Yearly Archives: 2019

Uncategorized

دفاعی پیداوار کیلئے حکومتی اداروں کے ساتھ نجی شراکت ضروری ہے: آرمی چیف

راولپنڈی(ویب ڈیسک) آرمی چیف جنرل قمر جاوید باجوہ نے کہا ہے کہ دفاعی پیداوار کے لیے حکومتی اداروں کے ساتھ نجی شراکت داری ضروری ہے۔جنرل ہیڈ کوارٹر (جی ایچ کیو) میں ’دفاعی پیداوار اور سیکیورٹی خود انحصاری کےذریعے قومی سلامتی‘ کے موضوع پر سیمینار ہوا جس میں آرمی چیف جنرل قمر جاوید باجوہ سمیت وفاقی وزراءزبیدہ جلال، فواد چوہدری اور وزیراعظم کے مشیر برائے تجارت عبدالرزاق داﺅد نے بھی شرکت کی۔وفاقی وزراءزبیدہ جلال اور چوہدری فواد نے ملکی دفاعی صنعت کو موثر بنانے پر اظہار خیال کیا جب کہ مشیر تجارت رزاق داﺅد نے قومی سلامتی میں خودمختار دفاعی صنعت کی اہمیت پر روشنی ڈالی۔سیمینار سے خطاب کرتے ہوئے آرمی چیف جنرل قمر جاوید باجوہ نے کہا کہ دفاعی پیداوار، ملکی دفاع اور خود انحصاری کے شعبے میں پبلک پرائیوٹ پارٹنرشپ ضروری ہے۔آرمی چیف نے مزید کہا کہ دفاعی پیداوار کے لیے حکومتی اداروں کے ساتھ نجی شراکت داری ضروری ہے، دفاعی پیداوار کے لیے پبلک پرائیوٹ پارٹنرشپ کے وسیع مواقع موجود ہیں۔

اہم خبریں, پاکستان

رب کا شکر ہے Portfolio پر کام کرنے کا موقع ملا، میاں اسلم اقبال

لاہور(صدف نعیم ) میاں اسلم اقبال (صوبائی وزیر اطلاعات و ثقافت )نے خبریں کو خصوصی انٹرویو دیتے ہوئے کہا کہ رب کائنات کا شکر ہے کہ وزیر اعظم پاکستان عمران خان نے مجھے اس قابل سمجھا کہ اس Portfolio پر مجھے کام کرنے کا موقع ملا کوشش یہی ہوگی کہ بہتر انداز میں اس کو آگے لے کر چلیں۔ پاکستان تحریک انصاف کی حکومت کے اندر جو اچھے کام ہوئے ہیں اور یقینا ہوتے ہیں انشاءاللہ آنے والے دنوں میں آپ دیکھیں گے وہ سارے کام عوام کے سامنے رکھیں گے تاکہ عوام کو پتہ چلے کہ جو ہم نے دس مہینوں کے اندر وزیر اعلیٰ پنجاب عثمان بزدار صاحب کی سربراہی میں جو ٹارگٹ Achieve کیا ہے وہ عوام کو بتائیں۔ آج پہلا دن ہے۔ ڈیپارٹمنٹ کی بریفنگ نہیں ہوگی۔ پیر کے بعد بتا سکوں گا کہ ہمارے اگلے پروگرام کیا ہیں اور ان کو کیسے لے کر چلنا ہے۔ ثقافت میں بھی ہم اپنا بھرپور کردار ادا کریں گے۔

