ممبئی(ویب ڈیسک )نامور بالی ووڈ اداکار ابھیشیک بچن نے انکشاف کیا ہے کہ ا±ن کی اور ایشوریا کی شادی ارینج نہیں بلکہ لو میرج تھی۔سال 2000ءمیں فلم ’رفیوجی‘ سے بالی ووڈ میں ڈیبیو کرنے والے اداکار ابھیشیک بچن اپنی اداکاری سے زیادہ اپنے والد لیجنڈری اداکار امیتابھ بچن کی وجہ سے شہرت رکھتے ہیں۔ ابھیشیک نے اپنے والد کے نقش قدم پر چلتے ہوئے اپنے فلمی کیریئر میں متعدد فلمیں کیں، لیکن ایک دو کے علاوہ کوئی بھی فلم کامیابی کے جھنڈے نہ گاڑ سکی۔کیریئر میں ناکامی کا منہ دیکھنے والے ابھیشیک گھریلو زندگی میں کامیاب رہے اور بالی ووڈ کی حسینہ ایشوریا رائے کو دلہنیا بنا کر گھر لے آئے۔
بھارتی میڈیا رپوٹس کے مطابق ابھیشیک بچن نے اپنے انٹرویو میں انکشاف کیا ہے کہ وہ ایشوریا کی شخصیت سے کافی متاثر تھے اور انہیں پسند کرتے تھے لیکن یہ بات کہنے کی  کبھی ہمت نہ ہوئی لیکن 2007ءمیں ٹورنٹو میں فلم ’گرو‘ کے پریمیئرکے دوران ایشوریا سے ظہار محبت کرنے کا فیصلہ کرلیا تھا۔
ابھیشیک بچن نے مزید بتایا کہ فلم کا پریمیئر ختم ہونے کے بعد ہوٹل کی بالکونی میں ایشوریا کو سخت سردی میں اکیلے کھڑے دیکھ کر گھبراتے ہوئے محبت کا اظہار کردیا کہ ’مجھ سے شادی کروگی ‘جس پر ایشوریا نے بغیر کچھ وقت ضائع کیے میری پیشکش قبول کرلی وہ لمحہ میرے لیے بہت اہمیت کا حامل تھا۔واضح رہے کہ ابھیشیک اور ایشوریا فلم ’سرکار راج، ’امراو? جان‘ سمیت 8 فلموں میں ایک ساتھ کام کرچکے ہیں جب کہ ان کی ایک 6 سالہ بیٹی ہے جس کا نام آردھیا ہے۔

نیویارک(ویب ڈیسک) ہالی ووڈ پروڈیوسر ہاروے ونسٹن پر جنسی ہراسگی کے متعدد الزامات عائد ہونے کے بعد بڑی بڑی اداکاراﺅں کی طرف سے جنسی طور پر ہراساں کیے جانے کے انکشافات سامنے آ رہے ہیں۔ اب ہالی ووڈ کی صف اول کی اداکارہ نتالی پورٹ مین بھی اس فہرست میں شامل ہو گئی ہیں اور انہوں نے ایسا انکشاف کر دیا ہے کہ دنیا ہل کر رہ گئی۔ نتالی نے انٹرویو دیتے ہوئے کہا ہے کہ ”مجھے اپنے کیریئر کے دوران ایک یا دو بار نہیں بلکہ 100سے زائد بار جنسی طور پر ہراسگی کا سامنا کرنا پڑا ہے۔ خواتین کو ہراساں کیا جانا ہالی ووڈ میں روز کا کام ہےَ“اداکارہ نے ایک واقعہ سناتے ہوئے کہا کہ ”ایک بار میں ایک معروف پروڈیوسر کے ساتھ اس کے نجی جہاز پر سفر کر رہی تھی۔ جہاز میں صرف ہم دونوں سوار تھے لیکن وہاں سونے کے لیے صرف ایک بیڈ لگایا گیا تھا۔ میں سمجھ گئی کہ ایک بیڈ لگانے سے پروڈیوسر کی کیا منشاءہے۔ میں نے اسے صاف طور پر کہہ دیا کہ اس چیز پر میں بے سکونی محسوس کر رہی ہوں۔ میرے یہ بات کہنے کے بعد اسے زبانی طور پر مجھے کوئی بھی ایسی بات کہنے کی جرات نہیں ہوئی اور میں اس سفر میں محفوظ رہی۔تاہم اس تما م سفر کے دوران میں خوفزدہ رہی۔“

