Yearly Archives: 2019

شوبز

میں ایسے خطرناک آدمی کے ساتھ نہیں رہ سکتی،فاطمہ سہیل

لاہور(ویب ڈیسک)میں نے گھر بچانے کی ہر ممکن کوشش کی میرے پاس تمام میسیجز موجو د ہیں ۔محسن اب اپنے گندے رشتے کو شادی کا نام دے رہے ہیں ۔میں نے اس دوسری عورت سے بات کی اور یہی میری غلطی تھی۔ فاطمہ سہیل کی پریس کانفرنس ۔محسن نے قرآن پر جھوٹی قسم کھا کے کہہ دیا کہ وہ پولیس اسٹیشن سے آیا ۔ مجھے آج پہلے بار محسن سے خوف نہیں آیا ۔میں بھی قرآن پر ہاتھ رکھ کر کہتی ہوں کہ مجھے جسمانی اور ذہنی تشدد کیا گیا ۔ محسن نے شادی کے باوجود افیئر چلایا ۔یہ تصویریں جو میں سوشل میڈیا پر ڈالی اور تین ماہ پہلے کی ہیں جبکہ تین ماہ کے حمل کے دوران مجھے مارا گیا۔ میں صلح کی طرف بالکل نہیں جا رہی میں ایسے خطرناک آدمی کے ساتھ نہیں رہ سکتی۔مجھے اب دوسری بھی تمام خواتین کے لئے لڑنا ہو گا۔میری بہن بھائی اور میری فیملی مجھے سپورٹ کر رہی ہیں انہوں نے مجھے مکمل سپورٹ کیا ہے۔

انٹر نیشنل

حملوں کے دوران عیسائیوں کو پناہ دینے والے امام کیلئے امریکی اعزاز

نائیجیریا (ویب ڈیسک)امریکی حکومت نے وسطی نائیجیریا میں حملوں کے دوران 262 عیسائیوں کو اپنے گھر اور مسجد میں پناہ دینے والے 83 سالہ امام کو اعزاز سے نوازا ہے۔سی این این کی رپورٹ کے مطابق امام ابو بکر عبداللہ سمیت سوڈان، عراق، برازیل اور سائپرس کے 4 مذہبی رہنماو¿ں کو انٹرنیشنل ریلیجیئس رائٹس ایوارڈ 2019 سے نوازا گیا جو مذہبی آزادی کے علمبرداروں کو دیا جاتا ہے۔ایوارڈ کے منتظمین نے ایک بیان میں کہا کہ ’ امام ابو بکر نے مسلم چرواہوں کے حملوں سے بچنے والے سیکڑوں عیسائیوں کو پناہ دی تھی، جنہوں نے 23 جون 2018 کو برکن لادی کے 10 دیہاتوں میں عیسائی کسانوں کے خلاف حملوں کا آغاز کیا تھا‘۔بین الاقوامی مذہبی آزادی کے سفیر سیم براﺅن بیک نے واشنگٹن میں منعقد ایوارڈز کی تقریب سے خطاب کرتے ہوئے کہا کہ ’ جب حملہ آوروں نے عیسائی پڑوسیوں سے متعلق پوچھا تو انہوں نے انہیں چھوڑنے سے انکار کردیا‘۔انہوں نے کہا کہ ’ امام نے عیسائی پڑوسیوں کو پناہ دی، اپنی مسجد اور گھر میں 262 عیسائیوں کو ٹھہرایا اس کے بعد حملہ آوروں کے سامنے ڈٹ گئے اور ان سے عیسائیوں کی جان بخشنے کی درخواست کی یہاں تک کہ ان کے بدلے اپنی جان لینے کی پیشکش کی‘۔سیم براو¿ن بیک نے کہا کہ ’ ان کے اقدام سچی بہادری، بے غرضی اور برادرانہ محبت کے گواہ ہیں‘۔مذکورہ اعزاز کے منتظمین امریکی اسٹیٹ ڈپارٹمنٹ نے کہا کہ ’ مسلمان رہنما نے نہ صرف اپنی زندگی کو خطرے میں ڈالا بلکہ دوسرے مذہب سے تعلق رکھنے والے افراد کی جان بچائی جنہیں ان کی مداخلت کے بغیر قتل کیا جاسکتا تھا۔خیال رہے کہ مشکوک چرواہوں کی جانب سے حملوں میں 80 سے زائد افراد ہلاک ہوئے تھے جنہوں نے دیہاتوں میں کئی گھروں کو بھی نذر آتش کیا تھا۔مسلح چرواہوں نے نائجیریا کی وسطی ریاستوں میں کسانوں پر حملے کیے تھے جسے بوکوحرام سے بدترین تنازع قرار دیا جاتا ہے۔

