لاہور(جنرل رپورٹر) دریائے ستلج میں بھارتی آبی جارحیت کے دوران اسکی جانب سے چھوڑے گئے پانی سے تباہی کا سلسلہ جاری ہے ،سینکڑوں ایکڑ اراضی پر لگی فصلیں ،بستیاں اور مویشی دریائے ستلج کے آبی ریلوں کی نظر ہو گئے وہا ں کئی قیمتی جانیں بھی ضائع ہو چکی ہیں،آن لائن کے مطابق اسی طرح گزشتہ روز بھی دریائے ستلج کے کنارے سنگراں والی بھینی کے رہائشی محنت کش محمد احمد دودھی کا گیارہ سال کا بیٹا امجد دریائے کے چڑھے ہوئے پانی سے بے خبر حسب سابق دریائے کے قریب کھیل رہا تھا کہ اچانک ایک بڑی لہر اسے کھینچ کر دریا میں لے گئی جسکی اطلاع پر ریسکیو ٹیمیں موقع پر پہنچ گئیں اور بچے کی تلاش شروع کر دی تاہم ابھی تک کوئی سراغ نہیں مل سکا ہے ۔

سری نگر (مانیٹرنگ ڈیسک) مقبوضہ کشمیر میں پاک فوج کے ترجمان میجر جنرل آصف غفور کے پوسٹرز آویزاں کردیے گئے۔کشمیر میڈیا سروس کے مطابق مقبوضہ کشمیر کی شاہراہوں اور گلیوں میں پاکستانی فوج کے ترجمان میجر جنرل آصف غفور کے پوسٹرز اور ہینڈبلز آویزاں کیے گئے ہیں۔میڈیا رپورٹس کے مطابق پوسٹرز میں ڈی جی آئی ایس پی آر کا کشمیریوں کے لیے آخری گولی اور آخری سپاہی تک لڑنے کا بیان تحریر کیا گیا ہے۔جب کہ پوسٹر میں حریت رہنماں کی جانب سے یہ اعلان کیا گیا ہےکہ کشمیری زمین پر جنت اپنے وطن سے بھارت کو نکالنے کے لیے شانہ بشانہ ہوں گے اور جنت غاصب بھارتی فوج کا مسکن نہیں بن سکتی۔یاد رہے کہ بھارت نے مقبوضہ کشمیر کی خصوصی حیثیت ختم کرنے کے بعد سے وادی میں کرفیو نافذ کررکھا ہے اور مقبوضہ وادی میں مکمل لاک ڈان کی صورتحال ہے جہاں میڈیا کے نمائندوں کا داخلہ بھی بند ہے۔

راولپنڈی(اے این این ) حکومت نے ملک بھر میں 4 بنیادی اشیائے ضروریہ آٹا، چینی، گھی اور دالوں کی قیمتوں میں مناسب کمی اور پھر ان کو استحکام میں رکھنے کیلیے میگا سبسڈی پیکیج کی تیاری شروع کر دی ہے۔یہ پیکیج یوٹیلٹی سٹورز کے ساتھ ساتھ اوپن مارکیٹ میں بھی ہو گا، اس پراجیکٹ کے تحت وفاقی حکومت صوبائی حکومتوں کے مالی تعاون سے ان تمام بنیادی اشیا کی ترسیل پر سبسڈی دے گی جس کے باعث ان تمام دالوں، چنے سمیت آٹا، گھی ،چینی کی قیمتوں میں10 روپے سے 20 روپے کمی ہو گی۔تحریک انصاف کے مرکزی نائب صدر زاہد حسین کاظمی نے نجی ٹی وی کو بتایا کہ وزیر اعظم عمران خان نے اس پیکیج کی تیاری کے احکامات جاری کر دیے ہیں، انھوں نے بتایا کے اقتصادی بحران پر قابو پا لیا گیا، اب استحکام کی طرف جارہے ہیں۔

