لاہور(مانیٹرنگ ڈیسک) کالم نگارثمر بھٹی نے کہا کہ شہباز شریف کے بارے میں شیخ رشید نے کہا تھا یہ نواز شریف سے بڑا چور ہے یہ بات اب ثابت ہو گئی یہ لوگ بین الاقوامی چور ہیں۔انہوں نے کسی ملک کو نہیں چھوڑا ابھی ن لیگ کے بہت سے سکینڈل سامنے آنے ہیں۔ن لیگ نے صرف کاغذوں میں کام کئے۔ان کا حال بھی الطاف حسین جیسا ہو گا۔ چینل فائیو کے پروگرام کالم نگار میں گفتگو کرتے ہوئے انہوں نے کہا کہ مرید عباس قتل کے حوالے سے انہوں نے کہا بہت سے دیگر اینکرز کے نام بھی سامنے آئے ہیں جو ٹائروں کے کاروبار میں شریک تھے۔پیسہ زیادہ ہونے کے باعث کیس نیب کو دیا جا رہا ہے۔موبائل فون ری چارج پر ٹیکس کٹوتی کم ہونا عوام کے لئے بڑی خوشخبری ہے۔ اونے پونے گلابی سونا یعنی نمک بھارت کو دینے کی خبر چینل فائیو و خبریں نے ہائی لائٹ کی جو بڑا اعزاز ہے۔ کالم نگار میاں حبیب نے کہا ہے کہ شہباز شریف کے خلاف نئے سکینڈل آنے سے پاکستانی سیاست میں ہلچل مچ گئی ہے۔موجودہ حکومت بھی چور چو ر بہت کرتی تھی لیکن کر کچھ نہیں رہی۔اب صرف باتیں ہی کرنی ہیں یا ریکوری بھی کرنی ہے عوام تو نتائج چاہتے ہیں۔انہوں نے کہا کہ موبائل فون ری چارج پر ٹیکس کٹوتی کم ہونے سے عوام کو ریلیف ملا لیکن موبائل کا زیادہ استعمال بھی خطرناک رجحان ہے۔انہوں نے کہا کہ نمک کی کانوں میں پاکستان میں بڑے برے طریقے سے کان کنی ہو رہی ہے جس سے انسانی جانیں خطرے میں پڑ رہی ہے۔میرے خیال میں تو کرکٹ ورلڈ کپ دونوں ٹیمیں جیتی ہیں ٹرافی دو دو سال رکھیں تو شاید مناسب ہو گا۔ کالم نگارطارق ممتاز ملک نے کہا کہ اس سے قبل قرض اتاروں ملک سنوارو مہم شروع کی گئی تھی۔بیرون ملک سے جو لوگ امداد مانگتے ہیں یہ لوگ ان سے زیادہ امیر ہیں لیکن اپنی جیب سے پیسہ خرچ نہیں کرتے باہر جا کر ہاتھ پھیلاتے ہیں۔زلزلہ زدگان کے لئے امداد بھی باہر سے آئی تھی اب اپوزیشن کہتی ہے ہم سے سوال کر کے ہم پر ظلم کیا جا رہا ہے۔رقم شریف برادران نے اپنے ہی اکا?نٹ میں ڈلوا لی۔انہوں نے کہا لوگ مہنگائی کی چکی میں پس رہے ہیں جس کے باعث جرائم بڑھ رہے ہیں جس کے ذمہ دار حکمران بھی ہیں۔بھارت ہم سے سستا نمک لے کر اربوں ڈالر کما رہا ہے۔آئی سی سی انگلینڈ کے نیچے کام کرتی ہے جس کے باعث امپائر پر دبا? ہوتا ہے۔ کالم نگارشاہد اقبال بھٹی نے کہا کہ جب تک شواہد نہ ہوں کوئی الزام نہیں لگانا چاہئیں اپوزیشن کہتی ہے ہم نے پیسے نہیں دینے حکومت کہتی ہے ہم نے لینے ہیں جب زلزلہ آیا شہباز شریف کی حکومت نہیں تھی ہمیں حقائق بھی دیکھنے چاہئیں۔میں سمجھتا ہوں حکومت کو کام کرنا چاہئے چوہے بلی کا کھیل اب ختم کیا جائے ملکی معیشت کی طرف توجہ دی جائے تاکہ عوام کو ریلیف ملے۔بجلی اور پٹرول کی قیمتیں کم ہونی چاہئیں۔البتہ بجلی جو زیادہ استعمال کرتے ہیںبجلی صرف انہی کے لئے مہنگی ہونی چاہئے۔

لاہور (مانیٹرنگ ڈیسک) مسلم لیگ ن کی رہنمائ طاہرہ اورنگزیب نے کہا ہے کہ لندن کے جس اخبار نے شہباز شریف کے خلاف خبر چھاپی اس کی کوئی ساکھ نہیں خبر جھوٹی اور بے بنیاد ہے۔ میں تو کہتی ہوں شہباز شریف کو اس اخبار کے خلاف عدالت جانا چاہئے۔ چینل ۵ کے پروگرام ”نیوز ایٹ سیون“میں گفتگو کرتے ہوئے مخالفین ایسی جھوٹی خبریں اچھال کر شہباز شریف کو بدنام کر رہے ہیں شہباز شریف کے خلاف کرپشن کا کوئی ثبوت نہیں۔الزامات سے کچھ نہیں ہو گا الٹا حکومت ہی ایکسپوز ہو گی۔تحریک انصاف انتقامی سیاست کر رہی ہے۔جماعت اسلامی کے رہنما ئ فرید پراچہ نے کہا کہ بظاہر تو زلزلہ متاثرین کی امداد میں خوردبرد بڑی غلط بات ہے۔میرے خیال میں جو بات سامنے آئی اگر حقیقت ہے تو یہ بڑی ہی سنگدلی ہے۔شہباز شریف کو چاہئے اپنے اوپر الزامات کے ثبوت مانگیں اگر ایسا نہیں ہوا تو پھر دال میں کچھ کالا ہے۔شہباز شریف لندن کے اخبار کو فوری نوٹس دیں الزام کو کلیئر کرنا شہباز کی ذمہ داری بھی ہے۔ انہوں نے بتایا فنڈز کے معاملے میں دنیا جماعت اسلامی پر اعتماد کرتی ہے۔ ریزیڈنٹ ایڈیٹر میاں غفار نے بتایا جج ارشد ملک ڈیرہ غازیخان میں تعینات رہے ہیں میاں طارق وہاں کا چلتا پھرتا شخص ہے جس کے ججوں سے بہت تعلقات ہیں وہ خبریں وغیرہ بھی ٹرانسفر کرتا رہتا ہے اداروں کو اور ہمیں معلومات دیتا رہتا ہے۔اس کا جج ارشد ملک سے پرانا تعلق تھا یہ اس کے ساتھ میرے دفتر آئے تھے یہ میرے پاس انتیس جون کو آئے تھے ویڈیو موجود ہے۔ایک چینل بغیر تحقیق کہتا ہے اٹھائیس جون کو آئے تھے سارا میڈیا لگی لپٹی میں لگا ہے۔ہم کسی کے پاس نہیں گئے۔شاید جج صاحب کو معلومات تھیں میرے پاس کوئی خبر ہے اس سے قبل جج ارشدملک سے میری کبھی ملاقات نہیں ہوئی نہ میں انہیں جانتا ہوں نہ پہنچانتا ہوں۔ان کے آنے سے قبل مجھے نہیں پتہ تھا جو بندہ ملنے آ رہا ہے وہ جج ارشد ملک ہے میاڈ طارق کی شہر ت کوئی اتنی اچھی نہیں اس کا بھائی منشیات میں پکڑا گیا تھا۔جج ارشد ملک نے مجھے بتایا نواز شریف کی دنیا میں228 جائیدادوں کے ثبوت ہم نے نکال لئے ہیں۔والیم ٹین کے حوالے سے بھی انہوں نے بتایا۔جس گاڑی میں جج آئے وہ میاں طارق کی تھی۔میں نے بتایا ہمیں سختی سے ہدایت ہے عدلیہ کے حوالے سے کچھ نہیںچھاپتے کیونکہ فوج ،عدلیہ ہمارے ملک کے تحفظ کی ضمانت ہیں۔

