۔ ملزمان کی جانب سے سٹیل ملز کیلئے 6کروڑ 70لاکھ مالیت کا خام مال خریدا گیا، متاثرین کو منافع دیا گیا نہ ہی انکی رقوم لوٹائی گئیں، نیب لاہور کی جانب سے ملزمان کے خلاف احتساب عدالت میں 2015ءمیں کرپشن ریفرنس داخل کیا گیا۔ ملزم یاسر شریف کو جسمانی ریمانڈ کے حصول کیلئے آج (منگل) احتساب عدالت کے روبرو پیش کیا جائیگا۔

کراچی (مانیٹرنگ ڈیسک) متحدہ والوں نے 7 روزہ فلم سازی کے بعد اب تیر اندازی شروع کر دی ہے۔ متحدہ میں کھینچا تانی نئے دور میں داخل ہو گئی۔ بہادر آباد گروپ پارٹی رجسٹریشن خالد مقبول صدیقی کے نام کرانے اور انتخابی نشان پتنگ لینے الیکشن کمیشن پہنچ گیا۔ ایم کیو ایم پاکستان میں 2 دھڑوں کے قیام کے بعد انتخابی نشان اور پارٹی رجسٹریشن کے لئے کھینچا تانی میں مضبوط پوزیشن کے حامل بہادر آباد گروپ نے الیکشن کمیشن میں سینیٹ کے ٹکٹ کے محاذ پر شکست دینے کے بعد فاروق ستار سے پارٹی کا انتخابی نشان پتنگ چھیننے کی تیاری بھی کر لی ہے۔ الیکشن کمیشن میں پارٹی رجسٹریشن خالد مقبول صدیقی کے نام کرنے کے لئے درخواست جمع کرا دی گئی ہے۔ادھر، پی آئی بی والوں نے قانونی کارروائی کیلئے پر تول لئے۔ فاروق ستار کو سیاسی پیچے میں چرخی کے نشان پر اعتبار کرنا پڑ رہا ہے۔ ایم کیو ایم رہنماو¿ں کے بیچ سینیٹ کے ٹکٹ کے دنگل کے بعد اب انتخابی نشان کی جنگ شروع ہو گئی ہے۔ نئے تنازعہ کی وجہ پتنگ بن گئی ہے۔ پی آئی بی گروپ نے بھی اینٹ کا جواب پتھر سے دینے کے لئے کمر کس لی ہے۔ ڈاکٹر فاروق ستار نے رابطہ کمیٹی کے اجلاس اور فیصلوں کو غیرقانونی قرار دینے کے لئے الیکشن کمیشن کو درخواست بھجوانے کی تیاری کر لی ہے۔ قانونی چارہ جوئی کے لئے بھی مشاورت کی جا رہی ہے جبکہ معاملے کو عدالت میں لے جانے پر بھی غور کیا جا رہا ہے۔بیرسٹر فروغ نسیم کہتے ہیں متحدہ پاکستان کے دستوری سربراہ خالد مقبول صدیقی ہیں، فاروق ستار ماضی بن گئے ہیں۔ ایم کیو ایم پاکستان کی رابطہ کمیٹی کے نو منتخب کنوینر خالد مقبول صدیقی نے کہا ہے کہ ہم نے انتخابی سیاست سے پیسے اور وسائل کو مائنس کر دیا ہے۔کراچی میں میڈیا سے بات کرتے ہوئے خالد مقبول صدیقی کا کہنا تھا کہ میں نہیں سمجھتا کہ آج کے حالات میں ایم کیو ایم کو کسی بھی تنازع میں الجھنا چاہیے۔خالد مقبول صدیقی کا کہنا تھا کہ کچھ لوگ کہہ رہے ہیں کہ یہ 8 نومبر کی دوسری قسط تھی لیکن ایسا نہیں ہے۔ان کا کہنا تھا کہ میں متنازع گفتگو نہیں کرنا چاہتا لیکن ہماری جانب سے کوشش نظر آ رہی تھی جب کہ دوسرا فریق انتظار کرواتا رہا یہ بھی نظر آ رہا تھا۔انہوں نے کہا کہ کارکنان کا مقابلہ نہیں کرنا چاہتے لیکن شخصیات سے نہیں اب پارٹی مکمل طور پر جمہوری اندازا میں چلے گی۔ایم کیو ایم رہنما نے کہا کہ ہمارے خلاف قانونی کارروائی ہونا ضروری ہے ۔متحدہ قومی موومنٹ (ایم کیو ایم) پاکستان کے رکن قومی اسمبلی شیخ صلاح الدین نے الزام عائد کیا ہے کہ سینیٹ انتخابات سے قبل پاکستان پیپلز پارٹی (پی پی پی) ان کی پارٹی کے ارکان کی بولیاں لگا رہی ہے۔خیال رہے کہ ایم کیو ایم پاکستان ان دنوں تنظیمی بحران کا شکار ہے جہاں گزشتہ روز پارٹی کی رابطہ کمیٹی نے فاروق کو کنوینر کے عہدے سے برطرف کردیا ۔جبکہ پارٹی رہنما نے ردعمل میں رابطہ کمیٹی کو تحلیل کردیا۔فاروق ستار کی جانب سے کامران ٹیسوری کا نام سینیٹ امیدوار کے طور پر سامنے آنے پر پارٹی میں اختلافات نے سر اٹھایا تھا جو بحران کی صورت میں تبدیل ہوگیا۔ متحدہ قومی موومنٹ پاکستان کے رہنما اور بیرسٹر فروغ نسیم کا کہنا ہے کہ فاروق ستار پارٹی کے سربراہ نہیں رہے اس لیے ان کے بلائے جانے والے ورکرز اجلاس کی کوئی قانونی حیثیت نہیں۔ نجی ٹی وی سے گفتگو میں فروغ نسیم کا کہنا تھا کہ خالد مقبول صدیقی نے الیکشن کمیشن میں قرار داد جمع کرادی جس میں بتایا گیا ہے کہ رابطہ کمیٹی نے پارٹی قانون کے مطابق فاروق ستار کو سبکدوش کیا۔فروغ نسیم نے کہا کہ پارٹی کا ورکرز اجلاس کنوینر بلا سکتا ہے اور فاروق ستار کنوینر نہیں رہے، 17 فروری کو بلائے جانے والے پارٹی کے ورکرز اجلاس کو کوئی قانونی حیثیت حاصل نہیں۔ایک سوال پر انہوں نے کہا کہ جب کسی کے پاس عہدہ ہوگا تو وہ اختیارات استعمال کرے گا، جب فاروق ستار کے پاس کوئی عہدہ ہی نہیں تو وہ کس طرح کسی کی رکنیت ختم کرسکتے ہیں اور پارٹی آئین کے تحت نئے سربراہ خالد مقبول صدیقی ہیں۔فروغ نسیم کا کہنا تھا کہ فاروق ستار پاگل پن نہ کریں اور ایک شخص کی وجہ سے پارٹی کو خراب نہ کریں، آئین و قانون کے مطابق کام کریں۔پارٹی انتخابات سے متعلق سوال پر فروغ نسیم نے کہا کہ ایم کیو ایم پاکستان کے انتخابات نہیں ہوں گے۔ فاروق ستار کا کہنا ہے کہ ایم کیوایم میں مائنس ٹو فارمولے پرعمل ہورہا ہے، فروغ نسیم نے پارٹی رہنماﺅں کو کہا کہ فاروق ستار میں دم نہیں پرویز مشرف ہی اصل لیڈر ہیں۔ فاروق ستار نے کہا کہ مائنس ون کو بھی کارکنوں نے بڑی مشکل سے قبول کیا تھا، نام نہاد رابطہ کمیٹی کسی کے ہاتھوں میں استعمال ہورہی ہے۔فاروق ستار نے دعویٰ کیا کہ ان کے پاس اس بات کے ثبوت موجود ہیں کہ یہ سابق صدر پرویز مشرف کا فارمولا ہے، فروغ نسیم نے پارٹی رہنماﺅں کو کہا کہ فاروق ستار میں دم نہیں پرویز مشرف ہی اصل لیڈر ہیں۔

ملتان(وقائع نگار خصوصی)گورنر پنجاب ملک رفیق رجوانہ جو صوبے کی تمام یونیورسٹیوں کے چانسلر بھی ہیں نے روزنامہ خبریں ملتان کے ریذیڈنٹ ایڈیٹر غفار احمد میاں اور چیف رپورٹر مظہر جاوید سے سرکٹ ہاﺅس میں ایک ملاقات میں زکریا یونیورسٹی زیادتی کیس پر شدید دکھ کا اظہارکیا۔انہیں جب اخترعالم قریشی کے بیٹے علی رضا قریشی کی شرمناک واقعہ کی ویڈیو دکھائی گئی تو گورنر پنجاب کانپ اٹھے اور توبہ توبہ کرنے لگے۔انہوں نے کہاکہ اس قسم کی شکایات تمام یونیورسٹیوں میں ہیں۔انہوںنے کہاکہ ہمیں دکھ ہے کہ قوم کی بیٹیاں اساتذہ کے ہاتھوں بلیک میل ہورہی ہیں جو ہم سب کے لیے انتہائی تکلیف دہ بات ہے۔گورنر پنجاب نے مزید کہاکہ سمسٹر سسٹم اس تمام برائی کی جڑ ہے جس وقت یہ لاگو کیا جارہا تھا تو کسی کے تصور میں بھی نہیں تھاکہ اساتذہ بھی اس قسم کی غیراخلاقی سرگرمیوں میں ملوث ہوسکتے ہیں۔حالانکہ ہمارے دین میں اساتذہ کو روحانی باپ کا درجہ حاصل ہے۔انہوں نے کہاکہ وزیراعلیٰ پنجاب میاں شہباز شریف سے بھی بات چیت کرچکے ہیں اور تمام خفیہ ایجنسیوں کی خدمات بھی حاصل کرنے کے لیے لائحہ عمل تیار کیا جارہاہے جس کا اصل مقصد ان ناسوروں کےخلاف سخت کارروائی کرنا ہے۔گورنر نے بتایا کہ آپ کی آمد سے قبل میں نے زکریا یونیورسٹی کے وائس چانسلر کو بلایا تھا اور ان سے زیادتی کیس کے حوالے سے معلومات لی تھیں۔اس موقع پر گورنر نے زکریا یونیورسٹی کی ایک طالبہ کا خط بھی پیش کیا جو رجسٹریشن برانچ کے ایک کلرک کے ایک طالبہ کو بلیک میل کرنے کے حوالے سے تھا۔اس خط میں انتہائی شرمناک حقائق منظرعام پر لائے گئے تھے۔گورنر نے اس خط کے حوالے سے بھی شدید دکھ کا اظہارکیا اور اس پر مکمل تحقیقات کا وعدہ بھی کیا۔