کراچی(ویب ڈیسک)پاکستان اسٹاک ایکسچینج میں رواں ہفتے تیزی سے جہاں انڈیکس میں بہتری آئی وہیں سرمایہ کاروں کو بھی 542 ارب روپے سے زائد کا فائدہ ہوا ہے۔رواں کاروباری ہفتے مارچ سے 3 اپریل کے دوران پاکستان اسٹاک ایکسچینج مندی سے تیزی کی جانب گامزن ہوگئی۔ ہفتے کے آغاز میں ہنڈریڈ انڈیکس 27461 کی کم ترین سطح تک آگیا لیکن ہفتے کے اخٹتام تک یہ مندی تیزی میں بدل گئی انڈیکس 4300 سے زائد پوائنٹس اضافے کے بعد 31816 پر آگیا۔ اس طرح 100 انڈیکس میں 12.49 فیصد اضافہ ہوا۔کاروباری ہفتے کے دوران ایک ارب 13 کروڑ سے زائد شیئرز کے سودے ہوئے جن کی مالیت 37 ارب روپے سے زائد رہی۔ اس طرح مارکیٹ کیپٹلائزیشن 6016 ارب روپے ہوگئی ہے جب کہ سرمایہ کاروں کو ایک ہفتے میں 542ارب کا فائدہ ہوا۔

کراچی(ویب ڈیسک) پاکستان پیپلز پارٹی کے چیئرمین بلاول بھٹو زرداری نے کہا ہے کہ ہر قیمت پر اپنے عوام اور ان کے مفادات کا تحفظ کریں گے۔پاکستان پیپلز پارٹی کے بانی چیئرمین ذوالفقار علی بھٹو کی برسی کی مناسبت سے جاری بیان میں بلاول بھٹو زرداری نے کہا کہ سقوط ڈھاکا کے بعد پاکستان کی ہزاروں میل زمین اور 90 ہزار جوان دشمن کے قبضے میں تھے، ذوالفقار علی بھٹو نے آدھے سے زیادہ ملک گنوانے سے ہونے والی معاشی تباہی سے نمٹنے کے لیے میگا پروجیکٹس تشکیل دیئے، ان میگا پرجیکٹس میں اسٹیل ملز، پورٹ قاسم اور ہیوی میکینیکل کمپلیکس بھی شامل تھے، انہوں نے جوہری پروگرام کا آغاز اس لیے کیا کہ پھر کبھی ہماری خودمختاری پڑوسیوں رحم و کرم پر نہ ہو۔بلاول بھٹو زرداری نے کہا کی کورونا بحران کا مقابلہ کرنے کے لیے ذوالفقار علی بھٹو کے وڑن کی پیروی کرنی ہوگی، آج کڑے وقت میں پاکستان کے عوام ایک نئے ذوالفقار علی بھٹو کی تلاش میں ہیں، ایسا لیڈر جو ہمیں آپسی اختلافات کے باوجود متحرک کرے اور اس مہلک وباءسے نکالنے کے لئے قیادت کرے، ذوالفقار علی بھٹو کے پیغام پر یقین رکھنے والے تمام لوگ اور پیپلز پارٹی کسی بھی بحران میں عوام کو تنہا نہیں چھوڑ سکتے، ہم اپنے اجداد کی میراث کو جاری رکھیں گے اور ہر قیمت پر اپنے عوام اور ان کے مفادات کا تحفظ کریں گے۔

اسلام آباد(ویب ڈیسک) وزیراعظم عمران خان کا کہنا ہے کہ عوم غلط فہمی میں نہ رہیں کہ کورونا سے پاکستانیوں کو کچھ نہیں ہوگا، کورونا کسی کونہیں چھوڑتا۔کورونا ریلیف فنڈ کی تقریب سے خطاب کرتے ہوئے وزیراعظم عمران کان کا کہنا تھا کہ مشکل وقت قوموں کا امتحان ہوتا ہے جس میں انسان کے ایمان کا پتہ چلتا ہے، جب کاروبار میں نقصان کے دورمیں فراڈ کرتا ہے تو وہ تباہ ہوجاتا ہے، جو شخص برے وقت کو اللہ کی طرف سے امتحان سمجھتا ہے وہ مضبوط ہوکر نکلتا ہے، جب قوم اس چیلنج سے نکلے گی تو بالکل مختلف قوم ہوگی۔
