مریم نواز شریف نے لیک آڈیوز میں پرویز رشید سے کی گئی باتوں کو تسلیم کرلیا، کہتی ہیں کہ مجھ سے معذرت کی جائے میرا فون کیوں ٹیپ کیا گیا۔ انہوں نے کہا کہ ای سی پی رپورٹ میں ہوش اڑادینے والے حقائق ہیں، جو ثبوت سامنے آئے تاریخ میں کبھی نہیں دیکھے، رپورٹ نے عمران خان کے چہرے سے نقاب کھينچ لیا ہے، چوری نہیں کی تو تلاشی کیوں نہیں دے رہے؟۔
چند روز قبل منظر عام پر آنیوالی الیکشن کمیشن کی اسکروٹنی کمیٹی کی رپورٹ میں کہا گیا ہے کہ پی ٹی آئی فنڈز کی سال 2012ء اور 2013ء کی آڈٹ رپورٹ پر کوئی تاریخ درج نہیں جو اکاؤنٹنگ معیار کے خلاف ہے، آڈٹ فرم کی فراہم کردہ کیش رسیدیں بنک اکاؤنٹس سے مطابقت نہیں رکھتیں۔
پی ٹی آئی فارن فنڈنگ کیس میں اسکروٹنی کمیٹی رپورٹ میں بتایا گیا ہے کہ تحریک انصاف نے77 میں سے صرف 12 اکاؤنٹس ظاہر کیے جب کہ 53 بینک اکاؤنٹس اور 31 کروڑ روپے کی رقم چھپائی گئی۔
اسلام آباد میں پریس کانفرنس کرتے ہوئے انہوں نے کہا ای سی پی رپورٹ میں ہوش اڑا دینے والے حقائق ہیں، ان انکشافات سے قوم کا سر چکرا گيا، الزامات کے جو ثبوت سامنے آئے تاريخ ميں کبھی نہيں ديکھے، آپ کہتے ہيں برانڈ عمران خان کو اجاگر کيا جائے، غيرقانونی فنڈنگ؟ يہ ہے آپ کا برانڈ ؟، يہ برانڈ کھل کر سامنے آگيا ہے۔
انہوں نے وزیراعظم پر کڑی تنقید کرتے ہوئے کہا کہ رپورٹ نے عمران خان کے چہرے سے نقاب کھينچ لیا ہے، نالائقی، کرپشن، جھوٹ، مہنگائی آپ کا برانڈ بن چکا ہے، اس ملک ميں حکومت نام کی چيز نہيں، آپ کو اب فرار کا موقع نہيں ملے گا، 7 سال تک تاريخی حربے استعمال کئے گئے، چوری نہيں کی تو تلاشی کيوں نہيں ديتے۔
