اسلام آباد(ویب ڈیسک) امریکا نے پاکستان کوکیری لوگر بل کے تحت ملنے والی مالی امداد میں مزید 44 کروڑ ڈالر کی کٹوتی کر دی جب کہ اس کٹوتی کے بعد 9 سال قبل امریکا کی جانب سے پاکستان کیلئے اعلان کردہ مالی امداد آدھی رہ گئی۔ اقتصادی امور کی وزارت کے ذرائع نے بتایا کہ کیری لوگر بل کے تحت ہونے والی مذکورہ کٹوتی کے بارے میں امریکا نے پاکستان کو سرکاری طور پر وزیراعظم کے دورہ امریکہ سے تین ہفتے قبل آگاہ کر دیا تھا۔ذرائع کے مطابق امریکہ نے 2010ءمیں کیری لوگر بل پر عملداری کیلئے ایک معاہدے (پیپا) کے تحت ساڑھے 7ارب ڈالر امداد دینے کا اعلان کیا تھا،جو پانچ سال میں خرچ کے دوران ادا کی جانی تھی، مذکورہ معاہدہ کو پاکستان کے ساتھ شراکت داری کو فروغ دینے کا نام دیا گیا اور یہ امداد اسی کے تحت خرچ ہونا تھی تاہم اس معاہدے کے بعد پاک امریکہ تعلقات میں کشیدگی پیدا ہو گئی اور اس پر عملدرآمد نہ ہو سکا۔پاکستان نے گزشتہ ہفتہ مذکورہ معاہدہ کو ازسر نو بحال کیا ہے تاکہ اعلان کردہ امداد کے تحت ملنے والی بقیہ 90 کروڑ ڈالر کی گرانٹ کو خرچ کیا جا سکے،ذرائع نے بتایا کہ یکم جولائی کو یو ایس ایڈ نے وفاقی حکومت کو آگاہ کر دیا تھا کہ ٹرمپ انتظامیہ کے نظرثانی جائزے کے مطابق پیپا معاہدے کے تحت پاکستان کو ملنے والی امداد میں 44 کروڑ ڈالر کی کٹوتی کر دی گئی ہے۔ذرائع نے مزید بتایا کہ پاکستان کٹوتی کی زد میں آنے والا واحد ملک نہیں بلکہ یہ صدر ٹرمپ کی ترقی پذیر ملکوں کو دی جانے والی مالی امداد میں کٹوتی کی پالیسی کا حصہ ہے۔اس ضمن میں یو ایس ایڈ کا موقف چھٹی کی وجہ سے فوری طور پر حاصل نہیں کیا جا سکا۔

کوئٹہ(ویب ڈیسک) صوبائی دارلحکومت کے نواحی علاقے کچلاک میں ایک مدرسے کے اندر واقع مسجد میں نماز جمعہ کی ادائیگی کے دوران دھماکے سے پانچ افراد شہید اور کئی زخمی ہوگئے جنہیں ہسپتال منتقل کیا جارہا ہے۔ پولیس کے مطابق مدرسے میں ہونیوالے دھماکے کے بعد سیکیورٹی فورسز کی نفری اور ریسکیو ٹیمیں علاقے میں بھیج دی گئیں جبکہ آٹھ سے دس افراد زخمی ہوگئے ہیں ، دھماکے کے بعد سیکیورٹی فورسز نے علاقے کو گھیرے میں لے لیا اور شواہد اکٹھے کیے جارہے ہیں۔ ادھر اے آروائے نیوز کا کہنا ہے کہ دھماکے میں کم از کم پانچ افراد شہید ہوگئے ہیں جبکہ سما ٹی وی کاکہناہے کہ دھماکہ مدرسے میں نماز جمعہ کی ادائیگی کے دوران ہوا۔

