لاہور(صدف نعیم سے)پاکستان اور پاکستان سے باہر تمام محب وطن پاکستانی آج یومِ تشکّر منا رہے ہیں۔یوم سیاہ وہ منا رہے ہیں جنکی سیاہ کاریاں ان کے آڑے آ رہی ہیں۔ آل پاکستان لوٹ مار ایسوسی ایشن آکاس بیل کی طرح پاکستان پر چھائی ہوئی تھی۔25 جولائی 2018 کو ان کے 40 سالہ دور کا اختتام ہوا۔آج میاں بیوی بچوں سمیت پاکستان کو لوٹنے والوں کےلئے یومِ احتساب ہے۔

لاہور(ویب ڈیسک) پاکستان نے گورونانک دیو جی کے 550 ویں جنم دن سے قبل سکھوں کا 185 سال قدیم گوردوارہ چوا صاحب کھولنے کا فیصلہ کیا ہے۔متروکہ وقف املاک بورڈ کے ڈپٹی سیکرٹری شرائنز عمران گوندل نے ذرائع کوبتایا کہ ہم نے گورونانک دیو جی کے جنم دن سے پہلے دو گوردوارہ صاحب کھولنے کا فیصلہ کیا تھا ان میں ایک گوردوارہ چوا صاحب ہے جبکہ دوسرا گورداورہ کھارا صاحب ہے جو نوشہرہ ورکاں میں واقع ہے۔گوردوارہ چوا صاحب کافی قدیم ہے اورسکھوں کی طرف سے متعددباریہ مطالبہ کیا جاتا رہا ہے کہ اس مقام کو بھی درشن دیدار کے لیے کھولا جائے۔ پاکستان سکھ گوردوارہ پربندھک کمیٹی نے چند روز قبل اپنے پہلے اجلاس میں ہی ان دونوں گوردوارہ صاحبان کو کھولنے کا فیصلہ کیا تھا جس کی روشنی میں اب 26 جولائی کو گوردوارہ چوا صاحب کو کھولا جائے گا، یہاں مذہبی تقریب ہوگی جس میں پاکستان سکھ گوردوارہ پربندھک کمیٹی کے رہنماو¿ں سمیت متروکہ وقف املاک بورڈ کے حکام شریک ہوں گے۔سکھ رہنما اور پی ایس جی سی کے سیکرٹری جنرل سردار امیر سنگھ نے بتایا کہ یہ گوردوارہ 1834 میں تعمیر ہوا تھا، یہ وہ مقام ہے جہاں ایک سفر کے دوران گورونانک دیوجی نے قیام کیا اوریہاں پانی کاچشمہ پھوٹ پڑا تھا۔واضح رہے کہ چند ماہ پہلے پاکستان میں تعینات بھارتی ہائی کمشنر اجے بساریہ نے بھی اہلیہ کے ہمراہ اس گوردوارہ کا دورہ کیا تھا۔

لاہور(ویب ڈیسک) پنجاب کے مختلف شہروں میں طوفانی بارش سے نظام زندگی درہم برہم ہوگیا۔لاہور میں موسلادھار بارش سے شاہراہوں پر پانی جمع ہوگیا جس سے معمولات زندگی متاثر ہوگئے۔ لوگوں کو دفاتر جانے میں دشواری کا سامنا کرنا پڑا اور شہری گھروں میں محصور ہوکر رہ گئے۔ بارش کے باعث ریلوے اسٹیشن پلیٹ فارم اور ہیڈ کوارٹر کی چھتیں بھی ٹپکنے لگیں۔ لیسکو کے 180 فیڈر ٹرپ کرگئے جس سے بجلی کی فراہمی متاثر ہوئی اور متعدد علاقے اندھیرے میں ڈوب گئے۔کراچی میں بھی سیاہ بادلوں نے ڈیرے ڈال لیے۔ کئی علاقوں میں تیز ہوائیں چلنے لگیں اور بوندا باندی سے موسم خوشگوار ہوگیا۔