اہم خبریں, پاکستان

وزیراعظم عمران خان اور امریکی صدر ٹرمپ کی ملاقات، مسئلہ کشمیر پر ثالثی کی پیش کش

واشنگٹن(ویب ڈیسک)وزیراعظم عمران خان اپنے پہلے دورے پر امریکی صدر ڈونلڈ ٹرمپ سے ملاقات کے لیے وائٹ ہاﺅس پہنچ گئے ہیں جہاں باقاعدہ ملاقات شروع ہوئی جہاں امریکی صدر نے مسئلہ کشمیر پر ثالثی کا کردار ادا کرنے کی پیش کش کی۔امریکی صدر ڈونلڈ ٹرمپ نے وائٹ ہاﺅس میں وزیر اعظم عمران خان کا استقبال کیا، وزیر اعظم کے ہمراہ وزیر خارجہ شاہ محمود قریشی بھی ہیں۔ملاقات کے آغاز میں میڈیا کی موجودگی میں مختصر گفتگو کے دوران امریکی صدر نے کہا کہ وزیر اعظم عمران خان سے ملاقات کو انتہائی خوشگوار دیکھ رہا ہوں، امید ہے ملاقات کے بعد دونوں ممالک کے تعلقات میں مزید بہتری آئے گی۔اوول آفس میں ٹرمپ کا کہنا تھا کہ ‘افغانستان سے واپسی کے لیے امریکا، پاکستان کے ساتھ کام کررہا ہے اور امریکا خطے میں پولیس مین بننا نہیں چاہتا’۔ان کا کہنا تھا کہ ‘پاکستان اس وقت افغانستان میں ہماری بڑی مدد کررہا ہے’۔ڈونلڈ ٹرمپ نے وزیراعظم سے گفتگو کے دوران بھارت کے ساتھ کشیدہ تعلقات میں بہتری کے لیے کردار ادا کرنے کی بھی پیش کش کی۔امریکی صدر نے پاکستان اور بھارت کے درمیان درینہ مسئلہ کشمیر پر بھی ثالثی کا کردار ادا کرنے کی پیش کش کی۔مسئلہ کشمیر کے حوالے سے ان کا کہنا تھا کہ ‘اگر میں کوئی تعاون کرسکتا ہوں تو میں ثالثی کا کردار ادا کروں گا’۔وزیراعظم عمران خان نے کہا کہ مجھے امید ہے کہ آنے والے دنوں میں ‘ہم طالبان کو مذاکرات کے لیے زور دے پائیں گے’۔دونوں سربراہان کے درمیان یہ ملاقات پاکستان اور امریکا کے تعلقات کی تجدید کے حوالے سے کوششوں کا حصہ ہے۔