سری نگر، لندن، برسلز (مانیٹرنگ ڈیسک، نیوز ایجنسیاں) مقبوضہ کشمیر میں مسلسل 29 ویں روز بھی کرفیو اور پابندیاں برقرار ہیں، غذائی قلت شدت اختیار کر گئی، کشمیریوں کا بیرونی دنیا سے رابطہ منقطع ہے، زیر حراست ہزاروں کشمیریوں پر کالا قانون پبلک سیفٹی ایکٹ لاگو کر دیا گیا۔کرفیو کے باوجود کشمیریوں کی مزاحمت میں کمی نہ آئی۔ سری نگر سمیت مختلف علاقوں میں کشمیری نوجوان سخت پابندیوں کی پرواہ کئے بغیر احتجاج کر رہے ہیں۔قابض انتظامیہ نے زیر حراست ہزاروں کشمیریوں پر کالا قانون پبلک سیفٹی ایکٹ لاگو کر دیا، اس قانون کے تحت کوئی بھی پولیس اہلکار کسی بھی شہری کو گھر یا باہر سے محض شک کی بنیاد پر گرفتار کر سکتا ہے اور گرفتار کیے گئے شہری کے اہل خانہ کو اطلاع نہیں دی جاتی نہ ہی اسے قانونی امداد حاصل کرنے کی اجازت ہوتی ہے۔پی ایس اے کے تحت بغیر عدالتی سماعت کے کم سے کم دو سال تک اور کسی کو بھی بلا لحاظ عمر قید کیا جا سکتا ہے۔ کشمیر میڈیا سروس کے مطابق 35 ہزار سے زائد سوشل میڈیا اکاونٹس کی چھان بین کی جا رہی ہے، وادی میں حریت رہنماں سمیت دس ہزار سے زائد کشمیریوں کو گرفتار کیا جاچکا ہے۔ مقبوضہ کشمیر میں مسلسل 29 ویں روز بھی کرفیو اور پابندیاں برقرار ہیں، غذائی قلت شدت اختیار کر گئی، کشمیریوں کا بیرونی دنیا سے رابطہ منقطع ہے، زیر حراست ہزاروں کشمیریوں پر کالا قانون پبلک سیفٹی ایکٹ لاگو کر دیا گیا۔کرفیو کے باوجود کشمیریوں کی مزاحمت میں کمی نہ آئی۔ سری نگر سمیت مختلف علاقوں میں کشمیری نوجوان سخت پابندیوں کی پرواہ کئے بغیر احتجاج کر رہے ہیں۔قابض انتظامیہ نے زیر حراست ہزاروں کشمیریوں پر کالا قانون پبلک سیفٹی ایکٹ لاگو کر دیا، اس قانون کے تحت کوئی بھی پولیس اہلکار کسی بھی شہری کو گھر یا باہر سے محض شک کی بنیاد پر گرفتار کر سکتا ہے اور گرفتار کیے گئے شہری کے اہل خانہ کو اطلاع نہیں دی جاتی نہ ہی اسے قانونی امداد حاصل کرنے کی اجازت ہوتی ہے۔پی ایس اے کے تحت بغیر عدالتی سماعت کے کم سے کم دو سال تک اور کسی کو بھی بلا لحاظ عمر قید کیا جا سکتا ہے۔ کشمیر میڈیا سروس کے مطابق 35 ہزار سے زائد سوشل میڈیا اکاونٹس کی چھان بین کی جا رہی ہے، وادی میں حریت رہنماں سمیت دس ہزار سے زائد کشمیریوں کو گرفتار کیا جاچکا ہے۔دریں اثناءانسانی حقوق کی ایک اور عالمی تنظیم ایمنسٹی انٹرنیشنل نے مقبوضہ وادی میں جاری بھارتی مظالم کی مذمت کرتے ہوئے کرفیو اٹھانے کا مطالبہ کیا ہے، ایمنسٹی نے آسام میں 19 لاکھ افراد کی شہریت ختم کرنے پر بھی بھارت کی مذمت کی ہے۔ایمنسٹی انٹرنیشنل نے مطالبہ کیا ہے کہ کشمیریوں کو ہراساں کرنے کا سلسلہ بند کیا جائے، انسانی حقوق کی رپورٹنگ کرنے والے صحافیوں پر پاندی ختم کی جائے۔