راولپنڈی(ویب ڈیسک)پاک-افغان سرحد کے قریب دہشت گردوں کی جانب سے فائرنگ کے دو واقعات میں پاک فوج کے 4 جوان شہید اور ایک شدید زخمی ہو گیا جبکہ جوابی کارروائی میں 2شدت پسند بھی مارے گئے۔پاک فوج کے شعبہ تعلقات عامہ کی جانب سے جاری بیان کے مطابق شمالی وزیرستان میں گزشتہ رات اسپن وام کے علاقے اباخیل میں سیکیورٹی فورسز معمول کے گشت پر تھیں کہ شدت پسندوں نے فائرنگ کردی جس کے نتیجے میں ضلع بلتستان کے رہائشی 23سالہ سپاہی اختر حسین نے جام شہادت نوش کیا۔اس موقع پر پاک فوج کے جوانوں نے بھی بھرپور جوابی کارروائی کی جس کے نتیجے میں دو شرپسند مارے گئے۔ادھر دیر میں پاک افغان سرحد پر باڑ لگانے کے کام میں مصروف پاک فوج کے جوانوں پر دہشت گردوں نے فائرنگ کردی جس کے نتیجے میں کم از کم 3 اہلکار شہید اور ایک شدید زخمی ہو گیا۔شہادت کے مرتبے پر فائز ہونے والوں میں ضلع خیبر کے رہائشی 28سالہ لانس نائیک سید امین آفریدی، مانسہرہ سے تعلق رکھنے والے 31سالہ لانس نائیک محمد شعیب سواتی اور نوشہرہ کے رہائشی 22 سالہ سپاہی کاشف علی شامل ہیں۔یہاں یہ بات قابل ذکر ہے کہ وزیراعظم عمران خان نے جمعے کی شب آخری لمحات میں پاک افغان سرحد پر طورخم بارڈر کا دورہ ملتوی کردیا تھا۔واضح رہے کہ سرحد پر باڑ لگانے کے دوران افغانستان میں موجود دہشت گردوں نے وقفے وقفے سے متعدد مرتبہ پاک فوج پر حملے کیے ہیں، جن میں کئی جوان شہید بھی ہوچکے ہیں۔رواں برس جولائی میں شمالی وزیرِستان میں پاک-افغان سرحد پر اپنے فرائض کی انجام دہی کے دوران سیکیورٹی اہلکاروں پر افغانستان کے سرحدی علاقے سے حملہ کیا گیا تھا، جس کے نتیجے میں 6 جوان شہید ہوگئے تھے۔اس سے قبل جون میں خیبرپختونخوا کے قبائلی علاقے باجوڑ اور بلوچستان کے علاقے قمر دین کاریز میں سرحد پار حملوں کے نتیجے میں 5 سیکیورٹی اہلکار زخمی ہوگئے جبکہ جوابی فائرنگ سے 6 دہشت گرد ہلاک ہوگئے تھے۔اپریل 2018 میں جنوبی پارہ چنار سے 25 کلومیڑ دور لوئر کرم ایجنسی کے علاقے لاقہ تیگا میں سرحد پار افغانستان کے علاقے سے فائرنگ کے نتیجے میں 2 فرنٹیئر کانسٹیبلری (ایف سی) اہلکار شہید اور 5 زخمی ہو گئے تھے۔

