لاہور(ویب ڈیسک)وزیراعلیٰ پنجاب سردار عثمان بزدار سے صلاح الدین کے اہلخانہ نے ملاقات کی،وزیراعلیٰ نے صلاح الدین کے والدکوانصاف دلانے کی یقین دہانی کرائی اور کہا ہے کہ “انصاف کے لیے ہم آپ کے ساتھ کھڑے ہیں اور آخر تک رہیں گے،صلاح الدین کے والدنے دوبارہ پوسٹ مارٹم کرانے کامطالبہ کردیا۔تفصیلات کے مطابق وزیراعلیٰ پنجاب عثمان بزدار سے وزیراعلیٰ ہا?س میں پولیس تشدد سے جاں بحق ہونے والے صلاح الدین کے اہلخانہ نے ملاقات کی،وزیراعلیٰ نے صلاح الدین کے والدکوانصاف دلانے کی یقین دہانی کرائی، لواحقین سے گفتگو کرتے ہوئے وزیر اعلیٰ پنجاب نے کہا کہ صلاح الدین کی ہلاکت پرجوڈیشل کمیشن بنانے کافیصلہ کیاہے، مستقبل میں بھی ایسا کوئی واقعہ نہ ہو، اس کے یے قانون سازی یا جو کچھ بھی ضروری ہوا، ہم کریں گے، کسی کوقانون سے تجاوزکرنے کی اجازت نہیں دی جائےگی۔صلاح الدین کے والد نے میڈیا سے گفتگو کرتے ہوئے کہا کہ صلاح الدین چورنہیں، ذہنی طورپر ٹھیک نہیں تھا،ہمیں انصاف دیا جائے،انہوں نے کہا کہ وزیراعلیٰ کو 8 مطالبات پیش کئے ہیں،ہمیں وزیراعلیٰ نے دعوت دی تھی اور ہم آئے ہیں۔انہوں نے کہا کہ صلاح الدین کوپہلے بھی پولیس نے گرفتارکیالیکن پوچھ گچھ کے بعدچھوڑدیاتھا،صلاح الدین کوپولیس نے دوران حراست تشددسے ہلاک کیا،انہوں نے مطالبہ کیا کہ صلاح الدین کا دوبارہ پوسٹ مارٹم کرایا جائے۔

اسلام ا?باد (ویب ڈیسک) بھارت کے چاند مشن کی ناکامی پر وزیر سائنس و ٹیکنالوجی فواد چودھری نے کہاہے کہ جو کام ا?تا نہیں، پنگا نہیں لیتے۔ٹوئٹر پر جاری بیان میں فواد چوہدری نے کہا کہ مودی سیٹلائٹ کمیونی کیشن پر ایسے بھاشن دے رہے تھے جیسے وہ سیاست دان نہیں خلا نورد ہوں، غریب عوام کے 900 کروڑ روپے ضائع کرنے پر لوک سبھا کو مودی سے جواب طلب کرنا چاہیے۔فاقی وزیر نے کہا کہ بھارتی ٹرول انہیں دھمکا رہے ہیں جیسے بھارتی چاند مشن کو انہوں نے ناکام بنایا ہے، کیا ہم نے کہا تھا کہ ان نالائقوں پر 900 کروڑ لگاو¿ اب صبر کرو اور سونے کی کوشش کرو۔فوادچوہدری نے کہا کہ جو کام ا?تا نہیں، پنگا نہیں لیتے، چاند کے بجائے کھلونا ممبئی میں اتر گیا۔لائی مرکز سے مودی کے مایوس ہو کر چلے جانے پر فواد چوہدری نے کہاکہ وہ یہ لمحہ نہیں دیکھ سکے جس پر انہیں افسوس ہے۔وفاقی وزیر نے کہا کہ ہندوستان کو مشورہ ہے، بغیر سوچے سمجھے چندرائین جیسے مشن بنانے یا ابھی نندن جیسوں کو لائن ا?ف کنٹرول پار چایے پینے بھیجنے جیسے منصوبوں پر پیسہ لٹانے کی بجائے اپنے لوگوں کوغربت سے باہر نکالنے پر پیسے لگائیں، کشمیر بھارت کا ایک اور چندرائین ہوگا ور قیمت چندرائین سے کئی گنا زیادہ ہوگی۔

لاہور: (ویب ڈیسک)پنجاب میں لیگی دور حکومت میں ایک ارب سے زائد لاگت کے منصوبوں پر مزید انکوائری شروع کردی گئی، وفاقی حکومت نے پنجاب سے 2008ئ سے 2018ء تک ایک ارب روپے سے زائد مالیت کے منصوبوں کی تفصیلات طلب کرلیں۔وفاق میں سابق دور حکومت میں لیے گئے قرضوں کے بعد اب پنجاب میں سابق وزیر اعلی پنجاب شہباز شریف کے دورمیں میگا منصوبوں کی انکوائری شروع ہو چکی ہے، اس سلسلے میں وفاق نے محکمہ پی اینڈ ڈی بورڈ اور محکمہ خزانہ سے مذکورہ منصوبوں کی تفصیلات طلب کرلی ہیں۔ان منصوبوں کی منظوری اور ان کی ترامیم میں فنڈز کے اضافے کی تفصیلات بھی طلب کی گئی ہیں، سابق دور حکومت میں میگا منصوبوں کے دیئے گئے ٹھیکوں پر بھی تفصیلات مانگ لی گئیں۔پی اینڈ ڈی بورڈ حکام کا کہنا ہے کہ جلد وفاق کو میگا منصوبوں کی مکمل فہرست ارسال کردی جائے گی۔

