اسلام آباد(ویب ڈیسک) وزیراعظم عمران خان نے حکومتی ترجمانوں کو ہدایت کی ہے کہ ن لیگ کی جانب سے اداروں پر حملوں کا منہ توڑ جواب دیا جائے جبکہ عدلیہ کو جج ارشد ملک کی مبینہ ویڈیو کا نوٹس لینا چاہیے۔اسلام آباد میں وزیراعظم عمران خان کی زیرصدارت حکومتی ترجمانوں کا اجلاس ہوا۔ وزیراعظم عمران خان نے کہا کہ اداروں کو متنازع بنانے کی کوشش کی جارہی ہے، لہذا ن لیگ کے ہتھکنڈوں اور اداروں پر حملوں کا منہ توڑ جواب دیا جائے۔وزیراعظم عمران خان نے کہا کہ ن لیگ ماضی میں بھی عدلیہ پردباﺅ ڈالتی رہی ہے، لیکن یہ نیا پاکستان ہے اور اب ایسا نہیں چلے گا، اپوزیشن کا کوئی حربہ کارگر ثابت نہیں ہوسکے گا اور احتساب کا عمل جاری رہے گا۔جج ارشد ملک کی مبینہ ویڈیو پر وزیراعظم عمران خان نے کہا کہ اس معاملے میں حکومت کو فریق نہیں بننا چاہیے، عدلیہ آزاد اور خود مختار ہے، عدلیہ کو مبینہ ویڈیو کا نوٹس لینا چاہیے۔واضح رہے کہ مسلم لیگ (ن) نے نواز شریف کو العزیزیہ ریفرنس میں سزا سنانے والے احتساب عدالت کے جج ارشد ملک کی مبینہ ویڈیو جاری کرتے ہوئے الزام لگایا ہے کہ جج نے دباﺅ میں سزا کا فیصلہ دیا جس کے لیے ان کی غیر اخلاقی ویڈیو سے انہیں بلیک میل بھی کیا گیا۔

لاہور(ویب ڈیسک)انسانیت کے لیے اپنی زندگی وقف کردینے والے معروف سماجی کارکن اور ایدھی فاﺅنڈیشن کے بانی چیئرمین عبدالستار ایدھی کو دنیا سے رخصت ہوئے 3 برس بیت گئے۔عبالستار ایدھی 1928 میں ہندوستان کے علاقے گجرات میں ایک مسلمان تاجر کے گھر پیدا ہوئے اور 1947 میں ہجرت کرکے پاکستان آئے تھے۔انہوں نے صرف 5 ہزار روپے سے اپنے پہلے فلاحی مرکز ایدھی فاﺅنڈیشن کی بنیاد ڈالی، لاوارث بچوں کے سر پر دستِ شفقت رکھا اور بے سہارا خواتین اور بزرگوں کے لیے مراکز قائم کیے۔6 دہائیوں تک انسانیت کی بلاتفریق خدمت کرنے والے ایدھی، انتقال سے قبل تقریباً 20 ہزار بچوں کی سرپرستی کررہے تھے۔مرحوم ایدھی نے اپنی آنکھیں عطیہ کر کے مرنے کے بعد بھی دکھی انسانیت کی خدمت کی جس کی وجہ سے 2 افراد کی آنکھوں کو روشنی مل سکی۔اپنی سوانح حیات ‘اے میرر ٹو دی بلائنڈ’ میں ایدھی صاحب نے لکھا کہ ‘معاشرے کی خدمت میری صلاحیت تھی، جسے مجھے سامنے لانا تھا۔ایدھی اور ان کی ٹیم نے میٹرنٹی وارڈز، مردہ خانے، یتیم خانے، شیلٹر ہومز اور اولڈ ہومز بھی بنائے، جس کا مقصد معاشرے کے غریب و بے سہارا لوگوں کی مدد کرنا تھا۔