لاہور (آ ن لائن) نئے پاکستان میں سپرلیگ فینز کیلئے بڑی خوشخبری ،پاکستان کرکٹ بورڈ (پی سی بی ) نے پاکستان سپر لیگ (پی ایس ایل ) کا پانچواں ایڈیشن مکمل طور پر پاکستان میں کروانے کے لیے پلان تیا رکرلیا۔ میڈیارپورٹس میں کہا گیا ہے کہ پی سی بی کے ابتدائی پلان کے مطابق پاکستان سپر لیگ کا 5واں ایڈیشن 20 فروری سے شروع ہوگا جب کہ لیگ کا فائنل 22 مارچ میں قذافی سٹیڈیم ،لاہور کروانے کی تجویز زیر غور ہے،ٹورنامنٹ کا پہلا معرکہ روایتی حریفلاہور قلندرزاور کراچی کنگز کے مابین کروانے پر غور کیا جارہا ہے۔ پلان کے مطابق فائنل سمیت 11 مقابلوں کی میزبانی کرے گا جب کہ نیشنل سٹیڈیم ، کراچی میں 9 میچز ہوں گے، پہلی بار پشاور، ملتان، راولپنڈی اور آزاد کشمیر کے سٹیڈیم میں بھی پی ایس ایلکے میچز کھیلے جائیں گے ،راولپنڈی 8، ملتان 4، پشاور اور آزاد کشمیر ایک ایک میچ کی میزبانی کریں گے۔ یاد رہے کہ پاکستان سپر لیگ کے گزشتہ ایڈیشن کے آخر ی آٹھ میچز کراچی میں کروائے گئے تھے جن میں ہا?س فل رہا تھا ،وزیر اعظم عمران خان بھی یہ اعلان کرچکے ہیں کہ پاکستان سپر لیگ کا پانچواں ایڈیشن مکمل طور پر پاکستان میں ہی کروایا جائے گا جو ملک میں انٹر نیشنل کرکٹ کی مکمل بحالی کی جانب ایک بڑا قدم ہوگا۔
لاہور(مانیٹرنگ ڈیسک)لاہور سی آئی اے کوتوالی کی بڑی کارروائی ، چینل فائیو کے پرگرام ہیومین رائٹس واچ میں باٹا پور میں بچے سے زیادتی کا معاملہ اٹھانے پر ملزم کو گرفتار کر لیا گیا چینل۵ ہمیشہ مظلوموں کی آواز بنتا ہے۔ملزم نے دس سالہ سبحان سے زیادتی کے بعد سر میں پتھر مار کر اسے قتل کر دیا تھا ملزم نے اپنا جرم قبول کر لیا ہے۔ملزم نے اقرار جرم کرتے ہوئے بتایا کہ اس پر کوئی جن آ گیا تھا اس نے ہوش و حواس کھو دیے تھے اسی دوران اس سے بچے سے زیادتی اور قتل ہو گیا اس کے بعد جن اس کے اندر سے نکلا تو اسے ہوش آیا یہ کیا کر دیا۔ چیئرمین ہیومین رائٹس مہناز رفیع نے کہا ہے کہ ضیائ شاہد اور ان کا چینل پوری کوشش کرتے ہیں کہ ملزم گرفتار ہوں حالانکہ یہ حکومت کا کام ہے۔بہتر تفتیش کی جائے تو ملزم جلد پکڑے جائیں بچوں سے زیادتی اور قتل کی واردات بڑی خوفناک ہے ماں باپ پر کیا گزرتی ہو گی۔ضیائ شاہد صاحب دوردراز علاقوں میں ہونے والے جرائم پر آواز اٹھاتے ہیں۔جرم کرنے والوں کو سرعام سزا ملنی چاہئے تاکہ مجرم عبرت پکڑیں۔جو ہوا اس پر انسانیت لرز جاتی ہے۔وکلا بھی اپنے کلانئٹ کو کہتے ہیں عدالت میں بیان دو مجھ پر جن آ گیا تھا حالانکہ یہ سب جھوٹی باتیںہیں۔