لندن (ویب ڈیسک )ایپل اور گوگل پلے اسٹور پر ایسی کئی ایپس موجود ہیں جن سے آپ اپنے بچوں اور شریکِ حیات کے اسمارٹ فون کی جاسوسی کرسکتے ہیں۔ گھریلو تشدد روکنے اور انسانی حقوق کی تنظیموں نے ان ایپس کے پھیلاو¿ پر اپنی تشویش کا اظہار کیا ہے۔ان میں سے بعض ایپ تو صرف فون کی سرگرمی اور جگہ کو نوٹ کرتی ہیں لیکن کچھ بدنام ایپس نہ صرف کال ریکارڈ کرنے، ٹیکسٹ معلوم کرنے میں مددگار ہوتی ہیں بلکہ سوشل میڈیا پر سرگرمی بھی نوٹ کرسکتی ہیں۔ یہ ایپ براو¿زنگ ہسٹری کا بھی پتا لگاسکتی ہیں۔
ان میں سے ایک ایپ کا نام ایم اسپائی (mSpy) ہے جس کی قیمت پاکستانی 26 ہزار روپے (149.99 برطانوی پاو¿نڈ) سالانہ ہے۔ کمپنی کے مطابق اسے بچوں کی فون سرگرمی کو نوٹ کرنے کے لیے استعمال کیا گیا تھا جس میں وہ بچے کے ٹیکسٹ پیغامات، کال، جی پی ایس محلِ وقوع ، واٹس ایپ اور دیگر سرگرمیوں کو نوٹ کرسکتے ہیں۔ایم اسپائی کی خاص بات یہ ہے کہ خاموشی سے انسٹال ہونے کے بعد ایپ اسمارٹ فون پر کہیں نظر نہیں آتی اور بہت خاموشی سے کام کرتی رہتی ہے۔ یہی وجہ ہے کہ مغربی ممالک اور یورپ میں لوگ اسے اپنی بیوی یا گرل فرینڈ کی سن گن کے لیے استعمال کررہے ہیں۔ایک برطانوی صارف نے کہا کہ ایپ واٹس ایپ کے ڈیلیٹ ہونے والے پیغامات بھی دکھاتی ہے اور اسی وجہ سے یہ بہت مو¿ثر بھی ہے۔ اس کے علاوہ سالانہ چار ہزار روپے فیس لینے والی ایسی ایپس بھی ہیں جو آپ کو کئی لحاظ سے دوسروں کی جاسوسی کرنے میں مدد دیتی ہے۔بچوں کو محفوظ بنانے والی ایپس زیادہ مقبول ہیں لیکن ان میں جاسوسی کا عنصر غالب ہوتا ہے اور ان کے فون میں خفیہ ایپ اتار کر ان کی نگرانی کی جاتی ہے لیکن یہ بات یہاں ختم نہیں ہوتی بلکہ درجنوں ایسی ایپس بن چکی ہیں جو بالکل مفت میں دستیاب ہیں اور ان سب کو دوسروں کی نگرانی کے لیے استعمال کیا جاسکتا ہے۔

لندن (ویب ڈیسک ) سال 2017ئ اور 2018ئ میں پاکستان سے شائع ہونے والے (سائنسی) تحقیقی مقالوں کی تعداد عین اسی عرصے میں کئی ترقی پذیر ممالک سے پیش کیے جانے والے تحقیقی مقالوں سے کہیں زیادہ ہے۔اس بات کا انکشاف ہفت روزہ سائنسی جریدے نیچر کی تازہ اشاعت میں کیا گیا ہے۔ نیچر میں شائع ایک مضمون میں کہا گیا ہے کہ ترقی پذیر ممالک میں سال 2018ئ میں شائع شدہ تحقیقی مقالوں کی فیصد تعداد مصر اور پاکستان کا گراف تیزی سے بڑھا ہے جو بالترتیب 21 اور 15.9 فیصد ہے۔یہ اعداد و شمار ایک پبلشنگ سروسز کمپنی کلریویٹ نے مرتب کیے ہیں جس میں کہا گیا ہے کہ پاکستان اور مصر اس دوڑ میں اپنی ہی طرح کی ابھرتی ہوئی معیشتوں مثلاً بھارت، چین، ہانگ کانگ، میکسکو، ایران، پولینڈ اور جنوبی امریکا سے آگے ہیں۔خیال رہے کہ یہ اعداد بالحاظ فیصد پیش کیے گئے ہیں۔ رپورٹ میں یہ بھی کہا گیا ہے کہ 2018ئ میں دنیا بھر سے پیش کردہ تحقیقی مقالہ جات کی تعداد میں مجموعی طور پر 5 فیصد کا اضافہ ہوا ہے اور اس سال سائنسی علوم کے خزانے میں 1,620,731 مقالہ جات کا اضافہ ہوا ہے۔ عالمی سطح پر ماہرین نے اس رجحان کا خیر مقدم کیا ہے۔