وزیراعظم کا کہنا تھا کہ لوگ پاگل پن کر کے اپنے آپ کو مشکل میں نہ ڈالیں، اس غلط فہمی میں نہ رہیں کہ کورونا سے پاکستانیوں کو کچھ نہیں ہوگا، کورونا کسی کو نہیں چھوڑتا سوشل میڈیا کی غلط باتوں پر نہ جائیں۔عمران خان نے کہا کہ معاشی طور پر مستحکم ممالک بھی مشکل میں ہیں، امیر ممالک کے وسائل اورپاکستان کےمعاشی حالات میں بہت فرق ہے، لاک ڈاو¿ ن تب کامیاب ہوگا جب لوگوں کو گھر وں میں کھانا پہنچا ئیں، ووہان میں لاک ڈاوَن اس لیے کامیاب ہوا کہ ہر گھر میں کھانا پہنچایا گیا، ٹائیگر فورس کے اب تک 6لاکھ ممبر بن چکے ہیں، لاک ڈاوَن کے دوران ٹائیگرفورس کے ذریعےگھروں میں کھانا پہنچائیں گے۔عمران خان کا کہنا تھا کہ امریکا نے 2 ہزار ارب ڈالرکا ریلیف پیکج دیا، جب کہ پاکستان میں حکومت نے تاریخ کا سب سے بڑا معاشی پیکج دیا ہے، میں کورونا وائرس کی وبا کو بڑا چیلنج سمجھتا ہوں، موجودہ حالات میں غریب طبقے کا خیال رکھنا ہے، تعمیراتی شعبے سے وابستہ لوگ متاثرہیں، کنسٹرکشن سے لوگوں کو بہت زیادہ روزگار مل سکتا ہے، لوگوں کو میرٹ پر پیسہ دیا جائے گا، شوکت خانم میں میرٹ پر علاج ہوتا ہے، ایم پی ایز اور ایم این ایز کو چاہیے کہ مشکل وقت میں لوگوں کی مدد کریں۔

واشنگٹن (نیٹ نیوز) مائیکرو سافٹ کے بانی اور دنیا کے دوسرے امیر ترین شخص بل گیٹس نئے نوول کرونا وائرس کی عالمی وبا کو روکنے کے لیے اربوں ڈالرز خرچ کریں گے۔بل گیٹس کرونا وائرس کے خلاف تیار کی جانے والی 7 بہترین ویکسینز کے لیے فیکٹریوں کی تعمیر پر اربوں ڈالرز خرچ کریں گے۔ ایک ٹی وی شو کے دوران بل گیٹس نے کہا کہ ان کا فلاحی ادارہ گیٹس فاﺅنڈیشن کرونا وائرس کی وباءکے خلاف لڑنے کے حوالے سے حکومتوں سے زیادہ تیز کام کرسکتا ہے۔ انہوں نے کہا ‘کیونکہ ہمارا ادارہ وبائی امراض کے حوالے سے مہارت رکھتا ہے، ہم نے وباءکے بارے میں سوچ رکھا تھا، ہم کچھ امور جیسے ویکسین کی تیاری کے حوالے سے زیادہ تیار ہیں، ہماری سرمایہ کاری تیاری کے عمل کی رفتار کو تیز کرسکتی ہے’۔بل گیٹس نے کہا کہ تیاری کے مراحل سے گزرنے والی متعدد ویکسینز میں سے 7 بہترین کا انتخاب اور ان کی تیاری کے لیے فیکٹریاں تعمیر کی جائیں گی۔ان کا کہنا تھا ‘اگرچہ ہم آخر میں ان میں سے 2 کا ہی انتخاب کریں گے، مگر ہم تمام ویکسینز کے لیے الگ الگ فیکٹریوں کی تعمیر پر سرمایہ لگائیں گے، ہوسکتا ہے کہ اربوں ڈالرز ضائع ہوجائیں مگر آخر میں مو¿ثر ترین ویکسین کی فیکٹری کے لیے وقت ضرور بچ جائے گا’۔