اٹلانٹا(ویب ڈیسک) آسٹریلوی ٹینس کھلاڑی ایلکس ڈی مینار نے اپنی عمدہ کارکردگی کی بدولت اٹلانٹا اوپن ٹینس ٹورنامنٹ مینز سنگلز ایونٹ جیت لیا۔ انہوں نے فائنل میچ میں امریکی کھلاڑی ٹیلر فرٹز کو شکست دیکر ٹائٹل اپنے نام کرلیا۔امریکا میں جاری ایونٹ میں کھیلے گئے مینز سنگلز فائنل میں آسٹریلیا کے ایلکس دی مینار کا مقابلہ امریکن کھلاڑی ٹیلر فرٹز سے تھا دونوں کھلاڑیوں کے درمیان زبردست مقابلہ ہوا تاہم آسٹریلوی کھلاڑی ایلکس ڈی مینار نے قدرے بہتر کھیل پیش کرتے ہوئے امریکی کھلاڑی کو سٹریٹ سیٹس میں شکست دی۔ انکی فتح کا سکور 6-3 اور 7-6 تھا۔
