کراچی (ویب ڈیسک)چیئرمین پیپلز پارٹی بلاول بھٹو زرداری نے اعلان کیا ہے کہ اب ہم اس غیر جمہوری حکومت کو چلنے نہیں دیں گے۔حیدرآباد میں پارٹی رہنماو¿ں کے ہمراہ پریس کانفرنس کرتے ہوئے بلاول بھٹو نے کہا کہ کل وفاقی وزیر قانون نے کراچی پر قبضے کا پلان پیش کیا، اگر کراچی پر غیر آئینی قبضے کی کوشش کی گئی تو حکومت کو گھر جانا پڑے گا۔بلاول بھٹو نے کہا کہ پیپلز پارٹی کسی بھی صورت میں سندھ کے خلاف سازش کامیاب نہیں ہونے دے گی، یہ کیسے ہو سکتا ہے کہ غیر آئینی طریقے سے کراچی کو اسلام آباد سے کنٹرول کیا جائے۔انہوں نے حکومت کو تنقید کا نشانہ بناتے ہوئے کہا کہ ملک چلانا کوئی میچ نہیں ہے، ایسی ہی حرکتوں کی وجہ سے ماضی میں ملک ٹوٹا تھا۔بلاول بھٹو نے کہا کہ آمر اٹھارویں ترمیم پر حملہ کرتے آ رہے ہیں لیکن ہم نے اٹھارویں ترمیم کے ذریعے 1973 کے اصل آئین کو بحال کرایا، آمروں سے لڑ کر، قربانیاں دے کر آئین بحال کیا اور ہمارے وزیراعظم سندھ میں آ کر کہتے ہیں کہ وفاق 18 ویں ترمیم کی وجہ سے دیوالیہ ہو رہا ہے۔ان کا کہنا ہے کہ سندھ کوتباہ کرنے کی کوشش کی جا رہی ہے، کراچی پر قبضے کا مذاق کیا جا رہا ہے لیکن پیپلز پارٹی کٹھ پتلی اور غیر جمہوری طاقتوں کے سامنے دیوار کی طرح کھڑی ہو گی، کسی صورت سندھ کے وسائل پر قبضہ نہیں ہونے دیں گے۔

اسلام آباد(ویب ڈیسک)اسلام آباد، پشاور اور گردو نواح میں زلزلے کے شدید جھٹکے محسوس کئے گئے ہیں۔زلزلے کے جھٹکے راولپنڈی، مری، سوات، مہمند، شبقدر، چارسدہ اور باجوڑ میں بھی محسوس کئے گئے ہیں۔شمالی وزیرستان کے مختلف علاقوں، شانگلہ، بونیر، مالاکنڈ، صوابی، مردان، نوشہرہ اور ضلع خیبر میں بھی زلزلے کے جھٹکے محسوس کئے گئے۔زلزلہ پیما مرکز کے مطابق اسلام آباد اور راولپنڈی میں زلزلے کی شدت 5 اعشاریہ 2 ریکارڈ کی گئی، زلزلے کا مرکز ہندوکش ریجن اور زمین میں اس کی گہرائی 251کلو میٹر تھی۔یاد رہے کہ تین روز قبل بھی اسلام آباد اور خیبر پختونخواہ کے مختلف شہروں میں زلزلے کے جھٹکے محسوس کئے تھے۔

اسلام آباد(ویب ڈیسک)احتساب عدالت نے ایل این جی کیس میں گرفتار سابق وزیراعظم شاہد خاقان عباسی ،مفتاح اسماعیل اور شیخ عمران الحق کے جسمانی ریمانڈ میں مزید 14 روز کی توسیع کردی،عدالت نے تینوں ملزموں کو 26 ستمبر کو دوبارہ پیش کرنے کا حکم دیدیا۔تفصیلات کے مطابق احتساب میں ایل این جی کیس کی سماعت ہوئی، نیب کی ٹیم نے سابق وزیراعظم شاہد خاقان عباسی، مفتاح اسماعیل اور شیخ عمران الحق کو عدالت میں پیش کیا،ملزموں کو جج محمد بشیرکی عدالت میں پیش کیاگیا،نیب نے ملزموں کے مزید14 روزہ ریمانڈ کی استدعاکی،تفتیشی افسر نے کہا کہ کراچی گیاتھا،ساراریکاڑدخود لےکر آیا ہوں،ریکارڈاورشواہد کی روشنی میں مزیدتفتیش کرناچاہتاہوں،اس دوران سابق وزیراعظم روسٹرم پر آگئے ،شاہد خاقان عباسی نے کہا کہ کل جو چیف جسٹس نے کہا بات ساری وہی ہے ،یہ سارے سیاسی کیس ہیں ،مجھے خدشہ ہے یہ مجھ پر جعلی کیس بنا دیں گے ،شاہد خاقان عباسی نے کہا کہ بے شک ایک ہی بار 90 دن کا ریمانڈ دے دیں ،جج محمد بشیر نے نیب کی درخواست پر محفوظ فیصلہ سناتے ہوئے ملزموں کو مزید 14 روزہ ریمانڈ پر نیب کے حوالے کردیا اور انہیں 26 ستمبر کو دوبارہ پیش کرنے کا حکم دیدیا۔

لاہور:(ویب ڈیسک) تھانوں میں کیمرے والا موبائل فون لے جانے پر پابندی کے خلاف آئی جی پنجاب کو لیگل نوٹس جاری کردیا گیا ہے، لیگل نوٹس شہری رانا نعمان نے مدثر چودھری ایڈووکیٹ کے توسط سے بھیجا ہے۔ بھیجے جانے والے لیگل نوٹس میں استفسار کیا گیا ہے کہ تھانوں میں کیمرے والا موبائل فون لے جانے پر پابندی کے حوالے سے آے والی خبروں میں کتنی صداقت ہے؟مدثر چودھری ایڈووکیٹ نے اپنے مو¿کل کے توسط سے معلوم کیا ہے کہ اگرواقعتاً تھانوں میں کیمرے والا موبائل فون لے جانے میں پابندی عائد کی گئی ہے تو وہ کس قانون کے تحت لگائی گئی ہے؟آئی جی پنجاب کو بھیجے جانے والے لیگل نوٹس میں معلوم کیا گیا ہے کہ تھانوں میں کیمرے والا موبائل فون لے جانے پر پابندی کا اطلاق صرف پولیس اہلکاروں پہ کیا گیا ہے اور یا کہ اس کی زد میں عام سائلین سمیت دیگر وہ افراد بھی ا?ئیں گے جو تھانوں میں کسی بھی قسم کے کام کے لیے جائیں گے؟