راولپنڈی اور اسلام آباد میں بھی شدید بارشوں کا سلسلہ جاری ہے۔ راولپنڈی کے ایک گھر میں بارش کا پانی بیسمنٹ (تہہ خانے) میں بھرگیا جس میں ڈوب کر ماں بچہ جاں بحق ہو گئے۔ 30 سالہ ماں اپنے ایک سالہ بیٹے کو بچاتے ہوئے پانی میں ڈوب گئی۔راول پنڈی میں شدید بارش سے نالہ لئی میں پانی کی سطح بلند ہونے کے باعث طغیانی پری الرٹ وارننگ جاری کردی گئی۔ کٹاریاں کے مقام پر پانی کی سطح 11 فٹ سے تجاوز کرگئی ہے۔راولپنڈی اور اسلام آباد میں سیلابی کیفیت کے باعث پاک فوج کی ٹرپل ون بریگیڈ کو ہائی الرٹ کردیا گیا ہے۔ بریگیڈ کمانڈر نے مختلف علاقوں کا دورہ کرکے پانی کی صورتحال کا جائزہ لیا ہے۔محکمہ موسمیات نے دریاو¿ں اور برساتی نالوں میں طغیانی کے خطرے کا الرٹ جاری کردیا ہے جس کے مطابق جمعہ سے ہفتہ کے دوران ہزارہ، راولپنڈی، گوجرانوالہ ڈویڑن، کشمیر، ڑوب، قلات، ڈی جی خان ڈویڑن میں موسلادھار بارش کے باعث طغیانی آسکتی ہے۔محکمہ موسمیات کے مطابق سید پور کے مقام پر 141 ملی میٹر ، پی ایم ڈی H/8 اسلام آباد و گردنواح میں 77 ملی میٹر، شمس آباد کے مقام پر 86ملی میٹر اور گولڑہ کے مقام پر 20 ملی میٹر بارش ریکارڈ ہوئی۔چیچہ وطنی، کوٹ رادھاکشن، واربرٹن، کالاشاہ کاکو، شیخوپورہ، مریدکے، فاروق آباد، نارنگ منڈی، فیروزوالہ، شاہدرہ، جلالپورجٹاں میں بھی گرج چمک کے ساتھ تیز بارش ہوئی۔ شاہدرہ فیروزوالہ اور گرد نواح میں گھنگور گھٹائیں چھا گئیں اور وقفہ وقفہ سے تیز بارش سے نشیبی آبادیوں میں پانی بھر گیا۔ نارنگ منڈی اور گردونواح میں ٹھنڈی ہوا کے ساتھ تیز بارش ہوئی جب کہ فاروق آباد، کوٹ رادھا کشن، شیخوپورہ میں بھی گرج چمک کے ساتھ بارش ہوئی۔ مریدکے اور گردونواح میں ٹھنڈی ہوا کے ساتھ بارش سے گرمی کا زور ٹوٹ گیا۔ جب کہ واربرٹن و گردونواح میں موسلادھار بارش سے موسم خوشگوار ہو گیا۔دوسری جانب وزیراعلیٰ پنجاب سردار عثمان بزدار نے بارش کے پانی کی جلد نکاسی کی ہدایت کرتے ہوئے کہا ہے کہ انتظامیہ، واسا حکام اور متعلقہ اداروں کے افسران نشیبی علاقوں سے نکاسی آب کیلئے تمام وسائل بروئے کار لائیں۔ نکاسی آب کا کام جلد از جلد مکمل کیا جائے جس کی نگرانی افسران خود کریں۔وزیر اعلیٰ پنجاب نے کہا نکاسی آب کا کام مکمل ہونے تک افسران فیلڈز میں موجود رہیں۔ ٹریفک کی روانی کو برقرار رکھنے کیلئے ٹریفک حکام موثر اقدامات کریں۔ بارش کے دوران عوام کو آمد و رفت میں مشکل نہیں ہونی چاہیئے۔

