اپوزیشن عدم اعتماد کا تماشا رچا کر ترقی کا سفر روکنے کی کوشش کررہی ہے:بزدار

لاہور: (ویب ڈیسک) وزیراعلی پنجاب عثمان بزدار نے کہا ہے کہ اپوزیشن کے پاس کوئی حکمت عملی ہے نہ کوئی ایجنڈا، عدم اعتماد کا تماشا رچا کر ترقی کا سفر روکنے کی کوشش کررہی ہے۔
وزیراعلی عثمان بزدار نے کہا کہ استعفوں،آر پاراورمارچ کی ناکامیاں اپوزیشن کے ماتھے پر لکھی جاچکی ہیں۔ع اپوزیشن کو عدم اعتماد کی ایک اورشکست کیلئے تیار رہنا چاہیے۔ حکومت اوراتحادی ایک پیج پر ہیں۔ اپوزیشن نے پورا زورلگا کر دیکھ لیا لیکن حکومتی اتحاد میں دڑاڑیں نہیں ڈال سکی۔
انہوں نے کہاکہ پاکستان میں اب چھانگامانگا یا مری کی سیاست نہیں چلے گی، صرف ترقی اورعوام کی خوشحالی کی سیاست ہوگی۔