اسلام آباد(ویب ڈیسک) وزیراعظم عمران خان نے بے نامی پراپرٹی کی نشاندہی کرنے پر انعامی رقم 3 فیصد سے بڑھا کر 10 فیصد کرنے کا اعلان کردیا۔اسلام آباد میں ’احساس پروگرام‘ کے حوالے سے تقریب سے خطاب کرتے ہوئے وزیراعظم عمران خان نے کہا کہ سابق صدر آصف زرداری اور سابق وزیراعظم نوازشریف نے اقتدار میں رہتے ہوئے دبئی اور لندن کے 40،40 دورے کیے، یہ سب دورے قوم کے پیسوں سے کیے گئے، ان لوگوں نے قوم کو مقروض کردیا اور پھر قوم کی دولت کو لٹاتے رہے۔عمران خان نے کہا کہ ہر جگہ ناانصافی ہے، نچلے طبقے پر ظلم ہو رہا ہے، آج پتہ چلا کہ 5 فیصد پاکستانیوں کو ہیپاٹائٹس سی ہے، نئے پاکستان میں غربت کا خاتمہ ہوگا، غربت کم کرنے کے لیے ایک پروگرام لا رہے ہیں جس میں ہر وزارت کا کردار ہوگا، حکمرانوں کا کام تھا کہ قوم کو علاج معالجے کی سہولیات فراہم کرتا مگر یہاں تو مقتدر طبقہ قوم کے ٹیکس کے پیسوں سے بیرون ملک علاج کراتا رہا جب کہ یہ لوگ جیل میں بھی جاتے ہیں تو انہیں لندن سے علاج کرانا ہوتا ہے، 30 سال اقتدار میں رہنے کے باوجود انہوں نے کوئی اسپتال نہیں بنایا۔عمران خان نے کہا کہ شہبازشریف مجھے کہتے ہیں کہ اتنا کرو جتنا برداشت کرسکو، میرا شہباز شریف کو پیغام ہے کہ میں موت بھی برداشت کرسکتا ہوں مگر آپ موت برداشت نہیں کرسکتے کیونکہ آپ کا پیسہ باہر پڑا ہے جسے آپ انجوائے کرنا چاہتے ہیں اس لیے آپ کو فکر ہے کہ کہیں مر نہ جائیں۔وزیراعظم عمران خان نے کہا ہے کہ ہم نے فیصلہ کیا ہے کہ جو شخص بھی ملک میں یا بیرون ملک کسی پاکستانی کی بے نامی پراپرٹی کی نشاندہی کرے گا اسے 3 فیصد کے بجائے 10 فیصد حصہ دیا جائے گا ،اور بے نامی پراپرٹی سے جو بھی پیسہ آئے گا وہ سب احساس پروگرام میں ڈالیں گے۔

کراچی(ویب ڈیسک) چیئرمین پیپلزپارٹی بلاول بھٹوزرداری نے کہا ہے کہ میری شادی نزدیک ہے مگر تفصیلات نہیں بتاسکتا۔پشاور پریس کلب میں میٹ دی پریس سے خطاب کرتے ہوئے بلاول بھٹو زرداری نے کہا کہ اٹھارویں ترمیم پر حملے ہورہے ہیں، وزیراعظم اس ترمیم کو واپس کرنے کے لیے کوششیں کررہے ہیں، واضح کرنا چاہتے ہیں کہ ہر قسم کا دباﺅ برداشت کرنے کو تیار ہیں مگر اٹھارویں ترمیم، اپنے نظریات اور آزادی اظہار رائے پر کوئی آنچ نہیں آنے دیں گے۔بلاول بھٹو نے کہا کہ پریس کلب میں ہم نے مشرف کی آمریت کا مقابلہ کیا،پھر سےکسی آمر کا مقابلہ کرناپڑا تو ملک کےتمام پریس کلب ہمارےشانہ بشانہ ہوں گے،انہوں نے کہا کہ الیکشن میں انتہاپسندی کو فروغ دیا گیا، سیاست کے بجائے ذاتیات کو نشانہ بنایا گیا، آج جو کچھ ہو رہا ہے جمہوریت نہیں ہے آج پارلیمان کے پاس وہ طاقت نہیں ہے ہم اپنے انسانی حقوق پرسمجھوتہ کرتے جا رہے ہیں۔قبل ازیں پیپلزپارٹی کے چیئرمین بلاول بھٹو زرداری نے 5 جولائی یومِ سیاہ کے موقع پرپیغام میں کہا کہ آمروں اوران کی کٹھ پتلیوں نے معاشرے، معیشت اورجغرافیہ کوشدید نقصان پہنچایا، ضیاءنے منشیات اورغیرقانونی اسلحہ سے ملک میں نفرت، لسانیت اورمذہبی منافرت کے بیج بوئے جب کہ شہید بھٹوسمجھتے تھے کہ غربت و افلاس قدرت کے نہیں انسانوں کے پیدا کردہ ہیں، شہید بھٹو نے پوری قوم کو جگایا اوراسے بااختیار بنایا۔ بلاول نے کہا کہ بیگم بھٹواورشہید بی بی نے ملک میں بحالیِ جمہوریت کے لیئے جدوجہد کی ، قائدِ عوام کی جانب سے کمزورطبقات کو بااختیاربنانے پراستحصالی گروہ چوکنا ہوگیا جب کہ استحصالی گروہ کی سازشوں نے شہید بھٹو کی حکومت کا خاتمہ کیا۔بلاول بھٹو نے کہا کہ پیپلزپارٹی ملک میں جمہوریت کی مکمل بحالی تک س±کھ کا سانس نہیں لے گی، سلیکٹڈ وزیراعظم ملک کے ہرادارے، معیشت، اقدارکوتباہ کرنے پرت±لا ہوا ہے لیکن ’جمہوریت بہترین انتقام ہے‘ ، کے نعرے تلے آمریتی عناصراورسلیکٹڈ وزیراعظم کے خلاف جدوجہد جاری رہے گی۔بلاول نے کہا کہ آصف علی زرداری کے خلاف انتقامی کارروائیاں 5 جولائی 1977 کا تسلسل ہیں، آمریتی عناصراورجمہوریت پسندوں کے درمیان جنگ ابھی جاری ہے، کچھ بھی کرلیں آخری فتح پاکستانی عوام کی ہوگی، آئیے، آج نظریئہ جمہوریت سے تجدید عہد نوکریں۔واضح رہے کہ 5 جولائی 1977 کوجنرل ضیا ءالحق نے وزیراعظم ذوالفقارعلی بھٹو کو برطرف کرکے ملک میں تیسرا مارشل لاءنافذ کیا تھا۔

لاہور(ویب ڈیسک) توشہ خانہ کیس میں قومی احتساب بیورو (نیب) اسلام آباد کی تین رکنی ٹیم نے سابق وزیراعظم میاں نواز شریف سے کوٹ لکھپت جیل میں ایک گھنٹے تک تفتیش کی اور ایک سوال نامہ بھی دیا۔سابق وزیر اعظم نواز شریف اپنی قانونی ٹیم سے مشاورت کے بعد نیب کو سوال نامہ کے جواب بھجوائیں گے۔ ان کے خلاف اس کیس میں سرکاری گاڑیوں اور مختلف ممالک سے ملنے والے قیمتی تحائف کے غیر قانونی اور ذاتی استعمال کے الزامات ہیں۔نیب اسلام آباد کی تین رکنی ٹیم کوٹ لکھپت جیل لاہور پہنچی تو نواز شریف کو سیکورٹی سیل سے جیل سپرٹنڈنٹ کے کمرے میں سخت سیکورٹی میں لایا گیا۔ نیب کے تین افسران پر مشتمل تحقیقاتی ٹیم نے نواز شریف سے ایک گھنٹے تک تفتیش کی۔نیب کی جانب سے نواز شریف کو سوالنامہ دیا گیا جس میں سے کچھ سوالات کے جوابات نواز شریف نے دیے اور کچھ کے بارے میں لاعلمی کا اظہار کرتے ہوئے کہا کہ انہیں معلوم نہیں اور بطور وزیراعظم ان کی یہ ڈیوٹی نہیں کہ کیا کیا تحائف ملے، انہیں جو بھی ملے وہ سرکاری خزانے میں جمع کرادیے، رہی بات گاڑیوں کے استعمال کی تو بطور وزیر اعظم پاکستان مجھے ان گاڑیوں کے استعمال کا آئینی اور قانونی حق حاصل ہے، جس کا ریکارڈ بھی چیک کیا جاسکتا ہے۔ نواز شریف نے کہا کہ کچھ سوالات کے جوابات ان کے پاس نہیں اور قانونی ٹیم سے مشاورت کے بعد جواب دیں گے۔نیب ٹیم نواز شریف سے ایک گھنٹے تک تفتیش مکمل کرنے کے بعد اسلام آباد روانہ ہوگئی۔ نواز شریف سے دوران تفتیش جیل افسران کو کمرے میں داخل ہونے کی اجازت نہ تھی۔ سپرنٹینڈنٹ جیل سمیت دیگر افسران و اہلکار کمرے کے باہر ہی موجود رہے۔ نیب کی ٹیم کے واپس جاتے ہی نواز شریف کو ان کے کمرے میں پہنچا دیا گیا۔