دلچسپ و عجیب

ایئرپورٹ میں گھس کر 13سالہ بچے کی طیارہ اڑانے کی کوشش

بیجنگ(ویب ڈیسک)ویسے تو کسی ائیرپورٹ کے اندر داخل ہونا آسان نہیں ہوتا مگر رن وے تک کسی کی نظر میں آئے بغیر پہنچنا تو اس سے بھی زیادہ مشکل ہوتا ہے، مگر چین میں ایک بچے نے ایسا کردکھایا بلکہ 2 طیاروں کو اڑانے کی کوشش بھی کرڈالی۔جی ہاں واقعی چین میں یہ حیران کن واقعہ پیش آیا ہے اور بی بی سی نے جیانگ شو ٹی وی کے حوالے سے ایک رپورٹ میں بتایا کہ یہ واقعہ چین کے مشرقی صوبے ڑنجیانگ کے شہر ہوڑہو میں پیش آیا جہاں 13سالہ بچہ آدھی رات کو خفیہ طور پر ایئرپورٹ پر داخل ہوگیا۔ایئرپورٹ پر لگے نگرانی کے کیمروں میں ریکارڈ فوٹیج میں دیکھا گیا کہ لڑکا ساڑھے پانچ کروڑ روپے مالیت کے جہاز میں سوار ہوا اور اڑانے کی ناکام کوشش میں جنگلے سے ٹکرا دیا۔ایک جہاز جنگلے سے ٹکرانے کے بعد بچہ فوراً دوسرے جہاز میں سوار ہوا جسے وہ کچھ دیر گول دائرے میں گھماتا رہا اور پھر ایئرپورٹ چھوڑ کر نکل گیا۔مقامی پولیس کے مطابق لڑکے کو واقعے میں کوئی نقصان نہیں پہنچا تاہم اس کی حرکت سے 8ہزار یوآن کا نقصان ہوا۔فوٹیج سامنے آنے کے بعد ایئرپورٹ حکام اور بچے کے اہل خانہ کے درمیان ایک معاہدہ طے پاگیا ہے جس کے تحت فیملی 2ہزار یوآن جرمانہ ادا کرے گی۔جرمانے کی رقم اس لئے کم رکھی گئی کیوں کہ لڑکے کے غریب اہل خانہ اتنا بھاری جرمانہ ادا کرنے کی سکت نہیں رکھتے۔اس بارے میں گلوبل ٹائمز اخبار نے لکھا ہے کہ جب پولیس بچے کو جرمانے کرنے پہنچی تو وہ اپنا ہوم ورک کررہا تھا۔ایئرپورٹ اسٹاف اس بات پر حیران تھا کہ اس عمر میں بغیر تجربے کے لڑکے نے طیارے کو کیسے کنٹرول کیا۔دوسری جانب ایئرپورٹ ڈائریکٹر نے حیران کن قدم اٹھاتے ہوئے بچے کو پائلٹ ٹریننگ دینے کی پیشکش کردی ہے۔ ان کا کہنا تھا کہ صرف دیکھ کر طیارہ کنٹرول کرنا ناممکن ہے ، یقینناً یہ بچہ بہت ذہین ہے۔،واقعے کے بعد چینی سوشل میڈیا پر نئی بحث چھڑ گئی ہے جہاں کچھ لوگ نامناسب ایئرپورٹ سیکیورٹی اور والدین پر سخت تنقید کررہے ہیں تو دوسری طرف لوگ جرمانے کی رقم کم کرنے اور پائلٹ کی تربیت کی پیشکش پر ایئرپورٹ حکام کو سراہ رہے ہیں۔چین کی مقبول سوشل میڈیا ویب سائٹ ویبو پر ایک صارف نے لکھا کہ “یہ بچہ واقعی بے حد ذہین اور خوش قسمت ہے، میں امید کرتا ہوں کہ وہ سیدھے راستے پر چلے گا۔

انٹر نیشنل, دلچسپ و عجیب

کافی بنانے کے جرم میں جرمن میاں بیوی کو شہر بدر کر دیا گیا

وینس(ویب ڈیسک) اٹلی کے شہر وینس میں گزشتہ دنوں ایک جرمن جوڑے کو کافی بنانے کے جرم میں شہر سے نکال دیا گیا، جبکہ اس پر 950 یورو (ایک لاکھ 70 ہزار روپے) کا جرمانہ بھی کیا گیا۔عالمی خبر رساں ادارے کے مطابق، اٹلی کے تاریخی شہر وینس کی سیاحت پر آیا ہوا ایک جرمن جوڑا وہاں کے مشہورِ زمانہ پل ”ریالٹو برج“ کے ساتھ آرام کرنے کی غرض سے رکا اور اپنے سفری تھیلوں میں سے گیس کا چولہا اور کافی پاٹ نکال کر کافی بنانا شروع کردی۔اس بات کی اطلاع وہاں سے گزرنے والے ایک مقامی فرد نے کمیونٹی پولیس کو پہنچا دی، جو ا±ن دونوں کو گرفتار کرکے تھانے لے گئی اور جوڑے پر جرمانہ عائد کرنے کے ساتھ ساتھ اسے شہر بدر بھی کردیا گیا۔واضح رہے کہ اٹلی میں نافذ ہونے والے نئے قوانین کے مطابق کسی بھی تاریخ مقام پر یا اس کے نزدیک ایسا کچھ نہیں کیا جاسکتا جس سے اس جگہ کو نقصان پہنچنے کا خطرہ ہو۔ قانون کی خلاف ورزی کو جرم قرار دیتے ہوئے، اس پر سزائیں اور جرمانے بھی مقرر کیے گئے ہیں۔ غیر ملکی سیاح بھی اس قانون کی زد میں آتے ہیں جنہیں جرمانے کے ساتھ ساتھ شہر بدری کی سزا دی جاتی ہے۔اٹلی، بالخصوص وینس میں کئی مقامات ایسے ہیں جنہیں یونیسکو کے تحت عالمی ورثہ (ورلڈ ہیریٹیج) کا درجہ حاصل ہے۔ قبل ازیں مقامی لوگوں نے شکایت کی تھی کہ وہاں آنے والے سیاح ان تاریخی نہروں میں غوطے لگاتے ہیں، قدیم فواروں کے نیچے کپڑے دھوتے ہیں اور نامناسب لباس میں گھومتے ہیں جبکہ اپنی تفریح کےلیے وہ تاریخی مقامات کو نقصان پہنچانے سے بھی گریز نہیں کرتے۔ان شکایتوں کے بعد سے وینس کی مقامی حکومت نے یہ قوانین بنائے ہیں جو اس سال مئی سے وہاں نافذ العمل ہیں۔ تب سے لے کر اب تک یہ غیر مقامی سیاحوں کی شہر بدری کا چالیسواں واقعہ ہے۔