انٹر نیشنل

امریکا کا آبنائے ہرمز میں ایرانی ڈرون مار گرانے کا دعویٰ

واشنگٹن(ویب ڈیسک) امریکی صدر ڈونلڈ ٹرمپ نے آبنائے ہرمز میں ایرانی ڈرون مار گرانے کا دعویٰ کیا ہے۔غیر ملکی خبررساں ادارے کے مطابق گزشتہ روز وائٹ ہاﺅس میں گفتگو کے امریکی صدر نے دعوی کیا کہ امریکی بحریہ نے آبنائے ہرمز میں ایرانی ڈرون مار گرایا، یہ کارروائی یو ایس ایس باکسر نامی امریکی جنگی بحری جہاز نے اس وقت کی جب ایرانی ڈرون بحری جہاز کے ایک ہزار گز تک قریب آچکا تھا۔امریکی صدر کا کہنا تھا کہ امریکی یو ایس ایس باکسر جنگی جہاز کی جانب سے متعدد بار تنبیہ کی گئی لیکن اس کے باوجود ایرانی ڈرون ایک ہزار گز تک قریب آگیا تھا جس کے باعث جہاز اور اس میں موجود عملے کو سلامتی کا خطرہ درپیش تھا اور یہی وجہ ہے کہ بحری جہاز نے اپنے دفاع میں کارروائی کرتے ہوئے ایرانی ڈرون مارگرایا۔ڈونلڈ ٹرمپ نے کہا کہ ایران کی جانب سے اشتعال انگیزی کارروائیوں کی یہ تازہ مثال ہے تاہم امریکا اپنے مفاد، جہازوں اور عملے کے دفاع کا حق محفوظ رکھتا ہے جب کہ میں دیگر ممالک کو بھی کہتا ہوں کہ وہ اپنے جہازوں کی حفاظت کرے۔دوسری جانب ایران نے اپنے ڈرون کے گرائے جانے کی تردید کردی۔ ایرانی وزیرخارجہ جواد ظریف نے کہا کہ ہمارے پاس ڈرون تباہ ہونے کی کوئی معلومات نہیں ہے۔واضح رہے چند ہفتے قبل ایران کی جانب سے بھی فضائی حدود کی خلاف ورزی کرنے پر امریکی ڈرون گرایا گیا تھا جس پر امریکی صدر ڈونلڈ ٹرمپ نے سخت رد عمل دیا تھا۔

سائنس و ٹیکنالوجی

پودوں کے احساسات بتانے والا الیکٹرانک گملہ

واشنگٹن(ویب ڈیسک) اب بہت جلد آپ اپنے گھر کےایک کونے میں اسمارٹ گملے میں ایک پودا رکھ سکیں گے جو بدلتے ماحول اور کیفیت کے ساتھ ’اپنی شجربیتی‘ آپ کو بتائے گا۔اس گملے کا نام ’لوا‘ ہے جسے میوڈیزائن کمپنی نے تیارکیا ہے۔ ایک زمانے میں تاماگوچی نام کے مجازی پالتو الیکٹرانک جانور عام تھے اور اس گملے کی پشت پر یہی خیال کارفرما ہے۔ اگرچہ یہ ایجاد مکمل طور پر تو آپ کو پودے کے حقیقی احساسات نہیں بتاتی لیکن اتنا ضرور بتاتی ہے کہ جیسے ہی آپ پودے کو پانی دیتے ہیں گملے کے اسکرین پر مسکراتا چہرہ ’اسمائلی‘ آجاتی ہے۔ پانی نہ ملنے پر اسکرین پر غصہ نمودار ہوتاہے۔اسمارٹ گملے کے تاثرات آپ ایک ایپ کے ذریعے کنٹرول بھی کرسکتے ہیں اور پودے کے لیے کیو آر کوڈ کا انتخاب بھی کیا جاسکتا ہے۔ گملے میں لگا پودا 15 قسم کے تاثرات ظاہر کرتا ہے اور اپنی ضروریات بھی بتاتا ہے جن میں دھوپ، پانی اور ہوا وغیرہ شامل ہیں۔ اگر پودے کو سردی لگ

رہی ہے تو وہ بھی اس کا اظہارکرسکتا ہے۔ اگر اسے بہت دیر تک دھوپ نہ ملے تو گملے کے اسکرین پر ویمپائر کا خوفناک چہرہ نمودار ہوتا ہے۔اگرچہ اس گملے کا مقصد گھر میں انٹرایکٹو پودا رکھنا ہے لیکن دسمبر 2019 میں اس کی باقاعدہ فروخت شروع کی جائے گی۔ اسے انٹرنیٹ پر چندے کی ایک ویب سائٹ پر رکھا گیا ہے جس کے لیے 30 ہزار یورو جمع کرنے ہیں اور اس میں سے نصف رقم جمع بھی ہوچکی ہے۔ تاہم جنوری سے اسمارٹ گملے کی فروخت شروع ہوگی۔