ان کا کہنا تھا کہ ویکسین کی تیاری اور فیکٹری کی بیک وقت تعمیر کرنا، ویکسین کو تیزی سے تیار کرنے کے لیے ضروری ہے۔گزشتہ دنوں واشنگٹن پوسٹ کے لیے ایک مضمون میں انہوں نے کہا تھا کہ ویکسین کی تیاری میں 18 ماہ کا عرصہ لگ سکتا ہے اور اس وقت بہتر نظر آنے والی کچھ ویکسینز کے لیے منفرد آلات درکار ہیں۔بل گیٹس نے کہا ‘ہوسکتا ہے کہ کچھ ارب ڈالرز ہم فیکٹریوں کی تعمیر پر ضائع کردیں اور آخر میں کسی اور بہتر ویکسین کا انتخاب کرلیا جائے، مگر موجودہ صورتحال میں چند ارب ڈالرز، ان کھربوں ڈالرز سے بہتر ہیں جو معاشی نقصان کی نذر ہوگئے’۔انہوں نے کہا کہ ہم اس طرح کئی ماہ ضائع ہونے سے بچالیں گے کیونکہ اس وقت ہر مہینہ قیمتی ہے۔بل گیٹس نے امریکی حکومت پر زور دیا تھا کہ وہ ہر ریاست میں سخت لاک ڈاﺅن کو یقینی بنائے۔ان کے خیال میں امریکا بھر میں مزید 10 ہفتے کا سخت لاک ڈاﺅن موجودہ بحران پر مو¿ثر طریقے سے قابو پانے میں مدد دے سکے گا۔

لاہور (خصوصی رپورٹر) وزیر اعلیٰ پنجاب سردار عثمان بزدارنے لاہور شہراورگردونواح کے علاقوں کا فضائی دورہ کیا۔ وزےراعلیٰ عثمان بزدارنے لاہورشہر اورگردونواح کے علاقوں مےں لاک ڈاو¿ن کی صورتحال کا جا ئزہ لےا۔ وزےراعلیٰ نے فضائی دورے کے دوران لاک ڈاو¿ن کی وجہ سے بند مارکےٹوںاور تجارتی مراکز کا بھی مشاہدہ کےا۔ لاہور شہراورگردونواح کے علاقوں کی سڑکوںپر ٹرےفک نہ ہونے کے برابراورمارکٹےں سنسان نظر آئیں۔وزیراعلیٰ عثمان بزدار نے حکومت کی جانب سے حفاظتی اقدامات پر عملدرآمد پر اطمےنان کا اظہار کیا اور پولےس ،پاک فوج اوررےنجرز کو خراج تحسےن پےش کےا۔ وزیراعلیٰ عثمان بزدار نے کہا کہ عوام کی صحت اورجان کی حفاظت کےلئے ضروری اقدامات کئے ہےں۔عوام گھروں مےں رہےں گے تو کوروناوائرس کا پھےلاو¿ کم سے کم ہوگا۔ حکومتی اقدامات پرعملدرآمدکرنے پر لاہورسمےت پنجاب کے شہرےوں کا شکرےہ ادا کرتا ہوں۔ انہوں نے کہا کہ پولےس ،پاک فوج اوررےنجرز مثالی کردارادا کررہے ہےں۔ کورونا کی وجہ سے پےدا ہونے والی صورتحال پر پوری نظر ہے۔ مختلف شہروں کے دورے کرکے حکومتی اقدامات پر عملدرآمد کا خود جائزہ لے رہا ہوں۔ پنجاب کے شہریوں کو کورونا سے بچانا مےرا مشن ہے۔کورونا وائرس کی وباءکے مکمل خاتمے تک چےن سے نہےں بےٹھےںگے۔ وزےراعلیٰ عثمان بزدار نے کورونا وائرس کی وجہ سے عائد کردہ پابندےوں پر عملدرآمدکرنے پر ٹرانسپورٹر اورتاجربرادری کا شکرےہ بھی ادا کےا۔