کراچی: (ویب ڈیسک) پاکستان سپر لیگ (پی ایس ایل) کے چھٹے میچ میں کراچی کنگز نے کوئٹہ گلیڈی ایٹرز کیخلاف ٹاس جیت کر فیلڈنگ کا فیصلہ کر لیا۔
کراچی کنگز اور کوئٹہ گلیڈی ایٹرز کی ٹیموں کے درمیان میچ کراچی میں کھیلا جا رہا ہے جس میں پہلے میچ میں شکست کا سامنا کرنے والی کوئٹہ گلیڈی ایٹرز کی ٹیم کم بیک کیلئے پر امید ہے، کوئٹہ گلیڈی ایٹرز کو پی ایس ایل 8 کے اپنے پہلے میچ میں ملتان سلطانز کے ہاتھوں شکست کا سامنا کرنا پڑا تھا۔
ادھر کراچی کنگز کی ٹیم بھی ایونٹ کے اپنے پہلے دونوں میچز ہار چکی ہے، کراچی کنگز کو پہلے میچ میں پشاور زلمی جبکہ دوسرے میچ میں اسلام آباد یونائیٹڈ کے ہاتھوں شکست کا سامنا کرنا پڑا تھا۔