انٹر نیشنل

بھارت چاند کی جانب دوسری بار مشن بھیجنے میں کامیاب

بھارت (ویب ڈیسک)بھارت نے ایک ہفتے کی تاخیر کے بعد چاند پر اپنا دوسرا مشن ’چندریان ٹو‘ 22 جولائی کی دوپہر کو بھیج دیا۔ابتدائی طور پر بھارت کو ’چندریان ٹو‘ کو گزشتہ ہفتے 15 جولائی کو بھیجنا تھا، تاہم تکنیکی خرابی کی وجہ سے اس مشن کو نہیں بھیجا جا سکا تھا۔یہ دوسرا موقع ہے کہ بھارت نے اپنا خلائی مشن چاند پر بھیجا ہے اور اگر اس بار انڈیا کا خلائی مشن کامیابی سے چاند پراتر گیا تو بھارت چاند پر پہنچنے والا دنیا کا چوتھا ملک بن جائے گا۔اس سے بھارت نے 2008 میں بھی چاند پر خلائی مشن بھیجا تھا، تاہم وہ مشن کامیاب نہیں ہوسکا تھا۔اس بار بھارت کے خلائی تحقیقاتی ادارے، حکومت اور سائنس دانوں کو یقین ہے کہ انہیں کامیابی ملے گی۔انڈیا ٹوڈے کے مطابق خلائی مشن ’چندریان ٹو‘ کو ریاست آندرا پردیش کے شہر نیلور کے سری ہری کوٹا کے مقام پر قائم ستیش دھون اسپیس اسٹیشن سے تاریخی مشن پر بھیجا گیا۔’چندریان ٹو‘ کو 22 جولائی بروز پیر کی دوپہر 2 بج کر 43 منٹ پر خلا میں چھوڑا گیا اور اس تاریخی لمحے کو بھارت کے متعدد ٹی وی چینلز نے براہ راست دکھایا۔’چندریان ٹو‘ نامی مشن کو بھارت میں تیار کردہ دیسی ساخت کے راکٹ میزائل جی ایس ایل وی ایم مارک تھری کے ذریعے بھیجا گیا۔اس مشن میں ایک چانڈ گاڑی، لونر لینڈر اور