کرز لاہور۔25جولائی:۔۔ صوبائی وزیر سید صمصام علی بخاری کا اپوزیشن کے 25جولائی کے احتجاج پر رد عمل آج درحقیقت خاندانی بادشاہت کے خاتمے کا دن ہے:سید صمصام علی بخاری اقتدار کی باریاں لینے والے آج مل کر احتجاج کریں گے:صوبائی وزیر پنجاب عوام جانتے ہیں کہ 25جولائی” گو نواز گو” کی پہلی برسی ہے:سید صمصام علی بخاری آج عوام نے ووٹ کی طاقت سے کرپشن کے بتوں کو پاش پاش کیا تھا:صوبائی وزیر کاش کارکن آج اپنی قیادت کی کرپشن کے خلاف احتجاج کرتے:سید صمصام بخاری پیپلز پارٹی سندھ میں حکومت کرتے ہوئے احتجاج کا حق نہیں رکھتی:صوبائی وزیر لیگی کارکنوں کو اپنی قیادت کی لوٹ مار کی بخوبی خبر ہے:سید صمصام علی بخاری شریف خاندان اپنی غیر ملکی جائیدادوں کا حساب کیوں نہیں دے سکا؟صوبائی وزیر احتجاج ٹھس رہے گا،حکومت اپنے منشور پر کام کرتی رہے گی:سید صمصام بخاری آج وزیر اعظم کے کامیاب دورہ امریکہ کی مبارکباد کا بھی دن ہے:صوبائی وزیر اقوام عالم عمران خان کی صلاحیتوں کے معترف نظر آتے ہیں:سید صمصام علی بخاری

ٹیکرز نمبر1031 لاہور25 جولائی: 25جولائی 2018ء کو پاکستان کے سیاسی منظرنامے میں خوشگوار نئی تبدیلی کی لہر آئی۔وزیراعلیٰ پنجاب سردار عثمان بزدار پاکستان کے باشعور عوام نے اپنے ووٹ سے نئی تاریخ رقم کی۔ عثمان بزدار عوام نے ووٹ کی طاقت سے کرپشن کے بتوں کو پاش پاش کیا۔ عثمان بزدار اپوزیشن جماعتیں آج حکومت کے خلاف نہیں بلکہ اپنے سیاہ اعمال پر یوم سیاہ منا رہی ہیں۔ عثمان بزدار نام نہاد یوم سیاہ منانے والے عناصر نے ملک کا مستقبل سیاہ کیا۔ عثمان بزدار کرپشن کی سیاہی کے پیچھے چھپے چہرے بے نقاب ہو چکے ہیں۔ عثمان بزدار اپوزیشن سیاستدان عوام میں اپنی رہی سہی ساکھ بھی گنوا بیٹھے ہیں۔ عثمان بزدار مخالفین ذہین نشین کر لیں کہ عوام نے انہیں 25جولائی2018کو بھی رد کیا اور آئندہ بھی کریں گے۔ عثمان بزدار مسترد شدہ عناصر کو صرف لوٹی ہوئی دولت بچانے کی فکر ہے۔ عثمان بزدار اپوزیشن کا واویلا چور مچائے شور کے مترادف ہے۔ عثمان بزدار اللہ تعالی کے فضل وکرم سے 25 جولائی 2018 کو عوام کی جانب سے ملنے والے مینڈیٹ کی لاج رکھی ہے۔ عثمان بزدار پاکستان کے عوام با شعور ہیں،اپوزیشن کے جھانسے میں نہیں آئیں گے۔

