لاہور( و یب ڈ سک )نیب نے نواز شریف کو اشتہاری قرار دلانے کے لیے احتساب عدالت سے رجوع کرنے کا فیصلہ کیا ہے۔نیب ذرائع کے مطابق نیب نے اس حوالے سے اراضی کیس میں نواز شریف کے وارنٹ گرفتاری جاری کرانے کے لیے قانونی تقاضے بھی پورے کر لیے ہیں۔نیب ذرائع کا کہنا ہے کہ نوازشریف متعدد بار طلبی کے باوجود پیش نہیں ہوئے اور انہوں نے نیب کے سوال نامے کا جواب بھی نہیں دیا، نواز شریف کو اشتہاری قرار دلانے کے لیے احتساب عدالت سے رجوع کیا جائے گا۔
اسلام آباد( و یب ڈ سک ) آٹا چینی بحران کی تحقیقات کرنے والے کمیشن کی فرانزک رپورٹ تاخیر کا شکارہوگئی۔مذکورہ رپورٹ گزشتہ روز منظر عام پر آنا تھی تاہم کمیشن نے وفاقی حکومت سے اپنی تفصیلی رپورٹ پیش کرنے کیلیے مزید تین ہفتے کی مہلت مانگ لی ہے،وزیر اعظم کے معاون خصوصی برائے احتساب شہزاد اکبر نے اپنے ایک ٹوئیٹ میں کہا ہے کہ کمیشن کی مہلت کی درخواست پر منگل کو ہونے والے کابینہ اجلاس میں فیصلہ کیا جائے گا۔وزیراعظم عمران خان کی ہدایت پر چینی اور گندم کے بحران کی تحقیقات کرنے والی انکوائری کمیٹیوں کی رپورٹس 4 اپریل کو جاری کی گئی تھیں، وزیراعظم نے چینی بحران سے متعلق تحقیقات کرنے والی کمیٹی کو شوگر ملوں کا فرانزک تجزیہ کرنیکی بھی ہدایت کی، وزیراعظم نے ڈائریکٹر جنرل ایف آئی اے واجد ضیا کی سربراہی میں آئی بی کے سینئر افسر اور ڈائریکٹر جنرل اینٹی کرپشن اسٹیبلشمنٹ پنجاب پر مشتمل دو اعلیٰ سطح کمیٹیاں قائم کیں جنہیں چینی اور گندم کی قیمت میں اضافے اور بحران کی وجوہات جاننے کیلیے تحقیقات کی ذمے داری تفویض کی گئی تھی، وزیراعظم نے اعلان کیا تھا کہ فرانزک رپورٹ ا?نے پر ذمے داروں کو سخت سزا دی جائے گی۔وزیر اعظم نے ابتدائی تحقیقاتی رپورٹ کو عوام کے سامنے لانے کا وعدہ کیا جسے انھوں نے کچھ عرصہ قبل رپورٹ پبلک کرتے ہوئے پورا کیا،رپورٹ میں جہانگیر ترین اور خسرو بختیار سمیت کئی اہم تین افراد کی جانب سے چینی پر دی جانے والی سبسڈی سے فائدہ اٹھانے کاانکشاف کیا گیا تھا،تحقیقاتی رپورٹ میں بتایا گیا تھا کہ چینی کے برآمد کنندگان نے دو طریقوں سے فائدہ اٹھایا ایک حکومتی سبسڈی حاصل کر کے دوسرا مقامی مارکیٹ میں چینی کی قیمت میں اضافہ کر کے فائدہ حاصل کیا گیا۔ رپورٹ کے مطابق سوائے پنجاب حکومت کے کسی دوسری صوبائی حکومت نے شوگر ملوں کو سبسڈی نہیں دی تھی،پنجاب حکومت نے تین ارب روپے سبسڈی کی مد میں ادا کئے۔
