کہروڑپکا (عامر شبیر سے) ظالم زمینداروں نے رشتہ کرنے پر چار غریب کسان بھائیوں پر زمین تنگ کر دی۔ چار بھائیوں کے چاروں مکانوں کو آگ لگا کر گھروں کا تمام سامان جلا دیا۔ قرآن پاک بھی جلا دیا۔ گھروں کی دیواریں گرا کر مکان مسمار کر دیئے۔ مچھلی کے تالاب میں زہر ڈال کر مچھلیاں مار دیں۔ غریب کسانوں کی دس کینال زمین پر قبضہ کرلیا۔ گن پوائنٹ پر گھروں میں محصور کرکے جانوروں اور انسانوں کا پانی بند کر دیا۔ انسانوں اور جانور فصلوں میں گیا ہوا پانی پی کر گزارنے لگے۔ تھانہ صدر اور تھانہ سٹی نے ظالم زمینداروں سے رقم لیکر غائب کسانوں کو تھانے سے دھمکے دیکر بھگا دیا مقدمہ درج کرنے کے ایک لاکھ مانگ لئے۔ غریب کسانوں احتجاج کرتے ہوئے تھانہ صدر سٹی اور ظالم زمینداروں کیخلاف کارروائی کا مطالبہ کرتے ہوئے حق نہ ملنے پر آئی جی آفس اور پی آر او آفس کے سامنے تیل چھڑک کر آگ لگا کر خودکشی کی دھمکی دی۔ تفصیل کے مطابق کہروڑ پکا کے علاقے موضع اسماعیل پور بستی ھورے والی کے غریب کسان نواب ارائیں نے اپنا رشتہ برادری کی بجائے عارف والہ کی ارائیاں برادری میں کرنے کے رنج میں علاقے کے ظالم زمیندار صدیق اقبال‘ شہاب‘ شبیر‘ محمد بخش نے چیلنج دیکر غریب کسان چار بھائی نواب احمد‘ شہباز احمد‘ مشتاق احمد اور آصف کے گھر بستی ڈھورے والا اور موضع ٹبی وڈاں میں چاروں گھروں کو آگ لگا دی۔ تمام گھر مسمار کر دیئے۔ گھروں کا سارا سامان جلا دیا اور مبینہ طور پر قرآن پاک کو بھی آگ لگا دی۔ گھروں میں آگ لگی دیکھ کر تمام گھر والے بسترے چھوڑ کر بھاگ گئے جبکہ تھانوں کے ٹا?ٹ زمیندار بستی لپ والا موضع اسماعیل پور کے مہر مرتضیٰ‘ مہر مصطفی اور اقبال ارائیں موضع سیکراں نے ظالم زمینداروں سے مل کر مچھلی کے تالاب میں مبینہ طور پر زہر ملا کر تالاب کی تمام مچھلیاں مار دیں اور غریب کسانوں کی رات کو بکریاں چوری کروا کو جھونگہ طلب کرتے ہیں۔ غریب کسانوں نواب ‘ شہباز‘ مشتاق‘ آصف نے ”خبریں“ کو بتایا کہ ان ظالم بدمعاش زمینداروں میں صدیق اقبال‘ شہاب‘ شبیر‘ محمد بخش‘ مہر مرتضیٰ‘ مہر مصطفی‘ اقبال ارائیں نے ہمارے چاروں گھروں کا ٹیوب ویل جانوروں اور ہمارے پینے کا پانی بند کرکے کرلا بنا دیا اور ہماری10 کنال اراضی پر بھی قبضہ کرلیا۔ ہمیں گھر بدر کرکے روز ہمیں قتل کی دھمکیاں دے رہے ہیں۔ غریب کسان نواب اور اس کے چاروں بھائیوں نے تھانہ سٹی مقدمہ کی درخواست دی تو تھانیدار منظور ریحان نے 11 ہزار رشوت لیکر ہمارا معمولی مقدمہ درج کیا اور ملزمان کو وی آئی پی پروٹوکول دے کر اپنے کمرے میں بیڈ پر سلا دیا جبکہ دوسرے تھانے صدر میں رابطہ کیا تو انہوں نے تھانہ سے دھکے دے کر باہر نکال دیا اور قتل کی دھمکیاں دے رہے ہیں جبکہ یہ بدمعاش زمیندار تھانوں کے ٹا?ٹ ہیں اور تھانے کے عملے ایس ایچ او سمیت صرف اور صرف پیسے اکٹھے کرنے میں لگے ہوئے ہیں۔ ظالم زمینداروں کو پروٹو کول ہمیں دھمکے دے رہے ہیں۔ غریب کسان نواب ارائیں نے کہا کہ ظالم زمینداروں کو پولیس کی سرپرستی حاصل ہے انہوں نے ہمیں گھر بدر کر دیا اب ہم کھلے آسمان تلے زندگی گزار رہے ہیں۔ غریب کسان نواب ارائیں اہل علاقہ اور عورتوں نے بدمعاشی ظالم زمینداروں اور پولیس تھانہ صدر اور تھانہ سٹی کے ایس ایچ او بمعہ عملہ کے خلاف احتجاج کرتے ہوئے پی آر او ملتان سے مطالبہ کیا کہ اگر ہمیں انصاف نہ ملا تو پی آر او آفس آئی جی آفس یا وزیراعلیٰ آفس کے باہر تیل چھڑک کر آگ لگالیں گے۔ غریب کسانوں نے کہا کہ پولیس ہم سے مبینہ طور پر ایک لاکھ روپے رشوت طلب رہی ہے۔

خان بیلہ (نمائندہ خبریں) محکمہ انہار سب ڈویڑن ملکانی اہلکاروں اور ٹھیکیداروں کےلئے جنت بن گئی، سابق ایس ڈی اوملکانی اور موجودہ ایکسین انہار چودھری عبدالستار نے کروڑوں روپے کا ٹھیکہ اپنے بھتیجے کو دے دیا، بھتیجے نے سرکاری نہر اسکیب سے مٹی نکال کر بند پر ڈال دی اور کروڑوں روپے غبن کا پروگرام بنا لیا، محکمہ انہار نے 2چیک جاری کر دیئے۔ ذرائع سے معلوم ہوا ہے کہ فی ٹرالی 800روپے منظور ہے۔ مٹی نکالنے کی وجہ سے نہر کے پشتے کمزور ہوگئے اور نہر ٹوٹنے کا خطرہ ہے اس کام میں ایس ڈی او انہار ملکانی اور سب انجینئر رانا عبدالرزاق بھی ملوث ہیں اور جان بوجھ کر سرکاری مٹی اٹھانے دی۔ ذرائع سے یہ بھی معلوم ہوا ہے کہ ایکسین انہار کا ٹھیکہ انہار ہوتے ہوئے کوئی سرکاری اہلکار اس طرف ر±خ نہیں کرتا اور نہ ہی کوئی اہلکار زبان کھولتا ہے، ”خبریں“ ٹیم جب موقع پر پہنچی تو اس وقت ٹھیکیدار سرکاری نہر اسکیب سے مٹی اٹھا رہے تھے، ٹیم کو دیکھتے ہی رات کو نہر میں زیادہ پانی ڈال دیا اور 6فٹ کے گڑھے کو چھپا دیا۔ اہل علاقہ نے شدید احتجاج کرتے ہوئے نیب سے سرکاری نہر سے مٹی اٹھانے اور خزانے کو کروڑوں روپے نقصان دینے پر ایکسین عبدالستار ایس ڈی او ملکانی، سب انجینئر کے کرپٹ اہلکاروں کے خلاف قانونی کارروائی کرنے کا مطالبہ کیا ہے، رابطہ پر رانا عبدالرزاق نے بتایا کہ ہم مجبور ہیں افسران ان کاموں میں خود ملوث ہیں ہم کیا کر سکتے ہیں؟

اسلام آباد (ویب ڈیسک) چیئرمین سرمایہ کاری بورڈ زبیر گیلانی نے کہا ہے کہ سی پیک کے سپیشل اکنامک زونز میں سرمایہ کاروں کو شمسی توانائی کے استعمال پر راغب کیا جارہا ہے۔ انہوں نے توانائی کے شعبے میں موجودہ سرمایہ کاری کو نا کافی قرار دیتے ہوئے سی پیک منصوبہ کے تحت مزید سرمایہ کاری کی امید ظاہر کر دی ہے۔پیر کو اپنے ایک بیان میں انہوں نے کہا کہ سپیشل اکناملک زونز میں سرمایہ کاری ملکی معیشت کو مستحکم کرنے کے لئے نہایت ضروری ہے اور اس کے لیئے مقامی انڈسٹری میں ٹیکنالوجی کا استعمال نہایت ضروری ہے۔ انہوں نے کہاکہ سرمایہ کاری بورڈ سپیشل اکنامک زونز میں سرمایہ کاروں کے لئے خصوصی اقدامات کررہی ہے۔ پاکستان صنعتی شعبہ کی ترقی میں چین کے تجربات سے استفادہ کرنا چاہتا ہے۔ انہوں نے کہا کہ پاکستان میں سرمایہ کاری کے مواقع کے حوالے سے سرمایہ کاری بورڈ کی ٹیم تمام تر معاون فراہم کررہی ہے۔ انہوں نے کہاکہ صنعتی شعبہ میں پبلک پرائیویٹ پارٹنر شپ سے مقامی صنعتوں کی ترقی میں نمایاں مدد حاصل ہو گی اور مشترکہ منصوبوں کے لئے غیر ملکی سرمایہ کاروں کو بھی متوجہ کیا جاسکتا ہے۔