روور سمیت 13 سائنسی مشینیں، کیمرے اور آلات بھیجے گئے ہیں جو چاند کے تاریک حصے پر تحقیقات کریں گے۔بھارت کے خلائی تحقیقاتی ادارے ’انڈین اسپیس ریسرچ آرگنائیزیشن (اسرو) کے مطابق کھدائی مشین، لینڈنگ مشین اور موبائل مشین سمیت اعلیٰ درجے کی کوالٹی کا کیمرا بھی چاند پر بھیجا گیا ہے جو چاند کے تاریک حصے پر پانی اور زندگی کی تلاش سمیت دیگر معاملات کی تحقیق کریں گے۔اسرو کے مطابق چاند پر بھیجا گیا خلائی مشن 23 دن تک زمین کے مدار میں ہی رہے گا اور 30 کے بعد وہ چاند کے مدار میں شامل ہوجائے گا۔’چندریان ٹو‘ 30 سے 47 ویں دن تک چاند کے مدار میں ہی سفر کرے گا اور توقع کی جا رہی ہے کہ 48 ویں دن مشن چاند کے تاریک ترین جنوبی قطب حصے میں اترے گا۔چاند پر بھیجے گئے مشن کو جس میزائل جی ایس ایل وی ایم مارک تھری راکٹ سے بھیجا گیا ہے اس میں 110 ٹن سے زائد ایندھن بھرا گیا ہے اور مجموعی طور پر اس راکٹ کا وزن 600 ٹن سے زائد ہے۔یہ راکٹ تین حصوں ’آربیٹر، لینڈر اور روور‘ پر مشتمل ہے اور ان تینوں حصوں کو الگ الگ نام دیے گیے ہیں۔آربیٹر کا نام ’وکرم‘ رکھا گیا ہے، اس حصے کا کام چاند کے گرد چکر لگانا اور چاند کی سطح کی جانچ کرنا ہے، دوسرے حصے ’لینڈر‘ کا نام ’وکرم سارا بھائی‘ رکھا گیا ہے اس حصے کا کام مشن کی چاند پر لینڈنگ ہے۔راکٹ کے تیسرے حصے ’روور‘ کو نام ’پرگیان‘ رکھا گیا ہے اور اس حصے کا کام مشن میں بھیجے گئے سائنسی آلات کو باہر نکالنا، انہیں تحقیق میں مدد دینا اور چاند کی سطح کے 500 میٹر کے گرد چکر لگانے سمیت کئی طرح کی تکنیکی مدد فراہم کرنا ہے۔اربوں روپے کی لاگت سے تیار ہونے والے اس خلائی مشن کے حوالے سے بھارتی حکومت اور بھارتی خلائی تحقیقی ادارے کو امید ہے کہ وہ چاند پر کامیابی سے اتر جائے گا۔اگر بھارت کا یہ مشن چاند پر کامیابی سے اتر جاتا ہے تو انڈیا امریکا، روس اور چین کے بعد چاند پر پہنچنے والا چوتھا ملک بن جائے گا۔بھارت نے چاند مشن کو ایک ایسے وقت میں بھیجا ہے جب کہ دنیا بھر میں 2 دن قبل ہی چاند پر انسان کے جانے کا 50 سالہ جشن منایا گیا تھا۔چاند پر دنیا میں پہلی بار 20 جولائی 1969 کو امریکی خلاباز نیل آرم اسٹرانگ پہنچے تھے۔

اہم خبریں, پاکستان

وزیراعظم عمران خان وائٹ ہاﺅس پہنچ گئے؛ ٹرمپ نے باہر آکر استقبال کیا

واشنگٹن(ویب ڈیسک) وزیراعظم عمران خان وائٹ ہاﺅس پہنچ گئے؛ ٹرمپ نے باہر آکر استقبال کیاوزیراعظم عمران خان آج امریکی صدر ڈونلڈ ٹرمپ سے وائٹ ہاﺅس میں ملاقات کریں گے۔ذرائع کے مطابق وزیراعظم عمران خان آج پاکستانی وقت کے مطابق رات 8 بج کر 45 منٹ پر امریکی صدر ڈونلڈ ٹرمپ سے ملاقات کریں گے۔ وزیراعظم عمران خان کے ہمراہ وزیر خارجہ شاہ محمود قریشی، آرمی چیف جنرل قمر جاوید باجوہ اور وزیراعظم کے مشیر برائے تجارت عبدالرزاق داﺅد بھی ہوں گے۔ ملاقات میں دونوں رہنماو¿ں کے درمیان افغان امن عمل، باہمی تعاون کے فروغ ، تجارت، توانائی، دفاع اور جنوبی ایشیا میں انسداد دہشت گردی جیسے امور زیر غور آئیں گے۔ڈی جی آئی ایس پی آر میجر جنرل آصف غفور نے سوشل میڈیا پر جاری بیان میں کہا ہے کہ آرمی چیف جنرل قمر جاوید باجوہ وزیراعظم عمران خان کے وفد کے رکن کی حیثیت سے وائٹ ہاﺅس میں ہونے والے اجلاس میں شریک ہوں گے، آرمی چیف اجلاس کے بعد امریکی وزارت دفاع پینٹاگون کا دورہ کریں گے۔ جہاں آرمی چیف امریکا کے قائم مقام وزیر دفاع رچرڈ اسپینسر سے ملیں گے۔ اس کے علاوہ جنرل قمر جاوید باجوہ امریکی چیئرمین جوائنٹ چیفس آف اسٹاف جنرل جوزف ڈنفورڈ اور چیف آف اسٹاف جنرل مارک اے ملے سے بھی ملاقات کریں گے۔واضح رہے کہ وزیر اعظم عمران خان دو روز قبل امریکی دارالحکومت واشنگٹن ڈی سی پہنچے تھے۔ اپنے دورے کے پہلے دن انہوں نے کئی بین الاقوامی شخصیات اور پاکستانی نڑاد تاجر برادری سے ملاقاتیں کیں، اس کے علاوہ انہوں نے گزشتہ روز واشنگٹن ڈی سی کے اسٹیڈیم کیپیٹل ایرینا ون میں تحریک انصاف کے جلسے سے خطاب بھی کیا تھا۔

