اسلام آباد: (ویب ڈیسک) وزیر خارجہ بلاول بھٹو زرداری نے چین کے سفارتخانے کا دورہ کیا جہاں انہوں ںے چینی باشندوں کے دہشت گرد حملے میں جانی نقصان پر اظہار افسوس کیا۔
بلاول بھٹو کے ہمراہ اس موقع پر وزیر مملکت برائے خارجہ حنا ربانی کھر بھی موجود تھیں۔
چیئرمین پاکستان پیپلزپارٹی بلاول بھٹو زرداری نے اس موقع پر کہا کہ پاکستان اور چین کا رشتہ نسل در نسل وفاؤں کا ایک سلسلہ ہے۔
انہوں نے کہا کہ دہشت گردوں نے پاک چین دوستی کی اساس پرضرب لگانے کی ناکام کوشش کی، دہشت گردوں کے مذموم ارادے، پاک چین دوستی کو سبوتاژ نہیں کرسکتے ہیں۔
وزیر خارجہ بلاول بھٹو زرداری نے چینی سفارتخانے میں مہمانوں کی کتاب میں اپنے تاثرات بھی قلمبند کئے ہیں۔