ممبئی(ویب ڈیسک )بھارتی ادکار انوپم کھیر کا ٹوئٹر اکاو¿نٹ ہیک کرلیا گیا جب کہ ہیکر نے اس پر ”آئی لو پاکستان“ کا پیغام لگادیا۔بھارتی میڈیا رپورٹس کے مطابق اداکار انوپم کھیر کا ٹوئٹر اکاو¿نٹ ہیک کرکے اس پر ترکی کا جھنڈا پوسٹ کردیا گیا جب کہ ساتھ ہی ترکش زبان میں کوئی پیغام بھی لکھا گیا لیکن ہیکر نے پوسٹ کے آخر میں انگریزی میں ’آئی لوپاکستان‘ بھی لکھ دیا۔دوسری جانب سماجی رابطے کی ویب سائٹ فیس بک پر اداکار انوپم کھیر کا کہنا تھا کہ میرا ٹوئٹر اکاو¿نٹ ہیک کرلیا گیا ہے جو مجھے متعدد دوستوں کے ذریعے پتہ چلا تاہم میں اس وقت لاس اینجلس میں موجود ہوں اور ہیکنگ کے حوالے سے ٹوئٹر انتظامیہ سے بات ہوگئی ہے۔ادھر ٹوئٹر کی جانب سے بھی ایک پوسٹ میں کہا گیا کہ بھارت میں ہمارے ایک صارف کی پریشانی کو جلد ہی دور کردیا جائے گا۔

بالی وڈ(ویب ڈیسک )اداکارہ دپیکا پڈوکون کی فلم ’پدماوت‘ کے بعد بالی وڈ اداکارہ کنگنا رناوت کی فلم ’مانی کارنیکا: کوئین آف جھانسی‘ بھی انتہا پسندوں کے نشانے پر آگئی ہے۔فلم ’پدماوت‘ کا تنازع کئی ماہ کی ہنگامی آرائیوں کے بعد اختتام پزیر ہو گیا ہے اور عدالتی فیصلوں کے دباو¿ کے نتیجے میں کرنی سینا احتجاج کا سلسلہ واپس لینے پر مجبور ہو گئی ہے۔لیکن اس بار انتہا پسندوں نے کنگنا رناوت کی فلم کو نشانے پر لے لیا ہے اور راجستھان کی حکومت سے فلم مانی کارنیکا: کوئین آف جھانسی کی نمائش روکنے کا مطالبہ کیا ہے۔بھارتی میڈیا کے مطابق برہمن مہاسبھا نے کنگنا رناوت کی فلم ’مانی کارنیکا‘ پر تاریخی حقائق مسخ کرنے کا الزام عائد کرتے ہوئے کہا ہے کہ فلم کی کہانی میں ’رانی لکشمی بائی‘ کو انگریز افسر کی محبوبہ دکھایا گیا ہے۔انتہا پسندوں نے فلمسازوں کو 3 دن میں اس معاملے پر وضاحت دینے کی مہلت دی ہے اور ریاستی حکومت کو فی الفور فلم کی شوٹنگ روکنے کی دھمکی دیتے ہوئے کہا ہے کہ وضاحت نہ دینے یا شوٹنگ نہ روکنے تک کسی قسم کی نقصان کی ذمہ داری ریاستی حکومت ہی ہو گی۔یاد رہے کہ فلم کی شوٹنگ گزشتہ سال سے جاری ہے جس میں کنگنا رناوت ’رانی لکشمی بائی‘ کے روپ میں نظر آئیں گی جب کہ فلم بھی رواں سال اپریل میں نمائش کے لیے پیش کی جائے گی۔