اسلام آباد( و یب ڈ سک ) کابینہ کی اقتصادی رابطہ کمیٹی (ای سی سی) وزیراعظم ریلیف پیکج کے تحت صنعتوں کو بجلی، گیس بلوں میں رعایت دے گی۔خبر یں نیوز کے مطابق کل مشیر خزانہ حفیظ شیخ کی زیر صدارت کابینہ کی اقتصادی رابطہ کمیٹی کا اجلاس ہو گا، اور ای سی سی کے اس اجلاس میں صنعتوں کو بلوں کی مد میں ریلیف ملنے کا امکان ہے، صنعتوں کو بجلی و گیس بلوں میں رعایت وزیراعظم ریلیف پیکج کے تحت دی جائے گی، جب کہ وزارت صنعت و پیداوار کا چھوٹا کاروبار امدادی پیکج ایجنڈے میں شامل ہے۔ذرائع کا کہنا ہے کہ ای سی سی کے اجلاس میں چھوٹا کاروبار امدادی پیکج کی منظوری دی جائے گی اور چھوٹا کاروبا امدادی پیکج سے لاکھوں کاروبار فائدہ اٹھائیں گے۔
سیالکوٹ( و یب ڈ سک ) معاون خصوصی برائے اطلاعات و نشریات ڈاکٹر فردوس عاشق اعوان کا کہنا ہے کہ حکومت اور علما کے درمیان معاہدے پر عمل درآمد پر تحفظات ہیں۔سیالکوٹ میں میڈیا سے بات کرتے ہوئے فردوس عاشق اعوان نے کہا کہ حکومت کو ہر سوچ اور مکتبہ فکر کے افراد کا تعاون درکار ہے، موجودہ صورتحال میں امام، خطیب اور موذن کا بھی اہم کردار ہے، عوام کی نظریں مذہبی رہنماو¿ں اورعلماکی طرف ہیں، حکومت اور علما کے درمیان معاہدے پر عمل پر تحفظات ہیں۔ صدر مملکت نے علما کو لکھے خط میں تحفظات کا اظہار کیا ہے، علما نے یقین دہانی کرائی ہے کہ وہ مساجد کو کورونا کے پھیلاو کا ذریعہ نہیں بننے دیں گے، امید ہے تمام مساجد کی انتظامیہ اپنا کردار مزید موثر بنائے گی، 20 نکاتی معاہدے پر من و عن عمل کیا جائے، اگر کہیں کمی بیشی ہے تو درست کیا جائے۔معاون خصوصی نے کہا کہ ڈاکٹرز کورونا کے خلاف ہمارے سپاہی ہیں، ہمیں ان کی خدمات پر فخر ہے، ڈاکٹرز بے چینی اور اضطراب کا اظہار کررہے ہیں، ہمیں ڈاکٹروں کے جان و مال کی حفاظت کو یقینی بنانا ہے، حکومت نے اسمارٹ لاک ڈاوَن کا فیصلہ کیا ہے، اسمارٹ لاک ڈاوَن کے ذریعے ہمیں قوم کو خوف سے بچانا ہے، ٹیکنالوجی کے ذریعےمخصوص علاقے کو سیل کیاجائے گا۔فردوس عاشق اعوان نے کہا کہ وزیراعظم عمران خان کورونا وائرس سے نبردآزما ہیں، فراغت کا شکار اپوزیشن لیڈر گولہ باری کرتے رہتے ہیں ، ہمیں مجبوراً تنقید کا جواب دینا پڑتا ہے، وزیراعظم بار بار دہرا چکے ہیں کورونا پر سیاست نہیں کرنی، سیاسی طور پر آئیسولیشن کے شکار اپوزیشن لیڈر سیاسی حملے کررہے ہیں۔