لاہور( نیوزرپورٹر)احتساب عدالت نے آمدن سے زائد اثاثہ جات اور منی لانڈرنگ کے الزامات پر گرفتار قائد حزب اختلاف حمزہ شہباز کے جسمانی ریمانڈ میں مزید10 روز کی توسیع کر دی۔نیب کی جانب سے حمزہ شہباز کو 14روزہ جسمانی ریمانڈ مکمل ہونے پر احتسابدالت کے رو برو پیش کیا۔دوران سماعت نیب پراسیکیوٹر کی جانب سے حمزہ شہباز کی فنانشل اسٹیٹمنٹس پیش کی گئی جس میں بتایا گیا کہ2005 کے دوران اثاثوں میں20 ملین سے 45 ملین تک اضافہ ہوا، ملزم کے اکاﺅنٹس اور آمدن کا تیس جون 2006سے 2007ءتک کا موازنہ کیا ہے،ملزم نے 16ملین کی رقم اپنی والدہ کے اکاﺅنٹس میں منتقل کی،16 ملین کی ماڈل ٹاﺅن کی جائیداد بیرون ملک سے بھجوائی گئی رقم سے خریدی گئی ۔نیب حکام نے عدالت کو بتایا کہ دوران تفتیش حمزہ شہباز کی یونیڈاس اسپیڈ پرائیوٹ لمیٹڈ اور ووڈ نیچر پرائیویٹ لمیٹڈ کمپنیوں کا انکشاف ہواجو ان کے ملازم نثار احمد، علی احمد خان، ندیم سعید اور محمد طاہر حمزہ کے نام پر ہیں،نثار احمد وزیر اعلی ہاﺅس میں کنٹریکٹ پر ملازم بھی رہا ہے،بے نامی کمپنیوں سے 5 ارب روپے منتقل کئے گئے۔علاوہ ازیں احتساب عدالت نے آشیانہ اقبال سکینڈل کیس کی سماعت 7اگست تک ملتوی کر دی جبکہ سابق وزیر اعلیٰ شہباز شریف نے عدالت کے روبرو موقف اپنایا کہ خدائے بزرگ و برتر کی قسم کھا کے کہتا ہوں کہ یہ جھوٹا کیس ہے۔ احتساب عدالت کے ڈیوٹی جج وسیم اختر نے کیس کی سماعت کی۔ سابق وزیر اعلیٰ پنجاب شہباز شریف عدالت کے رو برو پیش ہوئے جبکہ فواد حسن فواد سمیت دیگر ملزمان کو بھی پیش کیا گیا ۔شہباز شریف نے عدالت کے رو برو موقف اپنایا کہ انتہائی نیک نیتی محنت اور لگن سے اس صوبے کی خدمت کی،خدائے بزرگ و برتر کی قسم کھا کے کہتا ہوں کہ یہ جھوٹا کیس ہے،یہ کیس وقت کا ضیاع ہے جھوٹ کا پلندہ ہے ۔میں نے اور میری حکومت نے فراڈ پکڑا،جنہوں نے فراڈ کیا ان کو بی آر ٹی پشاور کا ٹھیکہ دے دیا گیا،بی آر ٹی کا ٹھیکہ بلیک لسٹڈ کمپنی کو دیا گیا ،اس کمپنی کو میری حکومت نے بلیک لسٹ کیا تھا،فراڈ کرنے والی کمپنی کو پشاور میں شاہی مہمان بنایا گیا۔نیب پراسیکیوٹر نے موقف اپنایا کہ شہباز شریف کا عدالت میں بیانیہ وقت کا ضیاع ہے ، کارروائی آگے بڑھانی چاہیے۔ جس پر شہباز شریف نے کہا کہ وقت آپ ضائع کر رہے ہیں ۔ جج نے آشیانہ ہاوسنگ سکینڈل کیس کی سماعت 7اگست تک ملتوی کرتے ہوئے آئندہ سماعت پرمزیدگواہوں کو شہادتوں کے لئے طلب کر لیا۔شہباز شریف کی احتساب عدالت میں پیشی کے موقع پر پارٹی رہنماﺅں اور کارکنوں کی بڑی تعداد اظہار یکجہتی کے لئے موجود تھی ۔