ملتان (ویب ڈیسک) : وزیراعظم عمران خان کی جانب سے عوامی مسائل کے حل کے لیے متعارف کروائے جانے والے پاکستان سیٹیزن پورٹل کا پول ک±ھل گیا۔ تفصیلات کے مطابق پاکستان سیٹیزن پورٹل پر شکایت درج کروانے والے تنویر نانڈلہ نامی شہری نے سوشل میڈیا پر ایک ویڈیو جاری کی جس نے اداروں کی نا اہلی اور ان کا جھوٹ بے نقاب کر کے رکھ دیا۔سوشل میڈیا پر جاری ویڈیو میں تنویر نانڈلہ نامی شہری نے ناردرن بائی پاس روڑ فیض عام چوک کے کچھ مناظر دکھائے جہاں سڑک کنارے کوڑا کرکٹ کے ڈھیر لگے ہوئے تھے۔ شہری کا کہنا تھا کہ ناردرن بائی پاس روڑ فیض عام چوک کی جانب میونسپیلیٹی والے شہر کا سارا کوڑا کرکٹ اکٹھا کر کے لاتے ہیں ، پھینکتے ہیں اور جلاتے ہیں۔میں نے سیٹیزن پورٹل پر شکایت درج کروائی لیکن مقامی سطح پر میونسپلٹی کی جانب سے مجھے کوئی رسپانس نہیں ملا۔جب میں نے سیٹیزن پورٹل پر منفی فیڈ بیک دیا تو وزیراعظم کے شکایت سیل نے اس شکایت کو ری اوپن کیا۔ مجھے بتایا گیا کہ اس شکایت کے حوالے سے متعلقہ افسران کو بتایا گیا تھا کہ یہ شکایت وزیراعظم عمران خان کے ڈیسک پر نمایاں ہے اور آپ جا کر اس شکایت کا ازالہ کریں ورنہ وزیراعظم عمران خان کی جانب سے آپ کے خلاف سخت کارروائی کی جائے گی۔ لیکن ان کی دیدہ دلیری اور اکڑ کا یہ عالم ہے کہ اب تک یہاں یہ کام ہو رہا ، کوڑا لایا جاتا ہے اور ا±س کو آگ لگا دی جاتی ہے جس کی وجہ سے آس پاس کے علاقہ جات میں رہائش پذیر بچے اور شہری آنکھوں کے امراض میں مبتلا ہو رہے ہیں۔انہوں نے کہا کہ اگر یہ شکایت وزیراعظم عمران خان کے ڈیسک پر نمایاں ہونے کے باوجود حل نہیں کی جاسکی تو میں حیران ہوں کہ دیگر شکایات کا کیا حال ہو گا۔ سوشل میڈیا پر جاری اس ویڈیو کو آپ بھی ملاحظہ کیجئیے تنویر نانڈلہ نامی شہری نے اس ویڈیو کے ساتھ ساتھ وزیراعظم سیٹیزن پورٹل کو کی جانے والی شکایت اور اس پر آنے والے رد عمل کے کچھ اسکرین شاٹس بھی شئیر کیے۔خیال رہے کہ گذشتہ برس اکتوبر میں وزیراعظم عمران خان نے ”پاکستان سیٹیزن پورٹل“ کا افتتاح کیا جس کی بدولت پاکستانی عوام براہ راست اپنی شکایات و تجاویز وزیر اعظم ا?فس کو بھجواتے ہیں۔ متعلقہ محکموں سے عوامی شکایات کا ازالہ کروانے اور قابل عمل تجاویز پر غور کے عمل کی نگرانی وزیر اعظم ا?فس سے ہی کی جاتی ہے جبکہ پاکستان سیٹیزن پورٹل کی بدولت لوگ اپنے موبائل فونز میں مخصوص ایپلی کیشن کے ذریعے حکومتی اداروں تک اپنی ا?واز پہنچاتے ہیں۔

لاہور نیٹ نیوز) پاکستان مسلم لیگ ن کی نائب صدر مریم نواز نے سوشل میڈیا پر قادیانی مرزا مسرور سے ٹیلیفونک رابطہ سے متعلق پھیلائے جانے والے جھوٹ کی شدید مذمت کی ہے، رپورٹ کے مطابق سوشل میڈیا سائٹ ٹویٹر پر انہوں نے لکھا ہے کہ ٹی وی چینل کا ایک فرضی امیج پھیلایا گیا ہے جس کی کوئی حقیقت نہیں اور یہ فیک ہے، انہوں نے لکھا ہے کہ ایسا کرنےو الوں کو شرم آنی چاہیے،واضح رہے کہ کسی نے ٹی وی چینل پر چلنے والی بریکنگ نیوز کا فیک امیج بنا کر سوشل میڈیا پر وائرل کیا جس پر مریم نواز نے اس کی سختی سے تردید کی ہے۔