بنوں(ویب ڈیسک) شمالی وزیرستان میں راکٹ حملے میں 2 سیکیورٹی اہلکار شہید اور 3 زخمی ہوگئے۔
شمالی وزیرستان کے علاقے حدی اور نورک میں راکٹ حملے میں 2 سیکیورٹی اہلکار شہید اور 3 زخمی ہوگئے۔ پولیٹکل ذرائع کے مطابق راکٹ حملے میں شہید ہونے والوں میں نائب صوبیدار فیصل محمد اور نائک نعیم شامل ہیں۔یہ بھی پڑھیں: جنوبی وزیرستان کے صحافیوں کا آئی ایس پی آر کا دورہ
حملے میں تین اہلکار نائک محمد ادریس، سپاہی محمد اقبال اور سپاہی اظہر علی زخمی ہوئے۔ زخمی اہلکاروں کو سی ایم ایچ منتقل کر دیا گیا ہے جہاں ان طبی امداد فراہم کی جارہی ہے۔ سیکیورٹی فورسز نے علاقے کو گھیرے میں لے کر سرچ آپریشن شروع کردیا ہے۔

لاہور (خصوصی رپورٹ) پاکستان تحریک انصاف سمیت دیگر پارلیمانی مسلم لیگ (ن)، پیپلزپارٹی اور پاکستان جماعتوں کا سینٹ کے انتخابات کیلئے امیدواروں کی نامزدگیوں اور جوڑ توڑ کا سلسلہ عروج پر ہے۔ تینوں بڑی پارلیمانی جماعتوں نے سینٹ میں اپنی بالادستی کیلئے بااثر سیاسی گھرانوں کے افراد ، وفادار پارٹی کارکنوں، تجربہ کار پارلیمنٹرین اور ارب پتی خاندانوں کے افراد کو انتخابی میدان میں اتارنے کا فیصلہ کیا ہے۔ تمام پارلیمانی جماعتوں نے بڑی سیاسی قد آور شخصیات کی جگہ اکثر نئے چہروں کو سینٹ کمے ٹکٹ سے نوازا ہے جبکہ چالیس کے لگ بھگ امیدوار پہلی بار سینٹ کے رکن منتخب ہوں گے۔ کے پی کے میں پاکستان تحریک انصاف، مسلم لیگ (ن) ، اے این پی، جمعیت العلماءاسلام اور جماعت اسلامی نئے امیدواروں کی اکثریت کو نامزد کیا ہے۔ صرف دو سینٹر پی ٹی آئی کے محمد اعظم سواتی اور جے یو آئی (ف) کے طلحہ محمود کو سینٹ میں قسمت آزمائی کا دوبارہ موقع دیا گیا ہے جبکہ پیپلزپارٹی کے پی کے میں اپنا وجود منوانے کیلئے پیپلزپارٹی کی سینٹر روبینہ خالد کو انتخابی میدان میں اتارنا چاہتی ہے۔ پاکستان تحریک انصاف نے کے پی کے اور پنجاب میں بااثر اور ارب پتی افراد کو سینٹ کا ٹکٹ دیا ہے جن میں سردار ایوب آفریدی، خیال زمان ، فدا محمد خاں، رانا فیصل جاوید، لطیف یوسفزئی ایڈووکیٹ شامل ہیں۔ پاکستان مسلم لیگ (ن) کے سینٹر شاہد خاں کی جگہ سری کوٹ (ہری پور) کے بااثر مذہبی و سیاسی گھرانے کے پیر صابر شاہ کو سینٹ میں قسمت آزمائی کا موقع دینے کا فیصلہ کیا ہے۔ جن کا حتمی اعلان آج متوقع ہے۔ جمعیت العلماءاسلام نے سینٹر طلحہ محمود کی جگہ صوبائی امیر مولانا گل نصیب کو پہلے نمبر پراور طلحہ محمود کو دوسرے نمبر پر ٹکٹ دیا ہے۔ ان کے علاوہ شیخ یعقوب اور نعیمہ کشور کو بھی سینٹ کا ٹکٹ دیا ہے ان میں جے یو آئی کے صرف ایک امیدوار سینٹر بننے کا امکان ہے۔ اے این پی کے مسحور خٹک اور بیگم شگفتہ بننے کا امکان ہے۔ ان میں جے یو آئی کے صرف ایک امیدوار سینٹر بننے کا امکان ہے۔ پرانے چہرے الیاس خاں بلور، زاہد علی خاں، شاہی سید اور باز محمد خاں سینٹ سے آﺅٹ ہو جائیں گے۔ اسی طرح پیپلزپارٹی کے فرحت اللہ بابر، احمد حسن اور حاجی سیف اللہ بنگش (مرحوم) کے سینٹ سے آﺅٹ ہونے پر ان کی جگہ پاکستان تحریک انصاف کے نئے ارکان کے سینٹ میں آنے کے قوی امکانات ہیں۔ پی ٹی آئی نے سینٹ انتخابات کیلئے نامزد امیدواروں کو پارٹی ٹکٹ حوالے کردیئے جس کے بعد اعظم سواتی، خیال زمان، ایوب آفریدی، فدا محمد خان نے اپنے کاغذات نامزدگی بھی جمع کرادیئے ہیں جبکہ فیصل جاوید، ڈاکٹر مہر تاج اور عبدالطیف یوسفزئی کو آج ٹکٹ حوالے کیے جائیں گے۔ پاکستان تحریک انصاف نے خیبر پختونخوا میں تین مارچ کو ہونے والے سینٹ انتخابات کیلئے مجموعی طور پر سات امیدوار میدان میں اتارنے کا اعلان کرتے ہوئے انہیں ٹکٹ جاری کیے تھے۔

اسلام آباد (خصوصی رپورٹ)بختاور بھٹو زرداری نے سیدہ عابدہ حسین کو اپنی کتاب “Special Star – Benazir Bhutto’s Story” پر قانونی نوٹس بھجوا دیا ہے واضح کیا گیا کہ یہ کتاب اس جھوٹے دعوے سے شروع کی گئی ہے کہ اس کی مصنفہ شہید محترمہ بینظیر بھٹو کی دوست تھیں جو کہ قطعی غلط ہے اور عوام کو گمراہ کرنے کی کوشش ہے ۔ نوٹس سینئر ایڈووکیٹ سپریم کورٹ آف پاکستان اور سابق وفاقی وزیر قانون فاروق ایچ نائیک نے بھیجا ہے۔ یہاں پیپلز سیکرٹریٹ سے منگل کو جاری بیان کے مطابق یہ نوٹس کتاب کی پبلشر ڈائریکٹر ، پرنٹرز اور کراچی لیٹریری فیسٹیول کی ڈائریکٹر ، ریجنل سیلز ڈائریکٹر ساﺅتھ اور کراچی لیٹریری فیسٹیول کے بانی کو بھی بھیجوائے گئے ہیں ۔ پیپلز پارٹی کے مطابق عابدہ سید اور دیگر کو یہ نوٹسز اس کتاب میں جھوٹے، غیرمصدقہ اور ذاتی عناد کی بنیاد پر لگائے گئے الزامات پر بھیجا گیا۔ نوٹس میں کہا گیا ہے کہ ان سب لوگوں نے غیرذمہ دارانہ اور بدنیتی پر مبنی تحریر لکھی اور شائع کی ہے جس میں یہ کوشش کی گئی کہ شہید محترمہ بینظیر بھٹو، ان کی سیاسی پارٹی اور سیاست پر کیچڑ اچھالا جائے۔ یہ تحریر بغیر کسی تحقیق کے لکھی گئی ہے اور یہ شہید محترمہ بینظیر بھٹو اور ان کے خاندان کے خلاف ہے۔ اس تحریر کو لکھتے وقت کسی قسم کی تصدیق نہیں کی گئی اور حقائق جاننے کی کوشش بھی نہیں کی گئی۔ اس کتاب کے پرنٹر اور پبلشرنے بھی اس بات کا قطعی خیال نہیں رکھا کہ وہ اسے مارکیٹ میں لاتے وقت اس میں دئیے گئے مواد کی تحقیق کر لیتے اس لئے ذہنی تکلیف، ہراساں کرنے اور ہتک عزت کے لئے ایک ارب روپے ہرجانے کا دعویٰ کیا جارہا ہے۔ نوٹس میں یہ بھی کہا گیا ہے کہ اس کتاب کی پبلشر اور پرنٹر کراچی لیٹریری فیسٹیول کی ڈائریکٹر ہیں اوراس کتاب کی رونمائی9فروری 2018ءکو کراچی لیٹریری فیسٹیول میں کرنا چاہتی ہیں۔

اوکاڑہ(ویب ڈیسک): رینالہ خورد کے گاوں اسلام پورہ میں انسانیت سوزی کاافسوسناک واقعہ پیش آیاہے،بااثرافراد نے 15سالہ لڑکے کوگڑبنانے والے گرم کڑاہے میں پھینک دیا۔میڈیا رپورٹس کے مطابق اوکاڑہ کی تحصیل رینالہ خورد کے گاو¿ں اسلام پورہ میں بااثرافراد نے انسانیت سوزی کی انتہاءکردی۔معمولی رنجش پر15سالہ لڑکے کوگڑبنانے والے گرم کڑاہے میں پھینک دیاگیا۔جس سے لڑکے کاجسم بری طرح جھلس گیا۔شدید زخمی لڑکے بلال کوتشویشناک حالت میں جناح ہسپتال لاہورمنتقل کردیاگیا۔بلال کے اہل خانہ نے وزیراعلیٰ پنجاب شہبازشریف سے ملزمان کیخلاف کاروائی کامطالبہ کردیاہے۔تاہم ابھی لڑکے کوگڑبنانے والے گرم کڑاہے میں پھینکنے کی وجوہات سامنے نہیں آئیں۔

مریدکے (سید سرور بخار سے) سود خوروں سے کسی کی جان محفوظ نا عزت اور مال، بااثر سود خوروں کا بیوہ کے گھر پر جدید ہتھیاروں سے مسلح ہو کر دھاوا، چادر چار دیواری کی دھجیاں اڑا دیں، بچوں سمیت قتل کرنے کی دھمکیاں، پولیس کی طرف سے سود خوروں کیخلاف کاروائی نہ کئے جانے کیخلاف بیوہ کا بہن، ذہنی معذور بچی اور دیگر بچوں کے ہمراہ تھانے کے مین گیٹ کے سامنے احتجاجی مظاہرہ، عدم تحفظ پر خود سوزی کی دھمکی تھانہ صدر مریدکے کے سامنے اپنی آٹھ سالہ ڈہنی معذور بیٹی اور دیگر کمسن بچوں اور بہن کے ہمراہ انصاف کے حصول کیلئے احتجاج کرتی گاو¿ں بھیانوالہ کی بیوہ خاتون روبینہ طفیل نے میڈیا کو بتایا شوہر کے انتقال کے بعد وہ محنت مزدوری کر کے بچوں کا پیٹ پال رہی ہے ایک بھینس بھی رکھی ہے جس کا دودھ فروخت کر کے گھر چلا رہی ہے جبکہ اس کا مرحوم شوہر کا تین ایکڑ زرعی رقبہ بھی ہے جو ٹھیکہ پر دے رکھا ہے اس کے مرحوم شوہر طفیل نے سود خوروں سے بیس ہزار روپے قرض لیا سود خوروں نے بیس ہزار کی جگہ پچاس ہزار روپے لے کر بھی جان نہ چھوڑی اسکی زمین پر قبضہ کر کے کرینوں کی زریعے مٹی اٹھالی لاکھوں روپے کی مٹی