دلچسپ و عجیب

گھوڑے کی طرح دوڑنے اور چھلانگ لگانے والی خاتون کی ویڈیو وائرل

ناروے(ویب ڈیسک) ناروے کی ایک خاتون نے مسلسل مشق سے غیرمعمولی مہارت پیدا کی ہے۔ وہ گھوڑے کی طرح دلکی چال چلتی ہیں، اسی طرح دوڑتی ہیں اور عین گھوڑے کی طرح چھلانگیں بھی لگا سکتی ہیں۔ ویڈیو دیکھ کر گمان ہوتا ہے کہ انہوں نے اس ہنر کے لیے بہت محنت کی ہے۔عائلہ کی تصاویر اور ویڈیو دنیا بھر میں مشہور ہورہی ہیں اور اب تک کروڑوں لوگ ان کی ویڈیو دیکھ چکے ہیں۔ دور سے بننے والی اس ویڈیو میں دیکھا جاسکتا ہے کہ وہ بالکل ایک چوپائے کی طرح دوڑتی نظر آتی ہیں۔ جب وہ دوڑنے پر آتی ہیں توان پر گھوڑے کی چال کا گمان ہوتا ہے۔ ان کی یہی ادا دیکھ کر لوگ حیران رہ گئے ہیں۔

میں جانور بننا چاہتی تھی

عائلہ کرسٹائن نے ایک انٹرویو میں کہا کہ وہ بچپن سے ہی جانور بننا چاہتی تھیں۔ چار سال کی عمر میں انہیں کتوں سے رغبت ہوئی اور وہ کتے کا روپ دھارنا چاہتی تھیں۔ اس کے بعد انہیں گھوڑوں سے محبت ہوگئی اور وہ گھوڑوں کی طرح دوڑنے لگیں تاہم وہ شروع سے ہی چاروں ہاتھ اور پیروں پر چلنے کی مشق کرنے لگی تھیں۔ان کی سب سے بڑی خاصیت عین

گھوڑوں کی طرح چھلانگ لگا کر رکاوٹیں عبور کرنا ہے۔ اس عمل میں ہڈیوں اور پٹھوں کو نقصان پہنچ سکتا ہے۔ جب ان سے جست لگانے کے بعد گرنے یا درد کے بارے میں پوچھا گیا تو انہوں نے کہا کہ وہ اپنی ہتھیلیوں کے بل گرتی ہیں اور انہیں کوئی دباﺅ اور تکلیف نہیں ہوتی۔عائلہ نے بتایا کہ مجھے اس کی وجہ نہیں معلوم لیکن میرے جسم میں کوئی درد نہیں ہوتا۔ان کے انسٹاگرام مداحوں کی تعداد بھی ہزاروں میں پہنچ چکی ہے۔ ٹویٹر پر بھی لوگوں نے ان کی حیرت انگیز صلاحیت کی تعریف کی ہے تاہم بعض افراد نے انہیں انسٹاگرام اکاﺅنٹ بند

کرنے کا مشورہ دیا ہے۔ اس کے جواب میں عائلہ نے کہا ہے کہ آخر وہ کیوں اپنا اکاو¿نٹ بند کریں اور انہوں ںے لوگوں کو سکون سے بیٹھے رہنے کا مشورہ دیا ہے۔