آخر یہ کیا وحشی پن ہے کیوں بچوں سے زیادتی کی جاتی ہے۔ایسے کیسز جلد نمٹانے چاہئیں۔میں ضیائ صاحب سے درخواست کرتی ہوں مل کر وزیراعلی سے درخواست کریں بچوں سے زیادتی کے ملزمان کو سزا دینے کے لئے سپیشل ججز لگائیں مجرموں کو جلد از جلد مال روڈ پر لٹکایا جائے۔ایسے سلوگن لگائے جائیں کہ اسلام میں ایسے جرائم کی کیا سزا ہے۔لوگ پولیس کے پاس جانے سے ڈرتے ہیں پولیس کی تربیت ہونی چاہئے۔جرائم کی بڑی وجہ آبادی میں اضافہ بھی ہے لوگوں کو شعور دلایا جائے تعلیم و تربیت بہت ضروری ہے۔ایک دو آرگنائزیشن ہیں کو سکولوں میں بچوں کو جنسی زیادتی کے بارے میں شعور دیتے ہیں کہ ایسے افراد سے کیسے بچا جائے۔عموما عزیز رشتہ دار بھی ان جرائممیں ملوث ہوتے ہیں۔سینئر صحافی ضیائ شاہد نے کہا کہ ہمارے ہاں فرانزک رپورٹ میں وقت لگتا ہے لیکن جونہی رپورٹ آئی باٹا پور میں بچے سے زیادتی کا ملزم گرفتار ہو گیا۔وزیر اعلی نے خود نوٹس لیا تھا اس لئے جلد کارروائی ہو گئی۔جرم کے ارتکاب اور سزا کے درمیان گیپ سے ملزم کو حوصلہ مل جاتا ہے سالوں کیس چلتا رہتا ہے۔گزشتہ دنوں میرے ایک ایک دوست کی چودہ سال بعد رہائی ہوئی۔ضیائ الحق کے دور میں پپو کے قاتلوں کو سرعام سزا دی گئی جس کے بعد مجرم سہم گئے کافی عرصہ تک جرائم رکے رہے۔اب تو چھ چھ ماہ کی بچیوں سے زیادتی ہو رہی ہے ایسا شخص انسان نہیں درندہ ہے اسے الٹا لٹکا دیا جائے وہیں اس کی موت ہو جائے تو لوگ ضرور عبرت پکڑیں گے خفیہ پھانسیوں کا کوئی اثر نہیں ہوتا۔پولیس کی بڑی ڈیوٹی پروٹوکول ڈیوٹی پر مامور ہے جس سے اصل کام متاثر ہوتا ہے۔بچوں سے زیادتی کے ملزم کو صرف سزائے موت ہونی چاہئے الگ سے ججز تعینات کئے جائیں تاکہ جج کی توجہ نہ بٹے۔پہلے ادوار میں واقعات کم ہوتے تھے مگر اب بڑھ گئے ہیں کہیں تو گڑ بڑ ہے اس وجوہات جاننا بہت ضروری ہے پہلے تو دوماہ کی بچی سے زیادتی کا کسی کے ذہن میں نہیں آتا تھا۔امریکہ گیا تو مجھے بتایا گیا کہ وہاں کی فارن پالیسی یونیورسٹیوں میں بنتی ہے۔ہماری یونیورسٹیوں میں بھی یہ کام ہو سکتا ہے لیکن ہمارے ہاں کوئی تحقیقات نہیں ہوتی طالبعلموں کو بے کار تھیسس دیے جاتے ہیں بچوں سے زیادتی کے کیسز پر تحقیقات ہونی چاہئیں کہ ایسا کیوں ہوتا ہے۔