اوہایو اسٹیٹ یونیورسٹی میں سائنس اینڈ ٹیکنالوجی پالیسی کی تجزیہ کار، کیرولن ویگنر نے اسے ایک غیرمعمولی کامیابی قرار دیتے ہوئے کہا کہ’ 1980ئ میں صرف 5 ممالک 90 فیصد سائنس تخلیق کررہے تھے جن میں جرمنی، جاپان، برطانیہ ، امریکا اور فرانس شامل تھے۔ اب اس فہرست میں 20 ممالک شامل ہوچکے ہیں۔ ‘یہ اعدادوشمار نیچر میگزین کے لیے ویب آف سائنس کی مالک کمپنی کلیری ویٹ نے جمع کیے ہیں جن میں 40 ایسے ممالک کو شامل کیا گیا ہے جنہوں نے عالمی ڈیٹابیس میں 10 ہزار سے زائد تحقیقی مقالے شائع اور جمع کرائے ہیں۔ اس میں جنوری سے اگست تک شائع ہونے والے ریسرچ پیپرز کو شامل کیا گیا ہے۔ ایسے مقالے زیادہ ہیں جو تحقیقی اور تجزیہ جاتی (ری ویو) پر مبنی ہوں۔
ماہرین نے کہا ہے کہ عالمی سطح پر تحقیقی مقالہ جات شائع کرنے کا سلسلہ بڑھ رہا ہے جو 2019ئ میں بھی جاری رہے گیا تاہم ماہرین پاکستان اور مصر کی غیرمعمولی صلاحیت کو جاننے کی کوشش کررہے ہیں۔ اس کی ایک وجہ تو یہ ہوسکتی ہے کہ دونوں ممالک ان 40 ممالک کی فہرست پہلے بہت پیچھے تھے اور جب وہاں مقالے زیادہ چھپے تو فیصد کے لحاظ سے یہ فرق بہت نمایاں نظر آیا۔
بعض ماہرین کا خیال ہے کہ پاکستان اور مصر کے سائنس داں بین الاقوامی شراکت سے تحقیق کررہے ہیں اور اس مد میں فنڈنگ میں اضافہ ہوا ہے جس کا اثر تحقیقی مقالوں پر پڑا ہے۔
تاہم ماہرین نے کہا ہے مقالوں کے جرنل میں اس بار مقامی یا اسی ملک میں چھپنے والے تحقیقی جرنلز اور جرائد کو شامل کیا گیا ہے جس سے ڈیٹا بیس بڑھا ہے تاہم اس دوڑ میں اب بھی افریقا بہت پیچھے ہے جو ایک تشویش ناک امر ہے۔
دوسری جانب چین کا گراف گزشتہ دو دہائیوں سے مسلسل بڑھ رہا ہے اور اس کی وجہ یہ ہے کہ چینی سائنس پالیسی بہت ہمہ گیر اور مضبوط ہے جس میں اعلیٰ تعلیم پر غیرمعمولی توجہ دی جارہی ہے۔
اس رپورٹ میں کہا گیا ہے کہ چین بہت جلد امریکا کو پیچھے چھوڑدے گا کیونکہ اس سال دونوں ممالک کے درمیان صرف 35 ہزار سائنسی مقالوں کا فرق رہ گیا ہے۔ دوسری جانب حوالہ جات (سائٹیشن) کے لحاظ سے چین کی پوزیشن بہت اچھی ہورہی ہے۔