اہم خبریں, پاکستان

قبائلی اضلاع میں الیکشن کے نتائج واٹس ایپ پر بھیجے جائیں گے، الیکشن کمیشن

اسلام آباد(ویب ڈیسک) الیکشن کمیشن نے کہا ہے کہ قبائلی اضلاع میں صوبائی انتخابات کے نتائج واٹس ایپ پر بھیجے جائیں گے۔اسلام آباد میں الیکشن کمیشن حکام نے قبائلی اضلاع میں انتخابات کے حوالے سے پریس کانفرنس کی۔ ترجمان الیکشن کمیشن ندیم قاسم نے کہا کہ کل کے انتخابات کے لیے تمام تیاریاں مکمل ہیں، تمام پولنگ اسٹیشنز پر سی سی ٹی وی کیمرے لگانے کی ہدایت کی گئی ہے۔ترجمان الیکشن کمیشن نے کہا کہ قبائلی اضلاع میں میڈیا اور سیکورٹی اداروں کے لیے ضابطہ اخلاق جاری کیا گیا ہے، انتخابی نتائج واٹس ایپ کے ذریعے بھیجے جائیں گے، خیبرپختونخواہ حکومت الیکشن کمیشن کے ساتھ مکمل تعاون کر رہی ہے، انتخابات کی مانیٹرننگ کے لیے ٹیمیں بھی تشکیل دی گئی ہیں۔خیبر پختونخوا کے قبائلی اضلاع میں ملکی تاریخ میں پہلی مرتبہ کل صوبائی اسمبلی کی 16 نشستوں پر انتخابات ہوں گے۔ الیکشن میں مختلف سیاسی جماعتوں کے امیدوار اور سینکڑوں آزاد امیدوار مدمقابل ہیں۔ قیام پاکستان کے بعد پہلی مرتبہ قبائلی عوام صوبائی سطح پر حق رائے دہی استعمال کریں گے۔

اہم خبریں, پاکستان

سید صمصام علی شاہ بخاری صاحب کو وزارت اشتمال اراضی محکمہ ما ل کا قلمدان سونپ دیا گیا…

لاہور(ویب ڈیسک)سید صمصام علی شاہ بخاری صاحب کو وزارت اشتمال اراضی محکمہ مال کا قلمدان سونپ دیا گیاوزیر اعلی پنجاب عثمان بزدار نے پنجاب کابینہ میں تبدیلی کرتے ہوئے صوبائی وزیر اطلاعات صمصام بخاری سے وزارت اطلاعات کا قلمدان واپس لے لیا گیا۔صوبائی وزرا کے محکموں میں تبدیلی کے بعد صمصام بخاری کو کنسولیڈیشن ہولڈنگز کا شعبہ دیا گیا ہے۔وزیر صنعت میاں محمد اسلم اقبال کو صوبائی وزیر اطلاعات کا اضافی چارج دیا گیا ہے جبکہ یاسر ہمایوں سے محکمہ سیاحت کا قلمدان واپس لے لیا گیا ہے۔اس سے قبل یاسر ہمایوں کے پاس محکمہ ہائر ایجوکیشن اور محکمہ سیاحت کا قلمدان موجود تھا۔وزیر اعلیٰ پنجاب نے وزیر برائے نوجوان امور اور کھیل محمد تیمور خان کو سیاحت کا محکمہ بھی سونپ دیا ہے۔صوبائی وزیر قانون محمد راجہ بشارت سے محکمہ بلدیات کا اضافی چارج واپس لے لر سماجی فلاح و بہبود اور بیت المال کا اضافی چارج دیا گیا ہے۔وزیراعلیٰ پنجاب نے وزیر سوشل ویلفیئر اور بیت المال کا قلمدان واپس لے کر وزیراعلیٰ کی انسپیکشن ٹیم کا چارج دیا گیا ہے۔پنجاب کابینہ میں رد و بدل کا فیصلہ گزشتہ روز وزیراعظم عمران خان دورہ لاہور کے دوران ہوا تھا۔گزشتہ روز وزیراعظم نے اجلاس میں اصوبائی وزرا کی کارکردگی کا جائزہ لیا تھا اور جن وزرا کی کارکردگی سے غیر مطمئن تھے ان کی وزارتیں تبدیل کرنے سے متعلق وزیراعلیٰ پنجاب کو حکم دیا تھاجس سے متعلق نوٹیفکیشن بھی جاری کردیا گیا ہے۔خیال رہے کہ رواں برس اپریل میں وفاقی حکومت نے 6 وفاقی وزارتوں کے قلمدان میں ردوبدل کیا تھا اور فواد چوہدری سے اطلاعات و نشریات کی وزارت واپس لے کر انہیں سائنس اینڈ ٹیکنالوجی کا وزیر بنایا تھا۔بعد ازاں پنجاب کابینہ میں تبدیلی سے متعلق زیر گردش اطلاعات سے متعلق وزیر اطلاعات پنجاب صمصام بخاری نے کہا تھا کہ پنجاب کابینہ میں فی الحال وزرا کی تبدیلی کا کوئی امکان نہیں ہے۔

