لاہور(ویب ڈیسک)عید الا ضحی کے تیسرے روز 14 اگست کو یوم آزادی قومی جوش و جذبے اور شایان شان طریقے سے منایا جائے گا۔دن کا آغاز نماز فجر کے بعد تمام بڑی مساجد میں وطن عزیز کی سلامتی، ملک و قوم کی ترقی و خوشحالی، قومی یکجہتی اور وطن عزیز کی خدمت کی توفیق اور مقبوضہ کشمیر کی آزادی کے لیے خصوصی دعا?ں سے ہو گا۔پاکستان کا 73 واں یوم آزادی کشمیریوں سے اظہار یکجہتی کے طور پر منایا جائے گا اور اس موقع پر وزیراعظم عمران خان آزاد کشمیر کی قانون ساز اسمبلی سے خطاب بھی کریں گے۔

وزیراعظم یوم آزادی پر آزاد کشمیر کی قانون ساز اسمبلی سے خطاب کریں گے
جشن آزادی کے سلسلے میں مختلف سرکاری و غیر سرکاری اداروں، سماجی تنظیموں اور نظریہ پاکستان فورم اور دیگر شعبوں کی جانب سے مختلف نوعیت کے پروگرامز ترتیب دئیے گئے ہیں، جس کے دوران سیمینارز، میٹنگز، کانفرنسز اور مختلف تعلیمی اداروں کے طلبا و طالبات کے مابین تقریری و مضمون نویسی کے مقابلے منعقد ہوں گے جب کہ یونیورسٹیوں اور مختلف تعلیمی اداروں میں بھی جشن آزادی کے پروگرامز کا انعقاد کیا جائے گا۔عید کی تیاریوں کے سا تھ ساتھ یوم آزادی کے سلسلے میں بھی ملک بھر کے بازاروں، مارکیٹوں، شاہراہوں کو رنگ برنگی جھنڈیوں، قومی پرچموں کے ساتھ سجایا گیا ہے جب کہ رات کو سرکاری و غیر سرکاری عمارتوں پر چراغاں بھی کیا جائے گا۔

اسلام آباد:(ویب ڈیسک) پاکستان پیپلز پارٹی کے مین بلاول بھٹو زرداری کا کہنا ہے کہ اگر ہمیں کشمیریوں کے حق کے لئے جنگ بھی لڑنی پڑی تو تیار ہیں۔اسلام آباد میں پریس کانفرنس کے دوران بلاول بھٹو زرداری نے کہا کہ مقبوضہ کشمیر میں جو کچھ ہورہا ہے اس کی وجہ سے ہم عید بھی خوشی سے نہیں منارہے، میں کشمیر میں تھا اور آصف زرداری جیل میں تھے، پہلی بار کسی سیاسی جماعت کے سربراہ نے آزاد کشمیر میں عید کی نماز ادا کی، حکومتی نمائندے کی آزاد کشمیر میں آنے سے اتحاد کی فضا قائم ہوئی۔ وزیر اعظم عمران خان کو کشمیر کا دورہ کرنا چاہیے تھا، کشمیری عوام 2 دن تک انتظار کرتے رہے لیکن عمران خان نہیں گئے، نالائق وزیراعظم کی وجہ سے کشمیر کو نقصان نہیں پہنچانے دیں گے۔ حکومت مسئلہ کشمیر کو سنجیدگی سے لے اور قومی یکجہتی کےلیے ذمہ دارانہ کردار ادا کرے۔ حکومت کو مسئلہ کشمیر پر ہار نہیں ماننی چاہیے، ہمیں اپنی پالیسی پر دوبارہ نظرثانی کرنی چاہیے۔بلاول بھٹو زرداری نے مزید کہا کہ انتہا پسند مودی کشمیریوں پر مظالم ڈھا رہا ہے، ہم حقوق دیتے ہیں اور مودی حقوق چھینتا ہے، مودی نے 2 طرفہ معاہدوں کے علاوہ اپنے ملک کے آئین کی بھی خلاف ورزی کی ہے، ہمیں خود کو کشمیریوں کے جذبات کے ساتھ جوڑنا ہوگا، ہمیں کشمیریوں کے جذبات اور دکھ درد میں شامل ہونا ہوگا، ہمیں وہ سب کرنا ہوگا جس سے کشمیریوں کی حمایت ہو، ہمیں کشمیریوں کیلئےسفارتی جنگ لڑنی ہوگی، ہم کشمیریوں کے لئے آخری دم تک لڑیں گے، اگر کشمیریوں کے حق کے لئے جنگ لڑنی پڑی تو تیار ہیں۔یئرمین پیپلز پارٹی کا کہنا تھا کہ حکومت کی کوشش ہے کہ مسئلہ کشمیر کے معاملے میں قومی یکجہتی کو ختم کرے، حکومت نہیں چاہتی قومی سطح پر دنیا کو ایک پیغام جائے، حکومت ایسے ہتھکنڈے اپنا رہی ہے جس نے نا اتفاقی ہو رہی ہے، سینیٹ میں سیاسی جماعتوں کو لڑوانے کے لیے پروپیگنڈا کیا گیا، آصف زرداری کو عید کی نماز تک پڑنے نہیں دی گئی ، فریال تالپور کو آدھی رات کو اسپتال سے جیل منتقل کیا گیا ، یہ سمجھتے ہیں کہ ایسے کام کرکے ہمیں توڑ سکتے ہیں، یہ ظلم ہم 3 نسلوں سے دیکھ رہے ہیں، ہم ظلم برداشت کرتے رہیں گے لیکن جدوجہد نہیں چھوڑیں گے، ایسے اقدامات سے ہم زیادہ طاقت ور ہوں گے اور آپ بے نقاب، حکومتی اقدامات کے خلاف قانونی راستہ اختیار کرنے کا سوچ رہے ہیں، حکومت کا قانونی طریقے سے اب کریں گے۔کراچی میں حالیہ بارشوں کے حوالے سے بلاول بھٹو زرداری نے کہا کہ کراچی کی صورت حال سے متعلق 2 دن سے پروپیگنڈا ہورہا ہے، کراچی میں 2 دن میں تاریخ میں سب سے زیادہ بارش ہوئی، جب لاہور بارش سے ڈوبتا ہے تو کوئی انتظامیہ پر تنقید کیوں نہیں کرتا، وزیر اعلیٰ اور سندھ کابینہ نے 2 دن سڑکوں پر گزارے، انتظامیہ نے اپنی عید قربان کردی، جس پر انہیں سلام پیش کرتا ہوں۔