شوبز

بالی ووڈ کے سلطان، اب بنائیں گے ’بلبل میرج ہال‘

ممبئی(ویب ڈیسک) بالی ووڈ سپر اسٹار سلمان خان آج کل اپنی نئی فلم ”دبنگ 3“ کی شوٹنگ میں مصروف ہیں لیکن ساتھ ہی ساتھ وہ ”بلبل میرج ہال“ کے نام سے ایک نئی فلم کی تیاری بھی کررہے ہیں جس کی کہانی ایک شادی ہال کے گرد گھومتی ہے۔خبروں کے مطابق، سلمان خان کی اگلی فلم میں بھارتی شادی ہالز کو بنیاد بناتے ہوئے مختلف معاشرتی مسائل کو اجاگر کیا جائے گا۔ فلم کی کہانی دو ایسے بھائیوں کے بارے میں ہوگی جو دہلی میں ایک شادی ہال کے مالک ہیں اور اس شادی ہال کے کاروبار میں انہیں کئی طرح کی پریشانیوں کا سامنا کرنا پڑتا ہے۔فلم کے اسکرپٹ پر کام شروع کردیا گیا ہے جو غالباً ”دبنگ 3“ کی ریلیز تک مکمل ہوجائے گا۔ اسی دوران کاسٹنگ کا عمل بھی مکمل کرلیا جائے گا۔واضح رہے کہ اس سال عیدالفطر پر ریلیز ہونے والی، سلمان خان کی فلم ”بھارت“ اب تک دنیا بھر میں تقریباً 315 کروڑ (بھارتی) روپے کا بزنس کرکے 2019 کی کامیاب ترین بالی ووڈ فلموں میں شامل ہوچکی ہے۔ دبنگ 3 کی ریلیز اس سال کے اختتام تک متوقع ہے۔

سائنس و ٹیکنالوجی

ناسا کا نیا انسانی مشن چاند پر بھیجنے کا اعلان

واشنگٹن (ویب ڈیسک)امریکی خلائی تحقیقی ادارے ’ناسا‘ نے چاند پر انسان کے قدم رکھنے کے 50 سال مکمل ہونے کے موقع پر چاند پر نیا مشن بھیجنے کا اعلان کرتے ہوئے منصوبے سے متعلق دنیا کو آگاہ کردیا۔ناسا نے چاند پر نیا انسانی مشن بھیجنے کا اعلان رواں برس کے آغاز میں ہی کیا تھا اور کہا تھا کہ اس بار پہلی مرتبہ چاند پر کسی خاتون کو بھیجا جائے گا۔اگرچہ ناسا نے چاند پر ایک مرد کے ساتھ پہلی بار ایک خاتون کو بھی بھیجنے کا اعلان کیا تھا، تاہم اب ادارے نے اس مشن کے حوالے سے مزید تفصیلات جاری کردیں۔ناسا کے مطابق

