اسلام آباد(ویب ڈیسک) وفاقی کابینہ نے بھارت کے ساتھ دوطرفہ تجارت معطل کرنے کی منظوری دے دی جس کے بعد وزارت تجارت نے معطلی کا نوٹیفکیشن جاری کردیا۔ذرائع کے مطابق وزیراعظم عمران خان کی زیرصدارت ہونے والے وفاقی کابینہ کے اجلاس میں بھارت کی جانب سے مقبوضہ کشمیر کی آئینی حیثیت تبدیل کرنے کے ردعمل میں بھارت سے درآمدات اور برآمدات پر مکمل پابندی عائد کردی گئی ہے تاہم اس پابندی سے افغانستان کے ساتھ ہونے والی تجارت متاثر نہیں ہوگی۔ذرائع کا کہنا ہے کہ وفاقی وزیرریلوے شیخ رشید نے سمجھوتہ ایکسپریس اور تھر ایکسپریس بند کرنے کا معاملہ کابینہ اجلاس میں رکھ دیا، کابینہ نے سمجھوتہ ایکسپریس اور تھر ایکسپریس بند کرنے کے فیصلے کی توثیق کردی۔بعدازاں وزارت تجارت نے وفاقی کابینہ کے فیصلے کے مطابق بھارت سے دوطرفہ تجارت کی معطلی کا نوٹیفکیشن جاری کردیا جس میں کہا گیا ہے کہ بھارت سے دوطرفہ تجارت غیر معینہ مدت کے لیے معطل کی گئی ہے جب کہ بھارت اور اسرائیل سے اشیاءکی درآمدت پر مکمل پابندی ہوگی۔واضح رہے کہ وزیراعظم عمران خان کی زیرصدارت ہونے والے قومی سلامتی کمیٹی کے اجلاس میں بھارت سے دوطرفہ تجارت معطل کرنے اور سفارتی تعلقات محدود کرنے کا فیصلہ کیا گیا تھا۔

اسلام آباد (ویب ڈیسک ) سابق صدر آصف علی زر داری نے ایک بار پھر کہاہے کہ مریم نواز کی گرفتاری زیادتی ہے ان کی بھی مائیں بہنیں ہیں۔ میڈیا سے غیر رسمی بات چیت کریت ہوئے انہوںنے کہاکہ مریم کی گرفتاری زیادتی ہے ان کی بھی مائیں بہنیں ہیں،کوئی بھی اقدام اٹھا نے سے ان کو سوچنا چاہیے۔انہوںنے کہاکہ وزیر اعظم کو تو نا اپنے بچوں کی پرواہ ہے نا بیوی کی نا ملک کی،مگر دوسروں کو سوچنا چاہیے کہ ان کی بھی مائیں بہنیں ہیں۔صحافی نے سوال کیا کہ سنا ہے بلاول بھی گرفتار ہو رہے ہیں انہوںنے کہاکہ بلاول مرد ہے کسی سے نہیں ڈرتا۔صحافی نے سوال کیاکہ چیئرمین بلاول بھٹو زرداری نے بڑے کرخت لہجے میں ایوان میں للکارا۔آصف زر داری نے جواب دیا۔

لاہور(ویب ڈیسک)مقبوضہ کشمیر کی خصوصی حیثیت کے خاتمے پر پاکستان نے بھارت سے سفارتی تعلقات محدود کرنے کے ساتھ دونوں ملکوں کے درمیان چلنے والی سمجھوتہ ایکسپریس کی سروس بھی معطل کر دی ہے۔سمجھوتہ ایکسپریس کو دوستی ایکسپریس بھی کہا جاتا ہے اور تھر ایکسپریس کے چلنے سے قبل یہ پاکستان اور بھارت کے درمیان ٹرین کی واحد سروس تھی۔یہ ٹرین ابتدائی طور پر امرتسر سے لاہور کے درمیان چلتی تھی اور تقریباً 52کلومیٹر کی مسافت طے کرتی تھی تاہم 80 کی دہائی میں حالات خراب ہونے کے بعد اس کا راستہ تبدیل کردیا گیا۔