وزیر اعلیٰ پنجاب سردار عثمان بزدار نے رفتار میں سب کو پیچھے چھوڑ دیا ہے۔ چیف منسٹر انصاف امداد پروگرام کے تحت 24 گھنٹے کے اندر مستحق افراد میں مالی امداد کی تقسیم کا عمل شروع کر دیاگیا ہے۔ بزدار حکومت نے ایک لاکھ 70 ہزار زکوٰة مستحقین کومالی امداد کی مد میں ایک ارب 46 کروڑ47 لاکھ روپے کی رقم ٹرانسفر کردی۔ چیف منسٹر انصاف امداد پروگرام کے آغاز کے 24 گھنٹے کے اندر مالی امداد زکوٰة مستحقین کو منتقل کی گئی۔ وزیراعلیٰ عثمان بزدار کا کہنا ہے کہ ہم دعوے نہیں کرتے بلکہ عملی اقدام کرکے ریلیف دیتے ہیں اور دکھی انسانیت کی خدمت شوبازی سے نہیں بلکہ عمل سے ہوتی ہے۔ انہوں نے کہا کہ چیف منسٹر انصاف امداد پروگرام کیلئے 10 ارب روپے مختص کئے ہیں۔ اس پروگرام کے تحت25 لاکھ خاندانوں کی مالی معاونت کریں گے۔ وزیراعلیٰ عثمان بزدار نے کہا کہ ہمارا یہ پروگرام دیہاڑی دار طبقے کو ریلیف فراہم کرے گا اور پنجاب کی تاریخ میں یہ شفاف ترین اور تیز رفتار ترین مالی معاونت کا پروگرام ہے۔ وزیراعلیٰ پنجاب سردار عثمان بزدار سے آج وزیراعلیٰ آفس میں لاہور چیمبر آف کامرس اینڈ انڈسٹری کے صدر عرفان اقبال شیخ اور نائب صدر میاں زاہد جاوید احمد نے ملاقات کی۔ عرفان اقبال شیخ نے لاہور چیمبر آف کامرس اینڈ انڈسٹری کی جانب سے چےف منسٹر فنڈ برائے کوروناکنٹرول کےلئے ایک کروڑ روپے کا چےک دیا۔ صوبائی وزیر سکولز ایجوکیشن مراد راس بھی اس موقع پر موجود تھے۔ وزیراعلیٰ عثمان بزدار نے اس موقع پر گفتگو کرتے ہوئے کہا کہ لاہور چیمبر آف کامرس اینڈ انڈسٹری کے صنعتکاروں کی جانب سے چےف منسٹر فنڈ برائے کوروناکنٹرول میں چیک دینا قابل تحسین اقدام ہے۔ صنعتکاروں کے جذبے کی قدر کرتے ہیں۔ مشکل کی گھڑی میں دکھی انسانیت کیلئے جذبہ خیر سے حوصلے بڑھتے ہیں اور دین اسلام بھی آزمائش کی گھڑی میں متاثرہ بہن بھائیوں کی مدد کا درس دیتا ہے۔ انہوں نے کہا کہ پاک دھرتی آج ہم سے مصیبت میں گھرے بہن بھائیوں کی مدد کا تقاضا کر رہی ہے۔ صاحب حیثیت افراد نے مشکل کی گھڑی میں ہمیشہ اپنے بہن بھائیوں کی دل کھول کر مدد کی ہے۔ وزیراعلیٰ عثمان بزدار نے کہا کہ کورونا وائرس سے نمٹنے کے لئے حکومت بھرپور کاوشیں کر رہی ہے ۔ےہ جنگ عوام کی مدد سے ہر صورت جےتےںگے۔انہوں نے کہا کہ صوبے کے عوام کی زندگےوں کو محفوظ بنانے کےلئے ہر ممکن اقدام اٹھاےا گیا ہے۔ وزیراعلیٰ عثمان بزدار نے چےف منسٹر فنڈ برائے کوروناکنٹرول میں چیک دینے پر صدر لاہور چیمبر آف کامرس اینڈ انڈسٹری عرفان اقبال شیخ کا شکریہ اداکیا۔ صدر لاہور چیمبر آف کامرس اینڈ انڈسٹری عرفان اقبال شیخ نے کہا کہ کورونا سے نمٹنے کیلئے حکومت پنجاب کے اقدامات کو سراہتے ہیں اور بھرپور تعاون کی یقین دہانی کراتے ہیں۔ کورونا کے سدباب اور بچاﺅ کی کاوشوں میں حکومت کے ساتھ ہیں۔

لاہور‘کراچی‘ اسلام آباد (نمائندگان خبریں) حکومت پنجاب کی جانب سے کورونا وائرس کے خدشات کے پیش نظر جمعتہ المبارک کی ادائیگی کے حوالے سے نمازیوں کے لئے مساجد میں آنے پر پابندی عائد کی گئی تھی۔ڈی آئی جی آپریشنز لاہور رائے بابر کی ہدایت پر شہر بھر کی مساجد اور دیگر اہم مقامات پرسکیورٹی کے سخت انتظامات کئے گئے تھے۔پولیس افسران نے مساجد،عبادت گاہوں اور اہم مقامات کے سکیورٹی انتظامات کا خود جائزہ لیا۔ڈولفن سکواڈ اور پولیس ریسپانس یونٹ کی ٹیموں نے مساجد،عبادت گاہوں اور اہم مقامات کے گرد موثر پٹرولنگ کو یقینی بنایا۔ڈی آئی جی آپریشنز رائے بابر سعید نے کہا کہ شہری نماز جمعہ کی ادائیگی کے حوالے سے پنجاب حکومت کے وضع کردہ طریق کار کی پابندی کریں اور احتیاطی تدابیر پر عمل پیرا ہو کر اپنے،اپنے خاندان اور معاشرے کی حفاظت یقینی بنائیں۔شہری انتہائی ضرورت کے علاوہ گھروں سے باہرنہ نکلیں اور 144 کی پابندی پر سختی سے عمل کریں۔ کراچی کے علاقے لیاقت آباد میں نماز جمعہ کی ادائیگی کیلئے آنے والے عوام اور پولیس کے درمیان تصادم ہوا ، جس کے نتیجے میں متعدد لوگ زخمی ہوگئے ۔ذرائع کے مطابق زخمی ہونے والوں میں چار پولیس اہلکار بھی شامل ہیں جب کہ مسجد کے خطیب سمیت چار افراد کو حراست میں لیا گیا ہے۔لیاقت آباد میں نماز جمعہ کے اجتماع سے منع کرنے پر شہریوں نے پولیس کی دوڑیں لگوادیں جس کی ویڈیوز سوشل میڈیا پر وائرل ہوگئیں۔سندھ حکومت کی جانب سے کراچی سمیت صوبے بھر میں دوپہر 12 بجے سے تین بجے تک کرفیو جیسا لاک ڈاﺅن کیا گیا اور کسی کو نماز جمعہ کی اجازت نہیں دی گئی۔لیاقت آباد کے علاقے میں شہریوں کی بڑی تعداد نے نماز جمعہ کی ادائیگی کے لیے ایک مسجد کا رخ کیا تو پولیس نے انہیں روکا۔ اطلاعات کے مطابق پولیس نے پابندی کے باوجود جمعہ کا اجتماع کرنے پر مسجد کے امام کو حراست میں لینے کی کوشش کی تو شہری مشتعل ہوگئے اور پولیس و رینجرز پر دھاوا بول دیا۔شہریوں نے سیکیورٹی اہلکاروں کی گاڑیوں پر پتھراﺅ کیا اور اہلکاروں کو تھپڑ، لاتے اور گھونسے مارے۔ اس موقع پر کچھ لوگوں نے پولیس اہلکاروں کو بچاکر علاقے سے نکالا۔پولیس ذرائع کے مطابق شہریوں نے نمازجمعہ کی ادائیگی سے روکنے پر پولیس اہلکاروں کو تشدد کا نشانہ بنایا جس کے نتیجے میں ایس ایچ او سمیت چار اہلکار زخمی ہوگئے ہیں۔