لاہور: (ویب ڈیسک) چیئرمین پاکستان تحریک انصاف اور سابق وزیرِ اعظم عمران خان نے لاہور ہائی کورٹ میں قائد مسلم لیگ (ن) نوازشریف کی تقاریر نشر کرنے کی پابندی پر عملدرآمد کی درخواست دائر کر دی۔
عمران خان نے کیس میں فریق بننے کے لئے درخواست دائر کی ہے، چیئرمین پی ٹی آئی کی درخواست پر عدالت نے 12 اپریل کے لئے نوٹس جاری کر دیئے۔
درخواست میں سابق وزیراعظم عمران خان کی جانب سے مؤقف اختیار کیا گیا ہے کہ نواز شریف اشتہاری ہیں، پابندی کے باوجود ان کی تقریر میڈیا پر دکھائی جاتی ہے۔
