لاہور: (ویب ڈیسک) ٹی ٹوئنٹی ویمن ایشیا کپ میں پاکستان نے بھارت کو 13 رنز سے شکست دے دی۔ پاکستان کی طرف سے دیا گیا 138 رنز کا ہدف بھارتی ٹیم حاصل نہ کر سکی، ٹی ٹوئنٹی فارمیٹ میں یہ پاکستان کی بھارت کے خلاف تیسری کامیابی ہے۔
ویمنز ایشیا کپ ٹی ٹوئنٹی کے میچ میں ندا ڈار نے بھارت کے خلاف پاکستان کی جانب سے ویمن ٹی ٹوئنٹی کا سب سے بڑا اسکور بنایا، ندا ڈار نے ایشیا کپ کے میچ میں 56 رنز کی اننگز کھیلی۔ اس سے قبل ویمن ٹی ٹوئنٹی میں کسی پاکستانی پلیئر کا سب سے بڑا اسکور 53 تھا۔
