وفاقی وزیر برائے مذہبی امور پیر نور الحق قادری نے کہا ہے کہ 21 تاریخ کو ایوان صدر میں کرسمس ڈے منایا جائے گا۔
نور الحق قادری نے تقریب میں خطاب کرتے ہوئے کہا کہ میں دنیا بھر کی مسیحی برادری کو مبارک باد پیش کرتا ہوں۔
ان کا کہنا تھا کہ ہم پوری دنیا کو پاکستان کے پر امن ہونے کا پیغام دے رہے ہیں کیونکہ تمام انبیاء نے دوستی اور امن کا پیغام دیا ہے۔
انہوں نے کہا کہ نیوزی لینڈ میں مسجد پر حملہ کرنے والے کو عیسیٰ عیلہ سلام کا پیروکار ہر گز نہیں کہا جا سکتا اور سیالکوٹ میں سری شہری کے بے دردی سے قتل سے ہمارا دین بے زار ہے۔
وفاقی وزیر نے کہا کہ پاکستان میں جس مذہب اور زبان کے لوگ رہتے ہیں سب پاکستانی ہیں۔
ان کا کہنا تھا کہ اسلام آباد میں بے گھر مسیحی برادری کو گھر فراہم کرنے کے منصوبے پر کام جاری ہے، اس ملک میں اقلیتوں کو حق ہم دلوائیں گے۔
وفاقی وزیر مذہبی امور نے تقریب میں مسیحی برادری کے بچوں میں تحائف تقسیم کیے اور چالیس بچوں میں پانچ پانچ ہزار کے تحائف دینے کا اعلان بھی کیا۔