اسلام آباد(ویب ڈیسک)وفاقی وزیر قانونی فروغ نسیم نے کہا کہ عمران خان نے سستا انصاف فراہم کرنے کا وعدہ کیا تھا،قوانین بنانے میں سٹیک ہولڈرزسے بھی بات چیت ہوئی ہے،انہوں نے کہا کہ شکایات آرہی تھیں کہ جیل میں بڑی کرپشن کرنے والوں کو سہولیات دی جاتی ہیں لیکن اب نیب میں اگر کسی پر 50 کروڑ سے زائد کرپشن کا الزام ہو تو اس کو جیل میں سی کلاس ملے گی۔وفاقی وزیر قانونی فروغ نسیم نے پریس کانفرنس کرتے ہوئے کہا کہ قوانین کی تشکیل میں وزیراعظم کی ہدایات ملتی رہتی ہیں،غریب پاکستانی کی سہولت کیلئے قوانین کوتبدیل کیاجارہاہے،بیرون ملک پاکستانیوں کے مسائل کے حل کےلئے قوانین بنائے جارہے ہیں، اوورسیز پاکستانیوں کےلئے نیا قانون لایا جارہا ہے،دیوانی مقدمات کو ڈیڑھ سے دو سال میں مکمل کیا جائے گا،انہوں نے کہا کہ بےنامی جائیدادوں سے متعلق وسل بلورایکٹ لارہے ہیں،وسل بلوورکاقانون بے نامی ٹرانزیکشن کے قانون کے ساتھ لارہے ہیں ، فروغ نسیم نے کہاکہ دیوانی مقدمات کی طوالت کم کرکے ڈیڑھ سال تک لارہے ہیں،خاتون محتسب کا ادارہ لایا جارہا ہے،خواتین کی فلاح وبہبود کےلئے قانون سازی کررہے ہیں،انہوں نے کہا کہ سستا اورفوری انصاف فراہم کرنا عمران خان کا ویڑن ہے،ماضی میں قوانین میں موجود سقم کودورکیا جارہا ہے، صوبوں کوبھی قوانین میں بہتری کیلئے اقدامات کرنےکی ضرورت ہے،انہوں نے کہا کہ میڈیا ریاست کا چوتھا ستون ہے،قوانین کے نفاذ میں میڈیا کا اہم کردار ہے،وفاقی وزیر نے کہا کہ سپریم کورٹ اورہائیکورٹ میں کورٹ ڈریس کی اتھارٹی سے متعلق قانون لارہے ہیں ، مفادات کے ٹکراو? سے متعلق بھی قانون لایاجارہا ہے،لیگل ایڈاینڈ جسٹس اتھارٹی آرڈیننس بھی لارہے ہیں،جووکیل اورجرمانہ ادانہیں کرسکتااس کیلئے بھی قوانین لارہے ہیں،وکلایاریٹائرڈججزکاپینل بنے گا،اس میں شہادتوں کی ریکارڈنگ ہوگی،انہوں نے کہا کہ معمولی فوجداری مقدمات میں ملوث افراد کی داد رسی کیلئے اقدامات کررہے ہیں، عدالتوں میں ہزاروں کی تعداد میں مقدمات زیرسماعت ہیں، جولوگ عدالتوں میں وکیل نہیں کرسکتے جرمانے نہیں دے سکتے ان کیلئے قوانین بنارہے ہیں،صوبوں کوبھی قوانین میں بہتری لانے کےلئے اقدامات کی ضرورت ہے،انہوں نے کہا کہ عدالتوں پرمقدمات کا بوجھ کم کرنے کیلئے جدید ٹیکنالوجی اورمتبادل نظام لارہے ہیں،بیرون ملک پاکستانیوں کی غیرمنقولہ جائیداد سے متعلق بھی قانون بنائے جارہے ہیں،انہوں نے کہا کہ سپریم کورٹ اورہائیکورٹ میں کورٹ ڈریس کی اتھارٹی سے متعلق قانون لارہے ہیں ، ڈریس کوڈ کے حوالے سے وفاق کی بجائے عدالتوں کواختیارحاصل ہوگا،سپریم کورٹ کودیگرشہریوں کی رجسٹریوں سے منسلک کردیا گیا ہے،انہوں نے کہا کہ کسی آئینی ترمیم کےلئے ہمارے پاس نمبرز پورے نہیں،ہائیکورٹ اورسپریم کورٹ کے ججزکی تبدیلی کے طریقہ کارکیلئے دوتہائی اکثریت چاہیے، اگرلوگ آرٹیکل149میں ایسی کوئی چیزپڑھیں جواس میں نہیں لکھی ہوئی تومیں کیا کرسکتا ہوں،149سے متعلق چیزوں کو کمیٹی نے فائنل کرنا ہے،رضا ربانی نے کہا کہ آرٹیکل 149کےاطلاق کامطلب یہ صوبہ بنانے جارہے ہیں، کراچی کوسندھ سے الگ نہیں ہونےدیں گے۔

لاہور (ویب ڈیسک) پاکستان عوامی تحریک(پی اے ٹی) کے سربراہ ڈاکٹر طاہر القادری نے سیاست اور سیاسی سرگرمیوں سے کنارہ کشی کا اعلان کر دیا ہے اور پاکستان عوامی تحریک کی سیاسی سرگرمیوں سے بھی ریٹائرمنٹ کا اعلان کرتے ہوئے اپنے تمام تر اختیارات سپریم کونسل کو دیدئیے ہیں۔تفصیلات کے مطابق پاکستان عوامی تحریک کے سربراہ نے ویڈیو کانفرنس کے ذریعے خطاب کرتے ہوئے کہا کہ ہم نے کرپشن کے خلاف عوامی شعور بیدار کرنے میں بھرپور کردار ادا کیا، پارلیمینٹ کا حصہ بن کر سب کچھ اپنی آنکھوں سے دیکھا، پارلیمنٹ میں سب کچھ ہوتا ہے لیکن عوامی فلاح اور بہبود کیلئے کچھ نہیں ہوتا۔طاہر القادری نے کہا کہ بدقسمتی سے ہماری سیاست میں غریب اور متوسط طبقے کی کوئی گنجائش نہیں ہے، زیادہ تر ارکان پارلیمینٹ صرف اور صرف اقتدار کیلئے زندہ رہتے ہیں۔سربراہ پاکستان عوامی تحریک نے کہا کہ سانحہ ماڈل ٹاو¿ن کی شہادتیں تحریک کی جاری جدوجہد کا ایک نتیجہ تھیں، 3 ماہ تک عوامی شعور بیدار کرنے کیلئے اسلام آباد میں دھرنا بھی دیا گیا۔انہوں نے کہا کہ ہماری تحریک کے نتیجے میں احتساب کا ایک عمل شروع ہوا۔طاہر القادری نے کہا کہ مجھے تصنیف وتالیف کے بے پناہ کام اور صحت کے مسائل ہیں اس لئے پاکستان کی سیاست اور سیاسی سرگرمیوں سے ریٹائرمنٹ کا اعلان کرتا ہوں۔انہوں نے پاکستان عوامی تحریک کی سیاسی سرگرمیوں سے بھی ریٹائرمنٹ کا اعلان کیا اور کہا کہ میں اپنے تمام تر اختیارات سپریم کونسل کو دے رہا ہوں۔