اسٹینفورڈ (ویب ڈیسک ) ماہرین نے ہائیڈروجن ایندھن بنانے والا ایک آلہ بنایا ہے جوعین ہمارے پھیپھڑوں کی طرح کام کرتا ہے۔اسٹینفرڈ یونیورسٹی کے سائنسداں وائی کوئی اوران کے ساتھیوں نے پانی کو دو حصوں میں تقسیم کرکے ہائیڈروجن ایندھن بنانے والا ایک آلہ تیارکیا ہے جو عین انسانی پھیپھڑوں کے اصول پر کام کرتا ہے۔انسانی پھیپھڑوں میں باریک جھلی کے ذریعے گیسیں ایک سے دوسری جگہ جاتی ہیں۔ اس عمل میں آکسیجن نکل کر خون میں شامل ہوجاتی ہے یوں جسم کے قریباً تمام حصوں تک پہنچتی ہے۔ ماہرین نے خاص طرح کے الیکٹرو کیٹیلِسٹس (برق عمل انگیز) استعمال کرتے ہوئے پانی کا کیمیائی تعامل (ری ایکشن) بڑھایا ہے جو پانی کو توڑتے ہوئے قدرے تیزی سے پانی سے ہائیڈروجن بناتا ہے۔ اس سے ہائیڈروجن سواریوں اور اسے استعمال کرکے اسمارٹ فون سے لے کر گھروں تک کو روشن رکھا جاسکتا ہے۔سائنسدانوں کی ٹیم نے 12 نینو میٹر جسامت کی ایک پلاسٹک کی جھلی تیار کی جس کی ایک جانب باریک سوراخ تھے جو پانی دھکیل سکتی ہے۔ جھلی کے دوسری جانب سونے اور پلاٹینم کے انتہائی باریک ذرات لگائے گئے جو کیمیائی ری ایکشن کے لیے بنائے گئے تھے۔ اس کے بعد اس جھلی کو گول کاغذ کی طرح رول کیا گیا اور دھاتی جھلی کو اندر کی جانب رکھا گیا۔ جیسے ہی پانی کو بجلی دی گئی وہ ہائیڈروجن اور ا?کسیجن میں ڈھلنے لگی اور پھیپھڑے نما آلے میں جذب ہوکر اندر کی جانب جاتے ہوئے توانائی پیدا کرنے لگیں۔ ماہرین کے مطابق باریک سوراخوں کی تعداد نے گیس کے ضیاع کو روکا کیونکہ اس طرح گیس کے بہت باریک بلبلے بننے لگے تھے۔ماہرین کے مطابق اپنی خاص شکل کے تحت سیلنڈر نما مصنوعی پھیپھڑا پانی سے توانائی بنانے میں دیگر آلات کے مقابلے میں 32 فیصد زائد باکفایت اور مو¿ثر ثابت ہوا۔ دلچسپ بات یہ ہے کہ اس آلے کا مٹیریل 250 گھنٹے تک مو¿ثر اور قابلِ عمل رہاجبکہ اسی نوعیت کے کاربن سے بنے آلات صرف 75 گھنٹے میں اپنی افادیت 74 فیصد تک کھودیتے ہیں۔ اگلے مرحلے میں اس ڈیزائن کو مزید بہتر بنایا جائے گا اور یوں انسانی پھیپھڑوں کو دیکھتے ہوئے ہائیڈروجن ایندھن کی تیاری کا ایک نظام جلد ہی شرمندہ تعبیرہوسکے گا۔

بیجنگ( ویب ڈیسک ) سیب عام طور پر سبز، سرخ، پیلے یا ان کے مجموعے میں ہوتے ہیں لیکن تبت کے پہاڑوں پر گہرے جامنی سیب پائے جاتے ہیں جن پر سیاہ رنگ کا گمان ہوتا ہے۔سیاہ ہیروں والے سیب دراصل چین میں مشہور ہوا نائیو سیب (چین کے سرخ لذیذ) کی نسل سے ہیں۔ تبت کے خود مختار خطے کے ایک علاقے نیانگ چی میں یہ سیب پائے جاتے ہیں۔ سطح سمندر سے 3100 میٹر کی بلندی پر ایک چینی کمپنی نے یہاں 50 ہیکٹر پر باغات لگائے ہیں۔اس علاقے میں دن اور رات میں درجہ حرارت کا خاصا فرق پایا جاتا ہے دن میں خوب دھوپ پڑتی ہے اور اس کی الٹرا وائلٹ روشنی سے سیب کی رنگت مزید گہری ہوتی جاتی ہے یہاں تک کہ وہ گہرے جامنی رنگ کے ہوجاتے ہیں اور دور سے کالے دکھائی دیتے ہیں۔