معاون خصوصی کا کہنا تھا کہ آٹا چینی کمیشن کو 3 سال کے آڈٹ کا مینڈیٹ دیاگیا ہے، لاک ڈاوَن کے باعث افرادی قوت میں کمی رہی، آٹا چینی کمیشن نے تحقیقات کے لئے مزید 3ہفتے کا وقت مانگا ہے، کمیشن کےوقت مانگنے کا مقصد یہ ہے کہ شفافیت کو برقرار رکھ سکیں، کمیشن کی درخواست پر کابینہ میں غور کیا جائے گا۔ اپوزیشن لیڈر نے وزیراعظم کو تنقید کا نشانہ بنایا، گزشتہ 10سال میں سب سے زیادہ سبسڈیز دی گئیں، سب سے زیادہ سبسڈی شریف خاندان نے لی، آٹا چینی کمیشن میں وزیراعظم کا کوئی رشتہ دار ملوث نہیں۔
کراچی( و یب ڈ سک ) وزیراعلیٰ سندھ مراد علی شاہ کا کہنا ہے کہ سندھ میں گزشتہ 24 گھنٹوں میں پہلی بار 383 کیسز سامنے آئے جس میں سے سب سے زیادہ 273 کراچی میں رپورٹ ہوئے ہیں۔کورونا وائرس کی صورتحال سے متعلق اپنے ویڈیو پیغام میں وزیراعلیٰ سندھ سید مراد علی شاہ کا کہنا تھا کہ ٓج اچھی خبر نہیں ہے، گزشتہ 24 گھنٹوں میں ہم نے 3028 ٹیسٹ کیے جس کے نتیجے میں 383 نئے کیسز سامنے آئے، آج کورونا کی وباءکو 61واں دن ہے اور 24 گھنٹوں میں 383 کیسز پہلی مرتبہ رپورٹ ہوئے ہیں، 383 کیسز میں سے سب سے زیادہ 273 کراچی میں رپورٹ ہوئے ہیں۔وزیراعلیٰ سندھ نے کہا کہ ضلع وسطی کراچی میں 99، ضلع جنوبی میں 80،ضلع شرقی میں 66، ضلع غربی میں 20، کورنگی میں 26 اور ملیر میں 10کیسز سامنے آئے، سکھر میں 17، حیدرآباد میں 7، نوشہروفیروز میں 4، خیرپور میرس، ٹھٹھہ، بدین اور مٹیاری میں دو دو کیسزسامنے آئے، سانگھڑ، جامشورو، دادو اور لاڑکانہ میں ایک ایک کورونا کیس سامنے آیا۔مراد علی شاہ نے کہا کہ ہم نے اب تک کل 41216 ٹیسٹ کئے ہیں، 4615 کیسز سامنے آئے ہیں جو کل ٹیسٹ کا 11.2 فیصد ہے، پچھلے 24 گھنٹوں میں 3 مریض کورونا کے باعث انتقال کرگئے، جاں بحق ہونے والوں کی تعداد 81 ہوگئی جو ک±ل مریضوں کا 1.8 فیصد ہے، اس وقت 3662 مریض زیرعلاج ہیں۔وزیراعلیٰ سندھ کا کہنا تھا کہ ہمارے 41 مریضوں کی حالت تشویشناک ہے اور ان میں 12 وینٹی لیٹرز پر ہیں، 2432 یا 66 فیصد کورونا کے مریض گھروں میں آئیسولیٹ ہیں، 767 یا 21 فیصد آئیسولیشن مراکز جب کہ 463 یا 13 فیصد اسپتالوں میں زیرعلاج ہیں۔ انہوں نے مزید کہا کہ آن لائن بزنس کی اجازت دی ہے لیکن آپ تمام احتیاطی تدابیر جیسا کہ ماسک پہننا، ایک دوسرے سے دور رہنا زندگی کا معمول بنائیں۔