اب لاہور سے سمجھوتہ ایکسپریس اٹاری جاتی ہے اور وہاں مسافروں کو اتار کر امیگریشن سمیت دیگر معاملات پورے کرنے کے بعد دوسری ٹرین سے نئی دہلی روانہ کیا جاتا ہے۔اس دوران دونوں ملکوں کے درمیان کشیدہ تعلقات اور دہشت گردی کے واقعات کے سبب متعدد مواقع پر اس سروس کو بند کیا گیا لیکن بعدازاں اسے بحال کردیا گیا۔حال ہی میں بھارت کی جانب سے مقبوضہ کشمیر کی خصوصی حیثیت ختم کیے جانے پر پاکستان نے بطور احتجاج اس سروس کو بند کرنے کا اعلان کیا ہے اور اس اعلان کے بعد آج ممکنہ طور پر لاہور سے آخری ٹرین روانہ ہوئی ہے اور حالیہ صورتحال کے پیش نظر آئندہ کچھ عرصے تک اس سروس کی بحالی ممکن نظر نہیں آتی۔

لاہور (ویب ڈیسک) معروف صحافی ڈاکٹر شاہد مسعود کا کہنا ہے کہ کلبھوشن یادیو کو سامنے کیوں نہیں لایا جاتا تاکہ وہ بتائے کہ میں نے پاکستان میں کیا کیا دہشت گردی کی ہے۔کلبھوشن یادیو کو کس دن کے لیے رکھا ہوا ہے۔ہمیں بھی نہیں پتہ کہ کلبھوشن کا کیا جرم ہے بس یہ بتایاگیا کہ ایک جاسوس تھا جس کو ہم نے گرفتار کر لیا۔پاکستان کو دنیا کو بتانا چاہئیے کہ کلبھوشن پاکستان میں کیوں آیا تھا،کن کن لوگوں سے ملتا رہا، پاکستان میں کہا ں کہاں دہشت گردی کی۔ڈاکٹرشاہد مسعود نے کہا کہ کلبھوشن کے سامنے آنے سے پوری دنیا میں خبریں چھاپی چائیں گی۔کلبھوشن کو سامنے لایا جاتا ہے تو مودی اور اس کے ساتھ بیٹھے لوگ ہل جائیں گے، ڈاکٹر شاہد مسعود کا مزید کہنا تھا کہ بھارت میں اس حوالے سے بہت غصہ پایا جاتا ہے لیکن وہ ڈرے ہوئے اور سہمے ہوئے ہیں۔واضح رہے کہ پاکستان نے کلبھوشن یادیو کیس میں بھارت کو عالمی عدالت میں شکست دی تھی۔ عالمی عدالت نے فیصلہ سنایا تھا کہ کلبھوشن یادیو بھارتی دہشت گرد ہے اور اس کا حسین مبارک پٹیل کے نام سے موجود پاسپورٹ بھی اصلی ہے۔ عالمی عدالت نے بھارت کی جانب سے کلبھوشن یادیو کی رہائی کی درخواست مسترد کر دی ، تاہم ویانا کنوینشن کے تحت بھارت کو کلبھوشن یادیو تک قونصلر رسائی کی اجازت بھی دے دی اور پاکستان کو اس حوالے سے اقدامات کرنے کا کہا۔مقبوضہ کشمیر میں بھارت کے حالیہ اقدام کے بعد سینئیر صحافی حامد میر نے حکومت کو بھارت کے حالیہ اقدام کے بعد مسئلہ کشمیر پر عالمی عدالت سے رجوع کرنے کا مشورہ دیا تھا۔حامد میر نے کہا کہ بھارت اگر کلبھوشن یادیو کا معاملہ عالمی عدالت لے جا سکتے ہیں تو پاکستان یہ مسئلہ عالمی عدالت میں لے کر کیوں نہیں جا سکتا۔اس کے علاوہ پاکستان نے جو انڈیا کے ساتھ بیک ڈور رابطے رکھے ہوئے ہیں یہ سب بھی فوری طور پر بند کرنا ہو گا،یہ بعد میں دیکھا جائے گا کہ عالمی برادری کیا کرتی ہے پہلے ہمیں خود کچھ کر کے دکھاناہو گا۔