شوبز

امیتابھ بچن اوردپیکا پڈوکون سب سے زیادہ پسند کیے جانیوالے افراد میں شامل

لندن(ویب ڈیسک) بالی ووڈ کے شہنشاہ امیتابھ بچن اور اداکارہ دپیکا پڈوکون رواں سال سب سے زیادہ پسند کیے جانے والے افراد کی فہرست میں شامل ہوگئے ہیں۔برطانوی گلوبل پبلیکیشن اورڈیٹا کمپنی ”یوگوو“ نے ان افراد کی فہرست جاری کی ہے جنہیں 2019 میں سب سے زیادہ پسند اور سراہا گیا۔ اس ادارے کی جانب سے کیے جانے والے آن لائن انٹرویو میں 35 ممالک کے تقریباً 37 ہزار افراد نے حصہ لیا اوردنیا بھر سے اپنی پسندیدہ شخصیت کے لیے ووٹ کیا۔ اس فہرست میں دنیا بھر میں پسند کیے جانے والے 20 مرد اور 20 خواتین شامل ہیں۔

امیتابھ بچن


فہرست کے مطابق بالی ووڈ کے شہنشاہ امیتابھ بچن 12 ویں نمبر پر شامل ہیں۔

شاہ رخ خان


بالی ووڈ کنگ شاہ رخ خان فہرست میں 16 ویں نمبر پر براجمان ہیں، لوگوں نے انہیں بھی بے حد پسند کیا ہے۔

سلمان خان


بھارتی فلم انڈسٹری کے سلطان سلمان خان کی مقبولیت شاہ رخ خان کے مقابلے میں تھوڑی سی کم ہے جب ہی تو وہ شاہ رخ خان سے دو نمبر نیچے یعنی اٹھارہویں نمبر پر موجود ہیں۔

دپیکا پڈوکون

دنیا میں سب سے زیادہ پسند کی جانے والی خواتین کی فہرست میں بالی ووڈ اداکارہ دپیکاپڈوکون 13 ویں نمبر پر براجمان ہیں۔

ایشوریا رائے، سشمیتاسین

اداکارہ ایشوریارائے اور سشمیتا سین بھی فہرست میں جگہ بنانے میں کامیاب ہوگئی ہیں، ایشوریا سولہویں اور سشمیتا سین سترہویں نمبر پر ہیں۔