اسلام آباد:(ویب ڈیسک) احتساب عدالت نے منی لانڈرنگ کیس میں سابق صدر آصف علی زرداری کا 19 اگست تک جوڈیشل ریمانڈ منظور کر لیا ہے۔آصف علی زرداری کو جج محمد بشیر کی عدالت میں پیش کیا گیا جہاں نیب پراسیکیوٹر نے جسمانی ریمانڈ میں توسیع کی استدعا کی۔دورانِ سماعت نیب پراسیکیوٹر نے کہا کہ مقدمے میں ایک نئی پیش رفت ہوئی ہے۔ ایک ملزم نے بیان دیا ہے، اس کا آصف زرداری سے سامنا کرانا ہے لہٰذا مزید جسمانی ریمانڈ دیا جائے۔جواب میں سابق صدر کے وکیل سردار لطیف کھوسہ کا کہنا تھا کہ ان کے موکل نے پہلے ہی کہہ دیا تھا کہ ایک ہی بار 90 روز کا ریمانڈ دے دیں، قانون کے مطابق اگر 90 روز کا ریمانڈ نہیں دیا جا سکتا تو 14 روز کا ریمانڈ دے دیں۔انہوں نے کہا کہ نیب والے 4 روز کا ریمانڈ لے کر اگلی بار نیا ریمانڈ مانگ لیتے ہیں جس سے سرکاری خزانے کو نقصان پہنچتا ہے۔دوران سماعت ا?صف علی زرداری روسٹرم پر ا? گئے اور عدالت کے سامنے شکایات کا انبار لگا دیا۔ان کا کہنا تھا کہ جیل حکام نماز بھی نہیں پڑھنے دیتے، انہیں عید کی نماز بھی نہیں پڑھنے دی گئی۔سابق صدر نے کہا کہ عرفان منگی یہاں ہوتے تو ان سے پوچھتا کہ یہ کون سی اسلامی ریاست ہے، عدالتی اجازت کے باوجود میری بیٹی کو مجھ سے نہیں ملنے دیا جاتا۔مقدمے کی کارروائی کے دوران ا?صفہ بھٹو زرداری اور راجا پرویز اشرف بھی عدالت میں موجود تھے۔سماعت کے دوران وکیل صفائی لطیف کھوسہ نے عدالت سے استدعا کی کہ وکلائ کی ٹیم کو آصف زرداری سے ہفتے میں دو بار ملاقات کی اجازت دی جائے، وکلائ عدالتوں کا ہی حصہ ہیں لہٰذا انہیں اپنے سائل سے ملاقات کی اجازت دی جائے۔انہوں نے شکایت کی کہ وکلا کی ٹیم کو ملاقات سے پہلے دو سے تین گھنٹے انتظار کرایا جاتا ہے جو کہ عدلیہ کی توہین ہے۔ مجھے اور فاروق ایچ نائیک کو ملاقات کی اجازت دی جائے۔دریں اثناء سردار لطیف کھوسہ نے آصف علی زرداری کے لیے جیل میں سہولیات کے لیے درخواست بھی دائر کر دی ہے۔ درخواست میں سابق صدر کو جیل میں اے کلاس دیے جانے، میڈیکل سہولیات اور اہل خانہ سے ملاقات کی اجازت دینے کی استدعا کی گئی ہے۔عدالت نے درخواست پر نیب سے جواب طلب کر لیا ہے۔

لاہور (مانیٹرنگ ڈیسک) چینل فائیو کے تجزیوں، تبصروں پر مشتمل پروگرام ”ضیا شاہد کے ساتھ“ میں گفتگو کرتے ہوئے سینئر صحافی ضیا شاہد نے کہا ہے کہ جو سب سے بڑی خبر ہے وہ یہ ہے کہ سلامتی کونسل کا اجلاس بلانے کے لئے پاکستانی وزیرخارجہ شاہ محمود قریشی نے جو درخواست دی تھی اس پر اندازہ یہ تھا کہ شاید دوہفتے لگ جائیں گے لیکن اقوام متحدہ کے سیکرٹری جنرل نے فورییکشن لیا ہے اور آج اس تاریخ مقرر کر دی ہے اس وقت میری بات چیت ملیحہ لودھی صاحبہ کے ساتھ گفتگو ہوئی ہے۔ پچھلے 72 گھنٹے سے سلامتی کونسل میں کارروائی چل رہی ہے۔ چنانچہ اگلے 24 گھنٹے بڑے اہم ہیں مختلف ملکوں سے ملاقاتیں جاری ہیں۔ کل تک تو یہی سمجھا جا رہا تھا کہ روس نے اعلان کر رکھا ہے کہ وہ کشمیر پر بھارت کی حمایت کرے گا نظر آتا تھا کہ 1957ءکی طرح سے روس ایک مرتبہ پھر ویٹو کر دے گا۔ بالآخر روس کے ویٹو کرنے سے کوئی بات چیت سرے نہیں چڑھنی لیکن پھر دوپہر کے بعد پاکستان کے بھی دو چینلز مسلسل دکھا رہے ہیں یہ ڈیڑھ منٹ کا ایک کلب ہے۔ روس کے مستقل مندوب جو سلامتی کونسل میں سے کسی اخبار نویس نے سوال کیا اور کہا کہ سنا ہے آپ انڈیا کے حق میں ووٹ دیں گے تو انہوں نے کہا کہ ہم پاکستان کی مخالفت نہیں کریں گے اس صورتحال سے اس سے پہلے جو سفیر تھا روس کا انڈیا میں جس میں اس نے کہا تھا کہ کشمیر کے سلسلے میں روس بھارت کا ساتھ دے گا۔ تازہ صورت حال سے یہ توقع پیدا ہو گئی ہے کہ ہو سکتا ہے کہ روس ویٹو نہ کرے اگر وہ ویٹو نہیں کرتا ہے تو پھر کشمیر کے سلسلے میں سلامتی کونسل کا جو اجلاس ہے فیصلہ کن بھی ثابت ہو سکتا ہے۔
ضیا شاہد سے سوال کیا گیا کہ ملیحہ لودھی صاحبہ کی بیٹی کی شادی کسی ہندو لڑکے سے ہوئی ہے اس پر ضیا شاہد نے کہا کہ پہلا بات یہ ہے کہ یہ شادی 8 سال پرانی ہے اور یہ جب سے سلامتی کونسل میں کشمیر کا مسئلہ ڈسکس ہونے کے لئے آیا ہے تب سے انڈین لابی ملیحہ لودھی کے خلاف سرگرم ہو گئی ہے اگر ایک شادی جو 8 سال پہلے ہوئی تھی نمبر1، نمبر2 ملحہ لودھی جو ہے وہ ایک ان کی طلاق ہو چکی تھی آپ کو یاد ہو گا ایک سیکرٹری خارجہ تھے ہمیرے شیخ صاحب ان کی بیگم صاحبہ رعنا شیخ پاکستان ٹیلی ویژن کی ایم ڈی ہوتی تھیں۔ رعنا شیخ کے بھائی سے ملیحہ لودھی کی شادی ہوئی تھی اور کافی عرصہ پہلے ان کی طلاق ہو گئی ہے اب جس طرح سے برکن ہاﺅس ہوتے ہیں اس میں بچے جو ہیں وہ کس کے پاس ہیں وہ ماں کا زیادہ اثرورسوخ لیتے ہیں یا باپ کا زیادہ لیتے ہیں وہ لندن کے کالجوں میں آزادی سے پڑھے ہیں اور وہ عام طور پر شادیاں ہو جاتی ہیں دوسرے مذہب کے لوگوں سے اور باہر ان چیزوں کا خیال نہیں کیا جاتا۔ لیکن یہ سب سے بڑی بات ہے کہ آٹھ سال بعد اب اس کا خیال آیا کہ اس کی شادی ہو گئی ایک آر ایس ایس کی فیملی سے، اور بڑے متعصب ہندو سے۔ میں یہ سمجھتا ہوں کہ ہر پکڑے جانے والی بات ہے کہ اس وقت جو ہیں پاکستانی مندوب ہیں مستقل وہاں اس لئے ان کے خلاف اب بات شروع ہو گئی ہے۔ باقی جو ردعمل ہے کشمیر کا اس سلسلے میں آج انڈیا سے بھی دو بڑے واضح اعلانات ہوئے ہیں پہلا اعلان تو یہ ہوا ہے کہ ایک انڈیا کا نقشہ شائع کیا گیا ہے پورے خالصتان کے ساتھ اور جس میں یہ بتایا گیا ہے کہ ہم الگ ریاست چاہتے ہیں ہم انڈیا کے ساتھ نہیں رہنا چاہتے اور اس کے ساتھ ہی بہت مدت سے یہ بات سنی جا رہی تھی ناگا لینڈ کی۔ تو آج ناگا لینڈ سے ایک اعلان ہو گیا ہے کہ ہم بھی انڈیا کے ساتھ نہیں رہنا چاہتے۔ یہ جتنا جتنا دباﺅ انڈیا پر پڑے گا کشمیر کا باقی بھی جو لوگ ہوں گے وہ اسی نہج پر اپنا ردعمل ثابت کرتے رہیں گے۔