اسلام آباد(سی پی پی)قومی ٹیم کے کپتان سرفراز احمد کی ٹیسٹ کپتانی خطرے میں پڑ گئی اور پی سی بی کے تھنک ٹینک نے سرفراز کے متبادل کے طور پر نئے کپتان کا فیصلہ بھی کر لیا ہے۔میڈیا رپورٹس کے مطابق ورلڈ کپ 2019 میں 5 میچ جیت کر 5ویں پوزیشن پر ٹورنامنٹ ختم کرنے والی ٹیم پاکستان کے وکٹ کیپر کپتان سرفراز احمد نے 7جولائی کو نیشنل اسٹیڈیم کراچی میں دوران پریس کانفرنس دو ٹوک الفاظ میں کہا تھا کہ وہ کپتانی سے کسی طور بھی علیحدہ نہیں ہوں گے، انہیں پاکستان کرکٹ بورڈ نے کپتان بنایا اور اب وہی مستقبل کے بارے میں فیصلہ کرئے گا۔32 سال کے سرفراز احمد نے 13 ٹیسٹ میچوں میں قومی ٹیم کی قیادت کے فرائض انجام دئیے ہیں جہاں ٹیم پاکستان نے سرفراز احمد کی قیادت میں 4 ٹیسٹ جیتے اور 8 میں اسے شکست کا سامنا کرنا پڑا۔اب اطلاعات ہیں کہ آئی سی سی ٹیسٹ چیمپئین شپ سے قبل بورڈ نے وکٹ کیپر کو جو اس وقت قومی ٹیم کے تینوں فارمیٹ میں کپتان ہیں، ان سے طویل دورانیے کی ٹیسٹ قیادت سے علیحدہ کرنے کا اصولی فیصلہ کر لیا ہے۔2 اگست کو لاہور میں کرکٹ کمیٹی کے اجلاس میں اس بارے میں معاملات کو آگے بڑھائے جانے کی اطلاعات ہیں تاہم سرفراز احمد کی ون ڈے اور ٹی 20 قیادت پر ابھی معاملات زیر غور ہیں۔ٹیسٹ کرکٹ میں سرفراز احمد کے متبادل کے طور پر نائب کپتان اسد شفیق کو کپتان بنانے کی کوئی تجویز زیر غور نہیں ہے۔اس کے برعکس بائیں ہاتھ کے اوپنر شان مسعود جو ڈومیسٹک کرکٹ میں اس وقت نیشنل بینک کی قیادت کے فرائض انجام دے رہے ہیں، ٹیسٹ کپتانی کا قرعہ فعال ان کے نام نکلنے کا قوی امکان ہے۔29 سال کے شان مسعود جنہیں ورلڈ کپ میں سرفراز احمد امام الحق اور فخر زمان کے ساتھ تیسرے اوپنر کی حیثیت میں لے کر جانے کے خواہش مند تھے، پاکستان کے لیے 15 ٹیسٹ کی 30 اننگز میں 26.43 کی اوسط سے 793 رنز بنا چکے ہیں۔بائیں ہاتھ سے کھیلنے والے شان مسعود نے آخری ٹیسٹ سیریز اس سال جنوبی افریقا میں کھیلی تھی، جہاں تین ٹیسٹ میں شان مسعود نے 2 نصف سنچریوں کی مدد 228 رنز بنائے تھے۔شان مسعود کو ٹیسٹ ٹیم کی قیادت دینے پر بورڈ میں چند افراد تحفظات کا شکار ہیں، البتہ پی سی بی کے تھنک ٹینک نے شان مسعود کو ٹیسٹ ٹیم کی قیادت دینے کا اصولی فیصلہ کر لیا ہے۔
لاہور( این این آئی)قومی کرکٹ ٹیم کے ہیڈ کوچ مکی آرتھر اور بیٹنگ کوچ گرانٹ فلاور پاکستان پہنچ گئے۔ بتایا گیا ہے کہ ہیڈ کوچ اور بیٹنگ کوچ دو اگست کو کرکٹ کمیٹی کے سامنے پیش ہو کر دورہ انگلینڈ اور اس کے بعد میگا ایونٹ کے حوالے سے کھلاڑیوں کی کارکردگی بارے آگاہ کریں گے۔ ورلڈ کپ کے اختتام کے ساتھ ہی ہیڈ کوچ مکی آرتھر اور بیٹنگ کوچ گرانٹ فلاور کا بورڈ سے معاہدہ بھی ختم ہو گیا ہے تاہم ہیڈ کوچ مکی آرتھر دوبارہ عہدہ لینے کے خواہشمند ہیں اور اس کے لئے کوششیں بھی جاری ہیں۔