لا ہو ر( و یب ڈ سک ) سندھ حکومت کے ترجمان بیرسٹر مرتضیٰ وہاب نے کہا ہے کہ تاجروں اور صنعت کاروں سے کاروبار کھولنے کے عوض بھتہ مانگنے کے الزامات من گھڑت اور بے بنیاد ہیں اور اس حوالے سے وائرل آڈیو جعلی ہے۔ترجمان سندھ حکومت اور مشیر قانون و ماحولیات بیرسٹر مرتضیٰ وہاب نے کہا ہے کہ سندھ حکومت کے خلاف گمراہ کن آڈیو اور ویڈیو ٹیپ چلائی گئی جس کے لیے ہم نے ایف آئی اے کو مراسلہ لکھ دیا ہے، آڈیو ٹیپس کے ذریعے ہم پر صنعت کاروں اور تاجروں سے رشوت طلب کرنے کے الزامات لگائے گئے جب کہ بعد میں خود تاجر رہنماوں نے ان الزامات کو مسترد کردیا۔سندھ حکومت کی جانب سے ارسال کیے گئے خط میں کہا گیا ہے کہ کورونا وائرس کی عالمی وبا کے حفاظتی تناظر میں بعض عناصر سندھ حکومت کے اقدامات پر عمل درآمد نہ کرنے کے لیے تاجر برادری کو اکسا رہے ہیں، اس طرح کی جھوٹی آڈیو ٹیپ پھیلانے والوں کے خلاف کارروائی کا مطالبہ کرتے ہیں، ان کے خلاف سخت قانونی کارروائی کی جائے۔مرتضیٰ وہاب کا کہنا تھا کہ آڈیو ٹیپ کو پھیلانے کا مقصد سندھ حکومت کے خلاف من گھڑت پروپیگنڈا مہم چلانا، عوام کی خدمت سے روکنا اور ہمارے ارادوں کو متزلزل کرنا تھا جس کی حقیقت عیاں ہوچکی ہے، تحریک انصاف کے رہنما حلیم عادل شیخ نے بھی جعلی آڈیو اپنے ٹویٹر اکاو¿نٹ پر بغیر کسی تصدیق کے شیئر کی جو سائبر کرائم کے زمرے میں آتا ہے۔ترجمان حکومت سندھ نے کہا کہ صنعت کاروں سے منسوب جعلی آڈیو ٹیپس میں بھتے کا الزام لگایا گیا جو سراسر من گھڑت اور بے بنیاد الزامات پر مبنی ہیں، عوام کی فلاح و بہبود اور خدمت کرنے میں صوبائی حکومت کی عوامی مثبت رائے نے مخالفین کو بوکھلا دیا ہے اور وہ کسی انجانے خوف کا شکار ہو چکے ہیں۔
کراچی( و یب ڈ سک ) سندھ حکومت نے لاک ڈاون اور رمضان میں مہنگی اشیاءفروخت کرنے والوں کےخلاف خلاف سخت کریک ڈاون کا اعلان کردیا۔سندھ حکومت نے منافع خوروں اور ذخیرہ اندوزی کرنے والوں کے خلاف دفعہ 2008 سیکشن 7 اے کے تحت کارروائی کرنے کا فیصلہ کیا ہے، وزیرزراعت محمد اسماعیل راہو نے اس ضمن میں کہا ہے کہ صوبے میں تمام ذمہ دار افسران کومنافع خوروں اورذخیرہ اندوزی کرنے والوں کے خلاف فوری کارروائی کاحکم جاری کردیا گیا ہے۔وزیرزراعت نے کہا کہ صوبے کے تمام ڈپٹی کمشنرز، ایڈیشنل ڈپٹی کمشنرز، اسسٹنٹ کمشنرز اورمختیارکارز بطور پرائز میجس ٹریٹس اپنے فرائض انجام دیں گے، تمام پرائزمیجسٹریٹس کو ناجا ئز قیمتیں وصول کرنے والوں کے خلاف چھاپے مارنے کے اختیار ہونگے، صوبے بھر میں سپلائی پرائسزکے افسران تمام پرائز میجسٹریٹ کےساتھ کارروائی کریں گے۔صوبائی وزیر نے کہا کہ صوبے میں پرائز بیورو کے 119 انسپیکٹرز کی ڈیوٹی لگائی ہے، کراچی میں 28 سپلائی بیورو کے افسران پرائس میجسٹریٹس کے ساتھ منافع خوروں کے خلاف کارروائی کریں گے، صوبے بھر میں ضلعی سطح پر مانیٹرنگ روم قائم کردیے گئے ہیں۔ انہوں نے کہا کہ ماہ رمضان کے پہلے دن ہی منافع خوروں اور ذخیرہ اندوزی کرنے والوں کے خلاف شکایتیں موصول ہوئی ہیں، اگر کسی دکاندار,فروٹ یا سبزی والے کے پاس پرائز لسٹ نہیں ہوگی تو اسکے خلاف کاررو ائی ہوگی۔
شنگھائی( و یب ڈ سک ) چینی شہر ووہان سے کورونا وائرس مکمل طور پر ختم ہوگیا اور تمام مریضوں کو صحت یاب ہونے پر اسپتالوں سے گھروں کو روانہ کردیا گیا۔عالمی خبر رساں ادارے رائٹرز کے مطابق عالمی وبا کورونا وائرس پھوٹنے کے مرکز چینی شہر ووہان سے کورونا وائرس مکمل طور پر ختم ہوگیا، چینی محکمہ صحت کے حکام کا کہنا ہے کہ ووہان کے اسپتالوں میں موجود کووڈ 19 کے تمام مریض صحت یاب ہوچکے ہیں اور انہیں گھروں کو روانہ کردیا گیا ہے اور اب وہاں ایک بھی مریض زیر علاج نہیں۔چینی نیشنل ہیلتھ کمیشن کے ترجمان می فینگ نے بریفنگ میں بتایا کہ آج 26 اپریل کی تاریخ میں ووہان شہر سے کورونا وائرس کے مریضوں کی تعداد صفر ہوچکی ہے، ہم ووہان کی انتظامیہ اور ملک بھر کے طبی عملے کے شکر گزار ہیں جنہوں نے اس وبا کے خلاف اپنا کردار ادا کیا۔واضح رہے کہ نوول کورونا وائرس کے بارے میں خیال کیا جاتا ہے کہ اس کا آغاز چین کے صوبے ہوبی کے اس شہر ووہان کی گوشت مارکیٹ سے ہوا جہاں دسمبر میں پہلا کیس رپورٹ ہوا جس کے بعد یہ وائرس عالمگیر وبا کی صورت اختیار کرگیا۔اس وائرس سے صرف ووہان میں 46 ہزار 452 افراد متاثر ہوئے یہ تعداد چین کے مجموعی مریضوں کی تعداد کا 56 فیصد ہے جب کہ ملک کی 86 فیصد ہلاکت اسی شہر میں ہوئیں اور یہ تعداد 3 ہزار 869 ہے۔ حکومت نے ووہان میں سخت لاک ڈاون کیا اور حفاظتی اقدامات اختیار کیے جس کے نتیجے میں انہیں اس وبا سے نجات حاصل ہوئی۔
تہران( و یب ڈ سک ) ایران کے صدر حسن روحانی نے کہا ہے کہ ہم خطے میں کسی بھی قسم کے تنازع کا آغاز نہیں کریں گے تاہم اپنے موثر دفاع کے لیے امریکی سرگرمیوں پر کڑی نظر رکھے ہوئے ہیں۔ایران کے سرکاری میڈیا کے مطابق صدر حسن روحانی نے اپنے امریکی ہم منصب کے بیان پر ردعمل دیتے ہوئے کہا کہ ایران کبھی جارحیت میں پہل نہیں کرتا لیکن ہم اپنا دفاع کرنے کی مکمل اہلیت اور قابلیت رکھتے ہیں جو کہ ہمارا حق بھی ہے۔صدر حسن روحانی نے امریکی صدر کو مخاطب کرتے ہوئے کہا کہ ہم خطے میں کسی قسم کا نیا تنازع کھڑا کرنا نہیں چاہتے لیکن یہ بتادینا ضروری سمجھتے ہیں کہ خطے میں امریکی سرگرمیوں پر کڑی نظر رکھے ہوئے ہیں اور کسی قسم کی جارحیت پر فوری اور تباہ کن جواب دیں گے۔ایران کے پاسداران انقلاب کی جانب سے ملٹری سٹیلائٹ کو خلا میں زمین کے مدار کے قریب بھیجنے کے کامیاب تجربے پر امریکا اور ایران کے درمیان کشیدگی میں اضافہ ہوگیا ہے اور صدر ٹرمپ نے اس حوالے سے اور امیر قطر سے ٹیلی فونک رابطہ کیا تھا جس کے بعد ایرانی صدر نے بھی قطر کے امیر شیخ تمیم بن حمد الثانی سے خصوصی بات چیت کی ہے۔واضح رہے کہ امریکی صدر ڈونلڈ ٹرمپ نے تین روز قبل ہی امریکی بحریہ کو خلیج فارس کے سمندروں میں ایرانی کشتیوں پر حملہ کرنے کی ہدایت کرتے ہوئے کہا تھا کہ اگر ایران امریکی جہازوں کو ہراساں کرے تو منہ توڑ جواب دیا جائے۔
واشنگٹن( و یب ڈ سک ) کورونا وائرس سے دنیا بھر میں ہونے والی ہلاکتیں 2 لاکھ سے تجاوز کرگئی ہیں جن میں سب سے زیادہ ہلاکتیں امریکا میں ہوئی ہیں۔عالمی خبر رساں ادارے کے مطابق کورونا وائرس سے ہونے والی بیماری کووڈ-19 نے دنیا بھر میں 2 لاکھ سے زائد جانیں لے لی ہیں، سب سے زیادہ ہلاکتیں امریکا میں ہوئیں جہاں 54 ہزار افراد لقمہ اجل بن گئے اس کے بعد اٹلی میں 30 ہزار، اسپین میں 26 ہزار، فرانس میں 25 اور برطانیہ میں 20 ہزار سے زائد افراد ہلاک ہوچکے ہیں۔اسلامی ممالک میں سب سے زیادہ افراد ایران میں ہلاک ہوئے جہاں تعداد 5 ہزار سے تجاوز کرگئی ہے جب کہ دوسرے نمبر پر ترکی ہے جہاں 3 ہزار کے قریب افراد اس مہلک وائرس سے جنگ کے دوران زندگی کی بازی ہار گئے۔ خلیجی ممالک میں کرفیو اور سخت اقدامات کے باعث کورونا وائرس کی تباہ کاریاں قدرے کم ہے۔اسی طرح دنیا بھر میں کورونا وائرس سے متاثر ہونے والوں کی تعداد 29 لاکھ کے قریب پہنچ چکی ہے، امریکا میں سب سے زیادہ افراد متاثر ہوئے ہیں جہاں تعداد ساڑھے نو لاکھ تک جا پہنچی ہے اور اسپتال مریضوں سے بھر گئے ہیں۔ اٹلی، اسپین، فرانس اور برطانیہ میں متاثرین کی تعداد میں بھی تیزی سے اضافہ ہوتا جا رہا ہے۔واضح رہے کہ چین سے شروع ہونے والے کورونا وائرس نے پوری دنیا میں ہی اپنے پنجے گاڑھ دیئے ہیں جب کہ اس مہلک وائرس کا مقابلہ کرنے والی ویکسین کی تیاری چین، امریکا، برطانیہ، روس اور جرمنی میں جاری ہے تاہم ویکسین کی دستیابی میں 12 سے 18 ماہ لگ سکتے ہیں۔
Error 403: The request cannot be completed because you have exceeded your quota..
Domain code: youtube.quota
Reason code: quotaExceeded