ذرائع کے مطابق تصادم کے بعد شہریوں نے پولیس کو اپنے گھروں میں پناہ دی اور مشتعل عوام سے بچایا۔ پولیس نے امام مسجد رحیم داد سمیت کمیٹی کے دو ارکان کو بھی حراست میں لے لیا ہے۔مسجد انتظامیہ اور بلوا کرنے والے افراد کے خلاف مقدمہ درج کرلیا گیا ہے۔ اطلاعات ہیں کہ پولیس نے مسجد انتظامیہ کیخلاف قانونی کارروائی کا آغاز کر دیا ہے۔ پولیس اور رینجرز کی بھاری نفری بھی لیاقت آباد پہنچ گئی ہے۔ پاکستان کے مرکزی مقام پارلیمنٹ ہا¶س کی جامع مسجد میں نماز جمعہ ادا کی گئی اور عالم اسلام، ساری انسانیت کی سلامتی کیلئے اجتماعی دعا کی گئی۔ حکومتی ہدایت پر عملدرآمد کیا گیا۔ محدود نماز جمعہ ادا کی گئی۔ پارلیمنٹ ہا¶س کی جامع مسجد میں باقاعدگی سے نمازوں اور نماز جمعہ کی ادائیگی کا سلسلہ جاری ہے۔ گزشتہ روز جامع مسجد میں محدود نماز جمعہ کا اجتماع ہوا۔ امام و خطیب پارلیمنٹ ہا¶س مولانا احمد الرحمان نے آفتوں اور وبا¶ں کی وجوہات اور اس کے تاریخ پس منظر کو قرآن و حدیث کی روشنی میں واضح کیا اور کہا کہ واحد حل اللہ سے توبہ، اعمال صالح اور نیکی و پرہیزگاری ہے۔ ہر انسان دوسرے انسان کے لئے خیرخواہ بن جائے۔ اخوت قائم کر دے۔ پارلیمنٹ ہا¶س کی جامع مسجد میں حسب معمول نمازی فاصلہ قائم رکھتے ہوئے تین فٹ دور کھڑے تھے۔ نماز جمعہ کی ادائیگی کے بعد خطیب و امام مولانا احمد الرحمان کی دعا کراتے ہوئے ہچکیاں بندھ گئیں۔ پارلیمنٹ ہا¶س کی جامع مسجد میں اللہ سے توبہ و استغفار کرتے ہوئے رقت آمیز مناظر دیکھنے میں آئے۔ مولانا احمد الرحمان نے دعا کی کہ یا اللہ فقیر بے نوا تیرے دربار میں حاضر ہیں۔ راضی ہو جا، راضی ہو جا، راضی ہو جا۔ رحمت کی چھتری ساری انسانیت پر پھیلا دے۔ انہوں نے بلاتفریق عالم اسلام، ساری انسانیت کی سلامتی اور خیرخواہی کی دعا کی اور کہا کہ اگر یہ وباءکسی ناراضگی کی وجہ سے ہے تو ان دعا¶ں کو قبول کر لے۔ ساری دنیا میں تجھ سے مدد مانگنے کے لئے ہاتھ پھیلائے جا رہے ہیں۔ دعا¶ں کو قبول کر لے۔ ہماری توبہ قبول کر لی۔ اجتماعی دعا کے دوران نمازی انتہائی بلند آواز سے آمین آمین کرتے رہے۔ مولانا احمد الرحمان نے موجودہ صورتحال میں دعا¶ں اور اذکار کے بارے میں بھی رہنمائی کی اور مسجد میں بھی انہیں پڑھا اور کہا کہ آج ہم پارلیمنٹ ہا¶س کے اس مرکزی مقام سے سارے عوام کو یہ پیغام دے رہے ہیں کہ سب دعا¶ں میں یاد ہیں۔ نیکی کو فروغ دیا جائے۔ ایک دوسرے کا خیال رکھا جائے۔ باہمی احترام کی فضا کو فروغ دیا جائے۔ اخوت قائم کی جائے۔ انشاءاللہ اس وباءسے جلد نجات مل جائے گی۔