لاہور(ویب ڈیسک) پاکستان عوامی تحریک کے سربراہ طاہر القادری نے کہا ہے کہ انصاف نہ ملنے کے باوجود انہوں نے عدلیہ پر انگلی نہیں اٹھائی۔لاہور میں عوامی تحریک کے سربراہ نے ماڈل ٹاون سانحہ کے زخمیوں اور جاں بحق ہونیوالوں کے ورثا سے ملاقات کی۔ اس موقع پر واقعے کے دوران گرفتار ہونیوالے کارکن بھی موجود تھے۔ ڈاکٹر طاہرالقادری نے ملاقات کے شرکا سے آئندہ کے لائحہ عمل پر مشاورت کی۔ملاقات کے بعد میڈیا سے گفتگو کرتے ہوئے طاہر القادری نے کہا کہ ہم نے کارکنوں کی لاشیں اٹھائیں اور انصاف بھی نہیں ملا، اس کے باوجود عدلیہ کے وقار پر انگلی نہیں اٹھائی، لیکن جھوٹے اور قومی لٹیرے سپریم کورٹ کے ججز کو دھمکیاں دیتے ہوئے کہتے ہیں کہ تمہیں چھوڑیں گے نہیں، نااہل وزیر اعظم کی دھمکیوں پر آئین کے تحفظ کا حلف اٹھانے والے کیوں چپ ہیں؟۔عوامی تحریک کے سربراہ نے کہا کہ سپریم کورٹ انصاف کا بلند ترین آئینی ادارہ ہے کسی بدعنوان خاندان کی آف شور کمپنی نہیں، ماڈل ٹاو¿ن کے قاتل عدلیہ کےخلاف باہر نکلیں گے تو قوم انھیں چھوڑے گی نہیں، حصول انصاف کے لیے کارکن تیار اور میرے اشارے کے منتظر ہیں، انصاف کے لیے احتجاج بھی ہوگا اورقانونی جنگ بھی لڑی جائیگی۔

لاہور(ویب ڈیسک)عوامی تحریک کی جانب سے سانحہ ماڈل ٹاو¿ن پر بلائی گئی آل پارٹیز کانفرنس میں شہبازشریف اور رانا ثنا اللہ کو مستعفیٰ ہونے کے لیے دی گئی ڈیڈلائن کا آج آخری دن ہے۔ سانحہ ماڈل ٹاﺅ ن کے حوالے سے عوامی تحریک کے زیراہتمام اے پی سی میں اپوزیشن جماعتوں کی طرف سے وزیراعلیٰ پنجاب شہباز شریف اور وزیر قانون رانا ثنا اللہ کو مستعفیٰ ہونے کے لیے 7 جنوری کی ڈیڈلائن دی گئی تھی جو آج ختم ہوجائی گی، حکومتی شخصیات کی جانب سے اپوزیشن کی ڈیڈلائن کا کوئی نوٹس نہ لیا گیا جب کہ ڈیڈلائن ختم ہونے پر کل جماعتی کانفرنس کی اسٹیئرنگ کمیٹی کا اجلاس کل ہوگا۔