ایک کمپنی کے ترجمان نے بتایا کہ گہرے بنفشی سیبوں کی اوپری سطح بہت خوبصورت اور انوکھی ہے، اندر سے کاٹنے پر ان کا گودا موم کی طرح نظر آتا ہے جبکہ دور سے یہ ہیروں کی طرح خوشنما دکھائی دیتے ہیں اسی بنا پر سیبوں کو سیاہ ہیرے بھی کہا جاتا ہے۔پہلی مرتبہ سیاہ جامنی سیب 2015ئ میں اگنا شروع ہوئے تھے اور اسی بنا پر یہ مہنگی ترین مارکیٹوں میں فروخت کیے جاتے ہیں۔ ایک سیب کی قیمت 7 ڈالر یا پاکستانی ایک ہزار روپے ہے تاہم اپنی رنگت کی بنا پر ان کی افزائش بہت سست ہوتی ہے۔عام سیب کا درخت 3 سے 5 برس میں پیداوار دینا شروع کرتا ہے لیکن اس کی پیداوار 8 سال سے پہلے ممکن نہیں ہوتی۔ ان میں سے بھی صرف 30 فیصد سیب ایسے ہیں جو مکمل سیاہ ہونے پر پورا اترتے ہیں اور اچھے داموں فروخت ہوتے ہیں۔امیر صارفین اس عجیب و غریب سیب کو کھا کر بہت خوش ہوتے ہیں اور اس کے بدلے مہنگی قیمت ادا کرنے کو بھی تیار ہیں۔ سیب کے بہت سے کاشت کاروں نے کہا ہے کہ بلیک ڈائمنڈ ایپل کا کوئی وجود نہیں اور یہ تصاویر جعلی ہیں جبکہ بہت سے افراد کا خیال ہے کہ چند افراد اس کی کاشت کررہے ہیں اور وہ سیاہ سیب فروخت کرتےہیں۔

مصر (ویب ڈیسک ) شمال مشرقی مصر میں صدیوں بلکہ ہزاروں سال سے ایک رسم جاری ہے جس میں ملزم کو ایک گرم دہکتا ہوا چمچہ چاٹ کر اپنی بے گناہی ثابت کرنا پڑتی ہے۔ یہ عین اسی طرح کی رسم ہے جو بلوچستان میں بھی رائج ہے جہاں لوگوں کو بے گناہی ثابت کرنے کے لیے دہکتے ہوئے انگاروں پر چلنا پڑتا ہے۔مصر کے بدو قبائل میں رائج اس رسم کو بِشاہ یا البشعہ کہا جاتا ہے۔ کسی جرم کے ملزم کو ایک امتحان سے گزرنا ہوتا ہے۔ اس کے لیے قبائلی جرگہ لوہار کی بھٹی میں آگ لگا کر کسی چمچے یا کفگیر کو اتنا دہکاتا ہے کہ وہ سرخ ہوجاتا ہے۔ ملزم کو بے گناہی ثابت کرنے کے لے اسے زبان سے چھونا ہوتا اور اگر وہ بے گناہ ہو تو اس کی زبان نہیں جلتی جبکہ رسم کے مطابق مجرم کی زبان پر آبلہ پڑ جاتا ہے۔کہا جاتا ہے کہ یہ رسم قدیم عراق سے جاری ہے جب اس کا نام میسوپوٹیمیا تھا۔ تاہم یہ ایک زمانے میں سعودی عرب اور اردن میں بھی جاری تھی جسے اب ترک کردیا گیا ہے۔ مصر میں اسے مشکوک افراد کے لیے استعمال کیا جاتا ہے جہاں عینی شاہدین موجود نہیں ہوتے۔جھوٹ پکڑنے والی اس قدیم مشین کے بارے میں لوگ کہتے ہیں کہ جھوٹا شخص مضطرب ہوتا ہے جس کا منہ خشک ہوتا ہے اورخشک زبان گرم فولاد سے جل جاتی ہے۔ جبکہ سچے شخص کی گیلی زبان جلنے سے محفوظ رہتی ہے۔تاہم اس کے حامی کہتے ہیں کہ گرم چمچہ آخری حربہ ہے اوراسے کسی نتیجے پرنہ پہنچنے کے بعد ہی اختیارکیا جاتا ہے۔ تاہم ناقدین نے اس ظالمانہ رسم کے بارے میں کہا ہے کہ بہت سے لوگ گرم چمچے کی آزمائش سے قبل ہی ڈر کر اعترافِ جرم کرلیتے ہیں اور ان کے مطابق زبان جلنے کی صورت میں پوری عمر کے لیے ہکلاہٹ کا مرض لاحق ہوسکتا ہے۔