اسلام آباد: (ویب ڈیسک) وفاقی وزیر خزانہ و محصولات سینیٹر محمد اسحاق ڈار نے سمندری سرحدوں اور مفادات کی نگرانی کیلئے پاک بحریہ کی کوششوں کی تعریف کی ہے۔
وفاقی وزیر خزانہ نے وائس چیف آف نیول سٹاف ایڈمرل نوید اشرف سے ملاقات کی، ملاقات میں ملک میں جاری اقتصادی اورسلامتی کی صورتحال پر بات چیت کی گئی، وزیرخزانہ نے سمندری سرحدوں اورمفادات کی نگرانی کیلئے پاک بحریہ کی کوششوں کوسراہا۔
اسحاق ڈار نے ملک کی سمندری سرحدوں کی حفاظت کیلئے پاک بحریہ پر اعتماد کا اظہار کیا اور انہیں حکومت کی طرف سے مکمل تعاون کا یقین دلایا۔
وائس چیف آف نیول سٹاف ایڈمرل نویداشرف نے تعاون اور تعریف پر وزیر خزانہ کا شکریہ ادا کیا۔