اس ادارے کا نمایاں شعبہ اس کی 1500 ایمبولینسیں ہیں جو ملک میں دہشت گردی کے حملوں کے دوران بھی غیر معمولی طریقے سے اپنا کام کرتی نظر آتی ہیں۔2000 میں گنیز بک آف ورلڈ ریکارڈز میں ایدھی فاو¿نڈیشن کا نام بحیثیتِ دنیا کی سب سے بڑی فلاحی ایمبولینس سروس درج کیا گیا تھا۔ان کی شاندار خدمات پر حکومت پاکستان کی جانب سے 1989 میں نشان امتیاز سے نوازا گیا۔عبدالستار ایدھی گردوں کے عارضے میں مبتلا ہونے کے باعث طویل علالت کے بعد 8 جولائی 2016 کو 88 سال کی عمر میں انتقال کر گئے تھے۔

لاہور(ویب ڈیسک) قائم مقام گورنر پنجاب چودھری پرویزالٰہی سے کینیڈا میں مقیم پاکستانیوں کے 20 رکنی وفد نے یہاں گورنر ہاﺅس میں ملاقات کی۔ اوورسیز پاکستانیوں کے وفد کی قیادت رجب علی بٹ کر رہے تھے جبکہ غوث ڈار، چودھری اعتزاز، میاں عمران مسعود اور میاں ہارون مسعود بھی اس موقع پر موجود تھے۔ چودھری پرویزالٰہی نے اوورسیز پاکستانیوں کے مسائل سننے کے بعد حل کی یقین دہانی کراتے ہوئے کہا کہ بیرون ملک سے پاسپورٹ کے حوالے سے زیادہ شکایات موصول ہوتی ہیں ہم کوشش کریں گے کہ نئے پاسپورٹ کے اجرا کے سلسلے میں اوورسیز پاکستانیوں کے مسائل ان ممالک میں ہی حل کئے جا سکیں، اس وقت پاکستان میں نظام کی صلاح و تبدیلی کا عمل جاری ہے اب ہر کام میرٹ پر ہوتا ہے، عمران خان عوام کے مسائل کے حل اور ملک کے معاشی استحکام کیلئے دن رات کوشاں ہیں اور ہم نیا پاکستان بنانے کے اس سارے عمل میں ان کے ساتھ ہیں۔ چودھری پرویزالٰہی نے کہا کہ ابھی ملک معاشی طور پر مشکلات کا شکار ہے، وہ وقت دور نہیں جب بیرون ممالک سے لوگ نوکری کیلئے پاکستان آنا پسند کریں گے۔ انہوں نے کہا کہ بیرون ملک پاکستانی بھی ملک کو معاشی لحاظ سے کھڑا کرنے میں اپنا کردار ادا کرنے کیلئے زیادہ سے زیادہ سرمایہ کاری کریں، انہیں درپیش مشکلات کے ازالہ کیلئے حکومت ہر ممکن تعاون کرے گی۔

لاہور (ویب ڈیسک)دو دن سے مریم نوازنے جو مسئلہ کھڑا کیا یہ انکا وطیرہ ہے ۔وہ عدلیہ اور سلامتی کے اداروں پر بات کرتی ہیں ۔ایسے لگتا جیسے ہندوستان کے لوگ بول رہے ہیں ۔پرسوں کی پریس کانفرنس میں شہباز شریف خاموش بیٹھے رہے فضا میں دیکھتے رہے ۔شاید جج صاحب اعلی عدلیہ سے استدعا کریں کہ آڈیو ٹیپ کو دیکھیں ۔منڈی بہاوالدین میں جلسہ سے روکا نہیں گیا انکے پاس بیچنے کے لیے کچھ نہیں ہے ۔کیا بتائیں کہ منی لانڈرنگ اور کرپشن کی ہے اخلاق کا درس دیتی ہیں ۔ایون فیلڈ اپارٹمنٹ میں انکے بھائی چھپے ہوئے ہیں میری کوئی جائیداد نہیں یہ بیان مریم نے دیا ۔