سیول (ویب ڈیسک)ویڈیو اسٹریمنگ ویب سائٹ یوٹیوب پر چینلز بنا کر یوں تو دنیا کے سیکڑوں افراد سالانہ اربوں روپے کما رہے ہیں۔تاہم گزشتہ چند سال ایسے کم عمر بچے بھی سامنے آئے ہیں جو یوٹیوب پر والدین کی مدد سے اکاﺅنٹ بنانے کے بعد اب سالانہ اربوں روپے کما رہے ہیں۔اگرچہ یوٹیوب پر کم عمر بچوں میں کمائی میں سب سے آگے 7 سالہ امریکی بچہ ریان ہے، جس کی سالانہ کمائی تقریبا ڈھائی ارب روپے پاکستانی ہے۔تاہم یوٹیوب پر ریان سے زیادہ جنوبی کورین بچی 6 سالہ بورام کے سبسکرائبر زیادہ ہیں اور حال ہی میں
انہوں نے ایک ارب روپے سے زائد کی شاندار عمارت خرید کر سب کو حیران کردیا۔امریکی نشریاتی ادارے ’سی این این‘ کے مطابق بچوں سے متعلق مزاحیہ ویڈیوز بنا کر یوٹیوب پر رکھنے والی جنوبی کورین بچی 6 سالہ بورام نے دارالحکومت سیول میں شاندار عمارت خرید کر سب کو حیران کردیا۔رپورٹ کے مطابق بورام نے تقریبا 80 لاکھ امریکی ڈالر یعنی پاکستانی ایک ارب روپے سے زائد کی رقم میں 5 منزلہ عمارت خرید کر سب کو حیران کردیا۔بورام کے یوٹیوب پر دو مختلف چینلز ہیں اور ان کے دونوں چینلز کے مجموعی سبسکرائبر کی تعداد 30 کروڑ سے زائد ہے اور ان کی ویڈیوز کو چند ہی دن میں لاکھوں بار دیکھا جاتا ہے۔بورام اپنے یوٹیوب چینلز پر بچوں سے متعلق مزاحیہ ویڈیوز شیئر کرتی ہیں، جن میں بعض ویڈیوز اینیمیشن اور گرافکس کی مدد سے بھی بنائے جاتے ہیں۔بورام کی ویڈیوز میں وہ خود لازمی نظر آتی ہیں، تاہم ان کے ساتھ ان کے والدین اور دیگر افراد بھی ویڈیوز میں دکھائی دیتے ہیں۔ان کے ویڈیو لاگ والے چینل پر گزشتہ برس نومبر میں پوسٹ کی گئی ویڈیو کو اب تک 37 کروڑ سے زائد بار دیکھا جا چکا ہے۔بورام کی ویڈیوز جہاں جنوبی کوریا میں مشہور ہیں، وہیں ان کی ویڈیوز قریبی ممالک سمیت دنیا بھر میں دیکھی جاتی ہیں۔اگرچہ بورام
کی ویڈیوز میں بچوں پر تشدد وغیرہ نہیں دکھایا جاتا ہے، تاہم ان کی ویڈیوز میں بچوں کو بعض غلط حرکتیں کرتے دکھایا جاتا رہا ہے، جس وجہ سے ان پر تنقید بھی ہوتی رہی ہے۔بورام کی چند ویڈیوز کے خلاف بچوں کے تحفظ سے متعلق کام کرنے والی تنظیم ’سیو دی چلڈرن‘ کو جنوبی کورین والدین نے شکایات بھی کی تھیں۔بورام کی جن ویڈیوز کی شکایات کی گئی تھیں ان میں بورام کو والد کے بٹوے سے پیسے چرا کر گاڑی خرید کر اسے روڈ پر چلائے جانے جیسے مناظر دکھائے گئے تھے۔جنوبی کورین والدین نے دعویٰ کیا تھا کہ بورام کی ایسی ویڈیوز سے ان کے بچوں پر غلط رجحانات پیدا ہو رہے ہیں اور وہ بھی انہیں فالو کرنے کی کوشش کرتے ہیں۔والدین کی شکایت کے بعد سیو دی چلڈرن نے بورام کی ویڈیوز سے متعلق
