لاہور (ڈیسک نیوز) قومی کرکٹ ٹیم کے ٹیسٹ کپتان سرفراز احمد کو قومی ٹیسٹ ٹیم کی قیادت سے ہٹانے کا اصولی فیصلہ کرلیا گیا جس کے بعد ٹیسٹ کپتان کیلئے مختلف ناموں پر غور کیا جارہا ہے جن میں سے مضبوط ترین امیدوار شان مسعود ہیں۔ ان کے علاوہ اسد شفیق‘ بابر اعظم کے ناموں پر بھی غور کیا جارہا ہے۔ پاکستانی ٹیم رواں سال سری لنکا کیخلاف یو اے ای میں دو ٹیسٹ میچ کھیلے گی جبکہ آسٹریلیا کیخلاف آسٹریلیا میں دو ٹیسٹ میچ کھیلے جائیں گے۔