لاہور (ویب ڈیسک) مسلم لیگ ن کی نائب صدر مریم نواز کے پولیٹیکل سیکرٹری نے الزام عائد کیا ہے کہ نیب حکام نے لیگی رہنما کیلئے گھر کے کھانے پر پابندی عائد کردی ہے۔مریم نواز کے پولیٹیکل سیکرٹری ذیشان ملک نے ٹوئٹر پر اپنے پیغام میں بتایا کہ نیب حکام نے مریم نواز کیلئے گھر سے لایا گیا کھانا لینے سے انکار کردیا۔ نیب حکام کا کہنا ہے کہ نئے حکمنامے کے مطابق گھر کا کھانا بند کیا گیا ہے۔ ذیشان ملک نے کہا کہ مریم نواز کے چچا زاد یوسف عباس شریف جن کا سیاست سے کوئی تعلق نہیں ہے ان کیلئے بھی گھر کا کھانا بند کردیا گیا ہے۔مریم نواز کے پولیٹیکل سیکرٹری نے کہا کہ عمران نیازی بہت ہی چھوٹا اور کم ظرف انسان ہے، اگر عمران نیازی کو لگتا ہے کہ ان حرکتوں سے ہمارے حوصلے پست ہوجائیں گے تو اس کی غلط فہمی ہے۔

راولپنڈی (ویب ڈیسک)بھارتی فوج کی ایل او سی پر حاجی پیر سیکٹر میں بلااشتعال فائرنگ سے حوالدارناصر حسین شہید ہو گئے۔ پاک فوج کے تعلقات عامہ کے شعبے آئی ایس پی آر کے مطابق بھارتی فوج کی جانب سے ایل او سی پر حاجی پیر سیکٹر میں بلااشتعال فائرنگ کا سلسلہ جاری ہے، بھارتی فوج کی حاجی پیر سیکٹر میں بلااشتعال فائرنگ سے 33 سال کے حوالدارناصر حسین شہیدہو گئے ،آئی ایس پی آر کے مطابق حوالدارناصر حسین شہید کا تعلق نارووال سے تھااوروہ 16 سال سے پاک فوج میں خدمات انجام دے رہے تھے۔

اسلام آباد:(ویب ڈیسک) العزیزیہ ریفرنس میں نوازشریف اور نیب کی سزاو¿ں کے خلاف اپیلوں پر پیپر بکس کی تیاری مکمل کرلی گئی ہے۔ایکسپریس نیوز کے مطابق العزیزیہ ریفرنس میں نواز شریف کی سزا کے خلاف اسلام آباد ہائی کورٹ میں دائر اپیل پر سماعت 18 ستمبر کو ہوگی، جسٹس عامرفاروق اورجسٹس محسن اخترکیانی سماعت کریں گے۔ گزشتہ 9 ماہ سے پیپر بک کی تیاری نہ ہونے سے اپیل کی کارروائی آگے نہیں بڑھ سکی تھی اور عدالت نے گزشتہ سماعت پر پیپر بک کی تیاری چار ہفتے میں مکمل کرنے کا حکم دیا تھا۔اسلام آباد ہائی کورٹ میں اپیل کی پیپر بکس کی تیاری مکمل کرلی گئی ہے اور نیب نے پیپر بکس کا ایک سیٹ رجسٹرار آفس سے حاصل کرلیا ہے تاہم نواز شریف کے وکلا نے رجسٹرار آفس سے پیپر بکس ابھی حاصل نہیں کیں۔
العزیزیہ ریفرنس کیا ہے؟

2018 میں اسلام آباد کی احتساب عدالت نے العزیزیہ اسٹیل ملز ریفرنس میں نواز شریف کو 7 سال قید، 10 سال کے لیے کسی بھی عوامی عہدے پر فائز ہونے پر پابندی ، تمام منقولہ اور غیر منقولہ جائیداد ضبط کرنے اور تقریباً پونے چار ارب روپے کا جرمانہ کی سزا سنائی تھی۔ نواز شریف اسلام آباد ہائی کورٹ میں اس سزا کے خلاف جب کہ نیب نے سزا مزید بڑھانے کے لیے الگ الگ درخواستیں دائر کررکھی ہیں۔