نئی دہلی( آن لائن )اس بات سے تو سب ہی واقف ہیں کہ بالی وڈ کے معروف اداکار سلمان خان نے ابھی تک شادی نہیں کی۔سلمان خان سے اکثر سوال کیا جاتا ہے کہ وہ شادی کب کر رہے ہیں ؟سلمان خان کی شادی سے متعلق تو کوئی اطلاعات نہیں ہیں تاہم اب سلمان خان باپ بننے والے ہیں۔میڈیا رپورٹ کے مطابق سلمان خان نے بنا شادی کے شاہ رخ خان اور کرن جوہر کے نقش قدم پر چلتے ہوئے باپ بننے کا فیصلہ کر لیا ہے۔سلمان خان فی الحال شادی کے لیے تو تیار نہیں ہیں تاہم اس کی بجائے انہوں نے سیروگیسی کا عمل منتخب کیا ہے۔بالی وڈ میں اس سے قبل بھی شاہ رخ خان،کرن جوہر، ایکتا کپور،تشار کپور اور عامر خان سمیت بہت سارے ستارے سیروگریسی کے ذریعے سے اپنی اولاد کو دنیا میں لائے۔اور اب سلمان خان بھی ایسا ہی کرنے کو تیار ہیں۔2017 میں سلمان خان نے اپنے ایک بیان میں کہا تھا کہ وہ آئندہ چند سال میں بچے چاہتے ہیں۔ان کا کہنا تھا کہ میں اچھا بیٹا اور اچھا باپ بن سکتا ہوں لیکن اچھا شوہر نہیں بن پاں گا۔سلمان خان کو اکثر موقوں پر بچوں سے پیار کرتے بھی دیکھا گیا ہے اور یہی وجہ ہے کہ اب انہوں نے بھی بغیر شادی کے باپ بننے کا فیصلہ کر لیا ہے۔خیال رہے کہ بالی ووڈ میں سروگیسی کے ذریعے بچوں کی پیدائش کا طریقہ عام ہوتا جارہا ہے ۔اسی طریقہ کار کے تحت بالی وڈ کے کنگ خان شاہ رخ خان، مسٹر پرفیکشنسٹ عامرخان، ہدایت کار کرن جوہر اور بالی وڈ اداکارہ و ماڈل سنی لیون بھی والدین کے عہدے پر فائز ہوئے۔
