اسلام آباد: (ویب ڈیسک) مریم نواز نے کہا ہے کہ ارکان اسمبلی پہلے ہی عمران خان پر عدم اعتماد کیلئے تیار ہیں، ان کے اقتدار کی کشتی ڈولتی نظر آ رہی ہے۔
نائب صدر مسلم لیگ نون مریم نواز نے اسلام آباد میں میڈیا سے گفتگو کرتے ہوئے کہا کہ چند دنوں کیلئے جھوٹ چل جاتا ہے ہمیشہ نہیں چلتا، عمران خان کی پارٹی آج کے بعد کہیں نظر نہیں آئے گی، یہ جب عوام میں جائیں تو ہیلمٹ لے کر جائیں، عمران خان کے ساتھی اقتدار کے ساتھی ہیں، عوام کے ہاتھ آپ کے گریبان تک پہنچ چکے، اپنی خیر منائیں، عوام کی آواز پر لبیک نہ کہا تو سیاسی جماعتوں پر تنقید ہوگی۔
مریم نواز کا کہنا تھا کہ عمران خان کی تقاریر ایک بوکھلائے آدمی کی تقریریں ہیں، عمران خان کی کشتی ابھی ڈولی ہے اور ان کے ممبران دیگر جماعتوں سے رابطے میں ہیں، ان کی کشتی میں بیٹھے افراد جمپ کرنے کو تیار ہیں، مسلم لیگ ن آگ کے دریا سے گزر کر آئی اور متحد ہے۔