بنوں: (ویب ڈیسک )بنوں کے علاقے میرا خیل میں بلند آواز میں میوزک بجانے پر 4 افراد کو قتل کردیا گیا۔پولیس کے مطابق میرا خیل میں واقع ایک گھر میں بلند آواز سے میوزک بج رہا تھا جس پر پڑوسی نے منع کیا۔میوزک بند نہ کرنے پر پڑوسی نے گھر میں گھس کر فائرنگ کردی جس کے نتیجے میں باپ، بیٹا اور بیٹی سمیت 4 افراد جاں بحق اور 2 خواتین زخمی ہوگئیں۔ پولیس کے مطابق لاشوں اور زخمیوں کوہسپتال منتقل کردیا گیا۔پولیس کا کہنا ہے کہ فائرنگ کے واقعے کے بعد ملزم فرار ہوگیا جس کی تلاش جاری ہے۔

لاہور:(ویب ڈیسک)1930 میں علامہ محمد اقبال نے خطبہ الہ آباد میں مسلمانوں کےلیے الگ آذاد مملکت کا تصور پیش کیا جس کانام چوہدری رحمت علی نے ”پاکستان “ تجویز کیا تھا اور قائداعظم نے مسلمانان ہند کو ایک جھنڈے تلے جمع کرکے 14 اگست 1947 کو اس خواب کو حقیقت کا رنگ دیا 23 مارچ 1940 کو لاہور میں بادشاہی مسجد کے قریب مسلم لیگ کا عظیم الشان جلسہ منعقد ہوا اسکی صدارت جناب قائداعظم م±حمد علی جناح نے کی تھی اس جلسہ میں برصغیر کے لاکھوں مسلمان شریک ہوےئ تھے یہ زمانہ مسلمانوں کے آذاد وطن کے حصول کےلیے جدوجہد کا تھا اس اجلاس میں محترم اے۔کے۔فضل الحق نے قرارداد لاہور پیش کی جسکی حمایت مولانا ظفرعلی خان آئی آئی چوہدری خلیق الزمان ، عبداللہ بارون اور بیگم محمد علی جوہر نے کی تھی انگریز نے 1857 میں اپنی سازشوں کے زریعے برصغیر ہندوپاک پر قبضہ کرلیاتھا جس کے خلاف مسلم لیگ سینہ سپر ہوگیئ اور تمام مسلمان الگ وطن کے قیام کےلیے جدوجہد کرنے لگے اس مقصد کی خاطر لاہور میں 23 مارچ 1940 کو جلسہ ہوا جس میں قراردادِ پاکستان منظور کی گئی اس قرارداد کے خلاف ہندوستان کے تمام ہندوئ وں نے بھرپور مخالفت کی تھی قائداعظم نے اپنے ساتھیوں سے مل کر حصول وطن کےلیے ملک گیر مہم چلائی اور فرمایا کہ مسلمان اپنے دین ، فلسفہ حیات، اسلامی سماجی ، اخلاقی اور مذہبی روایات کی بنیاد پر الگ قوم ہیں جنکا ہندو سے کسی صورت بھی تاریخی ، سماجی معاشرتی اور مذہبی تعلق نہیں اسلیے ضروری ہے کہ مسلمان اپنے جدا تشخص کی بنا پر الگ وطن چاہتے ہیں قائداعظم نے اس امر کی وضاحت کی کہ تحریک پاکستان کا مقصد محض دنیوی مفاد حاصل کرنا نہیں بلکہ اسلامی تعلیمات کو عملی صورت عطا کرنا ہے پاکستان کا منشا صرف آذادی اور خود مختاری ہی نہیں بلکہ اسلامی نظریہ حیات ہے اسلام صرف روحانی احکام ، تعلیمات اور کتابوں تک ہی محدود نہیں بلکہ یہ ایک مکمل ضابطہئ حیات ہے جو مسلم معاشرہ کو مرتب کرتا ہے آپ نے مزید فرمایا ”مسلمان پاکستان کا مطالبہ اس لیے کررہے ہیں کہ وہ اپنے ضابطہ حیات اپنی روایات اور اسلامی قوانین کے مطابق حکومت کرسکیں قرارداد پاکستان کے بعد ہندوﺅں نے کھلم کھلا پاکستان اور مسلمانوں کی مخالفت شروع کردی لیکن مسلم لیگ اور مسلمانوں کی اتحاد