ادھر ایمنسٹی انٹرنیشنل نے کہا ہے کہ آسام حکومت شہریت سے محروم ہونے والوں کی دوبارہ سماعت کو یقینی بنائے، یہ 19 لاکھ افراد فیصلے کے بعد 120 دنوں میں ٹربیونل کے سامنے اپیل کرنے کا حق رکھتے ہیں۔ برطانوی میڈیا کا اپنی رپورٹ میں کہنا ہے کہ بھارت نے باقاعدہ منصوبہ بندی کے تحت مقبوضہ کشمیر کی خصوصی حیثیت ختم کی، اس اعلان کے ساتھ ہی کشمیریوں پر تشدد اور گرفتاریاں شروع کردی گئیں۔برطانوی میڈیا کی مقبوضہ وادی میں بھارتی ظلم و جبر پر رپورٹ میں کہا ہے کہ یہ سلسلہ 26 جولائی کو شروع ہوا تھا جب بھارت نے مقبوضہ وادی میں 10 ہزا رفوجیوں کو تعینات کیا۔ اس کے کچھ دن بعد فوجیوں کی مزید 180 کمپنیاں تعینات کردی گئیں۔مقبوضہ وادی سے یاتریوں ،سیاحوں کو مقبوضہ وادی چھوڑنے، اسپتالوں کو ضروری ادویات کے اسٹاک کی ہدایات جاری کی گئیں۔ اسکولوں کو بھارتی فوج نے پڑاو بنالیا، اسکول کالج بند کردیئے گئے۔ مقبوضہ کشمیر میں بھارتی فورسز نے عوامی سرگرمیوں کی نگرانی کیلئے ڈرونز کا استعمال شروع کردیا بھارتی میڈیا کے مطابق ایک سینئر پولیس آفیسر نے بتایا کہ وادی بھر میں مظاہرین اور حریت نواز عوام کی سرگرمیوں کی نگرانی کیلئے جدید کیمروں اور نائب وژن آلات سے لیس ڈرونز کا استعمال شروع کردیا گیا ہے۔ ایک کشمیری عسکریت پسند رہنما نے پاکستان سے بھارت کے زیرانتظام کشمیر میں عسکری مداخلت کا مطالبہ کرتے ہوئے مشروط پر کہا ہے کہ پاکستان کو بھارت کے انتظام کشمیر میں عوام کے تحفظ کیلئے اپنے دستے وہاں بھیجنا چاہیئں۔ یورپین پارلیمنٹ کی خارجہ کمیٹی نے بھارت کو کشمیر میں کرفیو ختم کرنے اور معمولات زندگی بحال کرنے کا مطالبہ کر دیا۔مقبوضہ کشمیر کے مسئلے پر یورپین پارلیمنٹ کی خارجہ کمیٹی کا ان کیمرہ اجلاس آج برسلز میں ہوا۔ اجلاس میں بھارت سے کشمیر میں لوگوں کی ادویات اور خوراک کا فوری بندوبست کرنے اور بھارت کو ہر صورت مذاکرات کی میز پر لانے کا فیصلہ کیا گیا۔خارجہ امور کمیٹی نے کہا کہ ہم اقوامِ متحدہ کے ذریعے اور براہِ راست بھارت پر بھی دبا ڈالیں گے کہ فوری طور پر کشمیریوں کی بحالی کے لیے اقدام کرے اور ہم چاہتے ہیں کہ کشمیریوں کی ایک آواز ہو جائے تو ہم اس ایک آواز کے مطابق کام کریں۔وزیر اعظم آزاد کشمیر راجہ محمد فاروق حیدر خان نے بھی اجلاس میں شرکت کی۔اجلاس میں بھارت کی جانب سے 5 اگست کے غیر آئینی اقدام اور اس کے بعد مقبوضہ وادی میں ریاستی دہشت گردی پر غور کیا گیا۔دوسری جانب یورپین پارلیمنٹ کی خارجہ امور کمیٹی نے اپنے خارجہ امور کے دفتر سے مقبوضہ کشمیر کی صورتحال پر رپورٹ طلب کر لی۔