لاہور (ویب ڈیسک) معروف صحافی عارف حمید بھٹی کا کہنا ہے کہ مریم نواز نے جو باہر سے ویڈیوز بھیجی ہیں۔جسے ویڈیو اور آڈیو کہتے ہیں،میں آپکو یقین سے کہہ رہا ہوں کہ وہ ایسا مواد ہے کہ ہم ٹی وی پر نہیں دکھا سکتے،اگر ہم وہ ٹی وی پر لگائیں تو ہمیں بار بار بیپ لگانی پڑے گی۔مریم نواز کی ویڈیوز میں پاکستان کی ایک اہم ترین شخصیت بھی ملوث ہے جو کہ سیاسی شخصیت ہیں۔کچھ ایسا ہونے جا رہا ہے جو نہ تو ٹی وی پر دکھایا جا سکے گا اور نہ ہی ہم اس پر بحث کر سکیں گے۔عارف حمید بھٹی نے مزید کہا کہ مریم نواز کو اس لے لیے گرفتار کیا گیا کیونکہ ان کے خلاف شواہد موجود تھے۔انہوں نے مزید کہا کہ 25 جولائی کی شام تک اسلام آباد میں ایک شخص نے خواہش ظاہر کی تھی کہ اگر مریم نواز کے خلاف ثبوت ہیں تو انہیں عید سے پہلے جیل میں ہونا چاہئیے۔واضح رہے کہ گذشتہ روز سابق وزیراعظم نواز شریف سے جیل میں ملاقات کا دن تھا۔مریم نواز جیل میں والد سے ملاقات کے لیے آئی تھیں۔ تاہم اس موقع پر نیب نے انہیں حراست میں لے لیا۔مریم نواز کو نیب نے آج 3 بجے طلب کیا تھا۔مریم نواز کو چوہدری شوگرملز اور منی لانڈرنگ کیس میں گرفتار کیا گیا تھا۔مریم نوازکو گرفتار کرنے کے لیے نیب کی 4 گاڑیاں کو ٹ لکھپت جیل پہنچی تھیں۔بتایا گیا کہ نیب نے مریم نواز کو 8 اگست کو طلب کیا تو مریم نواز نے پیش ہونے سے انکار کیا تھا جس کے بعد ان کی گرفتاری عمل میں لائی گئی۔ خیال رہے سابق وزیراعظم نواز شریف کی صاحبزادی و مسلم لیگ ن کی مرکزی رہنما مریم نواز 31 جولائی کو چودھری شوگر ملز کیس میں نیب کے نوٹس پرنیب لاہورکے دفتر پیش ہوئی تھیں۔ دوران تفتیش مریم نواز چودھری شوگر ملز کے شیئر کی خریداری سے متعلق جواب نہ دے سکیں جس پر نیب نے مریم نواز کو سوالنامہ دے کر 8 اگست کو دوبارہ طلب کیا تھا دوران تفتیش نیب کی جانب سے مریم نواز سے شیئرز کی خرید و فروخت کے متعلق سوالات کئے گئے۔

لاہور (ویب ڈیسک )وفاقی وزیر ریلوے شیخ رشید احمد کا کہنا ہے کہ فواد چوہدری کو دوسری وزارتوں میں منہ مارنے کی عادت ہے انہیں اپنے کام سے کام رکھنا چاہیے۔اس کے بارے میں وزیر اعظم سے بات کروں گا ۔ اسلام آباد میں پریس کانفرنس کرتے ہوئے شیخ رشید احمد نے کہا کہ جو رات کو چینل پر بیٹھ کر باتیں کر رہے تھے ان کے لیے پیغام ہے کہ میں بے وقوف نہیں ہوں، میں نے وزیر اعظم سے بات کی، انہوں نے مجھ سے کہا کہ ایک ٹرین کو جانے دیں اور پھر ان کی اجازت سے ہی اس ٹرین کو بند کیا ہے۔