چاندر پر انسان کے جانے کے 50 سالہ جشن منانے کے موقع پر ادارے میں ہونے والی تقریب میں چاند پر بھیجے جانے والے نئے مشن کے حوالے سے بھی پیش رفت ہوئی۔چاند پر جانے کے 50 سال مکمل ہونے پر ہونے والی تقریب میں نائب امریکی صدر مائیک پینس نے شرکت کی اور انہوں نے ادارے کو ہدایت کی کہ چاند پر 2024 تک نیا انسانی مشن بھیجنے کے انتظامات جلد سے جلد مکمل کیے جائیں۔2024 تک نیا انسانی مشن چاند پر بھیجنے کے انتظامات مکمل کیے جائیں: مائیک پینس۔ناسا کے مطابق ادارہ 2024 تک ’آرٹیمس ون‘ نامی

نیا انسانی مشن چاند پر بھیجے گا، جس میں پہلی مرتبہ ایک خاتون کو بھی بھیجا جائے گا۔منصوبے کے تحت انسانی مشن چاند کے جنوبی حصے میں اترے گا اور اس بار جانے والا مشن چاند پر نہ صرف پانی اور دیگر قدرتی وسائل کی تلاش کا کام شروع کرے گا بلکہ نیا مشن وہاں پر ٹیکنالوجی آلات کے استعمال سے متعلق تجربات بھی کرے گا۔ناسا کے مطابق نیا انسانی مشن چاند پر ٹیکنالوجی آلات کے استعمال کے تجربات کرے گا اور اگر وہاں ٹیکنالوجی آلات نے کام کیا تو یہ ایک بہت بڑی اور نئی پیش رفت ہوگی جو تحقیق کے نئے دروازے کھولے گی۔ناسا نے اپنے بیان میں بتایا کہ چاند پر نئے مشن کو ’اورین‘ نامی راکٹ کے ذریعے

بھیجا جائے گا، جس کی مرمت جاری ہے اور توقع ہے کہ یہ راکٹ 2023 تک مکمل ہوجائے گا۔خیال رہے کہ ناسا نے پہلی بار چاند پر 1969 میں انسانی مشن بھیجا تھا اور پہلی بار 20 جولائی 1969 کو نیل آرم اسٹرانگ نامی امریکی خلانورد چاند پر اترا تھا۔ناسا نے پہلے چاند مشن کو ’اپولو الیون‘ کا نام دیا تھا اور مجموعی طور پر ناسا نے اس مشن کے 11 مشن چاند پر بھیجے اور آخری مشن 1972 میں بھیجا گیا تھا اور اب نئے سرے سے 2024 میں آرٹیمس ون‘ نامی نیا انسانی مشن چاند پر بھیجا جائے گا۔ناسا کے مطابق ’آرٹیمس‘ دراصل یونانی خدا ’اپولو‘ کی جڑواں بہن تھی۔یونانی تہذیب کے عقیدے کے مطابق اپولو طاقتور ترین اور حسین ترین خدا تھے اور وہ نہ صرف روشنی بلکہ موسیقی اور فطرت کے بھی دیوتا تھے۔

سائنس و ٹیکنالوجی

واٹس ایپ کا قوانین کی خلاف ورزی پر پابندی لگانے کا فیصلہ

لاہور(ویب ڈیسک)واٹس ایپ دنیا کی مقبول ترین میسجنگ اپلیکشن ہے جس کے ڈیڑھ ارب سے زائد صارفین روزانہ 65 ارب سے زائد پیغامات ایک دوسرے کو بھیجتے ہیں۔درحقیقت واٹس ایپ اس وقت پاکستان سمیت دنیا بھر میں لوگوں کی ضرورت بن چکی ہے کیونکہ اس اپلیکشن نے روایتی ایس ایم ایس کی جگہ لے لی ہے جبکہ اس پر آڈیو یا ویڈیو کال کرنے پر بھی کوئی کرچہ نہیں ہوتا۔مگر اس کے ساتھ جعلی خبروں یا افواہوں کی اس کے ذریعے پھیلاﺅ جیسے مسائل بھی سامنے آئے ہیں جبکہ کچھ صارفین اسے مارکیٹنگ کا ذریعہ بنا کر دیگر افراد کو پریشان کرتے رہتے ہیں۔یہی وجہ ہے کہ واٹس ایپ نے اب ایسے صارفین پر پابندی لگانے کا فیصلہ کیا ہے جو اس ایپ کے اصول و ضوابط کی خلاف ورزی کریں گے۔ایسے صارفین کو عارضی پابندی کا سامنا ہوگا جس کا نوٹیفکیشن بھی انہیں کمپنی کی جانب سے بھیجا جائے گا۔