لاہور(ویب ڈیسک) سابق وزیراطلاعات پنجاب فیاض الحسن چوہان کو دوبارہ پنجاب کابینہ میں شامل کرنے کا فیصلہ کرلیا گیا۔ذرائع کے مطابق پی ٹی آئی کے رکن پنجاب اسمبلی فیاض الحسن چوہان کو دوبارہ کابینہ میں شامل کیاجارہا ہے اور وہ آج شام گورنر ہاو¿س میں وزیر جنگلات وائلڈ لائف اینڈ فشری کے عہدے کا حلف اٹھائیں گے، قائم مقام گورنرپنجاب چوہدری پرویز الہی ان سے حلف لیں گے جب کہ حلف برداری کی تقریب میں وزیراعلی ،صوبائی وزرا اوردیگر حکام شریک ہوں گے۔واضح رہے سابق صوبائی وزیراطلاعات ونشریات فیاض الحسن چوہان کو ایک متنازعہ بیان پر کابینہ سے فارغ کر دیا گیا تھا اور ان کی جگہ صمصام بخاری کو وزیراطلاعات لگایا گیا تھا۔

لاہور (ویب ڈیسک)پاکستان کا دنیا میں عالمی معیار کے ہسپتالوں میں 5911 واں نمبر ہے۔ پمز کو عالمی کیٹگری میں فضلہ کو نامناسب ڈمپ انتظام درجہ حرارت کی بے انتظامی کی وجہ سے ورلڈ رینکنگ میں کئی ہزارویں نمبر پر جگہ ملی ہوئی ہے۔ جبکہ ہمسایہ ممالک میں بنگلہ دیش اور بھارت عالمی درجہ بندی کے مطابق پاکستان سے بہت بہتر ہے عالمی درجہ بندی میں بنگلہ دیش 592 جبکہ انڈیا 134 نمبر پر ہے۔ ایشیا میں بھارت ٹاپ 20 میں پہلے نمبر پر ہے۔ پاکستان میڈیکل ایسوسی ایشن کے پاس کوئی ریکارڈ موجود تک نہیں۔ البتہ ورلڈ ہیلتھ آرگنائزیشن کی ایک رپورٹ کے مطابق ہمارے ہسپتالوں سے آٹھ لاکھ ٹن فضلہ ہر روز نکلتا ہے۔ فضلہ کہاں جاتا ہے۔اس کا کیا استعمال ہو رہا ہے۔ عام طور پر ہمیں کچھ خبر نہیں۔ کیا ہم جانتے ہیں کہ ہسپتالوں کے فضلے سے پلاسٹک مصنوعات بنانے والی کتنی فیکٹریاں لاہور میں کام کر رہی ہیں۔ ورلڈ ہیلتھ آرگنائزیشن کے مطابق تقریباً 40 کے لگ بھگ یہ فیکٹریاں فضلہ پلاسٹک سے ہر چیز تیار کر رہی ہیں۔ جس میں جگ گلاس کھانے کے برتن سمیت جوس پینے والے سٹرا بھی اسی پلاسٹک نالیوں کی پیداوار ہیں۔ بچوں کے پلاسٹک کھلونے بھی اسی سے بنتے ہیں استعمال شدہ سرنجوں سے بچوں کے فیڈر بنائے جارہے ہیں۔ ہمارے ہسپتالوں میں فضلہ ٹھکانے لگانے کیلئے کوئی تربیتی کورس یا تربیت یافتہ عملہ نہیں۔فضلہ کو ٹھکانے لگانے میں WHO مطابق ہر روز سات سے آٹھ سو سویپر استعمال شدہ سرنجوں کو نامناسب طریقے سے ٹھکانے لگانے میں اپنا نقصان کر جاتے ہیں۔ جنانچہ سویپرز کا 20% ہیپاٹائٹس کے مریض بن چکے ہیں۔ میونسپل ورکرز اور کوڑا اٹھانے والے بھی خاص طور پر انتہائی رسک پر ہیں۔ 20سے 25 فیصد کوڑا ہیلتھ کیئر سیکٹر کی طرف سے پیدا ہو رہا ہے۔ جس کی نامناسب تلفی کی بنا پر نت نئے ماحولیاتی اور انسانی بیماریاں وجود میں آ رہی ہیں۔ WHO کی سروے کے مطابق 70% ہسپتالوں کے پاس فضلہ تلف کرنے کوئی انتظام نہیں نہ منصوبہ بندی ہے۔ 90% ہسپتالوں کے پاس کوئی ریکارڈ تک موجود نہیں کہ فضلہ کہاں جاتا ہے، کب ضائع کیا یا مارکیٹ میں بیچ دیا یا کھلے آسمان تلے گندگی کا ڈھیر لگا دیا۔ بعض ہسپتال اس کو زمین میں ڈمپ کر کے زمین کی رگوں میں زہر بھر رہے ہیں۔ جلانے کی صورت میں فضاءشدید آلودہ ہورہی ہے۔ جس کی وجہ سے فضاءمیں ڈائی آکسن، مرکری، انتہائی خطر ناک دھاتی اجزا فضائی آلودگی اضافے کا باعث بن رہے ہیں۔