لاہور (ویب ڈیسک)وفاقی وزیر برائے سائنس اینڈ ٹیکنالوجی فواد چوہدری کا کہنا ہے کہ وزیراعظم عمران خان بھارت کیلئے پاکستان کی فضائی حدود اور زمینی راستے مکمل طور پر بند کرنے پر غور کررہے ہیں۔وزیراعظم عمران خان کی زیر صدارت وفاقی کابینہ کا اجلاس ہوا جس میں کشمیر کی صورتحال پر تبادلہ خیال کیا گیا۔اس حوالے سے وفاقی وزیر برائے سائنس وٹیکنالوجی فواد چوہدری کا اپنی ٹوئٹ میں کہنا تھا کہ وزیراعظم عمران خان بھارت کیلئے پاکستانی فضائی حدود مکمل طور پر بند کرنے پر غور کررہے ہیں۔انہوں نے مزید کہا کہ وفاقی کابینہ کے اجلاس میں بھارت کی جانب سے افغانستان کو تجارت کیلئے پاکستانی سرزمین کے استعمال پر مکمل پابندی پر غور کیا گیا جس کیلئے قانونی پہلوﺅں کو دیکھا جارہا ہے۔فواد چوہدری نے یہ بھی کہا کہ شروعات مودی نے کی لیکن ختم ہم کریں گے۔خیال رہے کہ گزشتہ دنوں پاک بھارت کشیدگی کے دوران بھی پاکستان نے بھارت کیلئے اپنی فضائی حدود بند کردی تھی جس کے باعث بھارت کو کروڑوں روپے کا نقصان ہوا تھا۔ گزشتہ روز وزیراعظم عمران خان نے قوم سے خطاب میں کشمیریوں کیلئے ہر حد تک جانے کا اعلان کیا تھا۔ دوسری جانب مقبوضہ کشمیر میں 23 روز سے لاک ڈاو¿ن ہے جس کے باعث بچوں کے دودھ، ادویات اور اشیائے ضروریہ کی شدید قلت ہوگئی ہے

اسلام آباد (ویب ڈیسک) مقبوضہ کشمیرمیں کل جماعتی حریت کانفرنس کے چیئرمین سید علی گیلانی کا سماجی رابطے کی ویب سائٹ ٹویٹر پر ٹویٹ کرتے ہوئے کہنا ہے کہ کشمیر پر پاکستان کے علاوہ کوئی ملک نہیں بات کر رہا۔ کسی کی تجارت ہے تو کسی کے ذاتی مفاد،کشمیری اور پاکستانی یہ جنگ مل کر لڑیں گے۔

ایک اور میڈیا رپورٹ میں بتایا گیا ہے کہ سید علی گیلانی نے تمام لوگوں ، سرکاری ملازمین، افسروں اور پولیس اہلکاروں پر زوردیا ہے کہ وہ بھارتی تسلط سے مکمل آزادی تک اپنی جدوجہد جاری رکھیں۔پانچ اگست کو بھارت کی طرف سے جموںوکشمیر کی خصوصی حیثیت ختم کرنے کے بعدکشمیرمیڈیا سروس کو اتوار کو موصول ہونے والے پہلے باضابطہ بیان میں سیدعلی گیلانی نے کہا کہ ہمارے پاس مقابلہ کرنے کے سوا کوئی متبادل راستہ نہیں ہے۔انہوں نے کہاکہ اگر بھارت اپنی پوری فوج بھی مقبوضہ کشمیر لے آئے تب بھی کشمیر ی عوام اپنے حقوق اور آزادی کی جدوجہد سے دستبردار نہیں ہونگے۔کل جماعتی حریت کانفرنس کے چیئرمین نے کہاکہ بھارت کے تمام تر منفی ہتھکنڈوںکے باوجود مسئلہ کشمیر دنیا بھر میںپہلے سے زیادہ گونج رہا ہے جس کا واضح ثبوت کشمیر کے حوالے سے اقوام متحدہ کی سلامتی کونسل کا حالیہ اجلاس اور کشمیر یوں کے موقف کی بین الاقوامی ذرائع ابلاغ میں پذیرائی ہے۔ انہوں نے کہاکہ یہ ان کی بڑی کامیابی ہے کہ حق خودارادیت کے لیے جدوجہد اور کشمیریوں کے سیاسی موقف کا منصفانہ ہونے کے سوا اب کوئی بیانیہ نہیں رہا۔انہوں نے کہاکہ یہ تمام طبقوں کے لیے آخری سنہری موقع ہے کہ وہ بھارتی تسلط سے مکمل آزادی کے لیے کشمیری عوام کی جدوجہدمیں شامل ہوجائیں۔ سید علی گیلانی نے کہا کہ حق و صداقت اور یکجہتی کے سامنے اسلحہ اور گولہ بارود نے ہمیشہ شکست کھائی ہے۔ حریت چیئرمین نے کہا کہ صبر، حوصلہ اورنظم وضبط ایک نہتی قوم کے وہ ہتھیار ہیں جن سے وہ بڑی سے بڑی فوجی طاقت کو زیر کر سکتی ہے۔ انہوںنے بیرونی ممالک میں مقیم کشمیر یوں پربھی زوردیا کہ وہ دنیا بھر میں کشمیریوں کے سفیر بن کر جدوجہد آزادی میں اپنا کردار ادا کریں۔ دریں اثناءقابض انتظامیہ نے مسلسل21ویں روز بھی وادی کشمیر میں کرفیو اور دیگر سخت پابندیاں جاری رکھیں۔