کی بدولت ہندووئ ں کی ایک نہ چل سکی سیاسی لحاظ سے اس قرارداد نے ہندووئ ں اور مسلمانوں کو الگ الگ راستے دےدئیے اور حصول منزل آسان ہوئی جلسہ والی جگہ مینار پاکستان بنایا گیا ہے جو اس یادگار دن اور ہمارے آباو اجداد کی محنت لگن اور خلوص کی یاد دلاتا ہے یہ ہماری قربانیوں کا نشان ہے اس تحریک پاکستان میں خواتین کا کردار بھی انتہائی اہمیت کا حامل رہا ہے جس میں سرفہرست جناب قائداعظم صاحب کی ہمشیرہ محترمہ فاطمہ جناح جو کہ قائد کی دست راست تھیں انہوں نے چند مسلم خواتین کے ہمراہ مسلمان خواتین کو ایک پلیٹ فارم پر جمع کیا اور پورے ہندوستان کا سفر کرکے مختلف مقامات پر اجلاس ، جلسے اور جلوس کے زدیعے نظریہ پاکستان کو روشناس کرایا اور مسلم خواتین کو عملی طور سیاست میں دلچسپی لینے پر آمادہ کیا سول نافرمانی کی تحریک میں مسلمان خواتین نے لاٹھی چارج اور قیدوبند کی تکلیفیں بھی برداشت کیں لیکن حصول آذادی کے مقصد سےپیچھے نہ ہٹیں اور 14 اگست 1947 کو مسلمان خواتین جلوس کی صورت میں جناب قائداعظم صاحب کی رہائش گاہ پہنچیں اور انہیں آذاد اسلامی ریاست کے قیام پر مبارک باد دی یوں مردوں کے ساتھ ساتھ خواتین نے بھی ملک کی تعمیروترقی کےلیے اہم خدمات انجام دیں یہ دن تجدید عہد کا بھی دن ہے کہ اب بطور مسلم قوم ہم سب کا مشترکہ فرض بھی ہے کہ اپنے ملک کو مزید ترقی کی راہ پر گامزن کرنے اسے ترقی یافتہ اقوامِ عالم میں ایک روشن استعارہ بنانے کےلیے خلوص نیت انسانی ہمدردی رکھتے ہوےئ اسکی جڑوں کو مضبوط سے مضبوط بنانے میں کوئی کمی کجی نہ چھوڑیں ملک کی حفاظت اسکی بقا اور ملت کی پاسبانی کےلیے وحدت کی ضرورت ہے ایک نظریہ پر عمل پیرا ہوکر کام کرنے کی ضرورت ہے اسکےلیے اتحادو یگانگت مضبوط اور اٹل فیصلوں کی ضرورت ہے جو ملک و ملت کے مفاد میں ہوں تاکہ کوئی اغیار دشمن باطل قوت اس سرزمینِ پاک کی طرف میلی آنکھ سے نہ دیکھ سکے اللہ تعالیّ اس ملک اور اس میں بسنے والے مسلم و غیر مسلم تمام انسانوں کی حفاظت فرمائے۔ آمین ۔

کراچی (ویب ڈیسک) کراچی کے علاقے لانڈھی میں گھر سے چار بھائیوں کی لاشیں برآمد ہوئیں جنہیں جناح ہسپتال منتقل کر دیا گیا، چاروں کی موت دم گھٹنے سے ہوئی، پولیس نے تحقیقات کا آغاز کر دیا۔کراچی میں لانڈھی کے قریب بابرکانٹا میں واقع گھر سے4افراد کی لاشیں برآمد ہوئیں، اہل محلہ نے علاقے میں ناگوار بدبوپھیلنے پر پولیس کو اطلاع دی جس نے موقع پر پہنچ کر گھر کے دروازے توڑے تو 4 افراد مردہ حالت میں پائے گئے۔ پولیس کا ابتدائی موقف ہے کہ چاروں کی موت دم گھٹنے سے ہوئی۔چاروں افراد کی شناخت انور ، حماد ، عمر اور عثمان کے نام سے ہوئی ہے اور آپس میں بھائی بتائے گئے ہیں، پولیس نے لاشوں کو قبضے میں لے کر ہسپتال منتقل کر دیا گیا جہاں پوسٹمارٹم کے بعد موت کی اصل وجوہات کا علم ہو گا۔