لاہور: (ویب ڈیسک)جج وڈیواسکینڈل میں عدالت نے تینوں ملزمان کوبری کردیا۔جج ویڈیو اسکینڈل میں جوڈیشل مجسٹریٹ ثاقب جواد نے سماعت کے بعد محفوظ فیصلہ سنا دیا۔ ایف آئی اے کے تفتیشی افسرمحبوب نے عدالت میں بیان دیا کہ ملزمان کے خلاف ثبوت نہیں ملے۔ جس کے بعد عدالت نے تینوں ملزمان کوبری کردیا۔ ملزمان میں ناصرجنجوعہ، خرم یوسف اورغلام جیلانی شامل تھے۔ تینوں ملزمان پرجج ارشد ملک نے الزامات لگائے تھے۔
پس منظر
مسلم لیگ (ن) کی رہنما مریم نوازنے ایک پریس کانفرنس کے دوران احتساب عدالت کے جج ارشد ملک کی مبینہ ویڈیوجاری کی تھی جس میں وہ کہتے ہوئے نظرا?رہے ہیں کہ انہیں بلیک میل کرکے اوردباو¿ ڈال کرنوازشریف کو العزیزیہ ریفرنس میں سزا دینے پر مجبور کیا گیا تھا، وگرنہ نوازشریف کے خلاف کوئی ثبوت نہیں تھا۔ تاہم ارشد ملک نے ایک روزبعد پریس ریلیزجاری کرکے مریم نوازکے الزامات کی تردید کرتے ہوئے ویڈیوکوجعلی قراردیتے ہوئے مسترد کردیا تھا۔

اسلام آباد (ویب ڈیسک) : نجی ٹی وی چینل کے پروگرام میں بات کرتے ہوئے سابق وزیر خارجہ خورشید قصوری نے کہا پاکستان اور بھارت دونوں ممالک نے ایٹمی ہتھیار بنا لیے ہیں اور اب کوئی باشعور لیڈر جنگ نہیں چھیڑ سکتا لیکن اگر کسی ایک کو بھی دورہ پڑ گیا تو کوئی روک نہیں سکے گا۔انہوں نے کہا کہ جب تک پاکستان یا بھارت کی طرف کسی کو پاگل پن کا دورہ نہیں پڑتا دنوں ممالک کے درمیان جنگ نہیں ہو سکتی۔مسئلہ کشمیر بات چیت سے ہی ممکن نہیں لیکن اس وقت وہ بھی نہیں ہوسکتی اور ہمیں انتظار کرنا پڑے گا۔ انہوں نے کہا کہ بھارتی وزیراعظم نریندر مودی سامنے والے کو بہت جلد گلے ملتے ہیں لیکن عمران خان اور چینی وزیراعظم سے گھبراتے ہیں۔مسئلہ کشمیر سے متعلق بات کرتے ہوئے انہوں نے کہا کہ ہماری حکومت کافی متحرک ہے لیکن ہمیں چاہئیے کہ اس مسئلے کو زندہ رکھیں انسانی حقوق کے لیے کام کرنے والی بڑی شخصیات کو پاکستان بلا کر صورتحال سے آگاہ کیا جائے۔کشمیری چاہتے ہیں کہ سب سے پہلے بھارتی فوج کو وادی سے نکالے جائے اور پھر کوئی حل نکالا جائے۔ پروگرام میں موجود دفاعی تجزیہ کار میجر جنرل (ر) اعجاز اعوان نے کہا کہ چیف آف آرمی اسٹاف نے صرف بیان نہیں دیا بلکہ مسئلے کا حل بتایا ہے، مودی نے صرف دکھاوے کی خاطر ایسا نہیں کیا۔ ان کا کہنا تھا کہ اقوام متحدہ میں صرف تقریر کرنے سے کوئی حل نہیں نکلے گا، بھارت کشمیر کے محاذ پر جنگ لڑہی نہیں سکتا کیوں کہ ان کے پیچھے احتجاج کرنے والے اعوام ہے۔اعجاز اعوان کا کہنا تھا کہ اگربھارت کو وقت ہی دینا ہے تو پھر کشمیر کو ہمیشہ کے لیے بھول جائیں۔ بھارتی فوج چاہتی ہے کہ کشمیریوں کے حوصلے توڑے جائیں۔ انہوں نے کہا کہ ہمارے بہن بھائی 70 سال سے ہماری طرف دیکھ رہے ہیں اور اب وقت آگیا ہے کہ ان کی آواز پر لبیک کہا جائے۔