اسلام آباد (ویب ڈیسک) وزارت داخلہ کا یوم دفاع کیلئے عام تعطیل دینے کی بجائے دفاتر میں جلدی چھٹی دینے کا فیصلہ، ملک بھر کے تمام دفاتر دن تین بجے سے بند رہیں گے، دفاتر جلدی بند کرنے کا مقصد یوم دفاع کی تقریبات میں شرکت ہے، نوٹیفیکیشن جاری کر دیا گیا۔

اسلام آباد (ویب ڈیسک)سابق صدر آصف علی زرداری اور فریال تالپور کو جوڈیشل ریمانڈ مکمل ہونے پر اڈیالہ جیل سے آج ڈیوٹی جج احتساب عدالت راجہ جواد عباس کے روبرو پیش کیا گیا۔اس موقع پر عدالت نے حاضری لگا کر آصف علی زرداری اور فریال تالپور کو واپس بھیجنے کا حکم دے دیا۔جج راجہ جواد عباس نے اپنے ریمارکس میں کہا کہ درخواستیں میں سن لیتا ہوں، لیکن بنیادی مقدمہ متعلقہ جج ہی سنیں گے۔احتساب عدالت پیشی کےموقع پرپیپلز پارٹی کے شریک چیئرمین و سابق صدر آصف علی زرداری غصے میں آگئے اور فریال تالپور کےآگے آنے پر سیکیورٹی اہلکار کو چھڑی دے ماری۔سابق صدر نے سیکورٹی اہلکار کو کہا کہ ’ دیکھتے نہیں ہو میری بہن پیچھے ہے، ایڈیٹ شخص ‘

اسلام آباد(ویب ڈیسک): وزیراعلیٰ پنجاب عثمان بزدار نے کہا ہے کہ وزیراعظم عمران خان چاہتے تھے کہ پنجاب کا وزیراعلیٰ کسی پسماندہ علاقے سے ہو اور جس کا کوئی اسکینڈل نہ ہو اس لئے انہوں نے میرا انتخاب کیا۔نجی ٹی وی کو دیئے گئے انٹرویو میں ان کا کہنا تھا کہ وزیراعلیٰ بننے سے قبل میں دو مرتبہ تحصیل ناظم رہا اس کے علاوہ میں نے متعدد جامعات سے کورسز بھی کئے جو آج صوبہ چلانے کے لئے میرے کام آرہے ہیں۔عہدے سے ہٹائے جانے کے حوالے سے سوال پر ان کا کہنا تھا کہ جب تک میرا دانا پانی لاہور میں لکھا ہے اسے کوئی ختم نہیں کر سکتا اور جب مجھے جانا ہے تو کوئی مجھے ایک منٹ کیلئے بھی روک نہیں سکتا۔انہوں نے کہا کہ میں نے کبھی وزیراعلیٰ پنجاب بننے کیلئے کوئی لابنگ نہیں کی، جس دن مجھے وزارت اعلیٰ کیلئے نامزد کیا گیا، اسی دن میری وزیراعظم سے ملاقات ہوئی تھی۔ان کا کہنا تھا کہ یہ تاثر غلط ہے کہ کوئی شریف آدمی پنجاب جیسے بڑے صوبے کا وزیراعلیٰ نہیں بن سکتا، مجھے ایک سال ہو گیا صوبہ چلاتے ہوئے اورمیری کارکردگی بھی سب کے سامنے ہے۔

اسلام آباد:(ویب ڈیسک) آئندہ 24 گھنٹوں کے دوران جڑواں شہروں سمیت ملک کے بعض مقامات پر بارش کا امکان ہے۔محکمہ موسمیات کے مطابق جمعرات کے روز ملک کے بیشتر علاقوں میں موسم گرم اور مرطوب رہیگا تاہم راولپنڈی، گوجرانوالہ، لاہور ڈویڑن، اسلام آباد اور کشمیر میں چند مقامات پرگرج چمک کیساتھ بارش کا امکان ہے۔گزشتہ روز ملک کے بیشتر علاقوں میں موسم گرم اور مرطوب رہا تاہم مالاکنڈ، مکران، کراچی اور سکھر ڈویڑن میں ایک دو مقامات پر بارش ہوئی۔سب سے زیادہ بارش سندھ: کراچی (یونیورسٹی روڈ، جناح ٹرمینل 04)، سکھر 01، خیبرپختونخواہ: دروش 04، بلوچستان: لسبیلہ میں 03 ملی میٹر بارش ریکارڈ کی گئی۔کل ریکارڈ کیےگئےگرم ترین مقامات کےدرجہ حرارت میں ڈی آئی خان 44 اور بھکر43 ڈگری سینٹی گریڈ ریکارڈ کیا گیا۔