اہم خبریں, پاکستان

پنجاب کابینہ میں تبدیلی: صمصام بخاری سے وزارت اطلاعات کا قلمدان واپس لے لیا گیا

لاہور:(ویب ڈیسک)وزیر اعلی پنجاب عثمان بزدار نے پنجاب کابینہ میں تبدیلی کرتے ہوئے صوبائی وزیر اطلاعات صمصام بخاری سے وزارت اطلاعات کا قلمدان واپس لے لیا گیا۔صوبائی وزرا کے محکموں میں تبدیلی کے بعد صمصام بخاری کو کنسولیڈیشن ہولڈنگز کا شعبہ دیا گیا ہے۔وزیر صنعت میاں محمد اسلم اقبال کو صوبائی وزیر اطلاعات کا اضافی چارج دیا گیا ہے جبکہ یاسر ہمایوں سے محکمہ سیاحت کا قلمدان واپس لے لیا گیا ہے۔اس سے قبل یاسر ہمایوں کے پاس محکمہ ہائر ایجوکیشن اور محکمہ سیاحت کا قلمدان موجود تھا۔وزیر اعلیٰ پنجاب نے وزیر برائے نوجوان امور اور کھیل محمد تیمور خان کو سیاحت کا محکمہ بھی سونپ دیا ہے۔صوبائی وزیر قانون محمد راجہ بشارت سے محکمہ بلدیات کا اضافی چارج واپس لے لر سماجی فلاح و بہبود اور بیت المال کا اضافی چارج دیا گیا ہے۔وزیراعلیٰ پنجاب نے وزیر سوشل ویلفیئر اور بیت المال کا قلمدان واپس لے کر وزیراعلیٰ کی انسپیکشن ٹیم کا چارج دیا گیا ہے۔پنجاب کابینہ میں رد و بدل کا فیصلہ گزشتہ روز وزیراعظم عمران خان دورہ لاہور کے دوران ہوا تھا۔گزشتہ روز وزیراعظم نے اجلاس میں اصوبائی وزرا کی کارکردگی کا جائزہ لیا تھا اور جن وزرا کی کارکردگی سے غیر مطمئن تھے ان کی وزارتیں تبدیل کرنے سے متعلق وزیراعلیٰ پنجاب کو حکم دیا تھاجس سے متعلق نوٹیفکیشن بھی جاری کردیا گیا ہے۔خیال رہے کہ رواں برس اپریل میں وفاقی حکومت نے 6 وفاقی وزارتوں کے قلمدان میں ردوبدل کیا تھا اور فواد چوہدری سے اطلاعات و نشریات کی وزارت واپس لے کر انہیں سائنس اینڈ ٹیکنالوجی کا وزیر بنایا تھا۔بعد ازاں پنجاب کابینہ میں تبدیلی سے متعلق زیر گردش اطلاعات سے متعلق وزیر اطلاعات پنجاب صمصام بخاری نے کہا تھا کہ پنجاب کابینہ میں فی الحال وزرا کی تبدیلی کا کوئی امکان نہیں ہے۔

دلچسپ و عجیب

40 سال سے بال نہ دھونے والا بھارتی شہری

بھارت:(ویب ڈیسک)اکثر مرد حضرات کو بھی بال بڑھانے اور انہیں خواتین کی طرح لمبا اور گھنا رکھنے کا شوق ہوتا ہے لیکن ایک بھارتی شہری نے اپنے بال لمبے تو کیے مگر 40 سال سے انہیں دھونے کی زحمت تک نہ کی۔63 سالہ ’ساکل دیو توڈو‘ نامی شخص کے بال تقریباً 6 فٹ لمبے ہیں اور اس کا کہنا ہےکہ اس نے 40 سال سے بال دھوئے ہیں اور نہ کاٹے ہیں جس کی وجہ سے اس کے بال بری طرح الجھ گئے ہیں۔ساکل دیو کا تعلق بھارت کی ریاست بہار سے ہے، اس کا کہنا ہے کہ 22 سال کی عمر سے اپنے بال بڑھانا شروع کیے تھے اور وہ ان بالوں کو اپنے ہندو خدا ’شیوا‘ کی طرف سے رحمت سمجھتا ہے، یہی وجہ ہے کہ اس نے 40 سال سے اپنے بال نہ کبھی دھوئے اور نہ ہی کٹوائے ہیں۔6 فٹ لمبے بالوں کو مزید گندے ہونے سے بچانے کے لیے یہ اس نے انہیں سفید رنگ کے کپڑے لپیٹ رکھا ہے۔جب سے ساکل دیو نے اپنے بال بڑھانا شروع کیے ہیں لوگ اسے ’مہاتما جی‘ کے نام سے جانتے ہیں جو کہ ان لوگوں کے نزدیک عزت احترام کا باعث ہے۔ساکل دیو کو لگتا ہے کہ اس کے پاس قدرتی طور پر ایسی طاقت ہے کہ یہ لوگوں کے مسائل کو حل کرسکتا ہے۔ساکل بھارت کا پہلا آدمی نہیں ہے جو کہ اپنے لمبے بالوں کی وجہ سے مشہور ہے بلکہ گجرات سے تعلق رکھنے والا ’سوجی بھائی راتھوا‘ نامی شخص کے بھی 19 میٹر لمبے بال ہیں۔