لاہور: (ویب ڈیسک) وزیراعلی پنجاب عثمان بزدار نے 8 صوبائی وزرا کو مشاورت کیلئے ایوان وزیراعلیٰ طلب کر لیا۔ وزرا میں راجہ بشارت، محمودالرشید، اسلم اقبال اور یاسمین راشد سمیت دیگر شامل ہیں۔
وزیراعلیٰ پنجاب عثمان بزدار نے اسلام آباد سے واپسی پر 8 صوبائی وزرا کو ایوان وزیراعلیٰ طلب کرلیا ہے جن کو وزیر اعظم کےخلاف تحریک عدم اعتماد ناکام بنانے کیلئے ارکان سے رابطوں کا ٹاسک دیا جائے گا۔ اجلاس کے دوران ترین گروپ کی بغاوت کے امور بھی زیر بحث آئیں گے۔
عثمان بزدار کا تحریک عدم اعتماد کے حوالے سے کہنا تھا کہ اپوزیشن کے پاس نمبر گیم پوری نہیں، انہوں نے عدم اعتماد کا جو گڑھا کھودا ہے وہ خود اس میں گرے گی، وزیراعظم عمران خان عدم اعتماد سے سرخرو ہو کر نکلیں گے، اپوزیشن اکٹھی ہو کر بھی وزیراعظم عمران خان کا مقابلہ نہیں کرسکتی، اقتدار کی ہوس میں اپوزیشن عناصر نے قومی مفادات کو داؤ پر لگایا ہوا ہے۔