ن لیگ کی جانب سے عدلیہ پر دباو ڈالنے کی کوشش ہے ۔انہوں نے منی ٹریل فراہم نہیں کیا اس میں جج پر کیا دباو تھا ۔حدیبیہ کیس کو بند کیا گیا ایک کیس میں سزا اور ایک میں بریت دباو نہیں ہے ۔افواج پاکستان اور اداروں کے خلاف باتیں کرتے رہے ۔رانا ثناءاللہ سے بہت کچھ نکلے گا ان پر چنیوٹ میں پہلی ایف آئی آر ن لیگ نے کروائی ۔پیپلز پارٹی کے حوصلہ کو داد دینی پڑے گی پیپلز پارٹی کے خلاف رانا ثناءاللہ 12سال بیانات دیتے رہے ۔احتساب سب کا ہو رہا ہے حدیبیہ کھل جائے تو منی لانڈرنگ سامنے آجائے گی ۔دونوں جماعتوں کے خلاف جو کیسز بنائے گئے وہ انکے اپنے دور میں بنے تھے ۔سزا یافتہ شخص جلسے کرتا پھرے یہ کہا کا اصول ہے ۔ن لیگ میں تخت کی جنگ ہے نوازشریف مریم نواز اور شہباز شریف حمزہ شہباز کو آگے لانا چاہتے ہیں ۔ہم سب باتیں مانتے ہیں لیکن پہلے اپنی کرپشن کا حساب تو دیں ۔ن لیگ نے بھی انڈین بیانیہ پکڑا ہے انکی لائن بھی الطاف حسین جیسی ہے ۔عدلیہ کو اسکا نوٹس لینا چاہیے کہ انکا سزا یافتہ انکے خلاف بول رہا ہے ۔پیمرا کا کوڈ آف کنڈکٹ موجود ہے پیمرا خودمختار ادارہ ہے ۔میں سینسر شپ کے حق میں نہیں ہوں پیمرا خود فیصلہ کرے۔ن لیگ کے بہت سارے ارکان ان سے نالاں ہیں وہ شریف خاندان کی مزید غلامی کرنے سے قاصر ہیں ۔ن لیگ صرف رسید نہیں دینا چاہ رہے ۔آڈیو ویڈیو ٹیب کا فیصلہ کرلیا ہے کہ اسکا فرانزک آڈٹ کروائیں گے ۔جن لوگوں نے ویڈیو بنائی اور ڈبنگ کروائی اسکی چھان بین ہوگی ۔فارورڈ بلاک نہیں یہ ن لیگ کا ناراض گروپ ہے ۔چچا کو دور کرکے رات منڈی بہاوالدین میں انگلیاں ہلائی گئیں.۔ناصر بٹ کا کریکٹر مشکوک ہے عدلیہ کے لوگوں کو کسی کرمنل سے ملنا نہیں چاہیے ۔حدیبیہ کیس کو میرے خیال سے کھلنا چاہیے۔

لاہور(ویب ڈیسک) وزیر کالونیز پنجاب فیاض الحسن چوہان کی پریس کانفرنس ۔ جج صاحب کے جواب کے بعد مریم نواز کا الزام کھودا پہاڑ نکلا چوہا۔ قوم کو مریم نواز کا وہ انٹرویو یاد جس میں کہا تھا پاکستان میں بھی کوئی جائیداد نہیں، وزیر کالونیز پنجاب۔ پانامہ کیس میں ایک جائیداد کی رجسٹری فروری میں بنی اور اسٹامپ مارچ میں جاری ہوئے۔ مریم نواز نے جھوٹ میں پوسٹ ڈاکٹریٹ کی ہوئی ہے۔ کلیبری فونٹ پر مریم نواز نے بل گیٹس کو بھی پریشان کر دیا۔ مریم نواز نے کہا نواز شریف کو تین بار ہارٹ اٹیک ہوا اور آدھی شریانیں بند ہیں۔ نواز شریف نے گیارہ دن تک گوشت کھایا۔ نواز شریف اگر شوگر کے مریض ہیں تو روز چاول کیوں کھاتے ہیں۔ مسلم لیگ ن نے ملک کو لوٹا ہے۔ سلیکٹڈ کا لفظ استعمال کرنے والے خود ریجکٹڈ ہیں۔ مریم نواز منتخب حکومت اور ریاستی اداروں کو برا بھلا کہنا بند کریں۔ الیکشن کمیشن سے گزارش کروں گا کہ سزا یافتہ شخص کیسے عدالتوں کو برا بھلا کیسے کہہ سکتا ہے۔ جہانگیر ترین سزا یافتہ نہیں ہیں، سزا یافتہ مریم نواز ہیں۔

لاہور:پسماندہ اورمحروم طبقات کا سماجی اور معاشی تحفظ یقینی بنائیں گے۔معاشرے کے نظر انداز کردہ طبقات کے تحفظ کیلئے”پنجاب احساس“پروگرام کے آغاز کا فیصلہ کیا۔”پنجاب احساس“پروگرام کیلئے بجٹ میں 17ارب روپے سے زائدرکھے گئے ہیں۔”باہمت بزرگ“پروگرام کیلئے بجٹ میں تین ارب روپے کا ابتدائی فنڈ قائم کردیاگیا ہے۔65سال سے زائدالعمرشہریوں کو ماہانہ الاو¿نس دیاجائے گا۔معذور افراد اوران کے خاندان کی مالی مشکلات میں کمی یقینی بنائیں گے۔

لاہور(مانیٹرنگ ڈیسک) تجزیہ کارخالد چوہدری نے کہا ہے کہ جج ارشد ملک سے متعلق مبینہ ویڈیو کی جب تک فرانزک آڈٹ نہیں ہوتا کچھ نہیں کہا جا سکتا سپریم کورٹ کو خود اس سارے معاملے کا نوٹس لینا چاہئے اور دیکھنا چاہئے ویڈیو دررست ہے کہ نہیں۔ چینل فائیو کے پروگرام نیوز ایٹ سیون میں گفتگو کرتے ہوئے انہوں نے کہا کہ جج ارشد ملک کو اگر دھمکیاں ملی تھیں تو وہ سپریم کورٹ کے سامنے کیوں نہ لائے۔اگر ویڈیو درست ثابت ہوئی تو سسٹم پر بڑا سوالیہ نشان ہے اگر غلط ثابت ہوئی تو اس کے لئے بڑی مصیبت ہو گی جس نے بنائی ہے۔ تحریک انصاف کے رہنمائ ثمر بشیر بھٹی نے کہا کہ ن لیگ اور پیپلز پارٹی بس انتشار چاہتے ہیں۔انہیں ملک و عوام سے کوئی غرض نہیں صرف اپنی کرپشن بچانے میں لگے ہیں۔اداروں کو تباہ کرنے میں یہ لوگ لگے ہیں۔ان کی باریوں نے ملک کو دیوالیہ کیا۔حکومت عوام کو قرضے کی لعنت سے نجات دلانا چاہتی ہے۔ متنازعہ ویڈیو مختلف واقعات جوڑ کر بنائی گئی۔ سزا کے خلاف ضمانت کی درخواستیں دیتے رہے مریم نے پہلے ویڈیو کیوں پیش نہ کی۔ تجزیہ کار ڈاکٹر مہدی حسن نے بتایا کہ ویڈیو بہت سنجیدہ معاملہ ہے اس کی تحقیقات ہونی چاہئیں تاکہ پتہ چلے کون غلط کہہ رہا ہے کون صحیح اگر ضرورت ہو تو جوڈیشل انکوائری کرائی جا سکتی ہے۔ججز کو بیانات نہیں دینے چاہئیں۔اپوزیشن کو مشکلات کا سامنا ہمیشہ رہتا ہے یہ کوئی نئی بات نہیں۔کامران مرتضی نے کہا کہ اگر ویڈیو درست ہے تو عوام کا اعتماد اٹھ جائے گا اگر غلط ہے تو پیش کرنے والوں کے خلاف مقدمہ ہو سکتا ہے۔