اسلام آباد: (ویب ڈیسک) چئیرمین پی سی بی رمیز راجہ کا کہنا ہے کہ پاکستان میں کرکٹ کے دروازے باقاعدہ طور پر کھل گئے۔ اب کوئی بورڈ بہانہ نہیں بنا سکتا۔ مستقبل میں ٹرائی اینگولر اور چار ملکی سیریز کھیلنے کو ترجیح دینا چاہتے ہیں۔
چئیرمین پی سی بی رمیز راجا کہتے ہیں اب کوئی بھی ٹیم پاکستان میں نہ کھیلنے کا بہانہ نہیں بنا سکے گی۔ انگلینڈ اور نیوزی لیںڈ کی ٹیمیں پاکستان چھوڑ کرگئیں جو کہ بھیانک لمحہ تھا۔
انہوں نے کہا ہے کہ اب پاکستان نہ آنے کا کوئی جواز نہیں ہے،اب کوئی کرکٹ بورڈ بحانہ نہیں بنا سکتا۔ چھوٹے چھوٹے قدم لینے کے بعد پاکستان اب اس جگہ پہنچ چکا جہاں اب صرف کرکٹ ہی کرکٹ ہے۔
رمیز راجا نے کہا ہے کہ دو طرفہ سیریز سے عوام کا لگاو کم ہوتا جارہا ہے۔ ہمیں کرکٹ کی بہتری کے لیے ٹرائی اینگولر اور چار ملکی سیریز کی طرف جانے کی ضرورت ہے،اس سے مالی اعتباد سے بھی فائدہ ہو گا۔
انہوں نے کہا ہے کہ پہلی دفعہ ہے کہ تین بورڈز کے سربراہ کرکٹرز ہے۔ سورو گنگولی میں اور مارٹن ، ہمیں کرکٹ کی بہتری کے لیے کام کرنا ہے۔
ان کا کہنا ہے کہ آئی سی سی فورم پر پاکستان میں کم سے کم تین یا پانچ ٹیسٹ میچوں کی مشتقمل دو طرفہ سیریز کرانے کی کوش کی جائے گی۔ جبکہ دیگر کرکٹ بورڈ سے مشاورت کے بعد ویمن اور انڈر نائنٹین پی ایس ایل کے فریم ورک کو آگے بڑھایا جائے گا۔
