لاہور: (ویب ڈیسک) پاکستانی اداکار احمد علی اکبر نے اپنی اداکاری سے بھارتی اداکارہ سونم باجوہ کو بھی اپنا گرویدہ کر لیا۔
میڈیا رپورٹ کے مطابق بھارت کی پنجابی فلموں کی معروف اداکارہ سونم باجوہ نے سوشل میڈیا پر احمد علی اکبر کے ڈرامے “پری زاد”کی آخری قسط کے ایک منظر کا سکرین شاٹ شیئر کیا ہے۔ انہوں نے اس ڈرامے میں احمد علی اکبر کی اداکاری کی تعریف کرتے ہوئے لکھا کہ “یہ غیر معمولی ہے”۔
سونم باجوہ کی تعریف پرجوابا احمد علی اکبر نے اداکارہ کی انسٹا سٹوری کو اپنے انسٹا گرام پر دوبارہ شیئر کیا، انہوں نے سونم باجوہ کی تعریف پر شکریہ ادا کیا۔