یہ بات درست ہے کہ بھارت کے یو اے ای، سعودی عرب، قطر، کویت سمیت تمام عرب ممالک اور ایران کے ساتھ مضبوط معاشی تعلقات ہیں،پاکستان کے معاشی تعلقات اس سطح کے نہیں ہیں تاہم اب یہی تو ٹیسٹ ہے کہ یہ ملک اپنے معاشی مفادات کو مقدم رکھتے ہیں یا سچائی کا ساتھ دیتے ہیں۔ بھارت روس سے بھی اسلحہ کا بڑا خریدار ہے وہ روس سمیت تمام ملکوں پر دباﺅ ڈال رہا ہے۔ لندن جیسے شہر میں ہزاروں افراد کا کسی مسئلہ پر اکٹھے ہو کر احتجاج کرنا بڑی اہمیت رکھتا ہے اس سے برطانوی حکومت اور دنیا پر دباﺅ بڑھے گا۔ مقبوضہ کشمیر میں صورتحال بہت خراب ہے۔ پاکستان اور بھارت میں موجود دوست پریشان ہیں کہ ان کا کشمیر میں کسی سے کوئی رابطہ نہیں ہے، وادی مکمل طور پر دنیا سے کٹی ہوئی ہے وہاں مزید فوجی دستے اور آر ایس ایس کے غنڈے بھیجے جا رہے ہیں۔ دنیا میں انسانی حقوق کی بڑی بڑی تنظیمیں موجود ہیں ہمیں مسئلہ کشمیر کی بات ان سے کرنی چاہئے کہ کیسے انسانی حقوق کی پامالی کی جا رہی ہے۔ آج کے حالات ماضی سے تھوڑے مختلف ہیں، پہلے روس بھارت کے ساتھ تھا امریکہ بھی اس کا ساتھ دیتا تھا۔ امریکہ افغانستان سے محفوظ فوجی انخلا چاہتا ہے جو پاکستان کی مدد کے بغیر ممکن نہیں ہے۔ امریکہ کا چونکہ اپنا مفاد پنہاں ہے اس لئے توقع رکھنی چاہئے کہ وہ ماضی کے برعکس پاکستان کا ساتھ دے گا جبکہ اس نے ثالثی کی بات بھی کی ہے۔ صورتحا شاید اب ہمارے حق میں بہتر ثابت ہو گی۔

لاہور(ویب ڈیسک)سرکاری دفاتر عید الاضحی کی تعطیلات کے بعد آج ( جمعہ ) کے روز دوبارہ کھل جائیں گے۔ وفاقی اور صوبائی حکومت کی جانب سے عید الاضحی پر 12سے 15اگست (پیر تا جمعرات ) تعطیلات کا نوٹیفکیشن جاری کیا گیا تھا۔نوٹیفکیشن کے مطابق کل (ہفتہ ) کے روز بھی ورکنگ ڈے گا۔سرکاری ملازمین نے عیدتعطیلات سے قبل ہفتہ اور اتوار کو ساتھ ملا کر مجموعی طو رپر 6تعطیلات کو انجوائے کیا۔ دوسری جانب سے نجی دفاتر آج جمعہ کو کھل جائیں گے تاہم کاروبار ی سر گرمیاں پیر کے روز سے مکمل بحال ہوں

راولپنڈی:(ویب ڈیسک) لائن آف کنٹرول پر بھارتی فوج کی بلا اشتعال فائرنگ سے پاک فوج کا ایک اور جوان شہید ہوگیا۔ترجمان پاک فوج میجر جنرل آصف غفور کے مطابق ایل اوسی پر بھارتی فوج کی فائرنگ سے قوم کا ایک اوربیٹا فرض کی ادائیگی کےدوران شہید ہوگیا۔ سپاہی محمد شیراز ایل اوسی بٹل سیکٹرمیں بھارتی فوج کی فائرنگ کی زدمیں آکرشہیدہوا، جس کے نتیجے میں دو روز کے دوران شہید جوانوں کی تعداد 4 ہوگئی۔گزشتہ روز بھارتی فوج کی لائن ا?ف کنٹرول کے بٹل سیکٹر پر بلااشتعال فائرنگ کے نتیجے میں پاک فوج کے 3 جوان شہید ہوگئےتھے جن میں نائیک تنویر، لانس نائیک تیمور اور سپاہی رمضان شامل ہیں۔دوسری جانب پاک فوج کی جوابی کارروائی کے نتیجے میں 5 بھارتی فوجی ہلاک اورمتعدد زخمی ہوگئے تھے جب کہ کئی بھارتی بنکرز بھی تباہ ہوگئے تھے۔