کراچی: (ویب ڈیسک) اداکارہ ماہرہ خان کی جانب سے کراچی سے اغوا ہونیوالی 14 سالہ لڑکی دعا زہرہ کے تاحال بازیاب نہ ہونے پر تشویش کا اظہار کیا گیا ہے۔
اداکارہ ماہرہ خان کی جانب سے متواتر دعا زہرہ کی گھر واپسی سے متعلق دعائیں اور ٹویٹس کئے جا رہے ہیں۔ماہرہ خان دعا زہرہ کی بازیابی سے متعلق بڑی سنجیدگی سے اس کیس سے جڑی ہوئی ہیں۔اداکارہ کی جانب سے کی جانیوالی سب ہی ٹویٹس میں پاکستان پیپلز پارٹی کے میڈیا سیل ، پاکستان ڈی جی آئی ایس پی آر اور سندھ کی سی پی ایل سی فورس کو بھی ٹیگ کیا جا رہا ہے ۔
ماہرہ خان کی جانب سے ٹویٹ میں کہا گیا ہے کہ وہ دعا زہرہ کی بازیابی کیلئے بڑے دل سے دعائیں کر رہی ہیں، ان کی دعا ہے کہ دعا زہرہ بخیر و عافیت اپنے گھر واپس آ جائے ۔ٹویٹ میں ماہرہ خان کا کہنا تھا کہ خدارا کوئی مدد کرے ، دعا زہرہ کی واپسی کے لیے بہت دعائیں کر رہی ہوں۔