اٹھانے کیخلاف پولیس کو درخواست دی تو جدید ہتھیاروں سے مسلح ہو کر با اثر اصغر، عباس، عارف وغیرہ اس کے گھر پہنچ گئے اسلح کی نوک پر بچوں سمیت قتل کرنے کی دھمکیاں دیں تھپڑوں کی بارش کر دی اور کپڑے پھاڑ کر چادر چار دیواری کی دھجیاں اڑا دیں اور پولیس کو دی گئی درخواست واپس لینے کو کہا بیوہ خاتون نے کہا اسکی عزت کیساتھ جان اور مال کو خطرہ سے پولیس کو پھر آگاہ کرنے آئی ہوں مگر کوئی شنوائی نہیں ہو رہی وزیر اعلیٰ پنجاب، آئی پولیس پنجاب، حلقہ کے وفاقی وزیر رانا تنویر حسین، ایم این اے رانا افضال حسین، ضلعی چیئرمین احمد عتیق انور مجھے اور میرے بچوں کو تحفظ دیں وگرنہ وہ بچوں سمیت خود سوزی کر لیں گی اس سلسلہ میں جب مریدکے صدر پولیس نے سے رابطہ کیا گیا تو بتایا گیا بیوہ خاتون روبینہ طفیل کی دو درخواستیں موصول ہوئی ہیں قانون کے مطابق کاروائی عمل میں لائی جا رہی ہے بیوہ کو انصاف دیا جائے گا کوئی قانون سے بالاتر نہیں ملزم جتنے مرضی با اثر ہوں قانون کے شکنجے سے نہیں بچ سکتے۔

اسلام آباد(آئی این پی ) پاکستان مسلم لیگ(ن) کے رہنما کیپٹن (ر) صفدر نے کہا ہے کہ پیپلز پارٹی سکڑ کر موچی گیٹ تک رہ گئی ہے ، عمران خان کی شادی لاس اینجلس سے ڈی چوک تک پہنچی ہے،عمران کی اتنی شادیاں ہیں جن کا ابھی تک اعلان نہیں کیا گیا۔منگل کو احتساب عدالت میں پیشی کے موقع پر صحافیوں سے غیر رسمی گفتگو کرتے ہوئے کیپٹن(ر)صفدر عمران خان کی شادیوں پر تبصرہ کرتے ہوئے کہا کہ شکر ہے کہ عمران خان نے دو ماہ بعد ریحام کے ساتھ شادی کا اعلان کردیا تھا ، عمران خان کی اتنی شادیاں ہیں جن کا ابھی تک اعلان نہیں کیا گیا۔پیپلز پارٹی کے گزشتہ روز ہونے والے جلسے پر تبصرہ کرتے ہوئے کیپٹن (ر)صفدر نے کہا کہ بھٹو کی پارٹی سکڑ کر موچی گیٹ لاہور تک محدود ہوگئی ہے، موچی گیٹ میں ویسے ہی اتنے لوگ ہوتے ہیں جتنے پی پی کے جلسے میں تھے۔وفاقی حکومت گرائے جانے کے حوالے سے پوچھے گئے سوال کے جواب میں کیپٹن(ر)صفدر نے کہا کہ آصف زرداری کے پاس اتنے پیسے ہیں کہ وہ حکومت گراسکتے ہیں، وہ تو سرے محل کا ایک حصہ بیچ دیں تو بھی حکومت گراسکتے ہیں۔ انہوں نے کہا قائد اعظم کے پاکستان کے وارث ہیں اس کے آئین اور عدالتی نظام کو بچانے نکلے ہیں سرینگر جا کر آزادی کی فتح کا جشن منانے کا اعلان کشمیری عوام کے لئے نواز شریف کا بڑا پیغام تھا نواز شریف کے جلسوں میں عوامی جذبے سے ثابت ہوا کہ لوگ پاکستان کو بچانا چاہتے ہیں۔