لاہور: (ویب ڈیسک) تحریک انصاف کے سربراہ اور سابق وزیراعظم عمران خان نے آج لاہور ہائیکورٹ کے لارجر بنچ کے سامنے پیش ہونے کا فیصلہ کیا ہے۔
عمران خان اپنے خلاف 121 درج مقدمات کے اخراج کیلئے لاہور ہائیکورٹ کے لارجر بنچ کے سامنے پیش ہوں گے۔
جسٹس علی باقر نجفی کی سربراہی میں 5 رکنی لارجر بنچ سماعت کرے گا، لارجر بنچ میں جسٹس عالیہ نیلم، جسٹس طارق سلیم شیخ، جسٹس انوار الحق اور جسٹس امجد رفیق شامل ہیں۔
یاد رہے کہ سابق وزیراعظم عمران خان نے 121 مقدمات کو خارج کروانے کے لئے لاہور ہائیکورٹ سے رجوع کر رکھا تھا۔