یاد رہے کہ مقبوضہ کشمیر سے متعلق بھارت کے غیر ذمہ دارانہ فیصلے پر وزیر ریلوے نے گزشتہ روز سمجھوتہ ایکسپریس بند کرنے کا اعلان کیا تھا۔لاہور میں پریس کانفرنس کرتے ہوئے ان کا کہنا تھاکہ جب تک میں وزیر ریلوے ہوں سمجھوتہ ایکسپریس نہیں چل سکتی، یہ ٹرین ہفتے میں دو دن چلتی تھی، اب سمجھوتہ ایکسپریس کی بوگیاں عید کی چھٹیوں پر دیگر ٹرینوں میں لگائی جائیں گی۔’شیخ رشید کے اس اعلان سے اختلاف کرتے ہوئے وفاقی وزیر سائنس اینڈ ٹیکنالوجی فواد چوہدری نے کہا کہ وزیر ریلوے یہ فیصلہ نہیں کر سکتے۔انہوں نے کہا کہ یہ معاملہ ابھی تک کابینہ میں بھی زیر بحث نہیں آیا جبکہ شیخ رشید احمد نے اس کے بند کرنے کا اعلان کردیا، میں سمجھتا ہوں کہ اس کے بند کرنے کا نقصان پنجابی اور سکھ برادری کو ہوگا، لہٰذا یہ دیکھنا ہوگا کہ سمجھوتہ ایکسپریس بند کرنے کا فائدہ زیادہ ہے یا نقصان۔پریس کانفرنس میں شیخ رشید نے کھوکھرا پار اور موناباو¿ کے درمیان چلنے والی تھر ایکسپریس کو بھی بند کرنے کا اعلان کیا۔انہوں نے کہا کہ جب تک میں وزیر ریلوے کے عہدے پر ہوں سمجھوتہ ایکسپریس اور تھر ایکسپریس نہیں چلیں گی۔وزیر ریلوے کا کہنا تھا کہ تھر ایکسپریس کے ٹریک کو تھر کول کے لیے استعمال کیا جائے گا۔ان کا کہنا تھا کہ ‘ہمارے جو شہری بھارت میں ہیں انہیں کل صبح واپس لے آئیں گے، بھارتی مسافروں کی سیکیورٹی کی گارنٹی نہیں دے سکتے کیونکہ ہمارے پاس اتنے وسائل نہیں ہیں’۔انہوں نے کہا کہ ‘میرپور خاص سے زیرو پوائنٹ تک آج رات ایک ٹرین جائے گی جس کے ذریعے 200 مسافروں کو میرپور خاص سے زیرو پوائنٹ تک چھوڑا جائے گا’۔مقبوضہ کشمیر کی خصوصی حیثیت ختم کرنے کے بھارتی اقدام کے حوالے سے شیخ رشید احمد نے کہا کہ ‘2 ایٹمی قوتیں آمنے سامنے کھڑی ہوگئی ہیں’۔ان کا کہنا تھا کہ ‘راولپنڈی کی لال حویلی کا سری نگر کے لال چوک سے خون کا رشتہ ہے اور میں مظفر آباد اور لائن آف کنٹرول (ایل او سی) کا دورہ کروں گا’۔شیخ رشید کا کہنا تھا کہ ‘کشمریوں کے ساتھ ظلم ہوا ہے، عالمی قوانین کی دھجیاں اڑائی گئیں اور سلامتی کونسل کی قرارداد کو مذاق بنایا گیا ہے۔ان کا کہنا تھا کہ ‘سلامتی کونسل نے مقبوضہ کشمیر سے متعلق زبردست بیان دیا ہے۔انہوں نے کہا کہ ‘کشمیریوں کے ساتھ ظلم ہوا ہے، عالمی قوانین کی دھجیاں اڑائی گئی ہیں، مودی نے اپنا کام کرلیا اب کشمیری اپنا فیصلہ سنائیں گے’۔