جنوبی کورین پولیس کو شکایت کی تھی، جس نے تحقیق کے بعد بورام کو ایسی ویڈیوز ہٹانے کا حکم دیا تھا اور اسے ہدایت کی تھی ایسی ویڈیوز بنانے سے گریز کیا جائے۔خیال رہے کہ یوٹیوب پر سب سے زیادہ کمائی کرنے والے پہلے نمبر پر موجود دونوں بچے امریکی ہیں۔پہلے نمبر پر 7 سالہ ریان ہیں جن کی سالانہ آمدنی پاکستانی 2 ارب روپے سے زائد ہے اور ان کے چینل کے 20 کروڑ سے زائد سبسکرائبر ہیں۔کمائی کے حوالے سے دوسرے نمبر پر بھی 5 سالہ امریکی بچہ ٹائڈس ہے، جس کے یوٹیوب پر 32 لاکھ سبسکرائبرز ہیں اور وہ بھی بچوں سے متعلق مزاحیہ ویڈیوز بناتے ہیں۔امریکی بچوں کے بعد کمائی کے حوالے سے جنوبی کورین بچی ا?تی ہے، جنہوں نے ایک ارب روپے مالیت کی عمارت خرید کر سب کو حیران کردیا۔
لاہور(ویب ڈیسک)صوبائی وزیر سید صمصام علی بخاری نے کہا ہے کہ ملک دشمنوں سے عمران خان کا کامیاب دورہ امریکہ ہضم نہیں ہو رہا۔اندرونی و بیرونی محازوں پر پاک فوج پر وار کرنے والے اپنے مکروہ عزائم میں ناکام رہیں گے-مادر وطن کے دفاع میں پوری قوم افواج کے شانہ بشانہ کھڑی ہے۔خطے میں امن کے لیے جانیں دینے والے جوان ہمارا فخر ہیں۔آج اپنے ایک بیان میں صوبائی وزیرسید صمصام بخاری نے کہا کہ پاک فوج ملک کے اندرونی و بیرونی دشمنوں کو شکست دے گی۔ انہوں نے کہا کہ ملکی خزانہ لوٹ کر بیرون ملک فرار ہونے والے کرپٹ سیاستدانوں کو عبرت کی مثال بنانا ضروری ہے۔انہوں نے کہا کہ پی ٹی آئی حکومت نے دنیا بھر میں پاکستان کا وقار بلند کیا۔کرپشن میں پکڑے گئے سیاستدانوں کی اولاد مظلومیت کا ڈھونگ رچا رہی ہے۔کرپٹ عناصر عوام کا رونا رونے کی بجائے احتساب کا سامنا کریں۔ لوٹی ہوئی دولت ہر صورت واپس لی جائے گی۔لٹیروں کو منطقی انجام تک پہنچائے بغیر آگے بڑھنا ناممکن ہے۔ بدعنوانوں کی قومی خزانے سے چھینی ہوئی جائیدادیں اور بینک بیلنس قوم کو واپس دلائے جائیں گے۔سید صمصام بخاری نے کہا کہ پی ٹی آئی حکومت اور وزیراعظم عمران خان نے دنیا بھر میں پاکستان کا وقار بلند کیا ہے ۔وزیراعظم کے اس موقف کو ملکی اور غیر ملکی سطح پر بھرپور پذیرائی مل رہی ہے کہ کرپشن کی لعنت ترقی میں سب سے بڑی رکاوٹ ہے۔ صوبائی وزیر نے کہا کہ حکمرانوں کی کرپشن کی وجہ سے وطن عزیز کی عالمی تجارتی ریٹنگ اور وقار دونوں متاثر ہوچکے تھے تاہم عمران خان کی ٹرانسپیرنٹ پالیسیوں اور کرپشن کے خلاف جاری مہم کی وجہ سے اب ہم اقوام عالم میں سراٹھا کر چل سکتے ہیں ۔
