واشنگٹن (ویب ڈیسک) انگلینڈ کے نامور ٹینس سٹار اور اولمپک چیمپئن اینڈی مرے اور انکے بھائی جمی مرے پر مشتمل برطانوی جوڑی سٹی اوپن ٹینس ٹورنامنٹ مینز ڈبلز پری کوارٹر فائنل میچ میں کل جمعرات کو پنجہ آزمائی کریگی۔ تفصیلات کے مطابق امریکا میں کھیلے جارہے سٹی اوپن ٹینس ٹورنامنٹ میں کانٹے دار مقابلوں کا سلسلہ جاری ہے۔ایونٹ میں مینز ڈبلز پری کوارٹر فائنل راﺅنڈ میچ میں (آج) جمعرات کو اینڈی مرے اور جمی مرے پر مشتمل برطانوی جوڑی پنجہ آزمائی کریگی۔ دونوں بھائیوں کی جوڑی ایک لمبے عرصہ کے بعد دوبارہ اکھٹی ہوئی ہے۔ واضح رہے کہ مینز ڈبلز پری کوارٹر فائنل میچ میں برطانوی بھائیوں کی جوڑی کا مقابلہ ایڈورڈ راجر واسلین اور نیکولس مہوٹ پر مشتمل فرانسیسی جوڑی سے ہوگا۔
