اسلام آباد (ویب ڈیسک ) حمزہ علی عباسی کے ساتھ شادی کے بندھن میں بندھنے کے بعد نیمل خاور خان بھی ہر لڑکی کی طرح اپنے شوہر کے گھر منتقل ہوچکی ہیں۔ نئے گھر میں منتقلی کے بعد انہوں نے پرانے گھر سے اپنا ضروری سامان بھی شفٹ کرنا شروع کردیا ہے۔حمزہ علی عباسی اور نیمل خاور نے شادی اور ولیمے سے فراغت کے بعد دلہن کے میکے کا رخ کیا اور وہاں سے ضروری سامان نئے گھر میں شفٹ کرنا شروع کردیا۔ جب نئے نویلے دولہا دلہن نیمل خاور کے پرانے کمرے سے ان کی پسندیدہ پینٹنگ اٹھا کر لے جارہے تھے تو ایسے میں نیمل کی بہن فضہ خاور نے ان کی ویڈیو بنالی۔ فضہ خاور نے انسٹاگرام پر حمزہ اور نیمل کی ویڈیو شیئر کرتے ہوئے انہیں مذاق میں چور قرار دے دیا۔

کراچی(ویب ڈیسک ) وزیراعظم پاکستان عمران خان کی جانب سے مظلوم کشمیریوں سے اظہار یکجہتی کے لیے جمعے کے روز کشمیر آور منانے کے لیے شوبز فنکار بھی میدان میں آگئے۔وزیراعظم پاکستان نے مظلوم کشمیریوں سے اظہار یکجہتی کے لیے کل جمعہ کے روز پورے ملک میں کشمیر آور منانے کا اعلان کیا ہے۔کشمیر آور کل 12 بجے سے شروع ہوکر ساڑھے 12 بجے تک جاری رہے گا جس کے دوران پاکستان اور کشمیر کا قومی ترانہ بجایاجائے گا۔ ترانہ بجانے کے دوران 12 بجے سے لے کر 12 بج کر 5 منٹ تک تمام گاڑیاں اور عوام کھڑے ہوکر کشمیریوں سے اظہار یکجہتی کا مظاہرہ کریں گے۔جمعہ کے روز جہاں پوری قوم کشمیریوں کے ساتھ اظہار یکجہتی کا مظاہرہ کرے گی وہیں شوبز سے وابستہ فنکاروں نے بھی کل کشمیر آور منانے کا اعلان کیا ہے اور لوگوں سے مظلوم کشمیریوں سے اظہار یکجہتی کے لیے گھروں سے نکلنے کی درخواست کی ہے۔

گلوکارہ رابی پیرزادہ نے اپنے سوشل میڈیا اکاﺅنٹ پر شیئر کی جانے والی ویڈیو میں وزیراعظم کے اس اعلان کا خیر مقدم کرتے ہوئے کہا ہے کہ وہ جمعے کو 12 بجے لبرٹی راﺅنڈ اباﺅٹ میں کشمیریوں کے ساتھ یکجہتی کا ثبوت دینے کے لیے آئیں گی۔ انہوں نے تمام لوگوں سے درخواست کی ہے کہ سب لوگ ان کا ساتھ دیں۔

گلوکار شہزاد رائے نے بھی ٹوئٹر پرکشمیر آور منانے کا اعلان کرتے ہوئے کہا ہے کہ وہ کراچی میں ایس ایم بی فاطمہ جناح اسکول کی 2500 طالبات کے ساتھ کشمیر آور منائیں گے۔ انہوں نے تمام لوگوں سے اپیل کی ہے کہ کشمیریوں سے اظہار یکجہتی کے لیے ان کے ساتھ شامل ہوں۔ اس کے ساتھ وہ 6 ستمبر کو شہدا کے ورثا سے ملاقات کریں گے اور بہت جلد ایل او سی کا دورہ بھی کریں گے۔

نامور پاکستانی گلوکار، اداکار اورمیزبان فخر عالم نے بھی جمعے کے روز کشمیر آور منانے کا اعلان کرتے ہوئے کہا ہے کہ دنیا کو یاد دلائیں کہ ہمیں انسانی تکالیف کے دوران خاموش نہیں رہنا چاہئے۔ جب کہ اداکار فیصل قریشی نے فخر عالم کا ٹویٹ ری ٹویٹ کرکے کشمیریوں سے اظہار یکجہتی کا اعلان کیا۔

لاہور: (ویب ڈیسک) معروف ماڈل ایمان سلیمان کے نئے انداز نے نہ صرف مداحوں بلکہ سٹارز کو بھی حیران کردیا۔ ایمان سلیمان نے اپنے بال انتہائی چھوٹے کروا لئے۔میڈیا رپورٹ کے مطابق ایمان نے اپنی تصویر سوشل میڈیا پر بھی شیئر کر دی۔ جو انداز انہوں نے اپنایا اسے دنیا بھر میں ”بز کٹ“ کے نام سے جانا جاتا ہے۔ ایمان نے اپنے پیغام میں مزاحیہ انداز میں لکھا کہ وہ سب ٹنڈو ٹاو¿ن نامی ایک مقام پر سب کو پارٹی کیلئے بلا رہی ہیں۔ایمان سلیمان نے اپنے بالوں کے اس نئے انداز کو معروف امریکی گلوکارہ اور اداکارہ برٹنی سپیئرز کے انداز سے تشبیہ دی ہے۔

ممبئی (ویب ڈیسک)بھارتی ریاست مغربی بنگال کے ایک ریلوے اسٹیشن پر گانا گانے والی نادار خاتون کی قسمت بدل گئی اور اب وہ بالی وڈ فلم کیلئے اپنی آواز کا جادو جگائیں گی۔گزشتہ دنوں کولکتہ کے ریلوے اسٹیشن میں گانا گانے والی ایک نادار خاتون کی ویڈیو وائرل ہوئی تھی جس میں وہ اپنی میٹھی آواز میں لتا کا گانا ‘ایک پیار کا نغمہ ہے’ گنگنا رہی تھیں۔ان کی آواز میں گیت کو اس قدر پسند کیا گیا کہ ’رانو مونڈال‘ راتوں رات شہرت کی بلندیوں پر پہنچ گئیں۔ رانو مونڈال نے بھارتی ٹی وی کے رئیلٹی شو ’سپر اسٹار سنگر‘ میں شرکت کی اور اپنی آواز کا جادو جگایا۔ شو کے جج اور میوزک ڈائریکٹر ہمیشن ریشمیا بھی رانو مونڈال کی آواز سے اس قدر متاثر ہوئے کہ اپنی فلم کیلئے گیت گانے کی پیشکش کردی۔