اسلام آباد(ویب ڈیسک) امریکا کے لیے پاکستان سے براہ راست پروازیں شروع ہونے کا امکان پیدا ہوا ہے، ہوم لینڈ سیکورٹی کا 12 رکنی وفد جیسن شوابل کی قیادت میں اسلام آباد پہنچ گیا۔تفصیلات کے مطابق وزیر اعظم عمران خان اور حکومت کی خارجہ پالیسی کے ثمرات آنا شروع ہو گئے، امریکا کے لیے پاکستان سے براہ راست پروازیں شروع ہونے کا امکان ہے۔ہوم لینڈ سیکورٹی کا 12 رکنی وفد جیسن شوابل کی قیادت میں اسلام آباد پہنچ گیا ہے، ٹی ایس اے ٹیم 18 جولائی کو کراچی ایئر پورٹ کا دورہ کرے گی۔ٹی ایس اے ٹیم بورڈنگ پراسیس، اسکریننگ، اور سیکورٹی نظام کی جانچ کرے گی، ٹیم اے ایس ایف ہیڈ کوارٹرز اور پی آئی اے ہیڈ آفس کا دورہ بھی کرے گی۔خیال رہے کہ امریکی ٹرانسپورٹ سیکورٹی اتھارٹی پہلی بار پاکستان کا دورہ کر رہی ہے جو پاکستان کے لیے ایک اچھی خبر ہے اور امکان ہے کہ امریکا کے لیے پاکستان سے براہ راست پروازیں شروع ہوں۔خیال رہے کہ گزشتہ ماہ خبر آئی تھی کہ پی آئی اے انتظامیہ نے غیر ضروری اخراجات کو کنٹرول کرنے کے لیے کراچی سے براہ راست لندن جانے والی پروازیں ختم کرنے کا فیصلہ کر لیا ہے۔پی آئی اے پہلے کراچی سے لندن کے لیے براہ راست ہفتہ بھر میں تین پروازیں آپریٹ کرتی تھی، تاہم لوڈ کم اور اخراجات میں اضافے کی وجہ سے یہ فیصلہ کیا گیا تھا۔

اسلام آباد(ویب ڈیسک) شہباز شریف خاندان کے خلاف وزیراعظم کے معاون خصوصی شہزاد اکبر دستاویزات سامنے لے آئے۔اسلام آباد میں پریس کانفرنس کرتے ہوئے شہزاد اکبر نے کہا کہ ڈیلی میل کی خبر کے مطابق شہباز شریف کی فیملی چھبیس ملین ڈالر کی منی لانڈرنگ میں ملوث ہے، حمزہ شہباز کے نوے فیصد اثاثے اسی طرح ٹی ٹی سے بنے، سلیمان شہباز کے تمام پیسے بھی اسی طرح باہر سے آئے، شہباز شریف کی اہلیہ کے اسی فیصد اثاثے بھی منی لانڈرنگ سے بنے، داماد علی عمران کی کمپنی میں زلزلہ زدگان کی امداد کے پیسے آئے۔شہزاد اکبر کا کہنا تھا کہ شہبازشریف مجھ پر لندن میں مقدمہ کریں، ان کے خلاف تمام ثبوت موجود ہیں، جس مرضی عدالت میں چیلنج کیا جائے ان کا جواب دیا جائیگا، شہباز شریف نے اس پیسے سے جو مال بنایا ہے وہ واپس لیا جائیگا، آنے والے دنوں میں ان کے مزید جعلی معاملات سامنے لائیں گے۔