کراچی: (ویب ڈیسک) کراچی کے علاقے سچل غازی گوٹھ میں واقع گھر میں پانی کے ٹینک میں گیس بھرجانے سے دھماکا ہو گیا جس کے نتیجے میں 6 افراد شدید زخمی ہو گئے۔
بتایا گیا ہے کہ ایک شخص ٹینک کی صفائی کرنے اترا تو اندھیرے کے سبب ماچس جلائی، ٹینک میں گیس بھری ہونے کے سبب زوردار دھماکا ہوا جس کے باعث 6 افراد زخمی ہو گئے ایدھی ذرائع کے مطابق 2 زخمیوں کی حالت تشویشناک ہے۔
پولیس حکام کا کہنا ہے کہ سچل پولیس کی نفری موقع پر پہنچ گئی جبکہ ریسکیو عملے کو بھی طلب کر لیا گیا جس نے زخمیوں کو فوری طور پر ہسپتال منتقل کیا۔
