تازہ تر ین

فیس بک اور انسٹاگرام سے کمانے والوں کیلیے میٹا کا اہم اعلان

کیلیفورنیا: (ویب ڈیسک) میٹا کی ذیلی کمپنیاں فیس بک اور انسٹاگرام 2024ء تک اپنے پلیٹ فارم پر کنٹینٹ تخلیق کرنے والوں سے ان کی آمدنی سے حصہ نہیں بٹوریں گی، اس سے قبل میٹا کا کہنا تھا کہ کمپنی 2023ء تک تخلیق کاروں کی آمدنی سے اپنا حصہ وصول نہیں کرے گی۔
میٹا کے سی ای او مارک زکربرگ نے ایک پوسٹ میں فیس بک اور انسٹا گرام کے حوالے سے مونیٹائزیشن اپ ڈیٹس کے متعلق اعلان کیا۔
پوسٹ کے مطابق تخلیق کار پلیٹ فارم پر فین سبسکرپشن، پیڈ ایونٹس، بیجز اور دیگر طریقوں سے پیسے بناتے ہیں اور یہ کمپنیاں تخلیق کاروں کے پیسے کمانے کے لیے مزید راہیں کھول رہی ہیں تاکہ انہیں لالچ دے کر ٹِک ٹاک سے دور رکھا جا سکے۔
ایک نئے فیچر کی مدد سے فیس بک پر موجود تخلیق کار جن کے دوسرے پلیٹ فارم پر بھی سبسکرائبر موجود ہوں ان مداحوں کو سبسکرائبر اونلی گروپس تک رسائی دے سکیں گے۔
زکر برگ نے یہ بھی اعلان کیا کہ تخلیق کار مشہور ریلز بنانے پر کیش بونس جیسے مونٹائزیشن پروگراموں کے لیے اہل ہوں گے۔
واضح رہے کہ فیس بک ریلز ٹِک ٹاک کی ہی نقل ہے۔
رِیل بونس پروگرام فیس بک پر مزید صارفین کے لیے جلد شروع کر دیا جائے گا اور تخلیق کار فیس بک پر پوسٹ کی جانے والی انسٹاگرام کی ویڈیوز کو مونیٹائز کرسکیں گے۔


اہم خبریں





دلچسپ و عجیب
کالم
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain