ڈیرہ اسماعیل خان (ویب ڈیسک)ڈیرہ اسماعیل خان میں پولیس چوکی پر فائرنگ اور دھماکے پر فیاض الحسن چوہان کا اظہار افسوس۔پولیس فورس نے دہشت گردی کے خلاف جنگ میں سب سے زیادہ قربانیاں دی ہیں۔ اسپتال کے گیٹ پر خود کش حملہ ایک غیر انسانی فعل ہے۔ فائرنگ اور دھماکے میں ہونے والی ہلاکتوں پر افسوس ہے۔ دہشت گرد جان لیں، وہ یہ جنگ ہار چکے ہیں۔ فاٹا میں انتخابات اس بات کا منہ بولتا ثبوت ہیں۔ اللّہ تعالیٰ شہداءکے لواحقین کو صبر عطا فرمائے۔

لاہور (ویب ڈیسک)مریم بی بی کے بیانات بوکھلاہٹ کا شکار دکھائی دیتے ہیں , وزیر اطلاعات پنجاب میاں اسلم اقبال ۔کیا منشیات کے ملزم کی حمایت میں ریلی زیب دیتی ہے ؟ میاں محمد اسلم اقبال کا سوال ۔ریلیاں نکالنے والے اپنی سزا معطلی کی فکر کریں ۔عوامی حمایت نہ ملنے کا ملبہ حکومت پر ڈالنا درست رویہ نہیں ۔پنجاب حکومت کسی کو نہیں روکے گی, عوام خود ہی کنارہ کشی کر رہے ہیں ۔شنید تو یہ ہے کہ اراکین اسمبلی بھی مریم بی بی کے فون تک نہیں سن رہے۔چوری کھانے والے پی ٹی آئی جیسی سیاسی جدوجہد نہیں کر سکتے ۔نواز لیگ شوق پورا کر لے عوامی پذیرائی نہیں ملے گی ۔اپوزیشن میں دم خم نہیں , کرپشن کیسز نے رہی سہی ساکھ بھی ختم کر دی۔نواز لیگ اپنی ناکامی کی ذمہ داری دوسروں پر نہ ڈالے۔ابھی سے نہ گھبرائیں بڑی طویل سیاسی جدوجہد کرنا پڑتی ہے ۔پنجاب حکومت مریم بی بی کے تمام الزامات مسترد کرتی ہے۔

لاہور( ویب ڈیسک)چیئرمین برابری پارٹی پاکستان جواد احمد نے کہا ہے کہ ملک کی ترقی کا راز تعلیمی اور شعوری ہم آہنگی ہے، نظام تعلیم ہی تقسیم کا شکار ہو جائے تو اس کے سنگین اثرات پوری قوم پر پڑتے ہیں، طبقاتی اور انگریز کے نظام تعلیم کو یکساں اورجدید نظام تعلیم میں بدلنے کی طرف خاطر خواہ توجہ نہیں دی گئی، نئے پاکستان کا نعرہ لگانے والے ملک و قوم کیلئے عذاب بن چکے ہیں، 10 روپے کی چیز 100 روپے میں فروخت ہو رہی ہے اور انتظامیہ چپ سادھ کر بیٹھی ہے ا یک سال میں مہنگائی تین گناہ بڑھی، کاروباراورروزگارختم ہونے سے ہرشہری پریشان ہے ان باتوں کا اظہار انھوں نے پارٹی سیکرٹیریٹ میں آئے ورکرز سے ملاقات کے دوران کیا اس موقع پر انھوں نے مزید کہا بنیادی انسانی حقوق کی فراہمی کے بغیر کوئی معاشرہ بھی ترقی نہیں کرسکتااور حکومت نے تو بنیادی حقوق کو نجی سیکٹر کے رحم وکرم پر چھوڑ دیا ہے،ملک کی 99فی صد کو بھوک،غربت اور جہالت کا سامنا ہے جس کے باعث لوگ ڈپریشن کی وجہ سے شوگر اور بلڈ پریشر کی بیماری میں مبتلا ہوچکے ہیں ظلم تو یہ ہے کہ دنیا کے گنا پیدا کرنے والے آٹھویں بڑے ملک کے لوگ 75روپے کلو چینی خریدنے پر مجبور ہیں اور چاول پیدا کرنے والے پانچویں بڑے ملک کے عوام کو ایک سو تیس روپے کلو چاول مل رہے ہیں، حکومت ایسے لوگوں کا مسافر خانہ ہے جن کے کردار، نظریات اور کلچر میں کوئی فرق نہیں اور وہ سب ایک فیصد اشرافیہ سے تعلق رکھتے ہیں اور برابری پارٹی ایسے پاکستان کی خواہاں جس میں غربت، مہنگائی بے روزگاری اور بدامنی نہ ہو۔