واشنگٹن (ویب ڈیسک) روسی ٹینس سٹار اینا کالنسکایا اور انکے جاپانی جوڑی دار میو کاٹو سٹی اوپن ٹینس ٹورنامنٹ ویمنز ڈبلز کوارٹر فائنل میں پہنچ گئیں۔انہوں نے پری کوارٹر فائنل راﺅنڈ میچ میں کینیڈا کی ایوجنے بوچارڈ اور انکی امریکی جوڑی دار سوفیا کینن کو شکست دی۔ بدھ کو امریکا میں جاری ایونٹ میں کھیلے گئے ویمنز ڈبلز پری کوارٹر فائنل میچ میں اینا کالنسکایا اور انکی جاپانی جوڑی دار میو کاٹو نے شاندار کارکردگی کا مظاہرہ کرتے ہوئے ایوجنے بوچارڈ اور سوفیا کینن کو باآسانی سٹریٹ سیٹس میں 6-0 اور 6-2 سے مات دیکر ایونٹ کے کوارٹر فائنل کے لئے کوالیفائی کرلیا۔
